अमलीपदार्थ प्रकरणात जवळपास तीन महिन्यांनंतर अभिनेत्री रिया चक्रवर्ती हिचा भाऊ शौविक चक्रवर्ती याला जामीन मंजूर करण्यात आला आहे. विशेष एनडीपीएस कोर्टाने शौविकला सशर्त जामीन मंजूर केला आहे. रिया चक्रवर्तीसह काही आरोपींना मुंबई उच्च न्यायालयाने ७ ऑक्टोबर रोजी जामीन मंजूर केला होता.

अभिनेता सुशांतसिंह राजपूतच्या मृत्यूच्या तपासादरम्यान अंमली पदार्थांसंबंधी रिया व सॅम्युएल यांच्यातील चॅटची माहिती मिळाली होती. त्यावरून एनसीबीनं तपास सुरू केला होता. या दरम्यान मिळालेल्या माहितीच्या आधारे एनसीबीने शौविक व सॅम्युएलला समन्स बजावले होते. सॅम्युएल हा दलालांकडून अंमली पदार्थांचा साठा मिळवून तो शौविकमार्फत रियाला पुरवत होता. रिया सॅम्युएल व शौविकच्या सल्ल्यानुसार ते अंमली पदार्थ सुशांतसिंहला छुप्या पद्धतीने देत होती. यामुळे अधिक तपासासाठी एनसीबीने अटकेची कारवाई केली होती.

तब्बल तीन महिन्यांनंतर शौविकला जामीन मंजूर करण्यात आला आहे. तर रिया देखील महिनाभार भायखळ्याच्या तुरुंगात होती. रियाला जामीन मिळाला असताना शौविक ड्रग्ज डिलर्सच्या थेट संपर्कात होता, असं कारण देत न्यायालयाने त्याचा अर्ज फेटाळला होता.

The post अभिनेत्री रिया चक्रवर्ती हिचा भाऊ शौविक चक्रवर्ती याला जामीन मंजूर appeared first on थोडक्यात घडामोडी.

मुंबईः रियाने नार्कोटिक्स कंट्रोल ब्युरोला साक्ष देताना बॉलिवूडशी संबंधित २५ जणांची नावं घेतली त्यात सारा अली खान आणि रकुलप्रीत सिंग या दोन अभिनेत्रींचे तसेच डिझायनर सिमोन खंबाटाचे देखील नाव समाविष्ट आहे. प्रत्येकाची कसून चौकशी होणार आहे. मिळालेल्या माहितीची सत्यता पडताळली जाणार आहे. एनसीबी चौकशी नंतर पुढील कारवाईचा निर्णय घेणार आहे.

एनसीबीसमोर रियाने घेतले नावं पैकी सीमोनशी संबंधित व्हॉट्सअॅप चॅट एनसीबीच्या हाती आहे. यात अंमली पदार्थांचा उल्लेख आहे. सारा अली खान सुशांतसोबत एका खासगी चार्टर प्लेनने बँकॉकला गेली होती, अशीही माहिती एनसीबीच्या हाती आली आहे. या प्रकरणात पुढील चौकशी सुरू आहे. या कलाकारांच्या ए, बी आणि सी अशा तीन याद्या तयार केल्या आहेत. यातील ए लिस्टमध्ये ज्या कलाकारांची नावं आहेत त्यांची लवकरच चौकशी सुरू होणार आहे.

The post ड्रग्स प्रकरणी रियाने केले बॉलिवूडशी संबंधित धक्कादायक खुलासे; मोठमोठी नावं आली समोर appeared first on थोडक्यात घडामोडी.

मुंबई :  रियाला रविवारी सकाळी एनसीबीने बोलावले होते. रिया १२ वाजता एनसीबीच्या ऑफिसमध्ये पोहोचली. तिची सलग सहा तास चौकशी करण्यात आली. अंमली पदार्थ खरेदी केल्याची कबुली दिली पण सेवन केले नसल्याचे सांगितले, या चौकशीनंतर रियाला घरी जाण्याची परवानगी देण्यात आली.

एनसीबीने रियाच्या घरी छापा मारला होता. या छाप्यात अंमली पदार्थ जप्त झाले नव्हते. सुशांतच्या मृत्यूनंतर दोन महिन्यांपेक्षा जास्त काळ झाल्यानंतर एनसीबीने तपास सुरू केला आहे. अशा परिस्थितीत अंमली पदार्थ खरेदी केल्याची कबुली दिली तरी हा मुद्दा सिद्ध करणे एनसीबीसाठी आव्हानात्मक आहे, असे तज्ज्ञांचे मत आहे.

रियाने रक्त तपासणी करुन घेण्याची तयारी दाखवली आहे. दोन महिन्यांपेक्षा जास्त काळ अंमली पदार्थांचे सेवन केले नसल्यास रक्ताच्या तपासणीत काही आढळणे कठीण आहे. रक्त तपासणीचा अहवाल सुटका करुन घेण्यासाठी वापरणे शक्य आहे.

एनसीबीने मोबाइल चॅटच्या आधारे रियाला प्रश्न केले. चॅट बाबत रियाने उलटसुलट उत्तरं दिली. वेगवेगळी उत्तरं देऊन एनसीबीच्या तपासाची दिशा भरकटावी यासाठी तिने प्रयत्न केला. याआधी शौविक चक्रवर्ती, सॅम्युअल मिरांडा आणि दीपेश सावंत या तिघांनी रियासाठी अंमली पदार्थ खरेदी केल्याची कबुली दिली.

रियाकडून पुरेशी माहिती मिळाली नसल्यामुळे तिला सोमवारी पुन्हा चौकशीसाठी बोलावल्याचे एनसीबीने सांगितले. अंमली पदार्थ प्रकरणी आतापर्यंत दीपेश सावंत, शौविक चक्रवर्ती, सॅम्युअल मिरांडासह सातजणांना अटक झाली आहे. यापैकी दीपेश, शौविक, सॅम्युअल, जैद यांची समोरासमोर बसवून चौकशी सुरू आहे. एनसीबी सोमवारी रियाची अटकेतील आरोपींसमोर बसवून चौकशी करणार असल्याचे वृत्त आहे.

The post रियाची कबुली अंमली पदार्थ खरेदी केले; सेवन केले नाही appeared first on थोडक्यात घडामोडी.