बंगळुरु : आई-वडिलांच्या टीव्हीच्या रिमोटवरुन झालेल्या भांडणात तीन वर्षांच्या चिमुकलीने जीव गमावला. मुलीने वडिलांची बाजू घेतल्यामुळे आईला राग अनावर झाला आणि तिने आपल्या तीन वर्षांच्या मुलीची गळा दाबून हत्या केली. कर्नाटकातील बंगळुरुमध्ये ही खळबळजनक घटना घडली आहे.

सुधा पश्चिम बंगळुरुतील टाईल्सच्या दुकानात हाऊसकीपिंग स्टाफ म्हणून कार्यरत होती. तर तिचा पती इरन्ना हा माथाडी कामगार आहे. ही चिमुकली नेहमीच आपल्या वडिलांची बाजू घेत असायची. त्यामुळे तिची आई सुधा (26) नेहमी चिडलेली असायची. अशातच टीव्हीच्या रिमोटवरुन पती-पत्नीत वाद झाला. या वादानंतर या चिमुकलीने वडिलांची बाजू घेतली. त्यामुळे तिच्या आईला राग अनावर झाला. अखेर या महिलेने चिमुकलीला जीवे मारायचं ठरवलं आणि एका बांधकाम सुरु असलेल्या निर्मनुष्य इमारतीत नेलं. तिथे तिने आपल्या मुलीचा गळा आवळून तिची हत्या केली. त्यानंतर पतीसोबत पोलिस स्थानकात जाऊन या महिलेने मुलगी बेपत्ता असल्याची तक्रार नोंदवली. मी मुलीला घेऊन चाटच्या दुकानात गोबी मंचुरिअन खायला गेले होते. दुकानदाराला पैसे देत असताना माझ्या नकळत चिमुकली हात सोडून कुठेतरी गेली, असं तिने रचला.

दुसऱ्या दिवशी बांधकाम सुरु असलेल्या इमारतीत चिमुकलीचा मृतदेह आढळला. त्याविषयी पोलिसांना माहिती देण्यात आली. माहिती मिळताच पोलिसांनी घटनास्थळी धाव घेतली. त्यानंतर सुधा आणि इरन्ना यांना बोलावून मुलीची ओळख पटवण्यात आली. मात्र सुधाच्या बोलण्यात तफावत आढळल्याने पोलिसांना संशय आला. त्यांनी तिची कसून चौकशी केली, तेव्हा सुधाने आपणच मुलीची गळा दाबून हत्या केल्याची कबुली दिली. मुलगी नेहमी आपल्या वडिलांची बाजू घेत असल्याच्या रागातून तिची हत्या केल्याचं सुधाने सांगितलं.

The post किरकोळ भांडणात तीन वर्षांच्या चिमुकलीने घेतली वडिलांची बाजू, आईने केली मुलीची हत्या appeared first on थोडक्यात घडामोडी.

दिल्लीविरूद्धच्या महत्त्वाच्या सामन्यात बंगळुरूच्या संघाने २० षटकात ७ बाद १५२ धावांपर्यंत मजल मारली. सलामीवीर देवदत्त पडीकलने दमदार अर्धशतक केले तर शेवटच्या टप्प्यात एबी डीव्हिलियर्सने चांगली खेळी केली. एनरिक नॉर्येने ३ बळी घेत बंगळुरूच्या धावगतीला आवर घातला, देवदत्त पडीकलने ४१ चेंडूत ५० धावा करत संघाला सन्मानजनक धावसंख्या गाठून दिली.

दिल्लीचा कर्णधार श्रेयस अय्यर याने नाणेफेक जिंकली. बंगळुरूचा संघ प्रथम फलंदाजी करताना जोशुआ फिलीप (१२) स्वस्तात बाद झाला. त्यानंतर सलामीवीर देवदत्त पडीकल आणि विराट कोहली यांनी डाव सावरला. अश्विनच्या गोलंदाजीवर विराट झेलबाद झाला. IPLच्या १३ वर्षात पहिल्यांदाच अश्विनने विराट कोहलीला बाद केले. विराटचा बळी टिपण्यासाठी अश्विनला तब्बल १३ वर्षे, १९ डाव आणि १२५ चेंडू टाकावे लागले. विराटने २४ चेंडूत २९ धावा केल्या.

Innings Break!#DelhiCapitals restrict #RCB to a total of 152/7 on the board. #DC chase coming up shortly. Stay tuned!

Scorecard – https://t.co/k9MT7oc7yJ #Dream11IPL pic.twitter.com/8jUaaXExXY

— IndianPremierLeague (@IPL) November 2, 2020

The post IPL 2020 : दिल्लीविरूद्ध बंगळुरूच्या ७ बाद १५२ धावा, १३ वर्षात पहिल्यांदा बघायला मिळाली ‘ही’ गोष्ट appeared first on थोडक्यात घडामोडी.

आयपीएल मध्ये किंग्ज इलेव्हन पंजाबचा संघ आपली पराभवांची मालिका खंडीत करण्यात यशस्वी ठरला आहे. सलामीवीर मयांक अग्रवाल, कर्णधार लोकेश राहुल आणि ख्रिस गेल यांनी केलेल्या फटकेबाजीच्या जोरावर पंजाबने RCB वर ८ गडी राखून मात केली आहे. तेराव्या हंगामात आपला पहिलाच सामना खेळणाऱ्या गेलने अर्धशतक झळकावलं. कर्णधार लोकेश राहुलनेही नाबाद अर्धशतकी खेळी करत संघाच्या विजयात मोलाचा वाटा उचलला.

नाणेफेक जिंकून RCB चा कर्णधार विराट कोहलीने प्रथम फलंदाजी करण्याचा निर्णय घेतला. देवदत पडीकल आणि फिंच या सलामीच्या जोडीने RCB च्या संघाला आश्वासक सुरुवात करुन दिली. दोन्ही फलंदाजांमध्ये ३८ धावांची भागीदारी झाल्यानंतर अर्शदीप सिंहने देवदत पडीकलला माघारी धाडलं. त्याने १८ धावा केल्या. मुरगन आश्विनने फिंचला त्रिफळा उडवत बाद केलं. चौथ्या क्रमांकावर RCB ने वॉशिंग्टन सुंदरला संधी दिली. विराट कोहली संघाची बाजू सावरण्याचा प्रयत्न करत असताना वॉशिंग्टन सुंदर आश्विनच्या गोलंदाजीवर माघारी परतला.

शिवम दुबेने मैदानावर येऊन विराट कोहलीच्या साथीने संघाचा डाव सावरत १०० धावांचा टप्पा ओलांडून दिला. १६ व्या षटकाच्या अखेरीस शिवम दुबेही माघारी परतला. १६ व्या षटकापर्यंत RCB ने फक्त १२७ धावांपर्यंत मजल मारली होती. डिव्हीलियर्सला अखेरच्या षटकांत फटकेबाजी करण्यासाठी राखून ठेवण्याचा RCB चा प्लान फसला. मोहम्मद शमीच्या गोलंदाजीवर १८ व्या षटकात मोठा फटका खेळण्याच्या प्रयत्नात डिव्हीलियर्स दोन धावा काढून माघारी परतला. कोहलीही शमीच्या स्लो बाऊन्सरवर फटका खेळण्याच्या प्रयत्नात यष्टीरक्षक लोकेश राहुलकडे झेल देऊन माघारी परतला. त्याने ३९ चेंडूत ४८ धावांची खेळी केली. अखेरच्या षटकात ख्रिस मॉरिसने फटकेबाजी करत RCB ला १७१ धावांचा पल्ला गाठून दिला.पंजाबकडून मोहम्मद शमी आणि मुरगन आश्विनने प्रत्येकी २ तर अर्शदीप सिंह आणि ख्रिस जॉर्डनने १-१ बळी घेतला.

RCB ने विजयासाठी दिलेल्या १७२ धावांचा पाठलाग करताना किंग्ज इलेव्हन पंजाबने आक्रमक सुरुवात केली. कर्णधार लोकेश राहुल आणि मयांक अग्रवाल यांनी अर्धशतकी भागीदारी करत पंजाबला भक्कम सुरुवात करुन दिली. युजवेंद्र चहलने मयांकला बाद करत बंगळुरुला पहिलं यश मिळवून दिलं. मयांकने २५ चेंडूत ४ चौकार आणि ३ षटकारांसह धडाकेबाज ४५ धावा केल्या. मयांक माघारी परतल्यानंतर ख्रिस गेल मैदानावर आला. यानंतर ख्रिस गेलनेही बंगळुरुच्या गोलंदाजांवर हल्ला चढवला. शारजाच्या छोट्या मैदानाचा फायदा घेत गेलनेही फटकेबाजी करत ५३ धावांची खेळी केली. लोकेश राहुलने नाबाद ६१ धावांची खेळी केली. शेवटच्या चेंडूवर विजयासाठी एक धाव हवी असताना निकोलस पूरनने षटकार मारत संघाला विजय मिळवून दिला.

The post IPL 2020 : पंजाबने बेंगळुरू वर ८ गडी राखून केली मात appeared first on थोडक्यात घडामोडी.