नवी दिल्ली : भारतात कोरोनाचा धोका सातत्याने वाढत असल्याचे दिसत आहे. गेल्या २४ तासांत देशात १३ हजारांहून अधिक कोरोनाबाधित रुग्ण आढळले आहेत. एका दिवसात एकूण 13,216 प्रकरणे समोर आली आहेत. तर 23 जणांचा कोरोनामुळे मृत्यू झाला. नवीन आकडेवारीनंतर देशात सक्रिय रुग्णांची संख्या 68 हजारांच्या पुढे गेली आहे.

आरोग्य मंत्रालयाने जारी केलेल्या नवीन आकडेवारीनुसार, गेल्या 24 तासांत एकूण 8,148 रुग्ण बरे झाले आहेत. भारतातील कोरोनाचा दैनिक पॉझिटिव्हिटी दर 2.73% झाला आहे. गेल्या काही दिवसांपासून कोरोनाच्या रुग्णांमध्ये सातत्याने वाढ होत आहे.

The post कोरोनाचा धोका वाढला! गेल्या 24 तासांत आढळले 13 हजारांहून अधिक रुग्ण appeared first on थोडक्यात घडामोडी.

चीन : चीनच्या ज्या शहरात कोरोना विषाणू पहिल्यांदा आढळून आला होता, त्या वुहान शहरात कोरोना पुन्हा एकदा जोर धरताना दिसून येत आहे. गेल्या २४ तासांत वुहानमध्ये कोरोनाचे ५२६ रुग्ण आढळून आलेत. गेल्या दोन वर्षांतील एका दिवसाच्या संक्रमणाचा हा सर्वात मोठा आकडा आहे. २४ तासांत कोरोनाच्या ५०० हून अधिक रुग्णांची नोंद झाल्यानं चीनच्या ‘कोव्हिड झिरो धोरणा’ला जोरदार झटका बसला आहे.

मिळालेल्या माहितीनुसार, ५२६ रुग्णांपैंकी २१४ रुग्णांत कोरोनाची स्पष्ट लक्षणं आढळून असून ३१२ रुग्णांत कोरोनाची कोणतीही लक्षणं आढळून आली नाहीत. वुहानमध्ये एवढ्या मोठ्या संख्येत संक्रमित आढळून आल्यानंतर चीनच्या शांघाय, कवान्डांगसहीत अनेक शहरांना रेड अलर्ट देण्यात आला आहे. तसंच नागरिकांना मास्क वापरण्याचा आणि कोविड नियम पाळण्याचा सल्ला देण्यात आला आहे. कोरोना संक्रमितांच्या आकड्यात झालेल्या वाढीनंतर नागरिकही सतर्क झाले आहेत.

आतापर्यंत जगभरात कोरोना रुग्णांच्या संख्येनं ४४.६५ कोटींचा आकडा पार केला आहे. मृतांचा आकडाही ६० लाखांच्या जवळपास पोहचला आहे.

The post चीनमध्ये कोरोना रुग्णसंख्येत पुन्हा वाढ, अनेक शहरांना रेड अलर्ट appeared first on थोडक्यात घडामोडी.

नवी दिल्ली : नवी दिल्लीत मागील 24 तासांत कोरोनाचे 5481 नवीन रुग्ण आढळले आहेत. त्यामुळे येथे संसर्गाचे प्रमाण आता ८.३७ टक्क्यांवर पोहोचले आहे. या विषाणूमुळे 3 मृत्यू झाले आहेत. तर 1575 रुग्ण बरे झाले आहेत. 531 रुग्ण रुग्णालयात दाखल आहेत.

२९ डिसेंबर रोजी दिल्लीत कोरोनाचे ९२३ रुग्ण आढळले. त्यानंतर 30 डिसेंबरला 1313, तर 31 डिसेंबरला 1796 केसेस आल्या. मात्र नवीन वर्ष सुरू होताच अचानक आकड्यांमध्ये मोठी उसळी पाहायला मिळाली. 1 जानेवारी रोजी दिल्लीत 2796 प्रकरणे नोंदवली गेली, तर 2 जानेवारीच्या अहवालात 3194 आणि 3 जानेवारीला 4099 प्रकरणे झाल्यानंतर आज हा आकडा 5481 वर पोहोचला आहे.

The post ब्रेकिंग! दिल्लीत मागील 24 तासांत कोरोनाचे 5481 नवीन रुग्ण, 3 जणांचा मृत्यू appeared first on थोडक्यात घडामोडी.

मुंबई : राज्यातील सुमारे १५ जिल्ह्यांमध्ये दैनंदिन कोरोना रुग्णसंख्या कमी होत आहे, तर अन्य काही जिल्ह्यांमध्ये त्यात वाढही होत आहे. लसीकरणाला वेग देण्यासाठी लसींचा पुरवठा आवश्यक असून आज राज्यात कोविशिल्डचे ९ लाख डोस प्राप्त झाले आहेत. त्याद्वारे ४५ वर्षांवरील नागरिकांना लसीकरण केले जाईल. तर १८ ते ४४ वयोगटातील लसीकरणासाठी सुमारे १८ लाख डोसेससाठी खरेदी आदेश देण्यात आल्याची माहिती आरोग्यमंत्री राजेश टोपे यांनी आज दिली.

राज्यातील नांदेड, धुळे, मुंबई, भंडारा, ठाणे, नाशिक, लातूर, नंदूरबार, नागपूर, औरंगाबाद, अमरावती, रायगड, उस्मानाबाद, चंद्रपूर आणि गोंदीया या जिल्ह्यांमधील दैनंदिन नवीन रुग्णसंख्या कमी झाली आहे. महाराष्ट्राचे रुग्ण बरे होण्याचे प्रमाण देशाच्या प्रमाणापेक्षा अधिक असल्याचे आरोग्यमंत्र्यांनी यावेळी सांगितले.

आरोग्यमंत्री टोपे यांनी मंत्रालयात माध्यम प्रतिनिधींशी साधलेल्या संवादातील प्रमुख मुद्दे :

1. राज्यात ४५ वर्षांवरील सुमारे १ कोटी ६५ लाखांहून अधिक नागरिकांचे लसीकरण झाले आहे. कालपर्यंत राज्यात या वयोगटाच्या लसीकरणासाठी केवळ २५ हजार डोस शिल्लक होते. त्यामुळे अनेक ठिकाणी लसीकरण केंद्र बंद होते.
2. आज राज्याला ९ लाख डोस मिळाले आहेत. त्यातून ४५ वर्षांवरील नागरिकांचे लसीकरण केले जाईल. ४५ वर्षांवरील सुमारे ३.५ कोटी लोकसंख्येपैकी ४५ टक्के नागरिकांना लसीकरण झाले आहे.
3. दि. १ मे पासून १८ ते ४४ वयोगटाच्या लसीकरणास सुरूवात झाली. आतापर्यंत या वयोगटातील सुमारे १ लाख नागरिकांना लस देण्यात आली आहे. त्यांच्या लसीकरणाला गती येण्यासाठी कोविशिल्ड लसीचे १३ लाख ५८ हजार तर कोवॅक्सिन लसीच्या ४ लाख ८९ हजार असे एकूण १८ लाखांहून अधिक डोसेस खरेदी करण्यासाठी आदेश देण्यात आले आहेत.
4. स्पुटनिक लस भारतात आली असून तिच्या दराबाबत चर्चा सुरू असून ते निश्चित झाल्यानंतर त्याचे डोस राज्यात मागविले जातील.
5. तरुणाईने लसीकरणासाठी गर्दी करू नये. पोर्टलवर नोंदणी आणि दिनांक,वेळ निश्चिती नंतरच लस दिली जाईल. त्यामुळे संयम आणि शिस्त पाळण्याचे आवाहन आरोग्यमंत्र्यांनी केले.
6. राज्य शासनाने रेमडेसिविर,ऑक्सिजन यासाठी काढलेल्या जागतिक निविदेला कंपन्यांकडून प्रतिसाद मिळाला आहे. मदत व पुर्नवसन विभागाकडून त्याची छाननी आणि पुढील कार्यवाही सुरू आहे. या जागतिक निविदेच्या माध्यमातून राज्याला साडेतीन लाख रेमडेसिविर, २० हजार ऑक्सिजन कॉन्स्ट्रेटर, २७ स्टोरेज टॅंक उपलब्ध होतील. जेणे करून ऑक्सिजनचा बफर साठा करून ठेवता येईल.
7. राज्यात जिल्हाधिकाऱ्यांमार्फत १५० ऑक्सिजन प्लांट (हवेतून ऑक्सिजन शोषून घेणारे) खरेदीसाठी कार्यादेश देण्यात आले आहेत. जिल्ह्यांमध्ये ऑक्सिजन निर्मितीच्या प्रकल्पासाठी जिल्हा विकास व नियोजन आणि राज्य आपत्ती पुर्नवसन निधी यामधून निधी घेण्याचे निर्देश दिले आहेत. महाराष्ट्रातील प्रत्येक जिल्हा ऑक्सिजनच्या बाबतीत स्वयंपूर्ण होण्यासाठी प्रयत्न होत असल्याचे त्यांनी सांगितले.
8. केंद्र शासनाकडून राज्याला जे १० पीएसए प्लांट मंजूर आहेत त्यातील ९ प्रकल्पाचे काम पूर्ण झाले आहे.
9. सध्या केंद्र शासनाकडून राज्याला दररोज ४० हजाराच्या आसपास रेमडेसिविर मिळत आहे. वाढत्या मागणीमुळे ते कमी पडत आहेत. पुरवठा झालेले रेमडेसिविर जिल्ह्यांच्या रुग्णसंख्येच्या प्रमाणात जिल्हाधिकाऱ्यांना वाटप केले जात आहेत.

The post राज्यात ‘या’ १५ जिल्ह्यांमध्ये दैनंदिन कोरोना रुग्णसंख्येत घट, आरोग्यमंत्र्यांनी दिली कोरोना उपाययोजनांची सविस्तर माहिती appeared first on थोडक्यात घडामोडी.

पाटणा : पाटणा एम्स रुग्णालयातील 384 डॉक्टर आणि नर्सिंग स्टाफ आतापर्यंत कोरोना पॉझिटिव्ह झालाय, असं पाटणा एम्सचे वैद्यकीय अधीक्षकांनी सांगितलं आहे.

पाटणा एम्सचे वैद्यकीय अधीक्षक म्हणाले की, रुग्णालयातील 384 डॉक्टर आणि नर्सिंग स्टाफ आतापर्यंत कोरोना पॉझिटिव्ह झालाय. बिहारमधील पंचायत निवडणुका कोरोनाच्या वाढत्या प्रकरणात पुढे ढकलण्यात आल्यात. निवडणुकीसंदर्भात अधिसूचना एप्रिल अखेर जारी करण्यात येणार होती, पण आता ती पुढे ढकलण्यात आली. साथीच्या पार्श्वभूमीवर राज्य निवडणूक आयोगाने पंचायत निवडणुका तहकूब केल्यात आणि 15 दिवसांनंतर पुन्हा परिस्थितीचा आढावा घेण्यात येईल व निर्णय घेतला जाईल.

बिहारमध्ये कोरोनाचा प्रादुर्भाव झपाट्याने पसरत आहे. मंगळवारी पहिल्यांदाच 10,000 हून अधिक नवीन रुग्णांची नोंद झाल्याने राज्यात कोरोनानं नवीन विक्रम केलाय. मंगळवारी राज्यात 10,455 कोरोनाबाधित सापडलेत. या दरम्यान 51 रुग्णांनाही आपला जीव गमवावा लागलाय, अशी माहिती बिहारच्या आरोग्य विभागाने दिली आहे.

The post कोरोनाचा विस्फोट!, एकाच रूग्णालयातील ३८४ डॉक्टर आणि नर्सिंग स्टाफला कोरोना पॉझिटिव्ह appeared first on थोडक्यात घडामोडी.

नवी दिल्ली : कोरोना संक्रमणानं देशात अगदी भयावह परिस्थिती निर्माण केली आहे. भारतात कोरोना संक्रमणाचे आकडे दररोज नवा उच्चांक गाठत आहेत. बुधवारी भारतात पहिल्यांदाच दोन लाखांहून अधिक रुग्ण आढळले आहेत. बुधवारी २४ तासांत एकूण २ लाख ७३९ कोरोनाबाधित रुग्णांची भर पडली आहे. तर १०३८ करोनाबाधित रुग्णांचा मृत्यू झाला आहे.

आरोग्य मंत्रालयानं जाहीर केलेल्या आकडेवारीनुसार, देशातील एकूण कोरोनाबाधित रुग्णांची संख्या १ कोटी ४० लाख ७४ हजार ५६४ वर पोहचली असून आतापर्यंत देशात एकूण १ लाख ७३ हजार १२३ नागरिकांचा कोरोनामुळे मृत्यू झाला आहे. सध्या देशात १४ लाख ७१ हजार ८७७ रुग्णांवर उपचार सुरू आहेत. आयसीएमआर (ICMR)नं दिलेल्या माहितीनुसार, १४ एप्रिल रोजी देशात १३ लाख ८४ हजार ५४९ नमुन्यांची कोरोना तपासणी करण्यात आली. तर देशात आतापर्यंत एकूण २६ कोटी २० लाख ०३ हजार ४१५ नमुन्यांची तपासणी करण्यात आलीय.

The post कोरोनाचा उद्रेक! २४ तासांत २ लाखांहून अधिक कोरोना रुग्णांची भर appeared first on थोडक्यात घडामोडी.

पुणे : पुणे शहर आणि जिल्ह्यातील कोरोना बाधित रुग्णांची संख्या वेगाने वाढत असून पुण्यातील रुग्णालयांमध्ये आता बेड्सची कमतरता जाणवू लागली आहे. ही कमतरता दूर करण्यासाठी पुणे महापालिकेने महत्वाचा निर्णय घेतला आहे. या निर्णयानुसार आता खासगी रुग्णालयात तब्बल ८० टक्के बेड्स कोविड रुग्णांसाठी राखीव ठेवण्यात येणार आहेत. पुण्याचे महापौर मुरलीधर मोहोळ यांनी ट्विट करत ही महत्वाची माहिती दिली आहे.

महापौर मुरलीधर मोहोळ ट्विटमध्ये म्हणतात कि, ‘खासगी रुग्णालयात ८० टक्के बेड्स कोविडसाठी राखीव !… कोरोनाचा वाढता संसर्ग लक्षात घेता पुणे महानगरपालिका हद्दीतील सर्व खासगी दवाखान्यातील ८० टक्के बेड्स कोविड उपचारासाठी उपलब्ध करुन देण्याबाबतचे आदेश आज काढण्यात आले आहेत. ३१ मार्चपासून हे बेड्स कोविड रुग्णांना उपलब्ध होतील’.

खासगी रुग्णालयात ८० टक्के बेड्स कोविडसाठी राखीव !

कोरोनाचा वाढता संसर्ग लक्षात घेता पुणे महानगरपालिका हद्दीतील सर्व खासगी दवाखान्यातील ८० टक्के बेड्स कोविड उपचारासाठी उपलब्ध करुन देण्याबाबतचे आदेश आज काढण्यात आले आहेत. ३१ मार्चपासून हे बेड्स कोविड रुग्णांना उपलब्ध होतील.

— Murlidhar Mohol (@mohol_murlidhar) March 29, 2021

पुणे शहरात एकूण ५ हजार ८ बेड उपलब्ध आहेत. त्यातील फक्त ४९० बेड शिल्लक आहेत. त्यात साध्या खाटांची संख्या २४३ इतकी असून ऑक्सिजन बेडची संथ्या २१७ इतकी आहे. तर, आयसीयू बेड २० आणि व्हेंटिलेटर बेड १० आहेत.

The post पुणे महापालिकेचा मोठा निर्णय, खासगी हॉस्पिटलमधील ८० टक्के बेड कोरोना रुग्णांसाठी राखीव.. appeared first on थोडक्यात घडामोडी.

महाराष्ट्रात कोरोना रुग्णसंख्येत सातत्याने वाढ होत असल्यामुळे काही जिल्ह्यात लॉकडाऊन घोषित करण्यात आला तर काही ठिकाणी कडक निर्बंध लागू करण्यात आले. तरीदेखील रुग्णसंख्या आटोक्यात येत नसल्याने चिंता वाढली आहे. राज्यात गेल्या दोन दिवसात 20 हजारांच्या आसपास रुग्ण आढळले आहेत. सध्या राज्यात 97 हजार 638 अॅक्टिव्ह रुग्ण आहेत. तर राज्यातील मृत्यूदर हा 2.36 टक्क्यांवर पोहोचला आहे.

पुणे :

पुण्यात फेब्रुवारीच्या दुसऱ्या आठवड्यापासून कोरोना रुग्णांची संख्या झपाट्याने वाढत असल्याने शहरातील कंटेनमेंट झोनमध्ये वाढ होत आहे. आता पुण्यातील कंटेनमेंट झोनची संख्या 62 वर पोहोचली आहे.

मुंबई :

मुंबईत गेल्या काही दिवसांपासून कोरोना रुग्णसंख्येत सातत्याने वाढ होत आहे. अनेक इमारतींमध्ये कोरोनाचे रुग्ण आढळत आहेत. वाढत्या कोरोना रुग्णांच्या पार्श्वभूमीवर मुख्यमंत्र्यांनी स्थानिक प्रशासनाला निर्बंध कडक करण्याचे आदेश दिले आहेत.

ठाणे :

ठाण्यात कोरोनाग्रस्तांचे प्रमाण चांगलेच वाढले आहे. त्यामुळे कोरोनाला अटकाव करण्यासाठी ठाणे महापालिका क्षेत्रात 16 ठिकाणं कोरोना हॉटस्पॉट निश्चित करण्यात आली असून या 16 हॉटस्पॉटमध्ये येत्या 31 मार्चपर्यंत पुन्हा लॉकडाऊन असेल.

औरंगाबाद :

औरंगाबादमध्ये कोरोना रुग्णांची वाढती संख्या लक्षात घेता येत्या 11 मार्चपासून 4 एप्रिलपर्यंत अंशत: लॉकडाऊनची घोषणा करण्यात आली आहे.

नाशिक :

नाशिक जिल्ह्यात कोरोना रुग्णांचा वाढता आलेख कायम आहे. त्यामुळे येथेही कडक निर्बंध लादण्यात आले आहेत. नाशिक आणि मालेगावमध्ये सर्व शाळा, कॉलेज, कोचिंग क्लासेस पूर्णपणे बंद राहणार आहेत, अशी माहिती नाशिक जिल्हााधिकाऱ्यांनी दिली आहे.

The post महाराष्ट्रात कोरोना रुग्णसंख्येत झपाट्याने वाढ, ‘या’ शहरांमध्ये कडक निर्बंध appeared first on थोडक्यात घडामोडी.

देशात कोरोनाच्या नवीन प्रकरणांमध्ये सातत्याने घट होत आहे. तसेच कोरोनामधून बरे होणार्‍या रुग्णांची संख्याही सतत वाढत आहे. देशात गेल्या २४ तासात कोरोनाचे ५५,७२२ नवे रुग्ण आढळून आले आहेत तर देशात ५७९ कोरोना पॉझिटिव्ह रुग्णांचा मृत्यू झाला आहे. देशात आता ७ लाख ७२ हजार ५५ अॅक्टिव्ह रुग्ण आहेत.

केंद्रीय आरोग्य व कुटुंब कल्याण मंत्रालयाने दिलेल्या माहितीनुसार, देशात आतापर्यंत एकूण 75 लाख 50 हजार 273 रुग्णांची नोंद झाली आहे. यापैकी 66 लाख 63 हजार 608 लोक कोरोनाहून बरे झाले आहेत. सध्या कोरोनाची 7 लाख 72 हजार 55 सक्रिय प्रकरणे आहेत. तर कोरोनामुळे आतापर्यंत 1 लाख 14 हजार 610 लोक मरण पावले आहेत.

आरोग्य मंत्रालयाच्या म्हणण्यानुसार, गेल्या 24 तासांत देशातील 66,399 लोक कोरोनामधून बरे झाले आहेत. भारताची कोरोनातून बरे झालेल्यांची संख्या सध्या 88.26% आहे.

The post दिलासादायक : देशात कोरोना रुग्णसंख्येत सातत्याने घट appeared first on थोडक्यात घडामोडी.