CBSE Practical Exam Dates 2021 : सीबीएसई बोर्डाने माध्यमिक व उच्च माध्यमिक वर्गातील परीक्षेचे वेळापत्रक जाहीर केल्यानंतर आता प्रॅक्टिकल परीक्षेच्या तारखाही जाहीर केल्या आहेत. बोर्डाने सर्व शाळांना जारी केलेल्या परिपत्रकानुसार, सर्व शाळा 1 मार्च ते 11 जून 2021 दरम्यान दहावी आणि 12 वीच्या प्रॅक्टिकल परीक्षा घेतील. सीबीएसईने सर्व शाळांना 11 जून पर्यंत प्रोजेक्ट असाइनमेंट / इंटर्नल असेसमेंट (अंतर्गत मूल्यांकन) पूर्ण करण्याचे निर्देश दिले आहेत आणि हे सर्व गुण लवकरात लवकर बोर्डाच्या वेबसाईटवर अपलोड करावे लागतील.

CBSE बोर्डाने दहावी व बारावीच्या प्रॅक्टिकल परीक्षांसाठी अनेक सूचना जारी केल्या आहेत. त्यानुसार शाळांना प्रॅक्टिकल किंवा अंतर्गत मूल्यांकन करताना निर्धारित जास्तीत जास्त गुणांची काळजी घ्यावी लागेल. दोन्ही वर्गांच्या वेगवेगळ्या विषयांसाठी जास्तीत जास्त 20 गुण निर्धारित करण्यात आले आहेत. तथापि, एनसीसीसाठी जास्तीत जास्त 30 गुण आहेत. विद्यार्थी सीबीएसई प्रॅक्टिकल परीक्षेचे वेळापत्रक आणि मार्क्सची माहिती बोर्डाच्या नोटीसमध्ये बघू शकतात.

प्रॅक्टिकल परीक्षेदरम्यान कोरोना संसर्गाचा धोका लक्षात घेता CBSE ने अनेक महत्त्वपूर्ण सूचना जारी केल्या आहेत. विद्यार्थ्यांनी तसेच सर्व शाळांमधील शिक्षक व शिक्षकेतर कर्मचार्‍यांनी या सूचनांचे पालन करणे बंधनकारक असेल. सर्व सूचनांसाठी cbse.gov.in या लिंकवर जा.

मुख्य सूचना खालीलप्रमाणे :

1. प्रत्येक बॅचच्या प्रॅक्टिकल परीक्षांच्या नंतर प्रयोगशाळा 1% सोडियम हायपोक्लोराइट ने सॅनिटाईझ करावी लागेल.
2. सॅनिटायझर प्रयोगशाळेत उपलब्ध करून द्यावं लागेल.
3. लॅबमध्ये झाकलेल्या कचराकुंड्या उपलब्ध असाव्यात आणि त्या वेळोवेळी साफ करणे आवश्यक आहे.
4. 25 विद्यार्थ्यांचा गट दोन भागात विभागला जाऊ शकतो.
5. विद्यार्थ्यांना मास्क घालावे लागतील. वारंवार हात धुवावे लागतील तसेच सोशल डिस्टंसिंगचे अनुसरण करावे लागेल.

शाळांनी दिलेल्या सूचनांचे पालन न केल्यास सीबीएसई बोर्डाने शाळांकडून 50 हजार रुपये दंड आकारण्याची घोषणा केली आहे.

The post मोठी बातमी : 10 वी आणि 12 वीच्या प्रॅक्टिकल परीक्षांचे वेळापत्रक जाहीर appeared first on थोडक्यात घडामोडी.

CBSE Board Exam Form २०२१ : केंद्रीय माध्यमिक शिक्षण मंडळाच्या (CBSE) शैक्षणिक सत्रासाठी २०२०-२१ घेण्यात येणाऱ्या बोर्डाच्या परीक्षेसाठी परीक्षा फॉर्म भरण्यासाठी ऍप्लिकेशन विंडो पुन्हा उघडण्यात आली आहे. CBSE बोर्ड परीक्षा फॉर्म 2021 संदर्भात शनिवारी 6 फेब्रुवारी 2021 रोजी यासंबंधी सूचना जारी करण्यात आली.

जारी करण्यात आलेल्या सूचनेनुसार, माध्यमिक व उच्य माध्यमिक वर्गातील असे सर्व विद्यार्थी जे काही कारणास्तव CBSE बोर्ड दहावी किंवा 12 वी परीक्षा २०२१ फॉर्म भरू शकले नाहीत, ते आता 13 फेब्रुवारीपर्यंत परीक्षेचे फॉर्म भरू शकतील. त्यासोबतच, मंडळाने शाळांना देखील 13 फेब्रुवारीपर्यंत राहिलेल्या विद्यार्थ्यांना परीक्षा फॉर्म भरण्यासाठी एलओसी सबमिट करण्याची आणखी एक संधी दिली आहे. याशिवाय मंडळाकडून नव्याने संलग्न शाळांमधील विद्यार्थ्यांनाही परीक्षेचा फॉर्म भरण्याची संधी देण्यात आली आहे.

उर्वरित विद्यार्थ्यांसाठी परीक्षा फॉर्म भरण्याच्या संधीबरोबरच ज्या विद्यार्थ्यांच्या परीक्षा फॉर्म भरण्यात कोणत्याही प्रकारच्या त्रुटी आलेल्या असतील किंवा ज्यांना परीक्षा फॉर्ममध्ये दुरुस्ती करायची असेल, त्यांना मंडळाने आणखी एक संधी दिली आहे. CBSE बोर्ड परीक्षा फॉर्म 2021 मध्ये दुरुस्ती, तसेच शाळांनी आधीच भरलेल्या एलओसीमध्ये दुरुस्ती करण्याची अंतिम तारीख 15 फेब्रुवारी निश्चित केली आहे.

CBSE बोर्डाने नोटीस जारी करून, दिलेल्या नवीन तारखेपर्यंत शाळांना परीक्षा फॉर्म भरण्याचे व आवश्यक त्या दुरुस्त्या करण्याचे निर्देश दिले आहेत, कारण यानंतर पुन्हा संधी मिळणार नाही. फॉर्म भरणे आणि दुरुस्तीची प्रक्रिया पूर्ण झाल्यानंतर सीबीएसई बोर्ड प्रवेश पत्र 2021 लवकरच दिले जाऊ शकते.

The post CBSE Board Exam Form २०२१ : बोर्डाने दिली परीक्षा फॉर्म भरण्याची तसेच दुरुस्तीची आणखी एक संधी appeared first on थोडक्यात घडामोडी.

CBSE Class 12 Board Exam Time Table २०२१ : केंद्रीय माध्यमिक शिक्षण मंडळ (CBSE) ने आज २ फेब्रुवारी रोजी, १२ वीच्या बोर्ड परीक्षेचे वेळापत्रक जाहीर केले आहे. केंद्रीय शिक्षणमंत्री डॉ. रमेश पोखरियाल निशंक यांनी याबाबत घोषणा केली आहे. विद्यार्थी cbse.gov.in या अधिकृत वेबसाइटवर जाऊन ते तपासू शकतात.

Date-sheet of @cbseindia29 board exams of class Xll.
Wish you good luck!#CBSE pic.twitter.com/LSJAwYpc7j

— Dr. Ramesh Pokhriyal Nishank (@DrRPNishank) February 2, 2021

शिक्षणमंत्री रमेश पोखरियाल यांनी ३१ डिसेम्बरला घोषणा केली होती कि, सीबीएसई बोर्डाची परीक्षा 4 मे ते १० जून या कालावधीत घेण्यात येईल. त्याचबरोबर प्रॅक्टिकल परीक्षा १ मार्चपासून सुरू होतील. तथापि, प्रॅक्टिकल परीक्षेच्या तारखांची घोषणा संबंधित शाळांकडून स्वतंत्रपणे दिली जाईल. बोर्डाची परीक्षा संपल्यानंतर त्यांचा निकाल 15 जुलैपर्यंत जाहीर होईल असे शिक्षणमंत्र्यांनी सांगितले होते.

१२ वीच्या बोर्ड परीक्षेचे वेळापत्रक असे करा डाउनलोड :

1. अधिकृत संकेतस्थळ cbse.gov.in वर जा.
2. मग नवीन वेबसाइटवर जा.
3. आता लेटेस्ट@सीबीएसई सेक्शनमध्ये डेटशीट च्या लिंकवर क्लिक करा.
4. आता आपल्यास नवीन पृष्ठावर आणले जाईल. येथे आपला क्लास निवडा. आता सीबीएसई 12 वी च्या क्लासचे वेळापत्रक स्क्रीनवर उपलब्ध होईल.

विद्यार्थी वेळापत्रक तपासून पुढील वापरासाठी डाउनलोड करू शकतात आणि प्रिंट आउट देखील काढू शकतात.

The post ब्रेकिंग : १२ वीच्या बोर्ड परीक्षेचे वेळापत्रक जाहीर appeared first on थोडक्यात घडामोडी.