मल्याळम चित्रपटसृष्टीतील प्रसिद्ध अभिनेता अनिल नेदुमंगड यांचा मृत्यू झाला आहे. ४८ वर्षीय अनिल केरळच्या मलंकारा धरणात आंघोळीसाठी गेले होते. धरणात बुडून त्यांचा मृत्यू झाला.

मिळालेल्या माहितीनुसार, अनिल हे थोडुपुझा इथे आपल्या आगामी चित्रपटाचे चित्रीकरण करत होते. सीन संपल्यानंतर चित्रपटाच्या टीमने ब्रेक घेतला तेव्हा अनिल आपल्या काही मित्रांसह धरणात आंघोळीसाठी गेले. याचवेळी त्यांच्यासोबत ही दुर्घटना घडली. खोल पाण्यात लाटांच्या माऱ्यामध्ये ते अडकले आणि बाहेर पडू शकले नाहीत. अनिल नेदुमगंड यांना पाणबुड्यांच्या मदतीने बाहेर काढून तात्काळ जवळच्या खासगी रुग्णालयात नेले. मात्र डॉक्टरांनी त्यांना मृत घोषित केले.

The post प्रसिद्ध अभिनेता अनिल नेदुमंगड यांचा चित्रीकरणादरम्यान धरणात बुडून मृत्यू appeared first on थोडक्यात घडामोडी.

हैदराबादमधील रामोजी फिल्मसिटी येथे सुरू असलेल्या रजनीकांतच्या ‘अण्णाथे’ चे शूट थांबविण्यात आले आहे. टीमच्या आठ सदस्यांची कोविड -१9 चाचणी पॉसिटीव्ह आल्यामुळे हा निर्णय घेण्यात आला.

दरम्यान, रजनीकांत यांची कोविड -१9 चाचणी नकारात्मक आली असल्याचे सूत्रांचे म्हणणे आहे. अभिनेता चेन्नईला परत येईल असा अंदाज वर्तविला जात होता, मात्र रजनीकांत यांनी हैदराबादमध्ये स्वत: ला विलगीकरणात ठेवण्याचे ठरवले आहे.

कोरोनामुळे तसेच लॉकडाऊनमुळे थांबलेल्या चित्रपटाचे शूट नुकतेच 15 डिसेंबर रोजी पुन्हा सुरू झाले होते आणि त्याच दिवशी रजनीकांत शूटमध्ये सामील झाले होते. प्रॉडक्शन हाऊसने टीमची सुरक्षा सुनिश्चित करण्यासाठी सरकारने ठरवलेल्या प्रक्रियेची काटेकोरपणे अंमलबजावणी केली जात होती.

The post रजनीकांतच्या चित्रपटाचे चित्रीकरण थांबवले, टीमच्या आठ सदस्यांना कोरोनाची लागण appeared first on थोडक्यात घडामोडी.

मुंबई : द डर्टी पिक्चर या चित्रपटातली अभिनेत्री आर्या बॅनर्जी हिचा मृत्यू झाला असून तिचा मृतदेह तिच्याच अपार्टमेंटमध्ये संशयास्पद परिस्थितीत आढळून आला आहे. आर्याचा मृतदेह तिच्या दक्षिण कोलकाताच्या जोधपूर पार्कमधील फ्लॅटमध्ये रक्ताच्या थारोळ्यात पडलेला आढळला. आर्याच्या मृत्यूच्या कर्णाचा शोध घेण्यासाठी पोलिसांनी चौकशी चालू केली आहे.

मिळालेल्या माहितीनुसार तिच्या मोलकरणीने तिला फोन केला होता. परंतु आर्याने फोन न उचलल्याने तिला संशय आला आणि तिने पोलिसांना याबाबतची सूचना दिली. पोलीस घटनास्थळी पोहोचले आणि दरवाजा तोडून फ्लॅटमध्ये दाखल झाले. रिपोर्ट्सनुसार आर्याच्या नाकातून रक्त आले होते आणि तिने उलटीही केली होती. पोलिसांनी आर्याचे शव शवविच्छेदनासाठी पाठवले आहे. आर्या बॅनर्जीचे खरे नाव देवदत्ता बॅनर्जी आहे.

The post अभिनेत्री आर्या बॅनर्जी हिचा संशयास्पद परिस्थितीत मृत्यू appeared first on थोडक्यात घडामोडी.