IPL २०२१ : आयपीएल २०२१ मधून दिल्ली कॅपिटल्सचा स्पिनर रविचंद्रन अश्विनने ब्रेक घेतला आहे. अश्विनचे ​​कुटुंब सध्या कोरोना विरुद्ध युद्ध लढा देत असून आपल्या कुटूंबाला आधार देण्यासाठी त्याने हा निर्णय घेतल्याचं सांगितलं आहे. काल (रविवारी) अश्विन सनरायझर्स हैदराबाद विरुद्धच्या सामन्यात खेळला, परंतु त्यानंतर त्याने ट्विटरच्या माध्यमातून सांगितले की या हंगामात तो आणखी खेळणार नाही.

I would be taking a break from this years IPL from tomorrow. My family and extended family are putting up a fight against #COVID19 and I want to support them during these tough times. I expect to return to play if things go in the right direction. Thank you @DelhiCapitals ??

— Stay home stay safe! Take your vaccine?? (@ashwinravi99) April 25, 2021

अश्विनने ट्विट करत म्हटले कि, ‘मी उद्यापासून आयपीएलच्या या मोसमात ब्रेक घेत आहे. माझे कुटुंब कोरोना विरुद्ध युद्ध लढा देत आहे आणि मला या कठीण काळात त्यांच्या बरोबर राहायचे आहे. जर गोष्टी सुधारल्या तर मी परत येईन. धन्यवाद दिल्ली कॅपिटल्स. ‘ दिल्ली कॅपिटल्स आणि सनरायझर्स हैदराबाद यांच्यातील सामना रविवारी चेन्नईच्या एमए चिदंबरम स्टेडियमवर खेळविण्यात आला, ज्यात सुपर ओव्हर झाली आणि दिल्ली कॅपिटल्सने सामना जिंकला.

The post IPL 2021 : दिल्ली कॅपिटल्सला मोठा धक्का, अश्विनने ‘या’ कारणासाठी घेतली IPL मधून माघार appeared first on थोडक्यात घडामोडी.

अबुधाबी : आयपीएलच्या क्वालिफायर 2 मॅचमध्ये दिल्ली कॅपिटल्सचा विजय झाला. आता मुंबई इंडियन्स विरुद्ध दिल्ली कॅपिटल्स अशी फायनल होणार आहे. शिखर धवनची अर्धशतकी खेळी आणि शिमरॉन हेटमायरच्या फटकेबाजीच्या आधारावर दिल्ली कॅपिटल्सने सनरायजर्स हैदराबादला विजयासाठी 190 धावांचे आव्हान दिले. दिल्लीने निर्धारित 20 ओव्हरमध्ये 3 विकेट्स गमावून 189 धावा केल्या.

दिल्लीकडून शिखर धवनने 78 धावांची खेळी केली.  मार्कस स्टॉयनीसने 38 धावांची खेळी केली. कर्णधार श्रेयस अय्यरने 21 धावा केल्या. शिमरॉनने 42 धावा केल्या. मार्कस स्टॉयनीसने अष्टपैलू कामगिरी केली. आता १० नोव्हेंबरला अंतिम सामन्यात दिल्लीपुढे मुंबईचे आव्हान असणार आहे. मार्कस स्टोइनिस मॅन ऑफ द मॅच झाला. त्याने दिल्लीकडून फलंदाजी करताना २७ चेंडूत ३० धावा केल्या. यात पाच चौकार आणि एक षटकार होता. तसेच गोलंदाजी करताना ३ ओव्हरमध्ये २६ धावा देत सलामीवीर प्रियम गर्ग, मनिष पांडे आणि अर्धशतकवीर केन विल्यमसन या तिघांना बाद केले.

Here it is! @DelhiCapitals win by 17 runs and march into the finals of #Dream11IPL 2020. pic.twitter.com/RRL8Ez8x1h

— IndianPremierLeague (@IPL) November 8, 2020

१९० धावांच्या पाठलाग करताना हैदराबादचा कर्णधार डेव्हिड वॉर्नर २ धावांवर त्रिफळाचीत झाला. खेळपट्टीवर स्थिरावलेल्या प्रियम गर्ग (१७) आणि मनिष पांडे (२१) या दोघांना स्टॉयनीसने एका षटकात माघारी पाठवले. अनुभवी जेसन होल्डर मोठा फटका खेळण्याच्या प्रयत्नात ११ धावांवर बाद झाला. युवा अब्दुल समदसह महत्वपूर्ण भागीदारी करत विल्यमसनने अर्धशतक पूर्ण केलं. पण त्याचे प्रयत्न तोकडे पडले. सनरायजर्स हैदराबाद २० ओव्हरमध्ये ८ बाद १७२ धावा करू शकले. यामुळे क्वालिफायर टू मॅचमध्ये दिल्ली कॅपिटल्सचा १७ धावांनी विजय झाला.

The post DC vs SRH दिल्लीचा विजय; अंतिम सामन्यात मुंबईशी भिडणार appeared first on थोडक्यात घडामोडी.

आयपीएलच्या १3 व्या मोसमातील दुसरा क्वालिफायर सामना आज दिल्ली कॅपिटल आणि सनरायझर्स हैदराबाद यांच्यात ७.३० वाजता अबुधाबी येथे खेळला जाईल. या सामन्यातील विजयी संघ 10 नोव्हेंबरला दुबईमध्ये मुंबई इंडियन्स बरोबर अंतिम सामना खेळेल. हा सामना जिंकून दिल्लीला त्यांचा पहिला फायनल सामना खेळण्याची संधी मिळेल. आकडेवारीकडे बघितले तर हैदराबाद मजबूत स्थितीत आहे.

लीग फेरीत हैदराबाद संघ दिल्ली संघावर दोन्ही सामन्यांमध्ये भारी ठरला होता. मोसमातील 11 व्या सामन्यात हैदराबादने दिल्लीला 15 धावांनी पराभूत केले. तर 47 व्या सामन्यात हैदराबादने दिल्लीला 88 धावांनी पराभूत केले.

लीग फेरीत दिल्ली 16 गुणांसह पॉईंट टेबलमध्ये दुसर्‍या स्थानावर होती. त्याचबरोबर हैदराबादची टीम 14 गुणांसह तिसर्‍या स्थानावर होती.

लीगमध्ये सनरायझर्स हैदराबादचा सक्सेस रेट 54.06% आहे. हैदराबादने आतापर्यंत एकूण 123 सामने खेळले आहेत, ज्यामध्ये त्याने 66 सामने जिंकले आहेत आणि 57 गमावले आहेत. दिल्लीचा सक्सेस रेट 44.47% आहे. दिल्लीने आतापर्यंत एकूण 192 सामने खेळले आहेत, त्यामध्ये 83 विजय आणि 106 गमावले आहेत. 2 सामने अनिश्चित होते.

अबू धाबीमधील खेळपट्टी फलंदाजांना मदत करू शकेल. येथे स्लो विकेटमुळे स्पिनर्सनाही खूप मदत होईल. नाणेफेक जिंकणार्‍या संघाला प्रथम गोलंदाजी करायला आवडेल.

The post IPL 2020 दुसरा क्वालिफायर : आज दिल्ली कॅपिटल आणि सनरायझर्स हैदराबाद यांच्यात सामना appeared first on थोडक्यात घडामोडी.