आज राज्यातील वाहतूक व्यावसायिक संघटनेच्या पदाधिकाऱ्यांनी मनसे अध्यक्ष राज ठाकरे यांची कृष्णकुंज निवासस्थानी भेट घेतली. कोरोना महासाथीत अनेक वित्तीय संस्थांनी (बॅंका, एनबीएफसी, पतपेढ्या) वाहतूक व्यावसायिकांचं आर्थिक शोषण केलं. या पार्श्वभूमीवर महाराष्ट्रातील सर्व प्रमुख वाहतूक व्यावसायिक संघटनांच्या वरिष्ठ पदाधिकाऱ्यांनी राज ठाकरे यांची भेट घेतली.

यासंबंधी सर्व बँक आणि फायनान्स कंपन्यांना पत्र लिहित मुदत वाढीची मागणी करेन, असं आश्वासन राज ठाकरे यांनी दिलं आहे.

कोरोना महासाथीत अनेक वित्तीय संस्थांनी (बॅंका, एनबीएफसी, पतपेढ्या) वाहतूक व्यावसायिकांचं आर्थिक शोषण केलं. म्हणूनच महाराष्ट्रातील सर्व प्रमुख वाहतूक व्यावसायिक संघटनांच्या वरिष्ठ पदाधिकाऱ्यांनी आज मनसे अध्यक्ष श्री. राजसाहेब ठाकरे यांची कृष्णकुंज निवासस्थानी भेट घेतली. pic.twitter.com/Usap21JkEb

— MNS Adhikrut – मनसे अधिकृत (@mnsadhikrut) December 8, 2020

The post वाहतूक संघटनेच्या पदाधिकाऱ्यांनी राज ठाकरे यांच्यापुढे मांडल्या त्यांच्या अडचणी appeared first on थोडक्यात घडामोडी.

मनसे अध्यक्ष राज ठाकरे यांनी राज्यपालांची भेट घेऊन जनतेचे प्रश्न त्यांच्यापुढे मांडले. वीज ग्राहकांना दिलेला वाढीव वीज बिलांचा शॉक आणि दुधाला न्याय्य भाव मिळावा ह्या शेतकऱ्यांच्या वाजवी मागणीकडे केलेलं दुर्लक्ष ह्यामुळे जनक्षोभ उसळला आहे तरीही सरकार शांत आहे तेंव्हा आता राज्यपाल महोदयांनीच ह्या विषयात सरकारला निर्देश द्यावेत अशी विनंती यावेळी महाराष्ट्र नवनिर्माण सेनेतर्फे करण्यात आली.

राज्यात प्रश्न खूप आहेत. प्रश्नांची कमतरता नाही. कमतरता आहे ती फक्त निर्णया घेण्याची असं सांगतानाच निर्णय का घेतले जात नाहीत? कशासाठी हे सरकार कुंथत आहे? कुंथत कुंथत सरकार चालवता येत नाही, अशा शब्दात मनसे प्रमुख राज ठाकरे यांनी राज्यातील ठाकरे सरकारवर टीका केली. राज ठाकरे यांच्यासोबत अमित ठाकरे, बाळा नांदगावकर, नितीन सरदेसाई, शालिनी ठाकरे, रिटा गुप्ता आणि शिरीष सावंत आदी होते. या सर्वांनी राज्यपाल भगतसिंह कोश्यारी यांची भेट घेऊन 10 ते 15 मिनिटं चर्चा केली. राज्यपालांच्या भेटीनंतर राज यांनी माध्यमांशी संवाद साधून भेटीचं कारण उघड केलं.

पहिला विषय म्हणजे दुधाचे दर. दूध संकलन संस्था शेतकऱ्यांना लिटर मागे १७-१८ रुपये देऊन स्वतः भरघोस नफा मिळवतात. कधी ओला दुष्काळ तर कधी सुका दुष्काळ त्यात महागाई यात गुरांची देखभाल करणे देखील परवडत नाही, त्यामुळे दुधाला प्रतिलिटर २७ ते २८ रुपये मिळावेत, यात सरकारने लक्ष्य घालावे, अशी मागणी मनसेने केली आहे.

लॉकडाऊननंतर राज्यातील नागरिकांना अव्वाच्या सव्वा वीज बिल येत आहे. ही बिले कमी व्हावीत आणि नागरिकांना दिलासा मिळावा म्हणून राज्यात ठिकठिकाणी मनसेने आंदोलने केली. कंपन्या आणि सरकारचं एकमेकांकडे बोट दाखवणं सुरू आहे. या संदर्भात ऊर्जा मंत्री नितीन राऊत यांच्याशीही बोलणं झालं. लवकरात लवकर निर्णय घेऊ असं ते म्हणाले. हा विषय आज राज्यपालांच्या कानावर टाकला. त्यांनी शरद पवारांशी बोलण्याचा सल्ला दिला. त्यामुळे आम्ही पवारांशी बोलून चर्चा करू, असं राज म्हणाले.

वीज ग्राहकांना दिलेला वाढीव वीज बिलांचा शॉक आणि दुधाला न्याय्य भाव मिळावा ह्या शेतकऱ्यांच्या वाजवी मागणीकडे केलेलं दुर्लक्ष ह्यामुळे जनक्षोभ उसळला आहे तरीही सरकार शांत आहे तेंव्हा आता राज्यपाल महोदयांनीच ह्या विषयात सरकारला निर्देश द्यावेत अशी विनंती पक्षातर्फे करण्यात आली. pic.twitter.com/N6zSuYX9ed

— MNS Adhikrut – मनसे अधिकृत (@mnsadhikrut) October 29, 2020

The post ‘या’ कारणासाठी राज ठाकरे यांनी घेतली राज्यपालांची भेट… appeared first on थोडक्यात घडामोडी.

मुंबई : महाराष्ट्र नवनिर्माण सेनेचे नेते नितीन सरदेसाई यांनी माहीम व दादर येथे सुरु होणाऱ्या मनसेच्या नवीन उपक्रमाविषयी माहिती दिली. कुणीही उपाशीपोटी झोपू नये या प्रामाणिक भावनेतून ‘माणुसकीचा फ्रिज’ अशा नावाचा एक अनुकरणीय उपक्रम मनसे तर्फे सुरु करण्यात येत आहे. मनसे रिपोर्टने अधिकृतरीत्या ट्विट करत याबद्दल माहिती दिली.

ट्विटमध्ये सांगण्यात आलं आहे कि, मनसेच्या माहीम व दादर येथील कार्यालयात फ्रिज ठेवला जाईल. नागरिकांनी या फ्रिजमध्ये त्यांच्या घरातील अतिरिक्त अन्न, फळे, बिस्कीट अशा कोणत्याही खाण्यायोग्य वस्तू आणून ठेवाव्यात व गरजूंनी त्या घेऊन जाव्यात, अशी यामागे संकल्पना आहे.

माणुसकीचा फ्रीज..@1nitinsardesai @SandeepDadarMNS #म #मराठी #mnsreport pic.twitter.com/I5c4X8ngZH

— MNS Report (@mnsreport9) October 26, 2020

The post कुणीही उपाशी पोटी झोपू नये म्हणून मनसे सुरु करत आहे अनुकरणीय उपक्रम – ‘माणुसकीचा फ्रिज’ appeared first on थोडक्यात घडामोडी.

मनसे नेते अमित राज ठाकरे यांना लीलावती रुग्णालयातून डिस्चार्ज देण्यात आला आहे. काही दिवसांपूर्वी ताप येत असल्यामुळे त्यांना लीलावती रुग्णालयात दाखल करण्यात आलं होतं. अमीत ठाकरे यांच्या तातडीने काही चाचण्यात केल्या गेल्या होत्या. त्यांचा कोरोना चाचणीचा अहवाल नेगेटिव्ह आला होता. परंतु खबरदारी म्हणून त्यांना रुग्णालयात दाखल करण्यात आलं होतं.

अमित ठाकरे यांच्या मलेरिया आणि इतर चाचण्याही निगेटिव्ह आल्या होत्या. डॉक्टरांचं असं म्हणणं होतं की, हा ताप व्हायरल असण्याची शक्यता आहे. पुढील एक ते दोन दिवसांत त्यांना डिस्चार्ज देण्यात येईल, अशी माहितीही त्यावेळी डॉक्टरांनी दिली होती.

अमित ठाकरे राजकारणात सक्रिय असून त्यांच्यावर पक्षात मोठी जबाबदारी सोपवण्यात आलेली आहे. ते डॉक्टरांचे प्रश्न, विद्यार्थ्यांचे प्रश्न यांवर पुढाकार घेऊन काम करत आहेत.

The post मनसे नेते अमित राज ठाकरे यांना लीलावती रुग्णालयातून डिस्चार्ज appeared first on थोडक्यात घडामोडी.

मराठी भाषेच्या वापराबद्दल महाराष्ट्र नवनिर्माण सेना (मनसे) नेहमी आग्रही असते. मनसेच्या या भूमिकेची अॅमेझॉनचे संस्थापक जेफ बेजॉस यांनीही दखल घेतली आहे. अॅमेझॉन.इन या अॅपमध्ये मराठी भाषेला प्राधान्य देण्याची मनसेची मागणी त्यांनी मान्य केली आहे.

मनसेचे अखिल चित्रे यांनी अॅमेझॉनला मराठी भाषेच्या वापरासंदर्भात ई-मेल पाठवला होता. बेजॉस यांच्या वतीनं ‘अॅमेझॉन.इन’ च्या जनसंपर्क विभागाने त्यास प्रतिसाद दिला आहे. ‘बेजॉस यांना आपला मेल मिळाला आहे. अॅमेझॉन अॅपमधील त्रुटींमुळं आपल्याला जो मनस्ताप झाला, त्याबद्दल आम्ही दिलगीर आहोत. संबंधित विभागाला तुमच्या तक्रारीबद्दल कळवण्यात आलं असून लवकरच त्यावर कार्यवाही केली जाईल, असं अॅमेझॉननं स्पष्ट केलं आहे.

अखिल चित्रे यांनी अॅमेझॉनच्या या ई-मेलची प्रत ट्विटरवर शेअर करत मनसेने केलेल्या मागणीची खुद्द बेजॉस यांनी दखल घेतली आहे, अॅमेझॉनचं शिष्टमंडळ आज मुंबईत येत असल्याचंही म्हटलं आहे. ‘राजसाहेब म्हणतात तसं… तुम्ही तुमच्या भाषेवर ठाम असाल तर जग तुमची दखल घेतं.’ असंही चित्रे यांनी आपल्या ट्वीटमध्ये पुढं म्हटलं आहे.

ॲमेझाॅनच्या डिजिटल सेवेत (Trading App) मराठीला प्राधान्य देण्याच्या मनसेच्या आग्रही मागणीची ॲमेझाॅनचे संस्थापक जेफ बेझॉस ह्यांच्या प्रतिनिधींनी घेतली दखल. अमेझॉनचं शिष्टमंडळ आज मुंबईत… राजसाहेब म्हणतात तसं… तुम्ही तुमच्या भाषेवर ठाम असाल तर जग तुमची दखल घेतं. @mnsadhikrut pic.twitter.com/tpPGCCJyDt

— Akhil Chitre (@akhil1485) October 20, 2020

The post मनसेच्या मराठीला प्राधान्य देण्याच्या भूमिकेची अॅमेझॉनचे संस्थापक जेफ बेजॉस यांनी घेतली दखल appeared first on थोडक्यात घडामोडी.

महाराष्ट्र नवनिर्माण सेनेचे नेते अमित राज ठाकरे यांना लीलावती रुग्णालयात दाखल करण्यात आले आहे. प्रकृती थोडी खालावली असल्याने केवळ खबरदारी म्हणून त्यांना रुग्णालयात दाखल केले गेले आहे. तर, घाबरण्याचं कारण नाही असं डॉक्टरांनी सांगितलं आहे.

अमित ठाकरे यांचा करोना रिपोर्ट निगेटिव्ह आहे. शिवाय, मलेरिया टेस्ट देखील निगेटिव्ह आल्याची माहिती समोर आली आहे. एक-दोन दिवसात त्यांना डिस्चार्ज मिळेल, अशी शक्यता आहे.

The post महाराष्ट्र नवनिर्माण सेनेचे नेते अमित राज ठाकरे लीलावती रुग्णालयात दाखल appeared first on थोडक्यात घडामोडी.