दिल्ली : लोकसभा अध्यक्ष म्हणून ओम बिर्ला यांची निवड करण्यात आली आहे. काँग्रेसचे के. सुरेश हेसुद्धा या पदाच्या शर्यतीत होते. परंतु, आवाजी मतदानात ओम बिर्ला यांची निवड झाली. दरम्यान, या निवडणुकीवर तृणमूल काँग्रेसने आक्षेप घेतला आहे. सभागृहाबाहेर येऊन तृणमूल काँग्रेसचे खासदार अभिषेक बॅनर्जी यांनी माध्यमांशी संवाद साधून भाजपावर टीका केली आहे.

अभिषेक बॅनर्जी म्हणाले, नियमानुसार सभागृहाच्या कोणत्याही सदस्याने मत विभाजनाची मागणी केल्यास, हंगामी अध्यक्षांनी परवानगी दिली पाहिजे. संसदेतील लाईव्ह टीव्ही फुटेजमध्ये तुम्ही पाहू शकता की विरोधी पक्षातील सदस्यांनी मतविभाजनाची मागणी केली होती. मतदानासाठी प्रस्ताव ठेवण्याची मागणी केली होती. परंतु, मतदानासाठी प्रस्ताव न ठेवता आवाजी मतदान घेण्यात आले. सत्ताधारी पक्षाकडे, भाजपाकडे संख्याबळ नाही याचा हा स्पष्ट पुरावा आहे. हे सरकार आकड्यांशिवाय चालत आहे. हे बेकायदा, अनैतिक आणि असंवैधानिक सरकार आहे.

राष्ट्रीय लोकशाही आघाडीचे उमेदवार ओम बिर्ला यांची लोकसभेच्या अध्यक्षपदी निवड करण्यात आली आणि पंतप्रधान नरेंद्र मोदी यांनी मांडलेला प्रस्ताव आवाजी मतदानाद्वारे मंजूर करण्यात आला. काँग्रेसनेही के. सुरेश यांना या शर्यतीत ठेवलं होतं. परंतु, मतविभाजन झाले नसल्याने विरोधकांनी यावर प्रचंड टीका केली आहे. परंतु, मत विभाजनासाठी विरोधकांनी दबाव आणला नाही, असा आरोप सत्ताधाऱ्यांकडून केला जातोय. त्यावर अभिषेक बॅनर्जी म्हणाले की, ५०० पैकी एकाने जरी मतविभाजनाची मागणी केली तरी मतविभाजन करावं लागतं. हाच नियम आहे. त्यामुळे मतविभाजनास का नकार देण्यात आला याचा खुलास हंगामी अध्यक्षांनी केलाच पाहिजे.

लोकसभा अध्यक्षपदाच्या उमेदवारी संदर्भात बोलताना तृणमूल काँग्रेसचे खासदार अभिषेक बॅनर्जी म्हणाले, लोकसभा अध्यक्षपदासाठी विरोधी पक्षाचे उमेदवार म्हणून के सुरेश यांना नामनिर्देशित करण्यात आले. मात्र, के सुरेश यांना नामनिर्देशित करण्यापूर्वी काँग्रेसने तृणमूल काँग्रेस पक्षाची सल्लामसलत करायला हवी होती. मात्र, कोणतीही चर्चा केली नाही. याबाबत आमच्याशी संपर्क साधला गेला नाही. कोणतीही चर्चा झाली नाही. त्यामुळे दुर्दैवाने हा एकतर्फी निर्णय आहे, असं अभिषेक बॅनर्जी यांनी म्हटलं होतं.

The post लोकसभा अध्यक्षांच्या निवडीवर तृणमूल काँग्रेसचा आक्षेप, एकाने जरी मतविभाजनाची मागणी केली तरी मतविभाजन करावं लागतं, हाच नियम आहे – तृणमूल काँग्रेसचे खासदार अभिषेक बॅनर्जी appeared first on थोडक्यात घडामोडी.

मुबई : सर्वोच्च न्यायालयाने महाराष्ट्रातील सत्तासंघर्षावर दिलेल्या निकालानंतर सगळ्यांचं लक्ष राज्याचे विधानसभा अध्यक्ष राहुल नार्वेकर यांच्याकडे लागलं आहे. शिंदे गटातील आमदारांच्या अपात्रतेसंदर्भात अंतिम निकाल विधानसभा अध्यक्ष घेतील, असं न्यायालयाने स्पष्ट केल्यानंतर त्यावरून मोठी चर्चा पाहायला मिळत आहे. खुद्द राहुल नार्वेकर निकाल आला तेव्हा लंडनमध्ये होते. आता ते परत आल्यानंतर नेमकी ही निर्णय प्रक्रिया कशी आणि कधी सुरू होणार? याविषयी उत्सुकता निर्माण झाली आहे. त्यासंदर्भात राहुल नार्वेकरांनी माध्यमांशी बोलताना स्पष्टीकरण दिलं आहे.

विधानसभा अध्यक्ष राहुल नार्वेकर म्हटले की, सर्वोच्च न्यायालयाचा निकाल आला आहे. न्यायालयाने अध्यक्षांच्या अधिकारांत हस्तक्षेप करण्यास नकार दिला आहे. त्यामुळे घटनेची शिस्त कायम ठेवण्याचं काम कोर्टानं केलंय. आमच्याकडे अपात्रतेच्या याचिकांवर सुनावण्या होतील. नैसर्गिक न्यायाच्या तत्वावर सगळ्यांना त्यांचं म्हणणं मांडायची संधी देऊ. सर्व नियम लागू करून सुनावणी घेऊ. त्यानंतर त्याचा निर्णय देऊ.

पुढे ते म्हटले कि, आत्तापर्यंत विधानसभेत असा पायंडा होता की त्या पक्षगटातील आमदार बहुमताने आपला नेता आणि आपल्या प्रतोदची निवड करून तसं विधिमंडळ सचिवालयात कळवत होते. आम्ही त्याला मंजुरी देत होतो. आता न्यायालयाने सांगितलंय की राजकीय पक्ष कोण होता, हे तुम्ही तपासून पाहा. जुलै २०२२ मध्ये राजकीय पक्ष कोणता गट होता, याची खात्री केल्यानंतर त्या पक्षाने नेमलेल्या प्रतोदला मान्यता द्यावी लागेल. ती मान्यता दिल्यानंतर मग अपात्रतेच्या संदर्भात विचार करावा लागेल. यावेळी बघावं लागेल की कुणाचा व्हिप लागू होता. तो पाळला गेला होता की नाही. त्या बाबींवर व्हिप काढणं योग्य होतं का? हे पाहावं लागेल, तसेच सुरुवातीला पक्ष कोण होता, हे ठरवलं जाईल. आमदार, पक्षाचा दावा करणारे नेते असा सर्वांचंच म्हणणं ऐकून घ्यावं लागेल असंही राहुल नार्वेकरांनी स्पष्ट केलं आहे.

दरम्यान, शिंदे गटच पक्षाचं प्रतिनिधित्व करतो असं समोर आल्यास भरत गोगावलेंची निवड मान्य करावी लागेल, असं नार्वेकर म्हणाले. भरत गोगावलेंच्या निवडीला मान्यता देताना आम्ही ते राजकीय पक्षाते प्रतिनिधी होते की नाही याची खातरजमा न करता दिली. त्यामुळे तो निर्णय न्यायालयाने बाद ठरवला आहे. पण याचा अर्थ कायमच भरत गोगावलेंची निवड नियमबाह्य आहे असं होणार नाही. उद्या जर असं समोर आलं की राजकीय पक्ष एकनाथ शिंदेंकडेच होता, तर आम्ही त्यांनाच मंजुरी देऊ. उद्धव ठाकरे राजकीय पक्षाचे अध्यक्ष होते असं समोर आलं तर त्यांनी ज्याची निवड केली आहे त्यांना मान्यता द्यावी लागेल, असंही नार्वेकरांनी स्पष्ट केलं.

दरम्यान, हा निर्णय व्हायला नेमका किती वेळ लागेल? यावरही नार्वेकरांनी भाष्य केलं आहे. वाजवी वेळ हा व्यक्तीसापेक्ष आहे. प्रत्येकासाठी तो वेगवेगळा असेल. हे लगेच होण्यासारखं काम नाही. पण शक्य तेवढं लवकर हे प्रकरण निकाली काढण्याचा आपण प्रयत्न करू. पण कोणत्याही प्रकारची घाईगडबड केली जाणार नाही. कारणाशिवाय दिरंगाईही केली जाणार नाही, असं ते म्हणाले.

The post आमदार अपात्रतेच्या निर्णयासाठी कोणते निकष लावणार? राहुल नार्वेकरांनी स्पष्ट केली प्रक्रिया appeared first on थोडक्यात घडामोडी.

दिल्ली : भाजपाच्या आणखी एका नेत्याचा मृतदेह गळफास घेतलेल्या अवस्थेत आढळून आल्यामुळे खळबळ उडाली आहे. दिल्लीत भाजपा नेत्याने घराजवळील पार्कमध्ये गळफास घेत आत्महत्या केल्याची माहिती मिळाली आहे. पार्कमध्ये संध्याकाळी वॉकसाठी आलेल्या स्थानिकांनी पाहिल्यानंतर ही घटना उघडकीस आली. गुरविंदर सिंग बावा असं या भाजपा नेत्याचं नाव असून ते भाजपाचे पश्चिम दिल्लीचे माजी उपाध्यक्ष होते.

दरम्यान, पोलिसांना घटनास्थळी कोणतीही सुसाईड नोट सापडलेली नसून तपास सुरु आहे. वृत्तानुसार, ५८ वर्षीय जी एस बावा हे पश्चिम दिल्लीमधील फतेह नगर येथे वास्तव्यास होते. बावा यांनी कौटुंबिक कारणामुळे आत्महत्या केल्याची शक्यता आहे. मात्र पोलीस किंवा भाजपाने आत्महत्येचं नेमकं कारण अद्याप सांगितलेलं नाही.

सोमवारी संध्याकाळी ६ वाजण्याच्या सुमारास बावा यांचा मृतदेह सुभाष नगरमधील पार्कमध्ये असलेल्या तळ्याच्या शेजारी गळफास घेतलेल्या अवस्थेत आढळला. स्थानिकांनी तात्काळ पोलिसांना फोन करुन याबाबत माहिती दिली. पोलिसांनी घटनास्थळी येऊन पाहणी केली असताना हा मृतदेह भाजपा नेते जी एस बावा यांचा असल्याचं समजलं. पोलिसांना कोणतीही सुसाईड नोट सापडलेली नसून मृतदेह शवविच्छेदनासाठी पाठवण्यात आला आहे.

The post दिल्लीत भाजपा नेत्याचा मृतदेह गळफास घेतलेल्या अवस्थेत आढळल्यामुळे खळबळ appeared first on थोडक्यात घडामोडी.

नवी दिल्ली :  भाजपाचे माजी अध्यक्ष आणि उत्तर पूर्व दिल्लीचे खासदार मनोज तिवारी वडील झाले आहेत. त्याच्या घरी बुधवारी मुलीचा जन्म  झाला. तिवारी यांनी स्वत: ट्वीटद्वारे ही माहिती दिली. आपल्या ट्विटमध्ये मनोज तिवारी यांनी म्हटले आहे की, घरात एक लहान देवदूत आला आहे.

या बातमी नंतर मनोज तिवारी यांचे ट्विटरवर अभिनंदन होऊ लागले आहे. सर्वानी त्यांच्या बाळाला खूप प्रेम आणि आशीर्वाद दिले आहेत. मनोज तिवारी हे भोजपुरी येथील प्रख्यात लोक गायक आणि अभिनेते देखील आहेत. दिल्ली प्रदेश अध्यक्षपदाची सूत्रे स्वीकारल्यानंतर पक्षाचा पाया वाढविण्यात त्यांनी महत्त्वपूर्ण भूमिका बजावली आहे.

मेरे घर आयी एक नन्ही परी… I am blessed with a baby girl… जय जगदंबे.. ?? pic.twitter.com/JYarVvRf4X

— Manoj Tiwari (@ManojTiwariMP) December 30, 2020

The post मनोज तिवारी यांच्या घरी चिमुकलीचे आगमन, ट्विट करत म्हटले ‘मेरे घर आयी एक नन्ही परी’… appeared first on थोडक्यात घडामोडी.

बेंगलुरू : जनता दल सेक्युलर नेते एच. डी. कुमारस्वामी यांनी काँग्रेस नेते सिद्धरामय्या यांच्यावर षडयंत्र केल्याचा आरोप करत म्हटले की त्यांचा इतका मोठा विश्वासघात भाजपानेही केला नव्हता. पुढे ते म्हणाले की ते जाळ्यात अडकले होते. काँग्रेसशी हातमिळवणी करून त्यांच्या पक्षाने राज्यातील जनतेचा १२ वर्षांचा विश्वास गमावला.

कुमारस्वामी म्हैसूर इथे बोलताना म्हणाले कि, ‘मी भाजपबरोबर चांगले संबंध ठेवले असते तर मी अजूनही मुख्यमंत्री असतो. मी २००६-०७मध्ये राज्यातील जनतेचा विश्वास जिंकला होता आणि तो १२ वर्षे कायम ठेवला होता, पण काँग्रेसशी हातमिळवणी करून मी तो गमावला.’ ते म्हणाले की त्यांनी काँग्रेसशी हातमिळवणी करायला नको होती, ज्यांनी जनता दल सेक्युलरला भाजपाची बी टीम म्हणत प्रचार केला होता. पण पक्षाचे सर्वेसर्वा एच डी देवेगौडा यांच्या दबावामुळे ते ही आघाडी करण्यास तयार झाले. पुढे ते म्हणाले, ‘माझ्या पक्षाला ताकद गमावून याची किंमत द्यावी लागली. कुमारस्वामी यांनी स्पष्टीकरण दिलं की, ते देवेगौडा यांना दोष देत नाहीत, कारण ते धर्मनिरपेक्षतेची ओळख असलेल्या आपल्या वडिलांचा सन्मान करतात.

२०१८मध्ये कर्नाटक विधानसभा निवडणुकीत कोणत्याही पक्षाला स्पष्ट बहुमत मिळाले नव्हते. त्यानंतर राजकीय समीकरण बदलत एकमेकांविरोधात निवडणूक लढवलेले काँग्रेस आणि जनता दल सेक्युलर या दोन पक्षांनी एकत्र येऊन सरकार स्थापन केले होते. सत्तास्थापनेनंतर कुमारस्वामी यांना मुख्यमंत्रीपद देण्यात आले होते. मात्र गेल्या वर्षी दोन्ही पक्षांनी एकत्र लोकसभा निवडणूक लढवली त्यानंतर युतीत मतभेद निर्माण झाले आणि काही आमदारांच्या बंडखोरीमुळे सरकार कोसळले.

The post काँग्रेसशी हातमिळवणी करायला नको होती – माजी मुख्यमंत्री कुमारस्वामी appeared first on थोडक्यात घडामोडी.

राजस्थानच्या राजसमंद येथील भाजपाच्या आमदार किरण माहेश्वरी यांचे कोरोनामुळे निधन झाले आहे. मागील काही दिवसांपासून हरियाणा येथील गुरुग्राममधील मेदांता रुग्णालयात आमदार किरण माहेश्वरी यांच्यावर उपचार सुरू होते. त्या राजस्थानच्या दुसऱ्या आमदार ठरल्या आहेत, ज्यांचा करोनामुळे मृत्यू झाला आहे.

आमदार किरण माहेश्वरी महापालिका निवडणूक प्रचारादरम्यान कोटा येथे कोरोना पॉझिटिव्ह असल्याचं आढळलं होतं. त्यांच्याकडे कोटा उत्तर महापालिका निवडणूक प्रभारी म्हणून जबाबदारी सोपण्यात आली होती.

The post भाजपाच्या आमदार किरण माहेश्वरी यांचे कोरोनामुळे निधन appeared first on थोडक्यात घडामोडी.

बिहारमध्ये भाजपा सर्वात मोठा पक्ष ठरेल अशी चिन्हे आहेत. एनडीएने सत्ता मिळवल्यानंतर मुख्यमंत्रीपदाचं काय? हा प्रश्न आता विचारला जात आहे. भाजपा-जेडीयू आघाडीने सत्ता मिळवल्यानंतर नितीश कुमार मुख्यमंत्री होणार की नाही हे सर्वस्वी भाजपावर अवलंबून असेल. निवडणूक प्रचारात आम्ही नितीश कुमार यांच्या नेतृत्वाखाली निवडणूक लढवत आहोत असे भाजपाचे नेते म्हणत होते. पण बिहारमध्ये सर्वात मोठा पक्ष ठरल्यानंतर भाजपा मुख्यमंत्रीपद सोडेल का?

या निवडणुकीत नितीश कुमार यांच्या जेडीयूला फारशी कामगिरी करता आलेली नाही. याउलट भाजपा सर्वात मोठा पक्ष ठरेल अशी चिन्हे आहेत, त्यामुळे नितीश कुमार यांचे मुख्यमंत्रीपद भाजपावर अवलंबून असेल. ‘ब्राण्ड नितीश’ला खिंडार पडलेले नाही, असे नितीश यांच्या जवळच्या नेतेमंडळींनी या निकालाचे वर्णन केले. ‘या निवडणुकीत मोदी यांच्या प्रतिमेने आम्हाला तारले’ तसेच “सरकार स्थापना आणि नेतृत्वासंदर्भात आज संध्याकाळपर्यंत आम्ही निर्णय घेऊ” असे भाजपाचे वरिष्ठ नेते कैलाश विजयवर्गीय म्हणाले. “जो कल आहे तसेच निकाल लागले तर नितीश कुमारच मुख्यमंत्री होतील. आम्ही आमचा शब्द पाळू” असे विजयवर्गीय यांनी स्पष्ट केले.

The post बिहार निवडणूक निकाल : भाजपा सर्वात मोठा पक्ष ठरला तर नितीश कुमार मुख्यमंत्री होणार? appeared first on थोडक्यात घडामोडी.