पुणे : कोरोना काळात लॉकडाउनमुळे अनेक जणांच्या नोकऱ्या गेल्या. पुण्यातील कोंढवा भागात राहणाऱ्या एका इंजिनिअर तरुणाने नोकरी गेल्याच्या नैराश्यातून गळफास घेऊन आत्महत्या केली आहे. ऋषिकेश मारुती उमाप असे आत्महत्या केलेल्या तरुणाचे नाव आहे. कोंढव्यातील कावेरी पार्क सोसायटीत हा तरुण राहत होता.

मिळालेल्या माहितीनुसार, कावेरी पार्क सोसायटीमध्ये ऋषिकेश मारुती उमाप हा तरूण कुटुंबियांसह राहत होता. ऋषिकेश इंजिनिअर होता. परंतु, लॉकडाउनमध्ये त्याची नोकरी गेली. त्यामुळे तो घरीच बसून होता. नोकरीच्या चिंतेने त्याला ग्रासले होते. त्यामुळे तो नैराश्यात गेला होता. दरम्यान, ऋषिकेश सोमवारी रात्री त्याच्या रूममध्ये झोपण्यास गेला. मात्र सकाळी उशिरापर्यंत तो बाहेर आला नाही. त्याच्या कुटुंबियांनी रूमच्या खिडकीतून डोकावून पाहिलं, त्यावेळी त्यांच्या पायाखालची जमीन सरकली. ऋषिकेशने गळफास घेतल्याचे त्यांना दिसून आले. त्यानंतर कुटुंबियांनी त्याला तात्काळ रुग्णालयात दाखल केले. तेथे डॉक्टरांनी त्याला मृत घोषित केले. या प्रकरणाचा अधिक तपास पोलीस करीत आहेत.

The post नोकरी गेल्याच्या नैराश्यातून पुण्यातील इंजिनिअर तरुणाची आत्महत्या appeared first on थोडक्यात घडामोडी.

पुणे : घरकाम करणाऱ्या १९ वर्षीय तरुणीने तिसऱ्या मजल्यावरून उडी मारून आत्महत्या केल्याची घटना घडली आहे. हडपसर येथील पांढरे मळा परिसरात राहणाऱ्या या तरुणीने काल (७ मार्च) संध्याकाळी साडेचार वाजेच्या सुमारास इमारतीवरून उडी मारली. दरम्यान, आसपास राहणाऱ्या नागरिकांनी तत्काळ या तरुणीला रुग्णालयात नेले. मात्र, तिथे तिला मृत घोषित करण्यात आले.

मिळालेल्या माहितीनुसार, तब्बू शेख नावाची तरुणी गंगा रेसिडन्सी सोसायटीत घरकाम करत होती. रविवारी तिने सोसायटीच्या गच्चीवर जाऊन उडी मारली. यात तिच्या डोक्याला गंभीर दुखापत झाली. तिला रक्ताच्या थारोळ्यात पडलेली पाहून नागरिकांनी तत्काळ पोलिसांना कळवले आणि तिला उचलून जवळील रुग्णालयात नेले. मात्र, डॉक्टरांनी तिला उपचारापूर्वीच मृत झाल्याचे घोषित केले. दरम्यान, पोलिसांनी याबाबत हडपसर पोलिस ठाण्यात आकस्मिक मृत्यूची नोंद करून घेतली. पोलिसांनी घटनास्थळी जाऊन पाहणी केली. पोलीस अधिक तपस करत आहेत. तरुणीच्या आत्महत्येचे कारण अद्याप समजू शकलेले नाही.

The post पुण्यात घरकाम करणाऱ्या तरुणीची इमारतीवरून उडी मारून आत्महत्या appeared first on थोडक्यात घडामोडी.

नवी मुंबई : APMC पोलीस ठाण्याचे सहाय्यक पोलीस निरीक्षक भूषण पवार यांनी स्वत:वर गोळी झाडून आत्महत्या केली आहे. सरकारी रिव्हॉल्व्हरने पोलीस ठाण्यातच पवार यांनी स्वत:वर गोळी झाडली. भूषण पवार यांना तातडीने MGM रुग्णालयात नेण्यात आलं, परंतु दाखल करण्यापूर्वीच त्यांचा मृत्यू झाला होता.

नवी मुंबई पोलीस आयुक्तालय हद्दीत APMC पोलीस ठाण्यात भूषण पवार यांनी स्वत:वर गोळी झाडून घेतली. दुपारी 12च्या सुमारास घडलेल्या या प्रकारामुळे संपूर्ण पोलीस दलात खळबळ माजली आहे. भूषण पवार हे 42 वर्षांचे होते. त्यांच्या आत्महत्येचं कारण अद्याप समजलेलं आहे.

The post सहाय्यक पोलीस निरीक्षक भूषण पवार यांची आत्महत्या, पोलीस ठाण्यातच स्वत:वर गोळी झाडली appeared first on थोडक्यात घडामोडी.

पुणे : एका १३ वर्षीय मुलाने गळफास घेऊन आत्महत्या केल्याची घटना पिंपरी-चिंचवडमध्ये चिखली परिसरात घडली आहे. आईने टीव्ही पाहू दिला नाही म्हणून त्याने आत्महत्या केल्याची धक्कादायक माहिती समोर आली आहे. रमजान अब्दुल शेख असं आत्महत्या केलेल्या मुलाचे नाव आहे.

पोलिसांनी दिलेल्या माहितीनुसार, टीव्ही पाहण्यावरुन झालेल्या वादाचा राग मनात धरुन रमजानने मंगळवारी सायंकाळी पाचच्या सुमारास गळफास घेऊन आयुष्य संपविण्याचा प्रयत्न केला. परंतू रमजानने गळफास लावल्याचं घरातील व्यक्तींच्या लक्षात आल्याने त्यांनी तातडीने त्याला खाली उतरवलं आणि जवळच्या खासगी रुग्णालयात दाखल केलं. त्याच्यावर उपचार सुरु होते. मात्र बुधवारी रात्रीपासून रमजानची प्रकृती सातत्याने खालावत गेली. त्यामुळेच बुधवारी त्याला दुसऱ्या रुग्णालयात हलवण्याचा निर्णय घेण्यात आला. मात्र त्याआधीच त्याचा मृत्यू झाला.

The post धक्कादायक : टीव्ही पाहण्यावरुन झालेल्या वादातून १३ वर्षीय मुलाची गळफास घेऊन आत्महत्या appeared first on थोडक्यात घडामोडी.