पुणे : अमेरिकेतील बायोटेक कंपनी नोव्हावॅक्स आणि पुण्यातील सीरम इन्स्टिट्यूट यांच्या भागिदारीतून तयार करण्यात येणाऱ्या कोवोवॅक्स या कोरोना लसीचे उत्पादन सुरुवात करण्यात आले आहे. याबाबत सीरम इन्स्टिट्यूट ऑफ इंडियाने माहिती दिली आहे. सीरम इन्स्टिट्यूटने ट्विट करत म्हटले कि, “हा एक नवा माईलस्टोन आहे. या आठवड्यात आम्ही पुण्यातील आमच्या कंपनीत कोवोवॅक्सची पहिली बॅच सुरू केली आहे.”

ही लस कोरोनाच्या ब्रिटन आणि दक्षिण आफ्रिका व्हेरिएन्ट विरोधात 89 टक्के कार्यक्षम असल्याचा दावा कंपनीने केला आहे. ही कोरोना प्रतिबंधक लस सप्टेंबर 2021 पर्यंत बाजारात येण्याची शक्यता आहे, अशी माहिती सीरम इन्स्टिट्यूटचे अध्यक्ष आदर पुनावाला यांनी याआधीच दिली होती.

A new milestone has been reached; this week we began our first batch of Covovax (a COVID-19 vaccine developed by @Novavax) at our facility, here in Pune. pic.twitter.com/FqoVTUa1nO

— SerumInstituteIndia (@SerumInstIndia) June 25, 2021

The post मोठी बातमी : कोवोवॅक्स कोरोना लसीचे उत्पादन सुरु, सीरम इन्स्टिट्यूटने दिली माहिती appeared first on थोडक्यात घडामोडी.

नवी दिल्ली : भारतात कोरोना लसीमुळे 68 वर्षीय व्यक्तीच्या मृत्यूची पुष्टी झाली आहे. सरकारने गठीत केलेल्या समितीने या वृत्तास दुजोरा दिला आहे. वृत्तानुसार, एका 68 वर्षीय व्यक्तीला 8 मार्च रोजी कोरोना लसीचा डोस देण्यात आला होता, त्यानंतर त्याला अ‍ॅनाफिलेक्सिससारखे दुष्परिणाम दिसून आले. त्यानंतर या व्यक्तीचा मृत्यू झाला होता. ही एक प्रकारची ऍलर्जिक रिऍक्शन आहे.

लस घेतल्यानंतर गंभीर आजार होणे किंवा मृत्यू होणे, याला वैज्ञानिक भाषेत अ‍ॅडवर्स इव्हेंट फॉलोइंग इम्युनाइझेशन (AEFI) असे म्हणतात. अशा प्रकारची रिऍक्शन झाल्यास शरीरावर खूप वेगाने पुरळ येतात. केंद्र सरकारने AEFI साठी एक समिती गठीत केली आहे. या समितीने लसीकरणानंतर 31 मृत्यूंचे मूल्यांकन केल्यानंतर पहिल्या मृत्यूची पुष्टी केली आहे.

अहवालानुसार, AEFI समितीचे अध्यक्ष डॉ. एनके अरोरा यांच्या अध्यक्षतेखाली तयार करण्यात आलेल्या अहवालात सांगितले आहे की, लस घेतल्यानंतर आणखी दोन जणांना अ‍ॅनाफिलेक्सिसची समस्या झाली होती. त्यांचे वय सुमारे 20 वर्षे होते. मात्र, रुग्णालयात उपचार घेतल्यानंतर ते दोघेही पूर्णपणे बरे झाले. त्यांना 16 आणि 19 जानेवारी रोजी लस देण्यात आली होती. डॉ. अरोरा यांनी या संदर्भात आणखी काही बोलण्यास नकार दिला आहे.

The post भारतात कोरोना लसीमुळे पहिला मृत्यू, सरकारी समितीने दिला दुजोरा appeared first on थोडक्यात घडामोडी.

नवी दिल्ली : केंद्राने आज खासगी रुग्णालयांसाठी कोविड लसीचे जास्तीत जास्त दर निश्चित केले आहेत. त्याअंतर्गत कोविशील्डची किंमत ७८० रुपये, कोवॅक्सीनची किंमत 1410 रुपये आणि रशियन लस स्पुटनिक व्ही लसीची किंमत 1145 रुपये इतकी आहे.

निर्धारित दरासाठी दररोज किंमतींवर नियंत्रण ठेवले जाईल आणि परीक्षण केले जाईल. अधिक शुल्क आकारल्यास कोणत्याही खासगी लसीकरण केंद्रावर कठोर कारवाई केली जाईल. तसेच 150 रुपयांपेक्षा जास्त सर्व्हिस चार्ज न आकारण्याचा सूचना दिल्या आहेत. राज्य सरकारांनी त्यांचे निरीक्षण करायचे आहे.

The post ब्रेकिंग : केंद्र सरकारने खासगी रुग्णालयांसाठी कोरोना लसीचे कमाल दर केले निश्चित appeared first on थोडक्यात घडामोडी.

बीजिंग : चीनमध्ये 3 ते 17 वर्षे वयोगटातील मुलांसाठी सिनोव्हॅक बायोटेकच्या कोरोना लसीच्या आपत्कालीन वापराला मान्यता मिळाली आहे. तीन वर्षांच्या मुलांसाठी लस मंजूर करणारा चीन हा जगातील पहिला देश ठरला आहे. आतापर्यंत चीनमध्ये कोरोना लस फक्त 18 वर्षांवरील लोकांना दिली जात होती. अमेरिका, ब्रिटन, युरोप आणि इतर काही देशांमध्ये 12 ते 16 वर्षे वयोगटातील किशोरवयीन मुलांना कोरोना लस देण्यास सुरुवात झाली आहे.

चीनची सरकारी कंपनी सिनोफर्म यांनीही किशोरवयीन मुलांसाठी लसीसाठी परवानगी मागितली आहे. सिनोफर्म लसीसाठी सिनोव्हॅकसारखेच तंत्रज्ञान वापरत आहे. कॅनसिनो बायोलॉजिक्स ही आणखी एक कंपनी 6 ते 17 वर्षे वयोगटातील मुलांसाठी लस तयार करत आहे. त्याचे तंत्रज्ञान सिनोव्हॅकपेक्षा वेगळे आहे. त्यांच्या लसीच्या दुसर्‍या टप्प्याची चाचणी घेण्यात येत आहे.

सिनोव्हॅकने दुसर्‍या टप्प्यातील चाचण्यादेखील पूर्ण केल्या आहेत. चाचणी दरम्यान, सहभागींना लसीचे दोन नियमित डोस दिले गेले. यानंतर तिसरा बूस्टर डोस देण्यात आला. यादरम्यान, पूर्वीपेक्षा अँटीबॉडीजची पातळी 10 आणि 15 दिवसांनी 20 पट वाढल्याची दिसली. तथापि, कंपनीला अद्याप अँटीबॉडी कालावधीचा दीर्घकालीन आढावा घेणे आवश्यक आहे.

सिनोव्हॅक बायोटेकचे मुख्य कार्यकारी अधिकारी यिन वेइदोंग यांनी सांगितले की चाचणीच्या पहिल्या आणि दुसर्‍या टप्प्यात हजारो जणांनी सहभाग घेतला होता. प्रौढांप्रमाणे मुलांसाठी ही लस पूर्णपणे सुरक्षित आणि प्रभावी असल्याचे आढळले. त्यामुळे तीन ते 17 वयोगटातील मुलांसाठी समान लस, समान डोस आणि समान प्रक्रिया वापरली जाऊ शकते.

The post चीनने 3 ते 17 वर्षे वयोगटातील मुलांसाठी कोरोना लसीला दिली मान्यता appeared first on थोडक्यात घडामोडी.

नवी दिल्ली : एका संशोधनात भारताच्या दृष्टीने एक दिलासादायक बाब समोर आली आहे. एकदा कोरोना होऊन बऱ्या झालेल्या लोकांना कोरोना लसीचा केवळ एकच डोस पुरेसा आहे, अशी महत्त्वपूर्ण माहिती संशोधनातून समोर आली आहे. पेन इन्स्टिट्यूट ऑफ इम्युनोलॉजीने यासंदर्भातील अहवाल प्रसिद्ध केला आहे. कोरोनाच्या कठीण काळात ही बाब काहीशी चिंता कमी करणारीच म्हणावी लागेल.

या पार्श्वभूमीवर आपल्या प्रचंड लोकसंख्येच्या देशात कोरोना लसीकरणासाठी या माहितीचा उपयोग केला जाईल का, हे पाहणे महत्वाचे ठरणार आहे. पंतप्रधान नरेंद्र मोदी यांनी शुक्रवारी केंद्रीय मंत्रिमंडळाची महत्त्वाची बैठक बोलावली आहे. या बैठकीत विविध राज्यातील कोरोना परिस्थितीचा आढावा घेण्यात येणार आहे. रुग्णालयातील उपलब्ध बेड, ऑक्सिजनची स्थिती, लसीकरणाची प्रगती आणि औषधींचा साठा या मुद्द्यावर चर्चा केली जाणार आहे. त्यात आता कोरोना लसीकरणासंदर्भात काही नवे नियम लागू केले जाणार का, हे पाहावे लागेल.

ICYMI – New Penn Institute of #Immunology research in @SciImmunology suggests #postCOVID patients had a robust antibody response after 1st #mRNA vaccine dose but little immune benefit after 2nd: https://t.co/F3PghcSZj0 ? #covid19 @jonepstein1 @parkerici @PENNCoV @PennMedNews

— Penn Medicine MD (@PennMDForum) April 26, 2021

The post दिलासादायक : तुम्ही एकदा कोरोनातून बरे झाले आहात? तर संशोधनात समोर आलेली ही माहिती तुमच्यासाठी महत्वाची… appeared first on थोडक्यात घडामोडी.

नवी दिल्लीः देशात कोरोना रुग्णाची संख्या झपाट्याने वाढत आहे. कोरोनावर मात करण्यासाठी लसीकरण हाच एकमेव प्रभावी पर्याय असल्याचं तज्ज्ञां मत आहे. त्यामुळे १ मे पासून देशात १८ वर्षाच्या वरील सर्व व्यक्तींना कोविड १९ लस दिली जाणार आहे. रजिस्टर कसे करायचे, जाणून घ्या.

कोविड १९ लससाठी असे करा रजिस्ट्रेशन :

1. सर्वात आधी तुम्हाला www.cowin.gov.in वर जावे लागेल. यानंतर या ठिकाणी तुमचा मोबाइल नंबर टाकावा लागेल. तुमचा रजिस्टर्ड मोबाइल नंबरवर ओटीपी येईल. याला एन्टर करून व्हेरिफाय बटनवर क्लिक करा.
2. या वेबसाइटवर रजिस्टर केल्यानंतर तुम्हाला Registration of Vaccination वर आणले जाईल. या ठिकाणी तुम्हाला फोटो आयडी टाइप, फोटो आयडी प्रूफ नंबर, नाव, जन्म दिनांक, जेंडल आणि अन्य डिटेल्स भरावे लागणार आहे. यानंतर रजिस्टर बटनवर क्लिक करावे लागेल. तुम्हाला एसएमएस द्वार सर्व आवश्यक डिटेल्स पाठवले जातील. सर्व डिटेल्स तपासून घ्या. या ठिकाणी तुम्हाला Beneficiary Reference ID दिला जाईल. याला सेव करुन ठेवा.
3. तुम्ही या अकाउंटला ३ लोकांसोबत लिंक शेयर करू शकता. यासाठी तुम्हाला उकाउंट डिटेल्स पेजच्या खाली दिलेल्या अॅड मोअर बटनवर क्लिक करावे लागेल. ज्याप्रमाणे तुम्ही डिटेल्स भरली होती. तितकीच तुम्हाला डिटेल्स एन्टर करावी लागेल.
4. आपल्या जवळच्या सेंटरला शोधण्यासाठी तुम्हाला www.cowin.gov.in वर जाऊन खाली बाजूस स्क्रॉल करावे लागेल. या ठिकाणी तुम्हाला मॅप आणि डायलॉग बॉक्स दिसेल. त्यात तुम्हाला एन्टर प्लेस, अॅड्रेस, लोकेशन इत्यादी डिटेल्स एन्टर करावे लागतील त्यानंतर गो बटनवर टॅप करावे लागेल.
5. अपॉइंटमेंट स्केड्यूल करण्यासाठी तुम्हाला अकाउंट डिटेल पेजवर जावे लागेल. यानंतर कॅलेंडर आयकॉन वर जावे लागेल. त्यानंतर स्केड्यूल अपॉइंटमेंट बटनवर क्लिक करू शकता. असे केल्यानंतर तुम्हाला वॅक्सिनेशन पेजवर बुक अपॉइंटमेंट वर पोहोचवले जाईल. या पेजवर तुम्ही तुमच्या मर्जीप्रमाणे वॅक्सिनेशन सेंटरचा पर्याय निवडू शकता.
6. ज्यावेळी तुम्ही सेंटरचा पर्याय करता. त्यावेळी तुम्हाला स्लॉट दिसेल. यानुसार, स्लॉट निवडा. यानंतर बुक बटनवर क्लिक करा. यानंतर Appointment Confirmation पेज ओपन होईल. सर्व डिटेल्सला चांगल्या प्रकारे चेक करून कन्फर्म बटनवर क्लिक करा. यानंतर आपल्या ठरल्या वेळेला लस घ्या.
7. कोविड १९ लस सर्टिफिकेटला डाउनलोड करण्यासाठी तुम्हाला cowin.gov.in वर जावे लागेल. याशिवाय, Aarogya Setu अॅपवर सुद्धा जाऊ शकता. आरोग्य सेतू अॅपवर गेल्यानंतर कोविन टॅप वर जावे लागेल. यानंतर Vaccination Certificate पर्यायावर जावे लागेल. यानंतर Beneficiary Reference ID टाकावे लागेल नंतर Get Certificate बटनवर क्लिक करावे लागेल. या सर्टिफेकट मध्ये नाव, जन्म दिनांक, बेनिफिशियरी रेफरेंन्स आयडी, फोटो ओळखपत्र, लसीचे नाव, हॉस्पिटलचे नाव हे सर्व उपलब्ध असेल.
8. CoWin वेबसाइट वरून सर्टिफिकेट डाउनलोड करण्यासाठी तुम्हाला https://selfregistration.cowin.gov.in/vaccination-certificate वर जावे लागेल. त्यानंतर Beneficiary Reference ID टाकावे लागणार आहे. त्यानंतर पुन्हा सर्च बटनवर टॅप करून सर्टिफिकेट डाउनलोड करावे लागेल.

लसीकरण केंद्रावर जाताना कुठली कागदपत्रं सोबत हवीत?

1. आधार कार्ड, छायाचित्र असलेले मतदान कार्ड, ऑनलाइन नोंदणीच्या वेळी जर आधार कार्ड किंवा मतदान कार्ड या व्यतिरिक्त अन्य फोटो आयडी वापरले असेल तर ते सोबत आणावे लागतील.

The post 18 वर्षांवरील व्यक्तीने लसीकरणासाठी नोंदणी कशी करायची? जाणून घ्या appeared first on थोडक्यात घडामोडी.

दिल्ली : देशात करोनाचं डबल म्युटेशन आढळून आलं असून, त्यामुळे करोना संक्रमणाचा प्रसार वेगानं होत असल्याचं तज्ज्ञाचं म्हणणं आहे. रुग्णालयात रुग्णांसाठी जागाच शिल्लक नसल्याचं चित्र असून, ऑक्सिजन आणि रेमडेसिवीर इंजेक्शनचा प्रचंड तुटवडा जाणवतं आहे.  दुसरीकडे देशात झालेल्या कोरोना उद्रेकामुळे अनेक देश सर्तक झाले असून, अमेरिकेन नागरिकांना भारतात न जाण्याचा सल्ला देण्यात आला आहे.

अमेरिकेतील रोग नियंत्रण आणि प्रतिबंध केंद्राने सावधगिरीचा इशारा अमेरिकनं नागरिकांना दिला आहे. भारतात कोरोना उद्रेक झाल्यामुळे नागरिकांनी भारताचा दौरा करणं टाळावं, असं संस्थेनं म्हटलं आहे. पूर्णपणे लसीकरण झालेलं असलं तरीही संसर्ग होण्याचा व विषाणूचा प्रसार होण्याचा धोका आहे. त्यामुळे भारतात जाणं टाळावं. जर जाणं अत्यावश्यक असेल, तर आधी पूर्णपणे लसीकरण करून घ्यावं,” असा सल्ला रोग नियंत्रण आणि प्रतिबंध केंद्राने अमेरिकन नागरिकांना दिला आहे.

The post भारतात जाणं टाळा; अमेरिकन नागरिकांना ‘सीडीसी’चा सल्ला.. appeared first on थोडक्यात घडामोडी.

नवी दिल्ली : देशात कोरोना रुग्णाची संख्या झपाट्याने वाढत आहे. काही दिवसांपासून कोरोनाबाधितांची संख्या अडीच लाखांच्या पुढे आढळत आहे. कोरोनावर मात करण्यासाठी लसीकरण हाच एकमेव प्रभावी पर्याय असल्याचं तज्ज्ञां मत आहे. त्यामुळे देशातील सर्वांना कोरोना प्रतिबंध लस देण्यात यावी अशी मागणी होत होती. यावर केंद्र सरकारने मोठा निर्यण घेतला असून 18 वर्षांवरील सर्व व्यक्तींना कोरोनावरील लस देण्याचा मोठा निर्णय घेण्यात आला आहे. यापूर्वी 45 वर्षांपुढील व्यक्तींना कोरोना प्रतिबंधक लस देण्यात येत होती. 1 मेपासून 18 वर्षांपुढील सर्वांना कोरोनावरील लस मिळेल. कोरोनावर मात करण्यासाठी हे एक महत्त्वाचे पाऊल असल्याचं म्हटलं जातंय.

लशीकरणाच्या पहिल्या टप्प्यात फक्त फ्रंटलाईन वर्कर्सना लस देण्यात येत होती. त्यानंतर लशीकरणाच्या दुसऱ्या टप्प्यात वय वर्षे 60 च्यावरील तसेच वय वर्षे 45 च्या वरील सहव्याधी असणाऱ्या लोकांच्या लशीकरणास सुरवात करण्यात आली होती. दरम्यान, लशीच्या निर्यातीपेक्षा भारतातील सर्वांचं लशीकरण करावं, अशी मागणी नरेंद्र मोदींकडे करण्यात येत होती. याआधी काँग्रेस नेते राहुल गांधी यांनी देखील मोदींना आवाहन केलं होतं की, सर्वांना लस देण्यात यावी. तसेच, महाराष्ट्राचे मुख्यमंत्री उद्धव ठाकरे यांनी नरेंद्र मोदी यांना पत्र लिहून 25 वर्षे वयावरील सर्वांना लस देण्यात यावी अशी मागणी केली होती. अखेर केंद्र सरकारने मोठा निर्णय घेतला आहे. त्यामुळे कोरोनाचा संसर्ग कमी होण्याची आशा आहे.

The post मोठी बातमी : 1 मे पासून 18 वर्षांवरील सर्वांचं लसीकरण, केंद्र सरकारचा मोठा निर्णय appeared first on थोडक्यात घडामोडी.

केंद्र सरकारने रशियाच्या स्पुटनिक-व्ही या कोरोना प्रतिबंधक लसीला मंजूरी दिली आहे. या लसीच्या आपत्कालीन वापरासाठी सोमवारी मंजुरी देण्यात आली. कोविशील्ड आणि कोव्हॅक्सिन नंतर भारताने मंजूर केलेली ही तिसरी लस आहे.

स्पुटनिक-व्ही ही लस रशियातील गॅमालेया रिसर्च इन्स्टिट्यूट ऑफ एपिडिमियोलॉजी अँड मायक्रोबायोलॉजीने विकसित केलेली आहे.

And Sputnik V is approved. #covid #vaccine https://t.co/6CCX9oA0qJ

— Teena Thacker (@Teensthack) April 12, 2021

The post ब्रेकिंग : केंद्र सरकारकडून रशियाच्या स्पुटनिक-व्ही कोरोना लसीला मंजुरी appeared first on थोडक्यात घडामोडी.

मुंबई : मुख्यमंत्री उद्धव ठाकरे यांनी आज कोरोना लसीचा दुसरा डोस घेतला. मुंबईतील जे. जे रुग्णालयात जाऊन मुख्यमंत्र्यांनी लसीकरण करुन घेतलं आहे.

११ मार्च रोजी मुख्यमंत्री उद्धव ठाकरेंनी कोरोना लसीचा पहिला डोस घेतला होता. त्यानंतर आज गुरुवारी त्यांनी दुसरा डोस घेतला आहे. मुख्यमंत्री कार्यालयानं मुख्यमंत्र्यांचा लशीचा डोस घेतानाचा फोटो ट्वीट करत ही माहिती दिली आहे.

मुख्यमंत्री उद्धव बाळासाहेब ठाकरे यांनी आज कोविड लसीचा दुसरा डोस घेतला.

CM Uddhav Balasaheb Thackeray took his second dose of COVID vaccine today.#BreakTheChain pic.twitter.com/umpIaxGMlk

— CMO Maharashtra (@CMOMaharashtra) April 8, 2021

The post मुख्यमंत्री उद्धव ठाकरे यांनी आज घेतला कोरोना लसीचा दुसरा डोस appeared first on थोडक्यात घडामोडी.