टस्कनी : कोरोनाच्या संसर्ग रोखण्यासाठी अनेक देशांमध्ये लसीकरण मोहीम सुरू आहे. दरम्यान, इटलीत एक धक्कादायक घटना समोर आली आहे. कोरोना लस घेण्यासाठी रुग्णालयात गेलेल्या एका २३ वर्षीय तरुणीला फायजरच्या कोरोना लसीचे सहा डोस एकदमच देण्यात आले. घडलेला प्रकार लक्षात आल्यानंतर या महिलेला खबरदारीचा उपाय म्हणून तातडीने रुग्णालयात दाखल करण्यात आले.

टस्कनी येथील नोआ रुग्णालयात रविवारी हा प्रकार घडला. एका आरोग्य कर्मचाऱ्याने चुकून सिरींजमध्ये लशीच्या कुपीमधील सगळे डोस भरले. या कुपीमध्ये सहा डोस असतात. लस दिल्यानंतर या कर्मचाऱ्याने पाच रिकाम्या सिरिंज पाहिल्या आणि त्यानंतर झालेला प्रकार आरोग्य कर्मचाऱ्याच्या लक्षात आला.

रुग्णालयाची प्रवक्ता डॅनियला गियानली यांनी सांगितले की, या तरुणीची प्रकृती चांगली असून तिला कोणताही आजार नाही. लस दिल्यानंतर तिला २४ तास रुग्णालयात ठेवण्यात आले होते. मात्र, प्रकृतीवर कोणताच परिणाम झाला नसल्याचे दिसून आल्यानंतर तिला सोमवारी रुग्णालयातून डिस्चार्ज देण्यात आला. डॅनियला म्हणाल्या की, सध्या तरुणीच्या प्रकृतीवर आणि इम्यून सिस्टीमवर डॉक्टर देखरेख ठेवत आहेत. जेणेकरून लशीच्या अतिरिक्त डोसमुळे तिच्या प्रकृतीवर कोणताही दुष्परिणाम होऊ नये. रुग्णालयाने या प्रकरणी अंतर्गत चौकशी सुरू केली आहे.

The post खळबळजनक! तरुणीला चुकून दिले कोरोना लसीचे सहा डोस, मग झाला असा परिणाम.. appeared first on थोडक्यात घडामोडी.

मुंबई : 1 मे पासून १८ वर्षांच्या पुढील व्यक्तींसाठी लसीकरण सुरू होत आहे. त्यातच सध्या एक मेसेज व्हायरल होत आहे. त्यानुसार मासिक पाळीच्या आधी आणि नंतर चार पाच दिवस प्रतिकारशक्ती कमी असते, त्यामुळे अशावेळी मुलींनी लस घेणे टाळावे अशा प्रकारचा दावा करण्यात येत आहे. परंतु हा दावा खोटा आहे.

हा दावा अशास्त्रीय असून यावर विश्वास ठेवू नये, असे आवाहन डॉक्टरांनी केले आहे. तसेच BMC कडून देखील याविषयी माहिती देण्यात आली आहे. मासिक पाळीमुळे कोरोना लसीच्या कार्यक्षमतेत बदल होत असल्याचा कोणताही डेटा नसल्याचं स्पष्ट करण्यात आलं आहे. त्यामुळे हा मेसेज खोटा आहे.

Code Red: Break The Fake News Cycle

This message in circulation is propagating falsehoods and misinformation.

There is no data on menstruation altering the efficacy of the vaccine.

All eligible citizens can and should take the vaccine as soon as they can. #FakeNewsAlert pic.twitter.com/TvfxKycYD1

— माझी Mumbai, आपली BMC (@mybmc) April 24, 2021

The post मासिक पाळी दरम्यान लस घेणं सुरक्षित आहे का? जाणून घ्या.. appeared first on थोडक्यात घडामोडी.

दिल्ली : देशात करोनाचं डबल म्युटेशन आढळून आलं असून, त्यामुळे करोना संक्रमणाचा प्रसार वेगानं होत असल्याचं तज्ज्ञाचं म्हणणं आहे. रुग्णालयात रुग्णांसाठी जागाच शिल्लक नसल्याचं चित्र असून, ऑक्सिजन आणि रेमडेसिवीर इंजेक्शनचा प्रचंड तुटवडा जाणवतं आहे.  दुसरीकडे देशात झालेल्या कोरोना उद्रेकामुळे अनेक देश सर्तक झाले असून, अमेरिकेन नागरिकांना भारतात न जाण्याचा सल्ला देण्यात आला आहे.

अमेरिकेतील रोग नियंत्रण आणि प्रतिबंध केंद्राने सावधगिरीचा इशारा अमेरिकनं नागरिकांना दिला आहे. भारतात कोरोना उद्रेक झाल्यामुळे नागरिकांनी भारताचा दौरा करणं टाळावं, असं संस्थेनं म्हटलं आहे. पूर्णपणे लसीकरण झालेलं असलं तरीही संसर्ग होण्याचा व विषाणूचा प्रसार होण्याचा धोका आहे. त्यामुळे भारतात जाणं टाळावं. जर जाणं अत्यावश्यक असेल, तर आधी पूर्णपणे लसीकरण करून घ्यावं,” असा सल्ला रोग नियंत्रण आणि प्रतिबंध केंद्राने अमेरिकन नागरिकांना दिला आहे.

The post भारतात जाणं टाळा; अमेरिकन नागरिकांना ‘सीडीसी’चा सल्ला.. appeared first on थोडक्यात घडामोडी.

कोरोना व्हायरस लस तयार करण्यात गुंतलेले एक रशियन शास्त्रज्ञ संशयास्पद मृतावस्थेत आढळले आहेत. वृत्तानुसार 45 वर्षीय शास्त्रज्ञ अलेक्झांडर साशा कागनस्की आपल्या फ्लॅटच्या 14 व्या मजल्यावरून पडले. घटनेच्या वेळी ते फक्त अंडरवेअरवर होते. त्यांच्या शरीरावर चाकूच्या हल्ल्याच्याही अनेक खुणा व जखमा आहेत. अलेक्झांडर कोरोनाच्या कोणत्या लसीवर कार्य करत होते हे स्पष्ट झाले नाही. याप्रकरणी एका संशयितालाही अटक करण्यात आली आहे. अटक केलेल्या व्यक्तीचे वय 45 वर्षे आहे. कागनस्की यांचे यूकेमधील एडिनबर्ग विद्यापीठाशी संबंध होता. कागनस्कीने सुमारे 13 वर्षे स्कॉटलंडमध्ये काम केले होते.

रशियन मीडियाच्या वृत्तानुसार, फ्लॅटच्या 14 व्या मजल्यावरून खाली पडण्यापूर्वी कागनस्की यांचे कोणाशीतरी भांडण झाल्याचे पोलिसांचे मत आहे. अलेक्झांडरच्या मृत्यूला ते संभाव्य खून मानतात आणि अटक केलेल्या 45 वर्षांच्या व्यक्तीची चौकशी करत असल्याचे पोलिसांचे म्हणणे आहे. कागनस्की यांनी रशियातील एका विद्यापीठात सेंटर फॉर जीनोमिक आणि रीजनरेटिव्ह मेडिसिनचे संचालक म्हणूनही काम पाहिले आहे. अलीकडेच रशियन सरकारने त्यांना संशोधनासाठी अनुदान दिले होते.

The post कोरोना व्हायरस लसीवर काम करत असलेल्या रशियन शास्त्रज्ञांचा संशयास्पद मृत्यू appeared first on थोडक्यात घडामोडी.

जगभरात कोरोना लशींच्या चाचण्या सुरू आहेत. काही लस (कोरोनाव्हायरस व्हॅक्सीन) त्यांचे चांगले परिणाम दाखवत आहेत, तर काही लसींचे दुष्परिणामही आता दिसू लागले आहेत. आता यामध्ये फायझर लसीचे नावही जोडले गेले आहे. अमेरिकेच्या अलास्का शहरातील एका आरोग्य कर्मचाऱ्याला फायझरची लस घेताच त्याला अनेक प्रकारच्या ऍलर्जी होऊ लागल्या. ही ऍलर्जी अतिशय गंभीर होती.

या आरोग्य कर्मचार्‍यासारखीच समस्या गेल्या आठवड्यात ब्रिटनमधील दोन जणांना झाली होती. यूकेचे वैद्यकीय रेग्युलेटर म्हणाले की ज्या लोकांना अ‍ॅनाफिलेक्सिस आहे किंवा ज्यांना कोणत्याही औषधाची किंवा एखाद्या खाद्यपदार्थाची ऍलर्जी असेल तर त्यांनी फाइजर-बायोएनटेक ची COVID-19 लस घेऊ नये. अमेरिकेच्या फूड अ‍ॅण्ड ड्रग ऍडमिनिस्ट्रेशनने म्हटले आहे की, ऍलर्जी असलेल्या लोकांनी लस घेण्यापूर्वी संपूर्ण काळजी घेतली पाहिजे. ज्यांना यापूर्वी ऍलर्जी रिअ‍ॅक्शन झालेली आहे त्यांनी लस घेणं टाळा.

अलास्का येथील आरोग्य कर्मचा्याला जूने च्या आपत्कालीन विभागात दाखल करण्यात आले. आपत्कालीन विभागाचे संचालक लिंडी जोन्स यांनी सांगितले कि, रुग्णाला यापूर्वी ऍलर्जी ची कोणतीही समस्या नव्हती. तथापि, आता रुग्णाची प्रकृती स्थिर आहे. या रुग्णावर ऍलर्जी चा उपचार केला गेला, त्यानंतर त्याची प्रकृती सुधारली.

फायझर म्हणाले की आमची लस स्पष्ट चेतावणीसह दिली जात आहे की ज्या लोकांना अ‍ॅनाफिलेक्सिस किंवा ऍलर्जी ची समस्या आहे अशा लोकांनी उपचारांसाठी तयार राहावे. फायझर म्हणाले की गरज भासल्यास लसीची लेबलिंग भाषादेखील बदलली जाऊ शकते.

या आठवड्यापासून अमेरिकेत लसीकरण सुरू करण्यात आले आहे आणि प्रथम हे आरोग्यसेवा आणि परिचारिकांना दिले जात आहे. एफडीएचे माजी मुख्य शास्त्रज्ञ जेसी गुडमन यांनी ऍलर्जी बद्दल प्रतिक्रिया व्यक्त करत सांगितले की ही लस घेण्याचे असे धोके असू शकतात आणि हे जास्तीत जास्त समजून घेण्याची गरज आहे.

The post चिंताजनक : कोरोनाची लस घेताच आरोग्य कर्मचाऱ्याला झाली गंभीर ऍलर्जी appeared first on थोडक्यात घडामोडी.

पुणे : रशियामध्ये कोरोना लस घेतल्यानंतर अल्कोहोल न पिण्याचा सल्ला रशिया सरकारने दिला आहे. रशियाचे उपपंतप्रधान तातियाना गोलीकोवा यांनी असा दावा केला आहे की स्पुतनिक व्ही कोरोना ही लस 42 दिवसात लागू होते. तोपर्यंत दारूपासून दूर राहणे आवश्यक आहे.

रशियाचे प्रमुख वैज्ञानिक अलेक्झांडर हे जिमटॅबर्ग मॉस्कोमधील गमलय नॅशनल सेंटर ऑफ एपिडिमोलॉजी आणि मायक्रोबायोलॉजी विभाग प्रमुख आहेत. त्याच संस्थेने स्पुतनिक व्ही लस तयार केली आहे. ते म्हणतात की कोरोना लस लागू केल्यानंतर मद्यपान केल्याने रोगप्रतिकारक शक्ती कमकुवत होऊ शकते आणि या लसीचा परिणाम समाप्त होऊ शकतो. आम्ही प्रत्येक डोसनंतर कमीतकमी तीन दिवस अल्कोहोल न पिण्याची शिफारस करतो.

जिन्सबर्ग म्हणतात की आम्ही लसीकरण दरम्यान मनाईबद्दल बोलत नाही. आम्ही हे बरेच सांगतो की जोपर्यंत शरीरावर कोरोनाव्हायरस विरूद्ध प्रतिकारक प्रतिक्रीया विकसित होत नाही तोपर्यंत अल्कोहोलचे सेवन मर्यादित केले जावे. स्पुतनिक व्ही कार्यक्रमास अर्थसहाय्य करीत असलेल्या रशियन डायरेक्ट इन्व्हेस्टमेंट फंडचे मुख्य कार्यकारी अधिकारी किरिल दिमित्रेव म्हणाले, “हे खरे आहे की जास्त मद्यपान केल्याने प्रतिकारशक्ती कमकुवत होते आणि यामुळे लसीकरणाचा परिणाम अजिबात कमी झाला आहे.” हे केवळ स्पुतनिकवरच लागू होत नाही, परंतु सर्व लसींवर लागू होते.

Dr Gintsburg, the developer of #SputnikV, comments on fake news re. 42 days of alcohol abstinence: We’re not talking about a complete ban on alcohol, moderate consumption is allowed. We advise refraining from alcohol for 3 days after each injection, which applies to all vaccines. pic.twitter.com/qcFFzELqMw

— Sputnik V (@sputnikvaccine) December 9, 2020

भारतातील तज्ज्ञांचे म्हणणे आहे की अल्कोहोल घेणे हानिकारक आहे आणि यामुळे गंभीर आजार उद्भवू शकतात, यात काही नवीन नाही. रशियाने जारी केलेल्या सूचना सामान्य स्वरूपाच्या आहेत. त्यांची साधारणपणे काळजी घेतली पाहिजे. गुरुग्रामच्या फोर्टिस हॉस्पिटलच्या न्यूरोलॉजी विभागाचे संचालक आणि प्रमुख डॉ. प्रवीण गुप्ता यांनी एका वृत्तसंस्थेला सांगितले की, लसीचा परिणाम दोन महिन्यांनंतरच समजेल. यामुळे खबरदारी घेणे चांगले होईल.

The post कोरोनाची प्रभावी लस हवी असेल तर दारूपासून रहावे लागेल दूर.. जाणून घ्या appeared first on थोडक्यात घडामोडी.

नवी दिल्ली : पंतप्रधान नरेंद्र मोदी यांनी मोठं वक्तव्य केलं आहे. जेव्हा करोनाची लस भारतात येईल तेव्हा ती देशातील प्रत्येक नागरिकाला देण्यात येईल. कोणालाही यापासून वंचित ठेवलं जाणार नाही, असं पंतप्रधान मोदी म्हणाले. वृत्तवाहिनीला मुलाखत देताने त्यांनी हा दावा केला.

पंतप्रधान नरेंद्र मोदी म्हटले कि, करोना संकटाच्या पार्श्वभूमीवर केंद्र सरकारनं वेळेवर महत्त्वाची पावलं उचलली. त्यामुळे अनेकांचे प्राण वाचवण्यात आपल्याला यश मिळालं. लॉकडाउन लागू करण्याचं आणि अनलॉक करण्याची वेळही योग्यच होती, करोनाचं संकट अद्यापही कायम आहे. अशा परिस्थितीत सर्वांना सतर्क राहणं आवश्यक आहे. प्रामुख्यानं सणासुदीच्या वेळी सर्वांनी सतर्क राहिलं पाहिजे. कोणत्याही प्रकारची सूट देण्याची ही वेळ नाही, असंही त्यांनी नमूद केलं.

The post ब्रेकींग : पंतप्रधान नरेंद्र मोदींचं कोरोना लसीबाबत मोठं आश्वासन appeared first on थोडक्यात घडामोडी.

जागतिक आरोग्य संघटनेने (डब्ल्यूएचओ) म्हटले आहे की, 2021 च्या मध्यापर्यंत जगभरात कोरोनाची लस दिली जाऊ शकते. डब्ल्यूएचओच्या मुख्य वैज्ञानिक डॉ. सौम्या स्वामीनाथन यांनी शुक्रवारी पत्रकार परिषदेत ही माहिती दिली.

स्वामीनाथन म्हणाल्या कि, ही लस 2021 च्या दुसर्‍या किंवा तिसर्‍या तिमाहीत जगभरातील सर्व देशांमध्ये पोहोचू शकेल. हे या आधारे निश्चित केले आहे की जगभरातील तिसऱ्या टप्प्यात सुरू असलेल्या कोरोना लसींच्या चाचण्या या वर्षाच्या अखेरीस पूर्ण होतील असे दिसत नाही. चाचणी पूर्ण झाल्यानंतरच लस मोठ्या प्रमाणात तयार केली जाऊ शकते. त्यामुळे 2021 च्या मध्यानंतर हि लस सर्वांसाठी उपलब्ध होईल, अशी शक्यता आहे.

The post 2021 च्या मध्यापर्यंत जगभरात कोरोनावरची लस दिली जाऊ शकते- WHO appeared first on थोडक्यात घडामोडी.