रांची : विमान वाहतूक नियामक DGCA ने इंडिगोला 5 लाख रुपयांचा दंड ठोठावला आहे. 7 मे रोजी रांची विमानतळावर एका अपंग मुलाला विमानात चढण्यापासून रोखल्याप्रकरणी नियामकाने ही कारवाई केली आहे. इंडिगोने 9 मे रोजी सांगितले होते की, प्रवाशांच्या सुरक्षिततेच्या दृष्टीने, एका वेगळ्या दिव्यांग मुलाला 7 मे रोजी रांची-हैदराबाद फ्लाइटमध्ये चढू दिले नाही कारण तो घाबरलेला दिसत होता.

मुलाला विमानात चढण्यास मज्जाव करण्यात आल्याने त्याच्यासोबत असलेल्या पालकांनीही विमानात न चढण्याचा निर्णय घेतला. नागरी विमान वाहतूक महासंचालनालयाने (DGCA) या घटनेच्या चौकशीसाठी तीन सदस्यीय पथक स्थापन केले होते. एका निवेदनात, डीजीसीएने म्हटले आहे की, “7 मे रोजी रांची विमानतळावर इंडिगो कर्मचार्‍यांनी अपंग मुलासोबत केलेले वर्तन अयोग्य होते आणि त्यामुळे परिस्थिती आणखीनच चिघळली होती.”

एअरलाइनने काय चूक केली?
निवेदनात असे म्हटले आहे की मुलाशी सहानुभूतीने वागायला पाहिजे होते आणि मुलाची भीती दूर करून त्याला शांत करायला पाहिजे होते. निवेदनानुसार, विशेष परिस्थितींमध्ये असाधारण प्रतिसाद आवश्यक आहे, परंतु एअरलाइन कर्मचारी तसे करण्यात अयशस्वी झाले आहेत. हे पाहता, DGCA मधील सक्षम प्राधिकरणाने संबंधित विमान नियमांच्या तरतुदींनुसार विमान कंपनीला 5 लाख रुपयांचा दंड ठोठावण्याचा निर्णय घेतला आहे.

प्रकरण कसे चिघळले?
इंडिगोला आपली बाजू मांडण्यासाठी २६ मे पर्यंत वेळ देण्यात आला होता आणि शनिवारी डीजीसीएने या संदर्भात अंतिम निर्णय घेतला. मिळालेल्या माहितीनुसार, दिव्यांगांना विमानात बसू न देण्याच्या प्रकरणी डीजीसीए आणि इंडिगोच्या तीन सदस्यांच्या टीमने चौकशी करून पुरावे गोळा केले होते. तपास पथकाने घटनेच्या दिवशीचे सीसीटीव्ही फुटेजही स्कॅन केले होते. यादरम्यान, डीजीसीए टीमला असे आढळून आले की इंडिगोच्या कर्मचाऱ्यांनी बोकारोहून आलेल्या जोडप्याशी आणि त्यांच्या मुलाशी गैरवर्तन केले आणि त्यांना विमानात बसू दिले नाही. या प्रकरणी केंद्रीय नागरी उड्डाण मंत्री ज्योतिरादित्य सिंधिया यांच्या वतीनेही नाराजी व्यक्त करण्यात आली असून, अशा वर्तनाला शून्य सहनशीलता (zero tolerance) असल्याचे म्हटले आहे. याप्रकरणी योग्य ती कारवाई करण्याचे आश्वासन त्यांनी दिले.

The post DGCA ने इंडिगोला ठोठावला 5 लाख रुपयांचा दंड, दिव्यांग मुलाला फ्लाइटमध्ये चढू दिले नव्हते… appeared first on थोडक्यात घडामोडी.

बेंगळुरूहून जयपूरला जाणाऱ्या इंडिगोच्या विमानात एका मुलीचा जन्म झाला. बोर्डवरील डॉक्टर आणि कर्मचाऱ्यांच्या मदतीने या महिलेची प्रसूती करण्यात आली. तसेच जयपूर विमानतळावर तात्काळ याबाबत सूचना देऊन तिथे डॉक्टर आणि रुग्णवाहिकेची व्यवस्था करण्यास सांगितले.

महिलेला त्रास सुरु झाल्यानंतर तात्काळ मदतीसाठी हालचाली करण्यात आल्या. लगेचच सर्व व्यवस्था करण्यात आली. दरम्यान, प्रसूती करण्यात डॉ. सुभाना नजीर यांनी मदत केली. तसेच विमानातील कर्मचार्‍यांनी हे सर्व योग्य प्रकारे हाताळलं आणि या महिलेची प्रसूती व्यवस्थित झाली. आई आणि बाळ दोघेही व्यवस्थित असल्याची माहिती मिळाली आहे.

The post बेंगळुरूहून जयपूरला जाणाऱ्या इंडिगोच्या विमानात झाला बाळाचा जन्म appeared first on थोडक्यात घडामोडी.

इंडिगोच्या विमानातील एका प्रवाशाची प्रकृती बिघडल्यामुळे विमानाची नागपूरच्या बाबासाहेब आंबेडकर आंतरराष्ट्रीय विमानतळावर इमर्जन्सी लँडिंग करावी लागली. हे विमान शनिवारी (दि.१३) चेन्नईहून दिल्लीकडे निघाले होते. परंतु मेडिकल इमर्जन्सीमुळे विमान अचानक नागपूरमध्ये उतरवण्यात आलं. मात्र, तरीदेखील दुर्दैवाने या प्रवाशाचा मृत्यू झाला.

मिळालेल्या माहितीनुसार, चेन्नईहून दिल्लीकडे निघालेल्या या विमानात छोटूसिंह नारायण (६५) हे प्रवास करत होते. विमानाने दिल्लीसाठी उड्डाण घेतल्यानंतर काही वेळाने त्यांना अस्वस्थ वाटायला लागलं. त्यांनी त्याबद्दल विमानातील कर्मचाऱ्यांना सांगितलं. त्यानंतर तात्काळ विमान नागपूरच्या बाबासाहेब आंबेडकर आंतरराष्ट्रीय विमानतळावर उतरवण्यात आलं. त्या प्रवाशाला लगेच इंदिरा गांधी सरकारी मेडिकल कॉलेज आणि हॉस्पिटलमध्ये (GMCH) दाखल करण्यात आलं. परंतु, डॉक्टरांनी त्यांना मृत घोषीत केले.

The post प्रवाशाची प्रकृती बिघडल्यामुळे विमानाची नागपूरच्या विमानतळावर इमर्जन्सी लँडिंग, पण.. appeared first on थोडक्यात घडामोडी.

शारजाहहून भारतात लखनौत येणाऱ्या भारतीय विमानाची पाकिस्तानच्या कराची विमानतळावर आपत्कालीन लँडिंग करावी लागली. मिळालेल्या माहितीनुसार, विमानात बसलेल्या एका प्रवाशाची तब्येत अचानक खराब झाल्यामुळे हे पाऊल उचलण्यात आले. या व्यक्तीला वेळेत उपचार मिळण्यासाठी प्रयत्न केले, परंतु या व्यक्तीला वाचवण्यात यश मिळालं नाही.

कराचीच्या जीना आंतरराष्ट्रीय विमानतळावर उतरणारे विमान इंडिगो एअरलाइन्सचे विमान आहे. विमानातील प्रवाशाची तब्येत बिघडल्यामुळे परिस्थिती हाताळण्यासाठी पायलटला इमरजेंसी लँडिंग करावी लागली. वैमानिकाने परिस्थितीची माहिती पाकिस्तानच्या एअर ट्रॅफिक कंट्रोलर (एटीसी) ला देऊन विमानाच्या आपत्कालीन लँडिंगसाठी परवानगी घेण्यात आली. आपत्कालीन परिस्थिती लक्षात घेता एटीसीने वैमानिकाला खाली उतरण्यास परवानगी दिली. परंतु, उतरल्यानंतर प्राथमिक उपचार करण्यापूर्वीच या प्रवाशाचा मृत्यू झाला होता.

The post प्रवाशाला वाचवण्यासाठी भारतीय विमानाची पाकिस्तानात इमरजेंसी लँडिंग, पण.. appeared first on थोडक्यात घडामोडी.