नवी दिल्ली : गेल्या ५ राज्यांमधील विधानसभा निवडणुकांमध्ये पराभव झाल्यानंतर काँग्रेसने आत्मचिंतन करण्याचा निर्णय घेतला असून पहिले महत्वाचे पाऊल म्हणून काँग्रेसच्या हंगामी अध्यक्षा सोनिया गांधी यांनी या ५ राज्यांमधील प्रदेशाध्यक्षांचा राजीनामा मागितला आहे. पक्षाचे जनरल सेक्रेटरी रणदीप सुरजेवाला यांनी ही माहिती दिली आहे.

या पराभवानंतर काँग्रेसच्या कार्यसमितीची बैठक बोलावण्यात आली. या बैठकीत पराभवावर विचारमंथन करण्यात आले. त्यानंतर आज पराभव झालेल्या ५ राज्यांमधील काँग्रेसच्या प्रदेशाध्यक्षांचा राजीनामा घेत सोनिया गांधी यांनी आक्रमकपणे परिस्थिती सुधारण्याचा प्रयत्न सुरू केला आहे.  उत्तर प्रदेश, उत्तराखंड, पंजाब, गोवा आणि मणिपूरच्या पीसीसी अध्यक्षांना पीसीसीच्या पुनर्रचनेसाठी राजीनामे देण्यास सांगितले आहे.

Congress President, Smt. Sonia Gandhi has asked the PCC Presidents of Uttar Pradesh, Uttarakhand, Punjab, Goa & Manipur to put in their resignations in order to facilitate reorganisation of PCC’s.

— Randeep Singh Surjewala (@rssurjewala) March 15, 2022

The post ५ राज्यांतील पराभवानंतर सोनिया गांधी आक्रमक, पाचही राज्याच्या प्रदेशाध्यक्षांना हटवले appeared first on थोडक्यात घडामोडी.

अमृतसर : पंजाबमधील अमृतसर आंतरराष्ट्रीय विमानतळावर इटलीहून आलेल्या आंतरराष्ट्रीय चार्टर्ड फ्लाइटमध्ये १२५ जणांना कोरोनाची लागण झालेली असल्याचे आढळून आले आहे. या फ्लाइटमध्ये 170 लोक होते असे सांगण्यात येत आहे. या सर्व लोकांना अमृतसरमध्ये क्वारंटाईन करण्यात आले आहे. वृत्तसंस्था एएनआयने अमृतसर विमानतळाचे संचालक व्हीके सेठ यांच्या हवाल्याने ही माहिती दिली आहे.

अगोदर हे विमान एअर इंडियाचे असल्याचे बोलले जात होते. मात्र, सध्या रोमहून एअर इंडियाचे एकही विमान भारतात येत नसल्याचे एअर इंडियाने सांगितले आहे.

देशात कोरोनाचा प्रादुर्भाव झपाट्याने वाढत आहे. गेल्या 24 तासात कोरोनाचे 90,928 नवीन रुग्ण आढळले आहेत. याशिवाय 325 जणांना कोरोनामुळे आपला जीव गमवावा लागला आहे. बुधवारच्या तुलनेत गुरुवारी 56.5 टक्के जास्त कोरोना रुग्ण आढळले.

या पाच राज्यांमध्ये कोरोनाचे सर्वाधिक रुग्ण आढळून येत आहेत. यामध्ये महाराष्ट्र (26,538 नवीन कोरोना प्रकरणे), पश्चिम बंगाल (14,022 प्रकरणे), दिल्ली (10,665 प्रकरणे), तामिळनाडू (4,862 प्रकरणे) आणि केरळ (4,801 प्रकरणे) यांचा समावेश आहे. नवीन 90,928 प्रकरणांपैकी 66.97 टक्के प्रकरणे फक्त पाच राज्यांमधून आली आहेत. यामध्ये केवळ 29.19 टक्के प्रकरणे महाराष्ट्रातील आहेत. या 5 राज्यांमध्ये देशातील एकूण प्रकरणांपैकी 66% प्रकरणे आढळून आली आहेत.

The post कोरोनाचा विस्फोट! इटलीहून भारतात आलेल्या फ्लाइटमधील 170 पैकी 125 जण कोरोना पॉझिटिव्ह appeared first on थोडक्यात घडामोडी.

पंजाब : पंजाबच्या पठाणकोट जिल्ह्यातून एक धक्कादायक प्रकार उघडकीस आला आहे. येथे तंत्र मंत्राच्या नावावर एका भोंदू बाबाने अल्पवयीन मुलीवर बलात्कार केल्याची संतापजनक घटना घडली आहे. या प्रकरणाचा खुलासा झाल्यानंतर पीडित मुलीच्या कुटूंबियांनी भोंदू बाबाला चोप देऊन पोलिसांच्या स्वाधीन केले.

मिळालेल्या माहितीनुसार, हे प्रकरण पठाणकोटच्या भदरोया येथील आहे, येथे एक भोंदू बाबा तंत्र मंत्र करीत असायचा. तेथील लोकांना फसवून तो त्यांच्याकडून पैसे उकळायचा. लोक अंधश्रद्धेला बाली पडून त्याच्याकडे समस्या घेऊन जायचे. पीडित मुलीच्या कुटुंबियांना या भोंदूने सांगितले की मुलीवर तंत्र मंत्र करावे लागतील. त्यासाठी या भोंदूने मुलीला आपल्या घरी बोलावले आणि तिला एका वेगळ्या खोलीत नेऊन तिच्यावर अत्याचार केले आणि तिच्याशी जबरदस्तीने शारीरिक संबंध ठेवले.

धक्कादायक! 10 वर्षाच्या मुलीवर सामूहिक बलात्कार, 6 आरोपी 10 ते 12 वयाचे, सोशल मीडियावर व्हिडिओ बघितल्यावर झाला खुलासा

या प्रकारामुळे घाबरलेल्या मुलीने घडलेला प्रकार सांगताच तिचे कुटुंबीय भोंदू बाबाकडे गेले आणि त्यांनी त्या बाबाला चांगलाच चोप दिला. या बाबाचा चोप देतानाच व्हिडिओ बनवून तो व्हायरलही केला. त्यानंतर मुलीच्या कुटूंबियांनी या संपूर्ण घटनेची माहिती पोलिसांना दिली. पोलिस तात्काळ घटनास्थळी पोहचले आणि त्यांनी ढोंगी बाबाला अटक केली. त्याच्यावर बलात्काराचा गुन्हा दाखल करण्यात आला आहे. पोलिस ठाण्याचे प्रभारी दविंदर प्रकाश यांनी सांगितले की, सध्या आरोपी भोंदू बाबाविरोधात POCSO कायद्यांतर्गत कलम 376 आणि 506 अन्वये गुन्हा दाखल करण्यात आला आहे.

Pune : दारूच्या नशेत मुलाने केली वडिलांची हत्या, बहिणीला दिली धमकी, आणि…

The post भोंदू बाबाने अल्पवयीन मुलीवर केला बलात्कार, घटना उघडकीस आल्यानंतर… appeared first on थोडक्यात घडामोडी.

फरीदकोट : पंजाबच्या फरीदकोटमधील भोलूवाला रोडवर अतिशय भीषण अपघात झाला. या अपघातात दोन मोटारसायकल चालक ठार झाले असून दुचाकीवर बसलेला एक छोटा मुलगा बचावला आहे. विशेष म्हणजे, हा अपघात झाला तेव्हा पूर्ण रस्ता रिकामा होता. हा अपघात इतका भयंकर होता की जगदीप सिंह (वय 27 वर्ष) आणि किक्करसिंह (वय ४५) हे जागीच मरण पावले. हा अपघात तेथे जवळच असणाऱ्या एका फॅक्टरीच्या सीसीटीव्ही कॅमेऱ्यात कैद झाला.

प्रत्यक्षदर्शींनी सांगितले की, दोन्ही दुचाकींचा वेग खूप जास्त होता आणि हा रस्ता अरुंद आहे. तसेच यापैकी एक दुचाकीस्वार मागे वळून पाहात होता, त्यामुळे हा अपघात झाला. दोन्ही दुचाकींची समोरासमोर धडक झाली, दोघांनाही सावरण्याची संधीच मिळाली नाही. हे दोघे जण गंभीर जखमी झाले होते. जखमींना तातडीने रुग्णालयात दाखल करण्यात आले, मात्र तेथे डॉक्टरांनी दोघांनाही मृत घोषित केले.

मृतांच्या नातेवाईकांनी सांगितले की, मुलगा जगदीप सिंह हा लॅब टेक्निशियन म्हणून काम करायचा. तो आपल्या पत्नीला गावी सोडून शहरात निघाला होता. समोरून येणार्‍या दुसर्‍या दुचाकीशी त्याची समोरासमोर टक्कर झाली आणि दोघे जण गंभीर जखमी झाले. त्यानंतर त्यांना मृत घोषित करण्यात आलं.

पोलिसांनी मृतदेह ताब्यात घेऊन शवविच्छेदनासाठी पाठवले आहेत. पोलिसांनी घटनेचा तपास सुरू केला आहे. त्याचबरोबर पोलीस अपघाताच्या ठिकाणी तपासणी करत आहेत. शवविच्छेदन झाल्यानंतर दोघांचे मृतदेह त्यांच्या नातेवाईकांच्या ताब्यात देण्यात येतील. लोकांनी मागणी केली आहे की हा रस्ता रुंदवण्यात यावा, जेणेकरून असे अपघात टाळता येतील.

भयंकर : दारूच्या नशेत केली अनोळखी व्यक्तीची हत्या, अगोदर गळा आवळला नंतर चिरला, मग जिवंत जाळलं

धक्कादायक : समुद्रकिनारी बॉयफ्रेंडसोबत फिरायला गेली आणि अनर्थ घडला..

The post दोन मोटारसायकल समोरासमोर धडकून भीषण अपघात, दोघांचा मृत्यू appeared first on थोडक्यात घडामोडी.

देशात कोरोना संसर्ग पुन्हा झपाट्याने वाढत आहे. त्यातच कोरोनाच्या नव्या स्ट्रेनने देखील चिंतेत भर पडली आहे. या नव्या स्ट्रेनमुळे कोरोना रुग्णांची संख्या वाढत असल्याची शक्यता वर्तवण्यात येत आहे. त्या पार्श्वभूमीवर पंतप्रधान कार्यालयात तातडीची बैठक बोलावण्यात आली आहे.

कोरोना व्हायरसमध्ये म्युटेशन होत असते, त्यातून नव्या स्ट्रेनची निर्मिती होते. काही राज्यांमध्ये कोरोना रुग्ण संख्या वाढली असून काही ठिकाणी नवीन स्ट्रेन देखील आढळून आले आहेत. महाराष्ट्रात कोरोना रुग्ण वाढीमागे नवा स्ट्रेन असू शकतो, असे महाराष्ट्र कोविड टास्क फोर्सचे सदस्य डॉ. शशांक जोशी यांनी सांगितले होते. महाराष्ट्र तसेच केरळ, मध्य प्रदेश, छत्तीसगड आणि पंजाबमध्येही दिवसेंदिवस कोरोना रुग्णांचे प्रमाण वाढत आहे.

झपाट्याने होत असलेली रुग्णवाढ कोरोनाच्या नव्या स्ट्रेनमुळे झाली आहे का, याबाबत संशोधन सुरु आहे. देशातील एकूण रुग्णसंख्येच्या 38 टक्के सक्रिय कोरोना केसेस एकट्या केरळमध्ये आहेत तर महाराष्ट्रात 37 टक्के सक्रिय केसेस आहेत. त्यामुळे चिंताजनक परिस्थिती निर्माण झाली असून यावर तातडीने उपाययोजना करणे अतिशय गरजेचे आहे.

The post कोरोनाने वाढवली चिंता, पंतप्रधानांनी बोलावली तातडीची बैठक, ‘या’ राज्यांमध्ये परिस्थिती गंभीर appeared first on थोडक्यात घडामोडी.

उत्तर भारतात शुक्रवारी रात्री साडेदहाच्या सुमारास बर्‍याच भागांमध्ये ६.१ रिश्टर स्केल इतक्या तीव्रतेचे भूकंपाचे धक्के बसले आहेत. जम्मू-काश्मीर, पंजाब आणि राजधानी नवी दिल्लीसह अनेक भागांमध्ये हे भूकंपाचे धक्के जाणवले आहेत. प्राथमिक अहवालानुसार, पंजाबच्या अमृतसर येथे भूकंपाचा केंद्रबिंदू असल्याचे सांगण्यात आले आहे.

याव्यतिरिक्त पाकिस्तान आणि अफगाणिस्तानातीलही काही भागांमध्ये भूकंपाचे तीव्र झटके जाणवले. रात्री साडेदहा वाजेच्या सुमारास भूकंपाचे झटके जाणवले आहेत. या घटनेमुळे नागरिकांमध्ये भीतीचे वातावरण आहे. भूकंपात आतापर्यंत कोणतीही जीवितहानी किंवा वित्तहानी झाल्याचे वृत्त नाही.

The post जम्मू-काश्मीर, पंजाब आणि नवी दिल्लीसह अनेक भागांमध्ये भूकंप appeared first on थोडक्यात घडामोडी.

जळगाव :  जळगाव जिल्ह्यातील एरंडोल येथील आणखी एक सुपुत्र सीमेवर शहीद झाला आहे. ३० वर्षीय जवान राहुल लहू पाटील यांना पंजाबमध्ये भारत-पाकिस्तान सीमेवर कर्तव्य बजावत असताना आज दुपारी एक वाजता वीरमरण आले आहे. एरंडोल येथेच त्यांच्यावर शासकीय इतमामात अत्यंसस्कर होणार असून मागील दोन महिन्यात जळगाव जिल्ह्यातील चार जवान सीमेवर शहीद झाले आहेत.

पंजाबमधील फजलखां तेथून सुमारे वीस किलोमीटर अंतरावर भारत-पाकिस्तानच्या सीमेवर राहुल पाटील हे कर्तव्य बजावत असताना त्यांना वीरमरण आले. त्यांचे पार्थिव पंजाबहून मुंबई व मुंबईहून जळगाव जिल्ह्यातील एरंडोल येथील त्यांच्या मूळ निवासस्थानी आणले जाणार आहे. राहुल पाटील यांना वीरमरण आल्याची वार्ता समजताच संपूर्ण तालुक्यातच शोककळा पसरली.

राहुल पाटील यांनी आज सकाळी साडेसात वाजता त्यांच्या आई व भावाला व्हिडिओ कॉल केला होता. यावेळी त्यांनी पुढच्या महिन्यात परिवारासह घरी येणार असल्याचे सांगितले होते. तसेच पाटील यांनी व्हिडिओ कॉलवर भाऊ व आईला कर्तव्य बजावत असलेले स्थळही दाखविले. एरंडोल येथील शंकरनगर गांधीपुरा परिसरात राहुल यांचे घर असून राहुल हे २००९ मध्ये लातूर येथे लष्करात भरती झाले होते. ते सीमा सुरक्षा दलात (बीएसएफ) सेवेत होते. पत्नी व त्यांच्या दोन मुलींसह ते पंजाबमध्येच राहत होते. आज (५ फेब्रुवारी 2021) दुपारी दीड वाजेच्या सुमारास एरंडोल त्यांच्या भावाला फोन वरून राहुल हे शहीद झाल्याची माहिती देण्यात आली.

The post महाराष्ट्राचे सुपुत्र राहुल पाटील सीमेवर शहीद; सकाळी आईशी बोलला होता… appeared first on थोडक्यात घडामोडी.

भारताविरूद्ध पाकिस्तानच्या कुरापती नेहमी सुरु असतात. दहशतवाद्यांना भारतात आणण्यासाठी पाकिस्तान आता जम्मू-काश्मीर आणि पंजाब व्यतिरिक्त आता राजस्थान आणि गुजरातमधून घुसखोरी करण्याचा प्रयत्न करीत आहे. सीमा सुरक्षा दलाने (बीएसएफ) जाहीर केलेल्या आकडेवारीनुसार अलिकडच्या काळात घुसखोरीच्या घटनांमध्येही वाढ झाली आहे.

BSF च्या अधिकाऱ्यांनी दावा केला आहे कि, दहशतवाद्यांना भारतात पाठविण्याकरिता पाकिस्तान वेगवेगळ्या मार्गांचा शोध घेत आहे. आमचे सैनिक पूर्णपणे सतर्क आहेत आणि 24 तास सीमेवर निगराणी करत आहेत. ते म्हणाले की, बीएसएफ आपल्या जवानांची पोझिशन इंटेलिजन्स इनपुटनुसार सतत अपडेट करत राहतात.

यावर्षी नोव्हेंबरच्या पहिल्या आठवड्यापर्यंत 11 घुसखोरीच्या घटना घडल्याचे बीएसएफच्या अधिकाऱ्यांनी सांगितले. जम्मू, काश्मीर, पंजाब, राजस्थान आणि गुजरातला लागून असलेल्या सीमेवर ही घुसखोरी करण्यात आली. यावर्षी जम्मू आणि पंजाब सीमेवरुन सर्वाधिक घुसखोरीच्या घटना घडल्या आहेत.

नोव्हेंबर महिन्यात जम्मू-काश्मीरच्या सांबा सेक्टरमधील आंतरराष्ट्रीय सीमेवर बीएसएफने दीडशे मीटर लांबीचा बोगदा शोधून काढला होता आणि एका घुसखोरालाही ठार केले होते. बीएसएफचे IG एनएस जामवाल म्हणाले होते की आंतरराष्ट्रीय सीमेवर हा बोगदा शोधल्यामुळे हे स्पष्ट होते की पाकिस्तानी सैन्य दहशतवाद्यांना मदत करत आहे.

The post दहशतवाद्यांना भारतात पाठविण्याकरिता पाकिस्तान घेत आहे नव्या मार्गांचा शोध appeared first on थोडक्यात घडामोडी.