अहमदनगर : यशस्विनी महिला ब्रिगेडच्या अध्यक्षा आणि सामाजिक कार्यकर्त्या रेखा जरे हत्याकांड प्रकरणातील मुख्य सूत्रधार बाळ बोठे सध्या कारागृहात आहे. पण कारागृहातच बाळ बोठे याने असे काही केले आहे की त्याच्याविरोधात आणखी एक गुन्हा दाखल करण्यात येणार आहे. कारागृहात बोठेने मोबाईलचा वापर केल्याचं उघडकीस आल्यानं खळबळ उडाली आहे.

रेखा जरे हत्या प्रकरणातील मुख्य सूत्रधार बाळ बोठे जरे यांच्या हत्येनंतर जवळपास साडेतीन महिने फरार होता. तो वेषांतर करून वेगवेगळ्या शहरांमध्ये फिरत होता. पोलिसांनी अथक प्रयत्नाने त्याला मार्च महिन्यात हैदराबादमधून अटक केली होती. पारनेर कारागृहात काही दिवसांपूर्वी पोलिसांना मोबाईल सापडले होते. त्या प्रकरणी चौकशी केली असता कैदी बाळ बोठेने देखील मोबाईल वापरल्याचे समोर आले आहे.

यशस्विनी महिला ब्रिगेडच्या अध्यक्षा रेखा जरे यांची गाडी अहमदनगर जवळील जातेगावच्या घाटात अडवून धारदार शस्त्राने त्यांची हत्या करण्यात आली होती. 30 नोव्हेंबर रोजी नगर-पुणे महामार्गावर ही घटना घडली होती. यावेळी रेखा जरे यांची आई आणि मुलगा रुणाल गाडीत बसलेले होते. त्यांच्या मुलाने मारेकऱ्यांना पाहिले होते. पोलिसांनी त्याच्या मदतीने पाच आरोपींना ताब्यात घेतले. मात्र या आरोपींनी चौकशीत या हत्याकांडाचा मुख्य सूत्रधार बाळ बोठे असल्याचं सांगितलं होतं. बाळ बोठेने सुपारी देऊन ही हत्या घडवून आणल्याची माहिती आरोपींनी दिली होती.

The post रेखा जरे हत्या प्रकरणातील सूत्रधार बाळ बोठेविरोधात आणखी एक गुन्हा दाखल होणार, कारागृहात केले असे काही… appeared first on थोडक्यात घडामोडी.

अहमदनगर : रेखा जरे यांच्या खुनाला तीन महिने उलटून गेले आहेत. परंतु या खून प्रकरणातील मुख्य सूत्रधार बाळ बोठे अद्यापही पोलिसांच्या हाती लागलेला नाही. त्यामुळे पोलिसांनी त्याला फरार घोषित करण्याच्या मागणीसाठी चार दिवसांपूर्वी पारनेरच्या न्यायालयात अर्ज दाखल केला होता. त्यावर सुनावणी झाली असून बाळ बोठेच्या अडचणीत वाढ झाली आहे.

बाळ बोठेला फरार घोषित करण्याच्या मागणीचा अर्ज पारनेर न्यायालयाने मंजूर केला आहे. प्रथमवर्ग न्यायदंडाधिकारी उमा बोऱ्हाडे यांनी गुरूवारी हा अर्ज मंजूर केला. बाळ बोठेला पोलिसांसमोर हजर होण्यासाठी एक महिन्याची मुदत देण्यात आली असून त्यानंतर संपत्ती जप्तीची कारवाई केली जाऊ शकते. बोठे याचा अटकपूर्व जामीन अर्ज उच्च न्यायालयाने यापूर्वीच फेटाळला आहे.

या आदेशातील तरतुदींनुसार, आरोपीला हजर होण्यासाठी एक महिन्याची मुदत दिलेली असते. या काळात पोलिस आरोपीचे फोटो सार्वजनिक ठिकाणी प्रसिद्ध करून आरोपीला हजर होण्याचे किंवा लोकांना त्याला पकडून देण्याचे आवाहन करू शकतात. तरीदेखील आरोपी हजर न झाल्यास कायद्यातील तरतुदीनुसार त्याची संपत्ती जप्त करण्याची कारवाई सुरू केली जाते. तसेच बँक खाती सील केली जाऊ शकतात. त्यासाठी पुन्हा न्यायालयात अर्ज करून परवानगी घेतली जाते.

The post रेखा जरे खून प्रकरणातील आरोपी बाळ बोठेच्या अडचणीत वाढ, न्यायालयाने दिला ‘हा’ महत्वाचा निर्णय appeared first on थोडक्यात घडामोडी.

अहमदनगर : रेखा जरे यांच्या हत्या प्रकरणात अहमदनगर जिल्हा सत्र न्यायालयाने बाळ बोठेचा अटकपूर्व जामीन फेटाळला. त्यामुळे बाळ बोठेच्या अडचणीत मोठी वाढ झाली आहे. आजच्या सुनावणीत अ‍ॅड. महेश तवले यांनी बाळ बोठेच्या बाजूने युक्तिवाद केला. मात्र, सत्र न्यायालयाने हा युक्तिवाद फेटाळून लावला.

बाळ बोठेंचे वकील महेश तवलेंनी या प्रकरणाचा हनी ट्रॅपशी संबंध जोडला. आणि हनी ट्रॅपमुळेच बाळ बोठेला या प्रकरणात गोवण्यात आल्याचं महेश तवले म्हणाले. बाळ बोठे पत्रकार म्हणून काम करतात. त्यांनी वृत्तपत्रात हनीट्रॅपची मालिका चालवली. या वृत्तमालिकेत त्यांनी सागर भिंगारदिवेचं नाव घेतलं. सागर भिंगारदिवे हाच हनीट्रॅपचा मास्टरमाईंड असल्याचा खुलासा त्यांनी केला. त्यामुळेच त्यांना या प्रकरणात गोवण्यात आल्याचा युक्तिवाद अ‍ॅड. महेश तवलेंकडून करण्यात आला.

मात्र, हनीट्रॅपमधून जर बाळ बोठेला फसवण्यात आलं असेल तर मग सागर भिंगारदिवे आणि बाळ बोठेमध्ये इतक्या बैठका का झाल्या? हत्याकांडाच्या दिवशी बाळ बोठे सागर भिंगारदिवेशी संपर्कात कसा? आणि त्याच वेळी बाळ बोठेने रेखा जरेंना इतके फोन कशासाठी केले? असे प्रश्न विचारत सरकारी वकील सतीश पाटील यांनी तवलेंचा युक्तिवाद खोडून काढला.

दरम्यान, बाळ बोठे अजूनही पोलिसांच्या हाती लागलेला नाही. तो देशाबाहेर पळून जाऊ नये म्हणून त्याच्याविरोधात लूकआऊट नोटीसही जारी करण्यात आली होती. विमान प्राधिकरणाला तशा सूचना देण्यात आल्या होत्या.

The post रेखा जरे यांच्या हत्या प्रकरण : जिल्हा सत्र न्यायालयाने बाळ बोठेचा अटकपूर्व जामीन फेटाळला appeared first on थोडक्यात घडामोडी.

अहमदनगर : यशस्विनी महिला ब्रिगेड अध्यक्षा आणि राष्ट्रवादी काँग्रेसच्या कार्यकर्त्या रेखा भाऊसाहेब जरे यांच्या हत्येप्रकरणी तिघांना अटक करण्यात पोलिसांना यश आलं आहे. सुपारी घेवून हत्या केल्याची माहिती प्राथमिक तपासात पुढे आली आहे. 30 नोव्हेंबरला रेखा जरे यांची हत्या करण्यात आली होती.

30 नोव्हेंबरला रेखा भाऊसाहेब जरे यांची हत्या झाली होती. रेखा जरे त्यांच्या कुटुंबियांसह संध्याकाळी पुण्याहून अहमदनगरकडे येत होत्या. यावेळी त्यांच्यासोबत मुलगा आणि त्यांची आई देखील होते. या दरम्यान, कारची काच एका दुचाकीला लागल्यामुळे वाद झाला. या वादातून रेखा जरे यांच्या मानेवर धारदार शस्त्राने वार करण्यात आल्याची माहिती त्यांच्या मुलाने दिली होती. पारनेर तालुक्यातील जातेगाव घाटात ही हल्ल्याची घटना घडली होती. हल्लेखोरांनी धारदार शस्त्राने रेखा जरे यांच्यावर वार केले. या हल्ल्यात त्या गंभीर जखमी झाल्या होत्या. त्यांना तातडीने उपचारासाठी जिल्हा रुग्णालयात दाखल करण्यात आले. तेथे डॉक्टरांनी त्यांना मृत घोषित केलं.

याप्रकरणी अहमदनगर पोलिसांनी तपासाची चक्र फिरवत दोन दिवसांच्या आत तीन आरोपींना अटक केली आहे. रेखा जरे यांची हत्या सुपारी घेवून करण्यात आल्याची माहिती प्राथमिक तपासात पुढे आली आहे. आता पोलीस या प्रकरणाचा अधिक तपास करत आहेत.

The post यशस्विनी महिला ब्रिगेड अध्यक्षा रेखा जरे यांची सुपारी घेवून हत्या, तिघांना अटक appeared first on थोडक्यात घडामोडी.

अहमदनगर : यशस्विनी महिला ब्रिगेड अध्यक्षा आणि राष्ट्रवादी काँग्रेसच्या कार्यकर्त्या रेखा भाऊसाहेब जरे यांची हत्या झाल्याची धक्कादायक घटना समोर आली आहे. पारनेर तालुक्यातील जतेगाव घाटात त्यांच्यावर धारदार शस्त्राने हल्ला करण्यात आला. या घटनेमुळे अनेकांना मोठा धक्का बसला असून राजकीय आणि सामाजिक वर्तुळात हळहळ व्यक्त केली जात आहे.

उपविभागीय पोलीस अधिकारी विशाल ढुमे यांनी या घटनेबाबत अधिक माहिती दिली आहे. रेखा जरे, त्यांचा मुलगा, त्यांची आई तसेच डॉ. माने या पुण्याहून काम उरकून येत असताना जतेगाव घाटात ही घटना घडली. कारची काच एका दुचाकीला लागल्यामुळे वाद झाला. त्या वादातूनच रेखा जरे यांच्या मानेवर वार करण्यात आले व त्यातच त्यांचा मृत्यू झाला, अशी माहिती जरे यांच्या मुलाने पोलिसांना दिली आहे. दुचाकीवर दोन जण होते. ते नेमके को होते, याबाबत अधिक तपशील अजून मिळालेला नाही, असे ढुमे यांनी स्पष्ट केले. गाडीला कट मारल्यावरून झालेल्या वादातून ही घटना घडल्याचे प्रथमदर्शनी दिसत असल्याचेही त्यांनी नमूद केले.

The post यशस्विनी महिला ब्रिगेडच्या अध्यक्षा रेखा जरे यांची धारदार शस्त्राने हत्या appeared first on थोडक्यात घडामोडी.