दौंड : प्रेयसी आणि अन्य एका महिलेच्या मदतीने पत्नी व मुलाचा खून करून आत्महत्येचा बनाव रचणाऱ्या पतीसह तिघा जणांवर गुन्हा दाखल करण्यात आला आहे. या प्रकरणी भाऊसाहेब मारुती शेलार (वय ३४, रा. केडगाव, ता. दौंड) यांनी यवत पोलिस ठाण्यात फिर्याद दिली होती. आरोपींना अटक करण्यात आली आहे.

पोलिसांनी दिलेल्या माहितीनुसार, पाटस येथील महिला लीना सचिन सोनवणे (वय ३५) आणि तिचा सात वर्षांचा मुलगा ओम सोनवणे यांचा मृतदेह पंख्याला लटकलेल्या स्थितीत आढळला होता. ही घटना मंगळवारी पहाटे समोर आली. मात्र, ही आत्महत्या नसल्याचा संशय आल्याने यवत पोलिसांनी तपासाला वेग देऊन अवघ्या पाच तासांत खुनाचा छडा लावला. मृत लीना यांचा पती सचिन दिलीप सोनवणे (वय ३७, रा. सध्या रा. मांजरी, ता. हवेली, मूळ पाटस) याने प्रेयसी रेणुका उर्फ प्रणाली भारत तळेकर आणि अन्य एका महिलेच्या मदतीने हे हत्याकांड केल्याचे पोलिस तपासात समोर आले आहे. पाटस येथील स्वराज व्हॅली अपार्टमेंट येथे लीना सोनवणे या चार वर्षांपासून पतीपासून विभक्त राहत होत्या. त्यांच्याबरोबर मुलगी वैष्णवी आणि मुलगा ओम देखील राहत होते.

दरम्यान, सचिन सोनवणे याला त्याच्या पत्नीचे अनैतिक संबंध असल्याचा संशय होता. सचिन त्याची प्रेयसी आणि एका महिलेसह मंगळवारी पहाटेच्या सुमारास पाटस येथे आला. तिघांनी लीना आणि मुलगा ओम याला मारहाण केली. यावेळी मुलगी वैष्णवी घरातच होती. वैष्णवी झोपी गेल्यानंतर आरोपींनी लीना आणि ओम यांचा गळा दाबून खून केला. त्यानंतर दोघांचे मृतदेह पंख्याला लटकावले. वैष्णवीला सकाळी जाग आल्यानंतर आईचा मृतदेह स्वयंपाक घरातील पंख्याला आणि ओमचा मृतदेह बेडरूममधील पंख्याला लटकलेला पाहिला. घाबरलेल्या वैष्णवीने फोन करून नातेवाइकांना माहिती दिली. नातेवाइक आल्यानंतर त्यांनी तात्काळ पोलिसांना कळवले.

पोलिसांनी हत्येच्या कोनातून तपास केला आणि आरोपींचा छडा लावला. पोलिसांनी वैष्णवीला विश्‍वासात घेऊन माहिती विचारली असता मारहाणीची सर्व घटना तिने सांगितली. खून केल्यानंतर आरोपी सचिन सोनवणे पुण्याला निघून गेला होता. सचिन सोनवणे पुण्यावरून पाटस येथे दाखल झाल्यानंतर त्याच्यावरच लक्ष केंद्रित केले. चौकशीदरम्यान त्याने दोघांच्या खुनाची कबुली दिली. आरोपींना न्यायालयासमोर हजर केले असता त्यांना पाच दिवसांची पोलिस कोठडी सुनावण्यात आली.

The post अनैतिक संबंधाच्या संशयावरून पत्नी व मुलाची हत्या; पतीने प्रेयसीच्या मदतीने केले भयंकर कृत्य appeared first on थोडक्यात घडामोडी.

मुंबई : जोगेश्वरी पूर्व भागातील मेघवाडी पोलीस ठाण्याच्या हद्दीत एक अतिशय धक्कादायक घटना घडली आहे. प्रियकराने रागाच्या भरात प्रेयसीला पेट्रोल टाकून पेटवून दिले. पेट घेताच तिने प्रियकराला मिठी मारली. यात गंभीर जखमी झालेली प्रेयसी रुग्णालयात मृत्यूशी झुंज देत आहे. तर प्रियकराचा मृत्यू झाला आहे.

मेघवाडी पोलीस ठाण्याच्या हद्दीत असलेल्या गांधी नगरमध्ये शनिवारी रात्री ही घटना घडली. या दोघांचे जवळपास अडीच वर्षांपासून प्रेमसंबंध होते. मात्र दोघांमध्ये काही काळापासून खटके उडत होते. विजयला या तरुणीशी लग्न करायचे होते. मात्र, दारुच्या सवयीमुळे विजय वारंवार तरुणीचा छळ करत होता. कंटाळून प्रेयसीने विजयशी प्रेमसंबंध ठेवण्यास आणि त्याच्याशी लग्न करण्यासही नकार दिला होता. तिच्या घरच्यांचा देखील या लग्नाला विरोध होता. त्यामुळे राग अनावर होऊन विजयने हे कृत्य केलं.

शनिवारी (६ फेब्रुवारी) पीडित तरुणी घरी एकटीच असल्याची माहिती विजयला मिळाली. त्यानंतर प्रेयसीला जाळण्यासाठी विजय पेट्रोल घेऊन गेला. तिच्या घरी गेल्यानंतर विजयने तिच्या अंगावर पेट्रोल ओतले आणि तिला पेटवून दिले. पेट घेताच तिने विजयला मिठी मारली. त्यामुळे तिच्यासोबत विजयही पेटला. आजूबाजूच्या नागरिकांनी धाव घेत आग विझवली आणि दोघांना रुग्णालयात दाखल केलं. मात्र, आगीत होरपळून विजयचा मृत्यू झाला होता. तर प्रेयसी मुंबईतील जे जे हॉस्पिटलमध्ये मृत्यूशी झूंज देत आहे. तरुणीची प्रकृती गंभीर असल्याची माहिती डॉक्टरांनी पोलिसांना दिली आहे. तरुणीच्या भावाच्या तक्रारीवरून मयत प्रियकर विजय खांबे याच्याविरुद्ध पोलिसांनी गुन्हा दाखल केला आहे.

The post धक्कादायक : प्रियकराने प्रेयसीला पेट्रोल टाकून पेटवलं, पेट घेताच तिने त्याला मिठी मारली, आणि.. appeared first on थोडक्यात घडामोडी.

महाराष्ट्रातील पालघर येथील वृंदावन दर्शन कॉम्प्लेक्समध्ये एक धक्कादायक घटना उघडकीस आली आहे. येथे एका व्यक्तीने आपल्या लिव इन पार्टनरचा खून केला आणि मृतदेह फ्लॅटच्या भिंतीत गाडला. ही घटना उघडकीस आल्यानंतर सर्वजण आश्चर्य व्यक्त करत आहेत.

मिळालेल्या माहितीनुसार, सूरज हरमलकर आणि त्याची लिव इन पार्टनर अमिता मोहिते हे दोघे वृंदावन दर्शन कॉम्प्लेक्सच्या फ्लॅट नंबर 101 मध्ये राहत होते. आजूबाजूच्या लंबकाच्या म्हणण्यानुसार, बर्‍याच काळापासून फक्त सूरजच दिसत होता, अमिताबद्दल मात्र काहीही माहिती नव्हते. पोलिसांना मिळालेल्या तक्रारीनंतर, जेव्हा पोलिस चौकशीसाठी सूरजच्या फ्लॅटवर पोहोचले तेव्हा त्यांच्यासह रूग्णवाहिका, पोलिसांचे छायाचित्रकार तसेच फॉरेन्सिक तज्ज्ञही होते. एवढेच नाही तर पोलिसांनी आपल्यासोबत मजूर देखील आणले होते.

अमिताचा भिंतीत गाडलेला मृतदेह तोडफोड करून बाहेर काढण्यात आला. काही वेळानंतर पोलिस मृतदेह घेऊन बाहेर आले . हा मृतदेह 32 वर्षीय अमिताचा होता. या फ्लॅटमध्ये सूरज आणि अमिता भाड्याने राहत असत. पोलिसांनी बाथरूमची भिंत खोदून अमिताचा मृतदेह बाहेर काढल्याचे सांगितले जात आहे. हा मृतदेह चार महिन्यांपूर्वी भिंतीत गाडला असल्याचे सांगितले जात आहे. अमिताचा मृतदेह अर्धा सडलेला होता. पोलिसांनी मृतदेह म्हणून जे काढले ते हाडांच्या सापळ्यासारखे होते. पोलिसांनी मृतदेह ताब्यात घेऊन पोस्टमार्टमसाठी पाठविला आहे. तसेच सूरजला चौकशीसाठी ताब्यात घेण्यात आले आहे.

The post लिव इन पार्टनरने केली प्रेयसीची हत्या, फ्लॅटच्या भिंतीत गाडला मृतदेह appeared first on थोडक्यात घडामोडी.

नागपूर : प्रियकराने टोकाच्या वादातून विवाहित प्रेयसीला जिवंत जाळल्याच्या घटनेनं नागपूरमध्ये खळबळ माजली आहे. ही धक्कादायक घटना अंजुमन अभियांत्रिकी महाविद्यालयासमोर शुक्रवारी सायंकाळी साडेसात वाजेच्या सुमारास घडली. आगीत होरपळलेल्या प्रेयसीचा उपचारादरम्यान मृत्यू झाला.

शबाना अब्दुल जावेद (वय ४०, रा. महेद्रनगर) असं मृत महिलेचं नाव आहे. शबाना धंतोली आदित्य मोटर्स येथे कार्यरत होत्या. शुक्रवारी सायंकाळी त्यांचा प्रियकरासोबत वाद झाला. हा वाद टोकाला गेला. रागाच्या भरात प्रियकराने बाटलीतील पेट्रोल शबाना यांच्या अंगावर टाकून शबाना यांना पेटवून देत प्रियकर घटनास्थळावरून त्याच्या दुचाकीवरून निघून गेला. आजूबाजूच्या नागरिकांनी हे दृश्य बघताच घटनास्थळी धाव घेतली. त्यांनी आग विझवून शबाना यांना खासगी रुग्णालयात दाखल केलं. मात्र, उपचारादरम्यान शनिवारी सकाळी त्यांचा मृत्यू झाला. दरम्यान, पोलिसांनी गुन्हा दाखल करून आरोपीला अटक केली.

The post धक्कादायक : प्रियकराने टोकाच्या वादातून प्रेयसीला जिवंत जाळलं appeared first on थोडक्यात घडामोडी.