मुंबई : 24 वर्ष एकत्र राहिल्यानंतर सोहेल खान आणि सीमा सचदेव-खान यांनी शुक्रवारी घटस्फोटासाठी अर्ज दाखल केला आहे. विभक्त जोडपे आज मुंबईतील कौटुंबिक न्यायालयातून बाहेर पडताना दिसले. सीमा आणि सोहेलने अद्याप त्यांच्या घटस्फोटाबाबत अधिकृत वक्तव्य जारी केलेले नाही. मात्र, ते काही काळापासून वेगळे झाले आहेत.

1998 मध्ये लग्नगाठ बांधल्यानंतर, सोहेल आणि सीमा यांनी 2000 मध्ये त्यांच्या पहिल्या मुलाचे, मुलगा निर्वान खानचे स्वागत केले. त्यानंतर जून 2011 मध्ये सरोगसीद्वारे या जोडप्याचा दुसरा मुलगा योहानचा जन्म झाला. गेल्या वर्षी, त्यांच्या कुटुंबाने योहानचा 10 वा वाढदिवस साजरा केला. शुक्रवारी कौटुंबिक न्यायालयातून सोहेल आणि सीमा स्वतंत्रपणे बाहेर पडताना दिसले. न्यायालयीन सूत्राने ETimes ला खुलासा केला कि, “सोहेल खान आणि सीमा सचदेव आज न्यायालयात हजर होते. त्यांनी घटस्फोटासाठी अर्ज दाखल केला आहे. दोघेही एकमेकांबरोबर सामान्य आणि मैत्रीपूर्ण वागत होते.”

प्यार किया तो डरना क्या या चित्रपटाच्या शूटिंगदरम्यान अभिनेता-निर्माता सोहेल खान याची पहिली भेट दिल्लीत राहणाऱ्या सीमा यांच्याशी झाली होती. त्यावेळी सीमा मुंबईत राहात होती आणि फॅशन डिझायनिंगमध्ये करिअर करत होती. सोहेल आणि सीमाने डेट करण्यास सुरुवात केली आणि लग्न करण्याचा निर्णय घेतला. मात्र, सीमाच्या कुटुंबीयांनी लग्नाला मान्यता दिली नाही. त्यानंतर सोहेल आणि सीमा यांनी घरातून पळ काढला आणि जवळच्या मित्र आणि नातेवाईकांच्या उपस्थितीत आपापल्या धर्माचे पालन करून गुपचूप लग्न केले होते.

The post सोहेल खान आणि सीमा खान यांचा विभक्त होण्याचा निर्णय, घटस्फोटासाठी केला अर्ज दाखल appeared first on थोडक्यात घडामोडी.

नवी दिल्ली : भारताचा स्टार क्रिकेटपटू शिखर धवनने घटस्फोट घेतल्याची माहिती मिळाली आहे. शिखर धवनची पत्नी आयशा मुखर्जीने याबाबत इन्स्टाग्रामवर एक पोस्ट शेयर केली आहे. दोनवेळा घटस्फोट घेतल्यानंतर काय वाटतं, याबाबत तिने लिहिलं आहे. आयशाने शिखरसोबतचे आपले फोटोही डिलीट केले आहेत. शिखर आणि आयशा यांनी 2012 साली लग्न केलं होतं. आयशाने त्याअगोदरही पहिल्या नवऱ्यापासून घटस्फोट घेतला होता.

शिखर धवनने 2012 साली आपल्यापेक्षा 10 वर्ष मोठ्या असलेल्या आयशाशी लग्न केलं. यावेळी शिखरच्या कुटुंबाने त्याची साथ दिली. 2014 साली आयशाने एका मुलाला जन्म दिला, शिखर आणि आयशा यांच्या मुलाचे नाव जोरावर धवन आहे. तसेच, पहिल्या नवऱ्यापासून आयशाला 2 मुली होत्या. शिखर धवनने याबाबत अजून कोणतीही अधिकृत प्रतिक्रिया दिलेली नाही.

आयशा आपल्या पोस्टमध्ये म्हणाली, ‘दोन वेळा घटस्फोट घ्यायच्या आधी घटस्फोट हा शब्द घाणेरडा वाटत होता. खूप काही सिद्ध करायचं होतं. जेव्हा माझं दुसरं लग्न तुटलं तेव्हा हे खूप भीतीदायक होतं. पहिल्यांदा घटस्फोट झाला तेव्हा मला वाटलं मी खूप अपयशी आहे. मी काहीतरी खूप चुकीचं वागत आहे. मला वाटलं जसं मी सगळ्यांची मान खाली झुकवली आणि स्वार्थी वागले. आई-वडिलांना मुलांना कमी दाखवत आहे, असं वाटलं. एवढच नाही तर देवाचाही अपमान केला, असं मला वाटलं.’

 

View this post on Instagram

 

A post shared by Aesha Mukerji (@apwithaesha)

The post शिखर धवन आणि आयशा मुखर्जी यांचा घटस्फोट, लिहिली भावनिक पोस्ट appeared first on थोडक्यात घडामोडी.

प्रेमाने अंतःकरणातुन दोन जीव एकमेकांशी जोडले जातात. प्रेमाच्या सामर्थ्याने कोणतीही व्यक्ती पूर्णपणे बदलली जाऊ शकते व आपली होऊ शकते. प्रेमात गरीब-श्रीमंत किंवा काळा-गोरा  असा भेदभाव नसतो. प्रेम हे एकमेव कारण आहे जे प्रत्येक नात्याचा पाया बनवतं. जर एखाद्या नात्यात भांडण होत असेल तर प्रेमाचा आणि विश्वासाचा धागा कमकुवत होतो.

हल्ली लग्नांनंतर घटस्फोटाची खूप प्रकरणे पाहायला मिळतात. घटस्फोटाचे सर्वात महत्त्वाचे कारण म्हणजे लोक आपल्या जोडीदारासोबत कंटाळतात किंवा भांडणं होत असतात. यामुळे काहीजण दुसर्‍या व्यक्तीकडे आकर्षित होऊ लागतात. या आधुनिक युगात, अवैध संबंध एक फॅशन बनली आहे. क्षणिक सुखासाठी बरेच संसार मोडल्याची अनेक उदाहरणं आहेत. याउलट, बरेच असेही आहेत जे वर्षानुवर्षे त्यांच्या प्रेमाचे खरे नाते टिकवून आहेत.

नाते-संबंधात दोघेही एकमेकांविषयी निष्ठावान आणि विश्वासू असतात तेव्हाच अतूट नाते जोडता येऊ शकते, हे तथ्य आपण नाकारू शकत नाही. वास्तविक, दीर्घ संबंध ठेवण्यासाठी त्या नात्यावर प्रेम आणि विश्वास असणे फार महत्वाचे आहे. परंतु असे असूनही बरेच लोक आपला जोडीदार सोडून तिसऱ्या व्यक्तीकडे आकर्षित होतात.

यामागील कारण काय आहे ..?

यावर आम्ही बराच अभ्यास केला. वकीलांशी बोलून या वरील काही कारणे देखील शोधून काढली आहेत. चला तर जाणून घेऊया, अशी कोणती कारणे आहेत त्यामुळे अनेक लोक एकमेकांपासून दूर जातात आणि अनैतिक संबंध ठेवण्यास भाग पडतात..

1. भूतकाळ – प्रत्येक व्यक्तीचा स्वतःचा भूतकाळ असतो. अशा परिस्थितीत कुटुंबाच्या इच्छेने पुढे जाण्यासाठी आपण भूतकाळाचे प्रेम सोडून लग्न करतो, परंतु आपले अंतःकरण ते संबंध टिकवून ठेवण्यास असमर्थ असते. बर्‍याचदा पुरुष त्यांचे पहिले प्रेम विसरत नाहीत आणि भूतकाळातील आठवणी येताच त्यांचा अधिक कल तिकडे वळतो.
2. शारीरिक आवश्यकता – प्रत्येक पुरुष आणि स्त्रीला शारीरिक आणि मानसिक प्रेमाची आवश्यकता असते. अशा परिस्थितीत जर त्यांना आपल्या जोडीदाराकडून हे प्रेम मिळत नसेल, तर ते तिसऱ्या व्यक्तीकडे त्यांच्या गरजा पूर्ण करण्यासाठी आकर्षित होतात, जे अनैतिक संबंधांचे मुख्य कारण बनते.
3. एकटं वाटणं – काही लोक खूप भावनिक असतात. अशा परिस्थितीत, जर त्यांना आतून एकटे वाटत असेल आणि भावनिक उणीव जाणवत असेल, तर ती व्यक्ती भावनिक आधारासाठी तिसर्‍या व्यक्तीचा शोध घेण्यास सुरुवात करते. जर आपल्या जोडीदाराशी आपले भावनिकदृष्ट्या मजबूत संबंध असतील, तर कोणीही आपणामध्ये मतभेद निर्माण करू शकत नाही.
4. नात्याला कंटाळणे – विवाह हा सर्वात पवित्र संबंध मानला जातो. या नात्यात, एका व्यक्तीने दुसऱ्या व्यक्तीचा विचार केला पाहिजे आणि त्यांच्यासाठी आपला मौल्यवान वेळ काढला पाहिजे. जोडीदाराने आपल्याला वेळ दिला नाही तर अशा परिस्थितीत संबंध कंटाळवाणे होतात आणि समोरील पीडित व्यक्ती तिसर्‍या व्यक्तीच्या शोधाला महत्त्व देण्यास सुरुवात करते.
5. भांडणात बदला घेण्याची मानसिकता – जोडीदाराबरोबर भांडण होणे सामान्य आहे. परंतु, कधीकधी विवाद इतके वाढतात की नात्यात कटुता येते आणि एकमेकांबरोबर सूड उगवण्याच्या भावनेमुळे तिसरा माणूस आपल्या जवळील व्यक्तीच्या जवळ येतो.

हा लेख तुम्हाला आवडला असेल आपल्या मित्रांबरोबर शेयर करायला विसरू नका. तसेच आपल्या प्रतिक्रिया कमेंट करून नक्की कळवा.

The post घटस्फोट का होतात किंवा लोक अनैतिक संबंध का बनवतात? जाणून घ्या.. appeared first on थोडक्यात घडामोडी.

अमेरिकेचे 46 वे राष्ट्राध्यक्ष म्हणून जो बायडन यांची निवड झाली आहे. त्यामुळे सध्याचे राष्ट्राध्यक्ष डोनाल्ड ट्रम्प यांना पायउतार व्हावं लागणार आहे. यातच आता ट्रम्प यांना आणखी एक धक्का बसण्याची शक्यता आहे. मीडिया रिपोर्टनुसार, डोनाल्ड ट्रम्प यांच्या पत्नी आणि अमेरिकेच्या माजी फर्स्ट लेडी मेलेनिया ह्या डोनाल्ड ट्रम्प यांना घटस्फोट देण्याच्या तयारीत आहे.

स्टेफनी वोल्कॉफनच्या हवाल्यानं डेली मेलनं हे वृत्त दिलं आहे. वृत्तानुसार, डोनाल्ड ट्रम्प आणि मेलेनिया ट्रम्प यांचा घटस्फोट होणार आहे. असे सांगितले जात आहे की, व्हाइट हाउसमध्ये गेल्या काही दिवसांपासून डोनाल्ड ट्रम्प आणि मेलेनिया वेगवेगळ्या खोल्यांमध्ये राहत आहेत. दोघांच्या नात्यात दुरावा आला आहे. अद्याप याबाबत कोणतीही अधिकृत माहिती आली नाही आहे. मात्र सुत्रांनी शक्यता वर्तवली आहे की व्हाइट हाउस सोडताच दोघांमध्ये घटस्फोट होऊ शकतो. शनिवारी ट्रम्प गोल्फ खेळण्यात व्यस्त होते. ट्रम्प गोल्फ खेळण्यासाठी गेले असतानाही त्यांच्यासोबत मेलेनिया नव्हत्या.

The post डोनाल्ड ट्रम्प यांचं राष्ट्रपतीपद तर गेलंच, आता मेलेनिया ट्रम्प घेणार घटस्फोट appeared first on थोडक्यात घडामोडी.