श्रीनगर : लडाखमध्ये आज सकाळी साडेनऊच्या सुमारास भूकंपाचे धक्के जाणवले. नॅशनल सेंटर फॉर सिस्मॉलॉजीने माहिती दिली की भूकंपाची तीव्रता सुमारे 4.3 होती आणि भूकंपाची खोली जमिनीपासून 10 किमी खाली होती.

Earthquake of Magnitude:4.3, Occurred on 19-09-2022, 09:30:15 IST, Lat: 34.86 & Long: 75.54, Depth: 10 Km ,Location: 64km WNW of Kargil, Laddakh, India for more information Download the BhooKamp App https://t.co/OZjR2ntG2b pic.twitter.com/Kjy1XtuZ0H

— National Center for Seismology (@NCS_Earthquake) September 19, 2022

भूकंप का होतात जाणून घ्या?
पृथ्वी प्रामुख्याने चार थरांनी बनलेली आहे. आतील गाभा, बाह्य गाभा, आवरण आणि कवच. कवच आणि वरच्या आवरणाच्या गाभ्याला लिथोस्फीअर म्हणतात. हा 50-किमी-जाड थर अनेक विभागांमध्ये विभागलेला आहे, ज्याला टेक्टोनिक प्लेट्स म्हणतात. या टेक्टोनिक प्लेट्स त्यांच्या जागी कंपन करत राहतात आणि जेव्हा या प्लेटमध्ये जोरदार कंपन होते तेव्हा भूकंप जाणवतो.

भूकंपाचा केंद्रबिंदू आणि तीव्रता याचा अर्थ काय आहे हे जाणून घ्या?
भूकंपाचा केंद्रबिंदू हे ठिकाण आहे ज्याच्या खाली प्लेट्सच्या हालचालीमुळे पृथ्वी थरथरायला लागते. या ठिकाणी किंवा आसपासच्या भागात भूकंपाचा प्रभाव अधिक असतो. रिश्टर स्केलवर 7 किंवा त्याहून अधिक तीव्रतेचा भूकंप झाल्यास, सुमारे 40 किमी त्रिज्येमध्ये तीव्र हादरा होतो.

The post लडाखमध्ये सुमारे 4.3 तीव्रतेचे भूकंपाचे धक्के, भूकंप का होतात? जाणून घ्या… appeared first on थोडक्यात घडामोडी.

नवी दिल्ली : नवी दिल्लीतील त्यागराज स्टेडियममध्ये कुत्र्याला फिरवणे आयएएस अधिकारी आणि त्यांची आयएएस पत्नी दोघांनाही महागात पडले आहे. स्टेडियममध्ये कुत्र्याला फिरवण्याची बातमी व्हायरल झाल्यानंतर आता केंद्रीय गृहमंत्रालयाने दोन्ही अधिकाऱ्यांची बदली केली आहे. त्यागराज स्टेडियममधील सुविधांचा गैरवापर केल्याप्रकरणी संजीव खिरवार आणि त्यांची पत्नी रिंकू दुग्गा यांना दिल्लीहून लडाख आणि अरुणाचल प्रदेशात हलवण्यात आले आहे.

आयएएस अधिकारी आणि त्यांच्या पत्नीवर आरोप आहे की, ते त्यांच्या कुत्र्यासोबत फिरण्यासाठी त्यागराज स्टेडियममध्ये यायचे, त्यामुळे खेळाडू आणि प्रशिक्षकांना सराव करताना त्रास व्हायचा. सरावातील व्यत्ययामुळे त्रासलेल्या काही खेळाडूंनी आपली बदली जवाहरलाल नेहरू स्टेडियमवर  करवून घेतली आहे.

खेळाडूंना वेळेपूर्वीच स्टेडियम सोडावे लागायचे

खेळाडूंना संध्याकाळी 7 वाजताच स्टेडियम सोडण्यास सांगितले जायचे, जेणेकरुन आयएएस अधिकाऱ्याला फिरण्यात कोणतीही अडचण येऊ नये आणि अधिकारी त्यांच्या कुत्र्यासह तेथे फिरू शकतील. परंतु, त्यामुळे खेळाडूंच्या नियमित प्रशिक्षणावर वाईट परिणाम होत आहे. संजीव खिरवार हे 1994 च्या बॅचचे आयएएस अधिकारी आहेत. त्यागराज स्टेडियम 2010 च्या राष्ट्रकुल खेळांसाठी बांधण्यात आले होते. यामध्ये राष्ट्रीय व राज्यस्तरीय खेळाडू व फुटबॉलपटू सराव करतात.

गृह मंत्रालयाने मुख्य सचिवांकडून अहवाल मागवला होता
या प्रकरणाची दखल घेत गृह मंत्रालयाने दिल्लीच्या मुख्य सचिवांकडून या प्रकरणाचा अहवाल मागवला होता. मुख्य सचिवांनी आपला अहवाल मंत्रालयाला सादर केला, त्यानंतर सरकारने आयएएस दाम्पत्यावर कारवाई केली आहे. भारत सरकारचे अंडर सेक्रेटरी राकेश कुमार सिंह यांनी आयएएस जोडप्याला तत्काळ प्रभावाने बदली झालेल्या राज्यांमध्ये जॉईन होण्याचे आदेश दिले आहेत.

आता क्रीडा केंद्रे रात्री १० वाजेपर्यंत सुरू राहणार
दिल्लीचे मुख्यमंत्री अरविंद केजरीवाल यांनी शहरातील सर्व सरकारी क्रीडा केंद्रे रात्री १० वाजेपर्यंत सुरू ठेवण्याचे निर्देश दिले आहेत. उपमुख्यमंत्री मनीष सिसोदिया यांनी गुरुवारी ही माहिती दिली.

The post स्टेडियममध्ये कुत्र्याला फिरवणे IAS दाम्पत्याला पडले महागात, केंद्रीय गृहमंत्रालयाने केली ‘ही’ कारवाई… appeared first on थोडक्यात घडामोडी.

नवी दिल्ली : मायक्रोब्लॉगिंग साईट ट्विटर आणि केंद्र सरकार यांच्यातील तणाव वाढला आहे. ‘ट्विटर’नं आपल्या वेबसाईटवर भारताचा चुकीचा नकाशा दाखवल्याचं समोर आल्यानंतर उत्तर प्रदेशात ‘ट्विटर इंडिया’चे व्यवस्थापकीय संचालक मनिष माहेश्वरी यांच्याविरोधात पोलिसांत गुन्हा दाखल करण्यात आला आहे. बजरंग दलाच्या एका नेत्याच्या तक्रारीवरून बुलंदशहरात हा गुन्हा दाखल करण्यात आला आहे.

ट्विटरवर भारताच्या नकाशामध्ये जम्मू-काश्मीर आणि लडाखचा समावेश केलेला नव्हता. ट्विटरने जम्मू-काश्मीर आणि लडाख हे दोन स्वतंत्र देश असल्याचं आपल्या वेबसाइटवर दाखवले असल्याचा आरोप आहे. तूर्तास ‘ट्विटर’कडून चुकीचा नकाशा हटवण्यात आला आहे. व्यवस्थापकीय संचालक मनिष माहेश्वरी यांच्याविरोधात भारतीय दंड विधानाच्या कलम ५०५ (२) आणि आयटी (सुधारीत) अधिनियम २००८ च्या कलम ७४ नुसार गुन्हा दाखल करण्यात आला आहे.

ट्विटरने पुन्हा केली भारताच्या नकाशासोबत छेडछाड

The post ट्विटर इंडियाचे व्यवस्थापकीय संचालक मनिष माहेश्वरी यांच्याविरोधात गुन्हा दाखल appeared first on थोडक्यात घडामोडी.

लडाखमध्ये चीन बरोबर सुरु असलेल्या सीमावादाच्या विषयावर संरक्षण मंत्री राजनाथ सिंह आज संसदेत बोलत होते. पँगाँग टीसओ सरोवर भागातून सैन्य मागे घेण्याबाबत चीन बरोबर सहमती झाल्याची माहिती यावेळी राजनाथ सिंह यांनी संसदेला दिली. भारत आपली एक इंच जमीनही कोणाला घेऊ देणार नाही, असंदेखील ते यावेळी म्हणाले.

भारत आणि चीन सैन्याच्या जवानांनी पँगाँग त्सो तलावाच्या दक्षिण आणि उत्तरेकडेल किनाऱ्यावरुन मागे येण्यास सुरुवात केली आहे. भारत आणि चीन यांच्यात चर्चेच्या नवव्या फेरीत सहमती झाल्यावर शांतता प्रस्थापित करण्यासाठी हा निर्णय घेण्यात आल्याची माहिती राजनाथ सिंह यांनी राज्यसभेत दिली आहे. तसेच द्विपक्षीय चर्चेत भारतानं काहीच गमावलेलं नाही, असे देखील सिंह म्हणाले.

पँगाँग सरोवराच्या भागातील सैन्य तैनाती हा मुख्य मुद्दा असून चीनने इथे फिंगर फोरपर्यंत सैन्य तैनात केल्याने वाद चिघळत गेला. चीन बरोबरच्या चर्चेतून पँगाँग सरोवराच्या उत्तर आणि पूर्व किनाऱ्यावरुन सैन्य माघारीवर सहमती झाली आहे. टप्याटप्याने आणि समन्वय साधून भारत-चीन फॉरवर्ड भागातून सैन्य मागे घेईल” असे राजनाथ सिंह यांनी सांगितले.

“पाकिस्तानने बेकायदेशीररीत्या भारताची भूमी चीनला दिली. त्याला आम्ही कधीच मान्यता देणार नाही. चीनने भारताच्या मोठया भूभागावर दावा सांगितला आहे. पण आम्ही त्यांचे हे अयोग्य दावे कधीच मान्य केले नाहीत” असे राजनाथ सिंह म्हणाले. तसेच “लडाखमध्येही चीनने एकतर्फी चाल केली. भारत आपल्या सार्वभौमत्वाचं रक्षण करण्यास समर्थ आहे. कराराचे उल्लंघन करुन चीनने नियंत्रण रेषेवर मोठया संख्येने सैन्य तैनाती केली, त्यावेळी भारताने सुद्धा आपल्या हिताच्या दृष्टीने तशीच भूमिका घेत मोठया प्रमाणावर सैन्य तैनात केले” असे त्यांनी स्पष्ट केले.

“पँगाँग सरोवराच्या परिसरातून दोन्ही देशांचे सैन्य पूर्णपणे माघारी फिरल्यानंतर ४८ तासांनी दोन्ही देशांच्या वरिष्ठ सैन्य कमांडर्समध्ये बैठक होईल. अन्य मुद्यांवर तोडगा काढण्यासाठी या बैठकीत चर्चा होईल. पँगाँग सरोवराच्या उत्तर किनाऱ्यावरील फिंगर आठच्या पूर्व दिशेला चीन आपले सैनिक तैनात करेल, भारत फिंगर तीनपर्यंत सैन्याची तैनाती करेल” असे राजनाथ सिंह म्हणाले.

The post सैन्य मागे घेण्याबाबत चीन बरोबर सहमती, संरक्षण मंत्री राजनाथ सिंह यांनी संसदेत दिली माहिती appeared first on थोडक्यात घडामोडी.

केंद्र सरकारने केंद्रशासीत प्रदेश असलेल्या जम्मू काश्मीर आणि लडाख साठी भूमी कायदा मंगळवारी २७ ऑक्टोबर रोजी अधिसूचीत केला. केंद्र सरकारच्या या कृतीमुळे भारतीय नागरिक जम्मू काश्मीर आणि लडाख या केंद्रशासीत प्रदेशांमध्ये जमीन खरेदी-विक्री अथवा भाड्याने देण्याचे व्यवहार करू शकतील.

केंद्रीय गृहमंत्रालयाने एक प्रसिद्धीपत्रक काढून ही माहिती दिली. या आदेशाला युनियन टेरिटरी ऑफ जम्मू अँड काश्मीर रिऑर्गनायझेशन (अॅडॉप्शन ऑफ सेंट्रल लॉज) थर्ड ऑर्डर, २०२० या नावाने ओळखले जाईल.

आज जम्मू काश्मीर आणि लडाख या केंद्रशासीत प्रदेशांसाठी भूमी कायदा अधिसूचीत झाला. विशेष राज्य असताना जमिनीवरही मालकी हक्क मिळत नसल्यामुळे भारताच्या इतर भागांतून जम्मू काश्मीरमध्ये मोठी गुंतवणूक होत नव्हती. हा अडथळा दूर झाल्यामुळे राज्यात गुंतवणूक करण्याचा तसेच रोजगार निर्मितीचा मार्ग प्रशस्त झाल्याची प्रतिक्रिया जम्मू काश्मीरमधील नागरिकांनी दिली. तेथील नागरिकांनी नव्या भूमी कायद्याचे स्वागत केले.

The post काश्मीर आणि लडाखमध्ये आता कोणताही भारतीय जमीन खरेदी करू शकेल appeared first on थोडक्यात घडामोडी.

पूर्व लडाखमध्ये घुसखोरीचा प्रयत्न केल्याचा चिनी लष्कराचा आरोप भारतीय लष्कराने फेटाळला आहे. चिनी सैन्याने सोमवारी संध्याकाळी सहा ते सात वाजण्याच्या सुमारास लडाखमध्ये हवेत गोळीबार केला, तसंच भारतीय चौक्यांच्या जवळ आले होते अशी माहिती भारतीय लष्कराकडून देण्यात आली आहे. दोन्ही देशांमध्ये ब्रिगेड कमांडर स्तरावर चर्चा सुरु असतानाच हा गोळीबार झाला आहे.

“लष्करी तसंच राजकीय स्तरावर चर्चा सुरु असताना पिपल्स लिबरेशन आर्मी सतत कराराचं उल्लंघन करत असून आक्रमक गोष्टींचा अवलंब करत आहे. ७ सप्टेंबरला चिनी सैन्यांनी नियंत्रण रेषेवर आपल्या फॉरवर्ड पोस्टच्या जवळ येण्याचा प्रयत्न केला. त्यांना रोखण्यात आलं असता चिनी सैन्यांनी हवेत गोळीबार करत आपल्या सैन्याला चिथावण्याचा प्रयत्न केला. मात्र आपल्या सैन्याने संयम तसंच जबाबदारीने परिस्थिती हाताळली,” अशी माहिती भारतीय लष्कराने दिली आहे.

भारतीय लष्कराने सांगितलं आहे की, “भारत नियंत्रण रेषेवर शांतता राहावी यासाठी कटिबद्द असताना चीन सतत चिथावणीखोर गोष्टी करत आहे. भारताने कधीही नियंत्रण रेषा ओलांडण्याचा प्रयत्न केलेला नाही तसंच गोळीबारसारख्या आक्रमक गोष्टी केलेल्या नाहीत”.

भारतीय लष्कर शांतता राखण्यास कटिबद्ध आहे. मात्र कोणत्याही परिस्थितीत राष्ट्रीय अखंडता आणि सार्वभौमत्व राखण्यासही तयार आहोत. चिनी लष्कराकडून देण्यात आलेली माहिती ही त्यांच्या स्थानिक तसंच आंतरराष्ट्रीय समूहाची दिशाभूल करण्याचा प्रयत्न आहे,” असं भारतीय लष्कराने सांगितलं आहे.

The post लडाखमध्ये चिनी सैन्याकडून सोमवारी संध्याकाळी हवेत गोळीबार appeared first on थोडक्यात घडामोडी.