मुंबई : मुंबई पोलिसांच्या वाहतूक नियंत्रणाला 26/11 सारख्या हल्ल्याच्या धमक्या मिळाल्याने खळबळ उडाली आहे. धमकी मिळाल्यानंतर मुंबई पोलिसांनी तपास सुरू केला आहे. पाकिस्तानी नंबरवरून धमकी देणाऱ्या व्यक्तीने वाहतूक नियंत्रण विभागाच्या व्हॉट्सऍप क्रमांकावर मेसेज पाठवला आहे, त्यात मुंबईत २६/११ सारखा हल्ला घडवून आणण्याची धमकी दिलेली आहे.

मेसेजकर्त्याने सांगितले की, जर तुम्ही त्याचे लोकेशन ट्रेस केले तर ते भारताबाहेर दिसेल आणि स्फोट मुंबईत होणार आहे. या धमकीमध्ये असंही लिहण्यात आलं आहे की, भारतात ६ दहशतवादी हे काम पार पाडणार आहेत. मुंबई पोलीस या प्रकरणाचा तपास करत असून इतर यंत्रणांनाही याबाबत माहिती देण्यात आली आहे.

रायगड जिल्ह्यातील हरिहरेश्वर येथे संशयास्पद बोट आढळून आल्यानंतर हाय अलर्ट जारी करण्यात आला होता. त्यानंतर अशी दहशतवादी हल्ला होण्याची धमकी मिळाल्यामुळे खळबळ उडाली आहे. मुंबई सध्या अलर्ट मोडवर आहे.

The post मुंबईत पुन्हा 26/11 सारख्या हल्ल्याची धमकी, पाकिस्तानी नंबरवरून पोलिसांना आला मेसेज…. appeared first on थोडक्यात घडामोडी.

चंदीगड : टीम इंडियाचा अष्टपैलू खेळाडू युवराज सिंग आज 39 वर्षाचा झाला आहे. दिल्लीत सुरु असलेल्या शेतकरी आंदोलनाला पाठिंबा दर्शवत त्याने यावर्षी वाढदिवस साजरा न करण्याचा निर्णय घेतला आहे. वाढदिवसानिमित्त आपली इच्छा व्यक्त करताना युवराज सिंगने म्हटलं आहे की आपले शेतकरी आणि केंद्र सरकारमध्ये चालू असलेल्या चर्चेचे त्वरित निराकरण व्हावे.

युवराज सिंहने एक संदेश लिहीत त्यात म्हटलं आहे की, “प्रत्येकाला वाढदिवसानिमित्त आपली इच्छा व्यक्त करण्याची संधी असते आणि माझी अशी इच्छा आहे कि, आजचा वाढदिवस साजरा करण्यापेक्षा केंद्र सरकार आणि शेतकरी यांच्यात सुरु असलेल्या चर्चेतून त्वरित मार्ग निघावा. शेतकरी आपल्या देशाची लाईफलाइन आहेत. माझा असा विश्वास आहे कि, अशी कोणतीही समस्या नसते की ज्यातून मार्ग निघत नाही. शांतपणे केलेल्या चर्चेच्या माध्यमातून प्रत्येक मुद्दा सोडवता येऊ शकतो.”

युवराज सिंगने आपल्या वडिलांनी केलेलं वक्तव्य निराशाजनक असल्याचं सांगत नाराजी व्यक्त केली. तो म्हणाला की, “मी भारतीय असल्याचा मला अभिमान आहे. योगराज सिंह यांचं वक्तव्य अत्यंत निराशाजनक आहे आणि ते त्यांचं व्यक्तिगत मत असून माझी विचारधारा त्यांच्या विचारांशी सहमत नाही.”

पुढे युवराज म्हणाला कि, अजूनही कोरोनाचं संक्रमण कमी झालं नसून प्रत्येकाने काळजी घ्यावी. कोरोना व्हायरसला हरवण्यासाठी आपण पूर्णपणे सावध राहण्याची गरज आहे.

काही दिवसापूर्वी शेतकऱ्यांच्या आंदोलनाला पाठिंबा द्यायला गेलेले युवराज सिंहचे वडील योगराज सिंह यांनी हिंदूंबद्दल आक्षेपार्ह विधान केलं होतं.

pic.twitter.com/MOUj65QtDs

— Yuvraj Singh (@YUVSTRONG12) December 11, 2020

The post युवराज सिंग वाढदिवसानिमित्त संदेश लिहीत देशवासीयांसमोर बोलला मनातलं… appeared first on थोडक्यात घडामोडी.

फेसबुकने मेसेंजर आणि इंस्टाग्रामसाठी व्हॅनीश मोड (Vanish Mode) नावाचे एक नवीन फीचर आणले आहे. हे फीचर अमेरिकेत सुरू झाले असून लवकरच विविध देशांमध्ये रोलआऊट केले जाईल. नवीन फीचरद्वारे व्हॅनिश मोडमध्ये टेक्स्ट, फोटो आणि व्हॉइस मेसेज पाहिल्यानंतर आपोआप डिलीट होतील.

यूजर्सना अॅपच्या सेटिंग्ज मेनूवर जावे लागेल, तिथून ऑप्शन एनेबल करता येणार आहे. यूजर्स आपल्या गरजेनुसार हा ऑप्शन डिसेबल देखील करु शकतील. फेसबुक मेसेंजरवर आधीपासूनच एक सीक्रेट कन्वर्सेशन फीचर देण्यात आलेलं आहे. ज्याच्या मदततीने यूजर्स एंड-टू-एंड एनक्रिप्टेड चॅट करु शकतात. यावेळी सीक्रेट चॅटवेळी ज्या काही फाईल्स असतील त्या फेसबुक सर्व्हरवर नव्हे तर यूजर्सच्या फोनमध्ये स्टोर होतील. मीडिया रिपोर्टनुसार, फेसबुकचे नवीन फीचर व्हॅनिश मोड केवळ वैयक्तिक चॅट्सवरच काम करेल. हे फीचर ग्रुप चॅटसाठी नसेल. फेसबुकने अलीकडेच आपल्या मेसेजिंग अॅप व्हॉट्सअ‍ॅपवर एक सेल्फ डिलीटिंग फीचर लॉन्च केले आहे. या फीचरमध्ये व्हॉट्सअ‍ॅपवर जेव्हा मेसेज रिसीव्हर पाहिल तेव्हा तो आपोआपच डिलीट होईल.

The post फेसबुकने Messenger आणि Instagram साठी आणलं Vanish Mode फीचर appeared first on थोडक्यात घडामोडी.