पश्चिम बंगाल : पश्चिम बंगालमधील बर्दवानमधून एक खबळजनक घटना समोर आली आहे. येथे एका प्रियकराने गळफास घेऊन आत्महत्या केली. या घटनेनंतर संतापलेल्या लोकांनी प्रियकराच्या मृतदेहाच्या बोटाने जबरदस्तीने एका मुलीच्या भांगेत कुंकू भरले. या संपूर्ण घटनेचा व्हिडिओ व्हायरल झाल्यानंतर पोलिसांनी कारवाई करण्यास सुरुवात केली आहे.

मिळालेल्या माहितीनुसार, हे दोघे मुलगा व मुलगी वेगवेगळ्या धर्मातील आहेत. त्यांचे लग्न लावून देण्यासाठी त्या दोघांचे कुटुंबीय तयार होते. परंतु, हे दोघे अल्पवयीन असल्यामुळे मुलीची आई या लग्नासाठी तयार नव्हती. त्यावरून या मुला-मुलीमध्ये वाद झाला आणि या मुलाने गळफास घेऊन आत्महत्या केली. आत्महत्या करण्यापूर्वी या मुलाने मुलीला फोन केला होता आणि तो आत्महत्या करणार असल्याचे तिला सांगितले होते. त्यानंतर त्याने व्हॉट्सअ‍ॅपवर आपल्या मैत्रिणीला त्याचा फोटो पाठवला आणि आत्महत्या केली.

हृदयद्रावक : आई वडिलांच्या भांडणात २ चिमुकल्यांचा मनाला चटका लावणारा अंत…

घटनेची माहिती मिळताच पोलिस घटनास्थळी दाखल झाले. पोलिसांनी मुलाच्या मृतदेहाचा पंचनामा करून मृतदेह शवविच्छेदनासाठी पाठविला. शवविच्छेदन झाल्यानंतर मुलाचा मृतदेह कुटुंबीयांकडे सोपवण्यात आला. मुलाचा मृतदेह जेव्हा गावात आणला गेला, तेव्हा वाद सुरु झाले. गावकऱ्यांनी मुलाच्या आत्महत्येला मुलगी आणि तिची आई जबाबदार असल्याचे म्हणत त्यांच्यावर आरोप करण्यास सुरुवात केली. गावकऱ्यांनी त्या दोघींना मारहाण केली आणि मुलाच्या मृतदेहाशेजारी आणून बसवले. त्यानंतर मृतदेहाच्या हाताने अल्पवयीन मुलीच्या भांगेत कुंकू भरले.

स्थानिकांच्या म्हणण्यानुसार, मुलगा आत्महत्या करीत असल्याचे मुलीला माहित होते. त्या मुलीकडे मुलाच्या आईचा फोन नंबर देखील होता. मात्र, तरीही तिने मुलाच्या कुटुंबीयांना याबद्दल माहिती दिली नाही. तिने वेळीच याबाबत मुलाच्या कुटुंबीयांना सांगितले असते तर त्यांनी मुलाला वाचवले असते.

पोलिस या प्रकरणाचा तपास करत आहेत. मुलीच्या आईने तिच्या अल्पवयीन मुलीवर अत्याचार व विनयभंग केल्याप्रकरणी महिला पोलिस ठाण्यात तक्रार दाखल केली आहे. लवकरच दोषींना अटक करण्यात येईल आणि त्यांच्यावर कारवाई केली जाईल, अशी अपेक्षा आहे.

खळबळ! अल्पवयीन मुलीचा वृद्धाने घरात घुसून केला विनयभंग

संतापजनक! मित्राच्या दीड वर्षाच्या बाळाला पाजली दारू, प्रकृती चिंताजनक

The post भयंकर! मृतदेहाच्या हाताने अल्पवयीन मुलीच्या भांगेत भरले कुंकू, कारण वाचून बसेल धक्का… appeared first on थोडक्यात घडामोडी.

मुंबई : शरजील उस्मानी सध्या महाराष्ट्राबाहेर असून आम्ही त्याला शोधून अटक करु, असं आश्वासन राज्याचे गृहमंत्री अनिल देशमुख यांनी दिलं आहे. पुण्यात 30 जानेवारीला झालेल्या एल्गार परिषदेत शरजील उस्मानी याने वादग्रस्त वक्तव्य करत चिथावणीखोर भाषा वापरली होती.

तो म्हणाला होता की, “आजचा हिंदू समाज हा पूर्णपणे सडला आहे. उत्तर प्रदेश पोलिसांनी एका वर्षात 19 लोकांची हत्या केली यात सर्वजण दलित होते किंवा मुस्लिम होते. हे लोकं लिंचिंग करतात. हत्या करतात, हत्या करुन हे लोकं आपल्या घरी जातात, त्यावेळी हे लोक काय करत असावेत? काही नवीन पद्धतीन हात धूत असावेत किंवा काही औषधं मिसळून स्नान करत असावेत.”

एल्गार परिषदेत प्रक्षोभक भाषण केल्याप्रकरणी शरजील उस्मानी विरोधात FIR दाखल

देशमुख यांनी ट्वीट करत म्हटलं कि, “पुण्यात 30 तारखेला झालेल्या एल्गार परिषदेत शरजील उस्मानीने केलेल्या आक्षेपार्ह वक्तव्याची व्हिडीओ क्लिपिंग पोलिसांनी तपासली असून त्याच्याविरुद्ध गुन्हा दाखल केला आहे. महाराष्ट्र पोलीस सध्या त्याचा शोध घेत आहेत. तो सध्या महाराष्ट्राबाहेर आहे. तो बिहार, उत्तरप्रदेश, गुजरातमध्ये कुठेही असला तरी आम्ही त्याला शोधून अटक करु.

पुण्यात ३० तारखेला झालेल्या एल्गार परिषदेत शर्जील उस्मानी याने केलेल्या आक्षेपार्ह वक्तव्याची व्हिडिओ क्लिपिंग पोलिसांनी तपासली असून त्याच्याविरुद्ध गुन्हा दाखल केला आहे. तो सध्या महाराष्ट्राबाहेर आहे. तो बिहार, उत्तरप्रदेश, गुजरातमध्ये कुठेही असला तरी आम्ही त्याला शोधून अटक करू. pic.twitter.com/sqZ66qDYFV

— ANIL DESHMUKH (@AnilDeshmukhNCP) February 3, 2021

The post शरजील उस्मानीवर होणार कारवाई, गृहमंत्री अनिल देशमुख यांनी दिली माहिती appeared first on थोडक्यात घडामोडी.