सनरायजर्स हैदराबादने मुंबई इंडियन्स विरुद्धची मॅच दहा विकेट राखून जिंकली आणि दिमाखात प्ले ऑफ फेरीत प्रवेश केला. प्ले ऑफ फेरीची पहिली मॅच ५ नोव्हेंबर रोजी आहे. ही मॅच मुंबई इंडियन्स आणि दिल्ली कॅपिटल्स यांच्यात दुबईत रंगणार आहे. तर दुसरी मॅच ६ नोव्हेंबर रोजी सनरायजर्स हैदराबाद आणि रॉयल चॅलेंजर्स बंगळुरू यांच्यात अबुधाबीत होणार आहे.

Match 56. It’s all over! Sunrisers Hyderabad won by 10 wickets https://t.co/zV58wrXXuf #SRHvMI #Dream11IPL #IPL2020

— IndianPremierLeague (@IPL) November 3, 2020

आयपीएलच्या ५६व्या आणि शेवटच्या लीग मॅचमध्ये सनरायजर्स हैदराबादने टॉस जिंकून गोलंदाजीचा निर्णय घेतला. प्रथम फलंदाजी करणाऱ्या मुंबई इंडियन्सने २० ओव्हरमध्ये ८ बाद १४९ धावा केल्या. सनरायजर्स हैदराबादने १७.१ ओव्हरमध्ये १५१ धावा करुन मॅच दहा विकेट राखून जिंकली. या मॅचमध्ये डेव्हिड वॉर्नरने नाबाद ८५ तर वृद्धिमान साहाने नाबाद ५८ धावा केल्या.

याआधी मुंबई इंडियन्सकडून कायरन पोलार्डने सर्वाधिक ४१ धावा केल्या. रोहित शर्मा ४ धावा, क्विंटन डी कॉक २५ धावा, सूर्यकुमार यादव ३६ धावा, इशान किशन ३३ धावा, कृणाल पांड्या शून्य धावा, सौरभ तिवारी १ धाव, नॅथन कुल्टर नाइल १ धाव, जेम्स पॅटिसन नाबाद ४ धावा, धवल कुलकर्णी नाबाद ३ धावा करू शकले. संदीप शर्माने रोहित शर्मा, डी कॉक आणि इशान किशन या तिघांना बाद केले. शाहबाझ नदीमने सूर्यकुमार यादव आणि कृणाल पांड्याला बाद केले. जेसन होल्डरने पोलार्ड आणि नॅथन कल्टर नीलला बाद केले. राशिद खानने सौरभ तिवारीला बाद केले.

The post IPL 2020 : मुंबई विरुद्धच्या सामन्यात हैदराबादचा १० विकेट राखून दणदणीत विजय appeared first on थोडक्यात घडामोडी.

आयपीएल मध्ये किंग्ज इलेव्हन पंजाबचा संघ आपली पराभवांची मालिका खंडीत करण्यात यशस्वी ठरला आहे. सलामीवीर मयांक अग्रवाल, कर्णधार लोकेश राहुल आणि ख्रिस गेल यांनी केलेल्या फटकेबाजीच्या जोरावर पंजाबने RCB वर ८ गडी राखून मात केली आहे. तेराव्या हंगामात आपला पहिलाच सामना खेळणाऱ्या गेलने अर्धशतक झळकावलं. कर्णधार लोकेश राहुलनेही नाबाद अर्धशतकी खेळी करत संघाच्या विजयात मोलाचा वाटा उचलला.

नाणेफेक जिंकून RCB चा कर्णधार विराट कोहलीने प्रथम फलंदाजी करण्याचा निर्णय घेतला. देवदत पडीकल आणि फिंच या सलामीच्या जोडीने RCB च्या संघाला आश्वासक सुरुवात करुन दिली. दोन्ही फलंदाजांमध्ये ३८ धावांची भागीदारी झाल्यानंतर अर्शदीप सिंहने देवदत पडीकलला माघारी धाडलं. त्याने १८ धावा केल्या. मुरगन आश्विनने फिंचला त्रिफळा उडवत बाद केलं. चौथ्या क्रमांकावर RCB ने वॉशिंग्टन सुंदरला संधी दिली. विराट कोहली संघाची बाजू सावरण्याचा प्रयत्न करत असताना वॉशिंग्टन सुंदर आश्विनच्या गोलंदाजीवर माघारी परतला.

शिवम दुबेने मैदानावर येऊन विराट कोहलीच्या साथीने संघाचा डाव सावरत १०० धावांचा टप्पा ओलांडून दिला. १६ व्या षटकाच्या अखेरीस शिवम दुबेही माघारी परतला. १६ व्या षटकापर्यंत RCB ने फक्त १२७ धावांपर्यंत मजल मारली होती. डिव्हीलियर्सला अखेरच्या षटकांत फटकेबाजी करण्यासाठी राखून ठेवण्याचा RCB चा प्लान फसला. मोहम्मद शमीच्या गोलंदाजीवर १८ व्या षटकात मोठा फटका खेळण्याच्या प्रयत्नात डिव्हीलियर्स दोन धावा काढून माघारी परतला. कोहलीही शमीच्या स्लो बाऊन्सरवर फटका खेळण्याच्या प्रयत्नात यष्टीरक्षक लोकेश राहुलकडे झेल देऊन माघारी परतला. त्याने ३९ चेंडूत ४८ धावांची खेळी केली. अखेरच्या षटकात ख्रिस मॉरिसने फटकेबाजी करत RCB ला १७१ धावांचा पल्ला गाठून दिला.पंजाबकडून मोहम्मद शमी आणि मुरगन आश्विनने प्रत्येकी २ तर अर्शदीप सिंह आणि ख्रिस जॉर्डनने १-१ बळी घेतला.

RCB ने विजयासाठी दिलेल्या १७२ धावांचा पाठलाग करताना किंग्ज इलेव्हन पंजाबने आक्रमक सुरुवात केली. कर्णधार लोकेश राहुल आणि मयांक अग्रवाल यांनी अर्धशतकी भागीदारी करत पंजाबला भक्कम सुरुवात करुन दिली. युजवेंद्र चहलने मयांकला बाद करत बंगळुरुला पहिलं यश मिळवून दिलं. मयांकने २५ चेंडूत ४ चौकार आणि ३ षटकारांसह धडाकेबाज ४५ धावा केल्या. मयांक माघारी परतल्यानंतर ख्रिस गेल मैदानावर आला. यानंतर ख्रिस गेलनेही बंगळुरुच्या गोलंदाजांवर हल्ला चढवला. शारजाच्या छोट्या मैदानाचा फायदा घेत गेलनेही फटकेबाजी करत ५३ धावांची खेळी केली. लोकेश राहुलने नाबाद ६१ धावांची खेळी केली. शेवटच्या चेंडूवर विजयासाठी एक धाव हवी असताना निकोलस पूरनने षटकार मारत संघाला विजय मिळवून दिला.

The post IPL 2020 : पंजाबने बेंगळुरू वर ८ गडी राखून केली मात appeared first on थोडक्यात घडामोडी.

दिल्ली कॅपिटल्सने राजस्थान रॉयल्सवर १३ धावांनी मात केली आहे. १६२ धावांचं आव्हान घेऊन मैदानात उतरलेला राजस्थानचा संघ १४८ धावांपर्यंत मजल मारु शकला.

नाणेफेक जिंकत दिल्लीचा कर्णधार श्रेयस अय्यरने प्रथम फलंदाजी करण्याचा निर्णय घेतला. दिल्लीच्या डावाची सुरुवात खराब झाली. पहिल्याच चेंडूवर पृथ्वी शॉला जोफ्रा आर्चरने क्लीन बोल्ड केले. त्यानंतर अजिंक्य रहाणेने आर्चरच्या गोलंदाजीवर आपली विकेट गमावली, तो २ धावा काढत बाद झाला. यानंतर कर्णधार श्रेयस अय्यर आणि सलामीवीर शिखर धवन यांनी तिसऱ्या विकेटसाठी ८५ धावांची भागीदारी करत संघाचा डाव सावरला.

शिखरने ३३ चेंडूत ६ चौकार आणि २ षटकारांसह ५७ धावा केल्यानंतर श्रेयस गोपाळच्या गोलंदाजीवर मोठा फटका खेळण्याच्या प्रयत्नात बाद झाला. श्रेयस अय्यरही अर्धशतक झळकावत कार्तिक त्यागीच्या गोलंदाजीवर आर्चरकडे झेल देत माघारी परतला. त्याने ५३ धावांची खेळी केली. यानंतर अखेरच्या फळीतल्या फलंदाजांनी फटकेबाजी करत दिल्लीला मोठी धावसंख्या गाठून देण्याचा प्रयत्न केला. राजस्थानकडून जोफ्रा आर्चरने ३, जयदेव उनाडकटने २ तर कार्तिक त्यागी आणि श्रेयस गोपाळने प्रत्येकी १-१ बळी घेतला. दिल्ली कॅपिटल्सने सामन्यात १६१ धावा केल्या.

१६२ धावांच्या आव्हानाचा पाठलाग करताना राजस्थानच्या सलामीवीर बेन स्टोक्स आणि जोस बटलर यांनी पहिल्या विकेटसाठी ३७ धावांची भागीदारी केली. त्यानंतर नॉर्जने जोस बटलरचा त्रिफळा उडवत दिल्लीला पहिलं यश मिळवून दिलं. कर्णधार स्टिव्ह स्मिथही रविचंद्रन आश्विनच्या गोलंदाजीवर माघारी परतला. त्यानंतर बेन स्टोक्स आणि संजू सॅमसन या दोन्ही फलंदाजांनी तिसऱ्या विकेटसाठी ४६ धावांची भागीदारी करत संघाचं आव्हान कायम राखलं. बेन स्टोक्सने दिल्लीच्या गोलंदाजीवर हल्लाबोल करत ३५ चेंडूत ६ चौकारांसह ४१ धावा केल्या. तुषार देशपांडेने बेन स्टोक्सला बाद करत दिल्लीला महत्वाची विकेट मिळवून दिली. स्टोक्सने ४१ धावा केल्या. यानंतर संजू सॅमसनही अक्षर पटेलच्या गोलंदाजीवर त्रिफळाचीत होऊन माघारी परतला.

रियान परागही रॉबिन उथप्पासोबत एकेरी धाव घेताना झालेल्या गोंधळात धावबाद होऊन माघारी परतला. मधल्या फळीत रॉबिन उथप्पा आणि राहुल तेवतिया यांनी फटकेबाजी करत सामन्यात रंगत निर्माण केली. परंतू नॉर्जने उथप्पाचा त्रिफळा उडवत दिल्लीला पुन्हा एक यश मिळवून दिलं. १९ व्या षटकात जोफ्रा आर्चरही फटकेबाजी करण्याच्या प्रयत्नात अजिंक्य रहाणेकडे झेल देऊन बाद झाला, रबाडाने त्याचा बळी घेतला. दिल्लीकडून अॅन्रित नॉर्ज आणि तुषार देशपांडेने २ तर कगिसो रबाडा, आश्विन आणि अक्षर पटेल यांनी प्रत्येकी १-१ बळी घेतला.

The post IPL 2020 : दिल्ली कॅपिटल्सची राजस्थान रॉयल्सवर १३ धावांनी मात appeared first on थोडक्यात घडामोडी.

IPL 2020 : गुणतालिकेतील अव्वल स्थानासाठी झालेल्या संघर्षात मुंबईकर दिल्लीच्या संघावर भारी पडले. क्विंटन डी कॉक, सूर्यकुमार यादव यांची अर्धशतके आणि शेवटच्या षटकांमधील पोलार्ड-कृणाल पांड्याचा संतुलित खेळ याच्या बळावर मुंबईने दिल्लीवर ५ गडी आणि २ चेंडू राखून मात केली. दिल्ली आणि मुंबई दोन्ही संघाचे ७ सामन्यांत १० गुण असले तरी मुंबई नेट रनरेटच्या बळावर ‘नंबर 1’ ठरली.

नाणेफेक जिंकून दिल्लीचा कर्णधार श्रेयस अय्यर याने प्रथम फलंदाजीचा निर्णय घेतला. दिल्लीच्या डावाची सुरूवात खराब झाली. पहिल्याच षटकात सलामीवीर पृथ्वी शॉ ४ धावांवर माघारी परतला. पहिली संधी मिळालेला अजिंक्य रहाणेही १५ धावांवर बाद झाला. कर्णधार अय्यर आणि सलामी फलंदाज शिखर धवनने दिल्लीचा डाव सावरला आणि १४व्या षटकात संघाला शतक करून दिलं. कर्णधार श्रेयस अय्यर ३३ चेंडूत ४२ धावा काढून बाद झाला. मार्कस स्टॉयनीस आणि शिखर धवन यांच्यात धाव घेण्यावरून झालेल्या गोंधळात स्टॉयनीस १३ धावांवर धावबाद झाला. पण सलामीवीर शिखर धवन शेवटपर्यंत नाबाद राहिला. त्याने ५२ चेंडूत नाबाद ६९ धावा केल्या.

१६३ धावांच्या आव्हानाचा पाठलाग करताना मुंबईने संयमी सुरूवात केली. पण कालांतराने कर्णधार रोहित शर्मा मोठा फटका खेळताना ५ धावांवर झेलबाद झाला. सलामीवीर क्विंटन डी कॉकने फटकेबाजी करत ३४ चेंडूत दमदार अर्धशतक ठोकलं. या स्पर्धेतील हे त्याचं दुसरं अर्धशतक ठरलं. अर्धशतक झळकावल्यावर क्विंटन डी कॉक लगेचच झेलबाद झाला. त्याने ३६ चेंडूत ५३ धावा केल्या. त्यात ४ चौकार आणि ३ षटकारांचा समावेश होता. सूर्यकुमार यादवने ३० चेंडूत अर्धशतक पूर्ण केलं. त्याने ३२ चेंडूत ५३ धावा करत ६ चौकार आणि १ षटकार खेचला. सूर्यकुमार बाद झाल्यावर फलंदाजीसाठी आलेला हार्दिक पांड्या शून्यावर बाद झाला. त्यानंतर कृणाल पांड्या आणि कायरन पोलार्डने संघाला विजय मिळवून दिला.

The post IPL 2020 : मुंबईने दिल्लीवर ५ गडी राखून केली मात, मुंबई अव्वल स्थानी appeared first on थोडक्यात घडामोडी.