अमरावतीच्या माजी खासदार आणि भाजपाच्या नेत्या नवनीत राणा यांना हैदराबादमध्ये एमआयएमचे खासदार असदुद्दीन ओवैसी यांना धमकी दिल्याच्या प्रकरणी कोर्टाने नोटिस बजावली आहे. नवनीत राणा यांनी एका भाषणात ओवैसी यांना आव्हान देत धमकी दिली होती, आणि त्यानुसार कोर्टाने त्यांना २८ फेब्रुवारी रोजी हजर होण्याचे आदेश दिले आहेत.

नवनीत राणा २०१९ मध्ये शरद पवार यांच्या राष्ट्रवादी काँग्रेसच्या पाठिंब्याने अमरावतीतून खासदार निवडून आल्या होत्या. परंतु, त्यानंतर त्यांनी भाजपासाठी काम करण्यास सुरुवात केली. महाविकास आघाडी सरकारच्या काळात, त्यांनी आणि त्यांच्या पती रवी राणा यांनी मुख्यमंत्री उद्धव ठाकरे यांच्या विरोधात तीव्र आंदोलन सुरू केले होते. विशेषतः, हनुमान चालीसा म्हणण्याच्या आंदोलनामुळे ते चर्चेत आले होते, ज्यामुळे त्यांना अटक केली गेली होती.

नवनीत राणा यांनी लोकसभा निवडणुकीदरम्यान असदुद्दीन ओवैसी यांचे धाकटे बंधू अकबरुद्दीन ओवैसी यांना आव्हान दिले होते. अकबरुद्दीन ओवैसी यांनी एका भाषणात पोलिस हटवून काही करण्याची धमकी दिली होती. यावर प्रत्युत्तर देताना नवनीत राणा यांनी ओवैसी यांचे नाव न घेता एक भाषण दिले होते. त्यांनी म्हटले की, “जर १५ सेकंदांसाठी पोलिसांना हटवले, तर ओवैसी भावांचा पत्ता देखील लागणार नाही, ते कुठे आले होते आणि कुठे गेले होते ते कळणार नाही.”

नवनीत राणा यांना या प्रकरणी २८ फेब्रुवारीला कोर्टात हजर होण्याचे आदेश मिळाल्याने, या प्रकरणाची पुढील कारवाई आणि तपासणी सुरू आहे.

The post मोठी बातमी: नवनीत राणा यांना कोर्टाची नोटीस, २८ फेब्रुवारीला हजर होण्याचे आदेश appeared first on थोडक्यात घडामोडी.

मुंबई : खासदार नवनीत राणा यांना जेजे रुग्णालयात दाखल करण्यात आले आहे. राणा यांच्या वकिलांनी त्यांना मणक्याचा त्रास असून त्यांच्या कमरेचे दुखणे वाढले असल्याने त्यांना उपचारासाठी हॉस्पिटलमध्ये नेण्याची गरज असल्याचे सांगितले होते.

नवनीत राणा यांच्या कायदेशीर पथकाने भायखळा जेलच्या एसपींना पत्र लिहून त्यांच्यावर तात्काळ उपचाराची मागणी केली होती. पत्रात लिहिले होते की, नवनीत यांच्या पाठीत वेदना होत असून हे त्यांचं जुनं दुखणं आहे. कोठडी दरम्यान, नवनीत राणा यांना सतत जमिनीवर बसावे लागत आहे, तसेच जमिनीवर झोपावे लागत आहे, त्यामुळे त्यांच्या वेदना असह्य झाल्या आहेत. नवनीत राणा यांना उपचारासाठी भायखळा जेलमधून बाहेर नेण्याची परवानगी मिळावी यासाठी त्यांच्या वकिलांनी भायखळा तुरुंग अधीक्षकांकडे मागणी केली होती. त्यानंतर आता नवनीत राणा यांना जेजे रुग्णालयात दाखल करण्यात आले आहे.

The post खासदार नवनीत राणा जेजे रुग्णालयात दाखल appeared first on थोडक्यात घडामोडी.

मुंबई : अमरावतीच्या अपक्ष खासदार नवनीत राणा आणि त्यांचे पती आमदार रवी राणा यांना मुंबई उच्च न्यायालयाकडून दणका बसला आहे. न्यायालयाने राणा दाम्पत्याची याचिका फेटाळून लावली आहे. नवनीत राणा आणि रवी राणा यांच्याविरुद्ध नोंदवण्यात आलेला दुसरा एफआयआर रद्द करण्यासाठी याचिका दाखल करण्यात आली होती. या दोघांविरुद्ध दुसरी एफआयआर आयपीसीच्या कलम 353 अंतर्गत नोंदवण्यात आली, म्हणजे सरकारी कामकाजात अडथळा आणणे. या याचिकेवर मुंबई उच्च न्यायालयात सुनावणी झाली.

दोन्ही एफआयआर एकत्र करण्यासही न्यायालयाने नकार दिला आहे. दोन्ही वेगळ्या घटना आहेत, त्यामुळे दोन स्वतंत्र गुन्हे दाखल करण्यात आल्याचे न्यायालयाचे म्हणणे आहे. मात्र, दुसऱ्या एफआयआरमध्ये त्यांना अटक करण्यापूर्वी ७२ तासांची नोटीस देण्याचे आदेश मुंबई पोलिसांना देण्यात आले आहेत.

The post राणा दाम्पत्याला मोठा झटका, दुसरी FIR रद्द करण्याची याचिका फेटाळली appeared first on थोडक्यात घडामोडी.

मुंबई : राणा दाम्पत्याविरोधात खार पोलिसांनी गुन्हा नोंदवून त्यांना अटक केली. दरम्यान, आक्रमक झालेल्या नवनीत राणा आणि रवी राणा यांनी मुख्यमंत्री उद्धव ठाकरे आणि संजय राऊत, परिवहन मंत्री अनिल परब आणि शेकडो शिवसैनिकांच्या विरोधातही तक्रार दाखल केली आहे. संजय राऊत यांनी शिवसैनिकांना चिथावल्याचा आरोप या तक्रारीतून राणांनी केला आहे.

राणा दाम्पत्याच्या तक्रारीत नमूद मुद्दे

• उद्धव ठाकरे, संजय राऊत आणि अनिल परबांविरोधात तक्रार
• घराखाली गोंधळ घातलेल्या ५०० ते ६०० शिवसैनिकांविरोधातही तक्रार
• घराबाहेर जमलेल्या शिवसैनिकांनी शिवीगाळ आणि धमक्या दिल्या
• बॅरिगेड्स तोडून घरात घुसण्याचा प्रयत्न केला
• जीवे मारण्याच्या उद्देशाने शिवसैनिक घरात घुसले
• उपस्थित जमावाच्या हातात हत्यारं सदृश्य वस्तू असल्याच्या आरोप
• मुख्यमंत्र्यांसहित राऊत आणि परबांनी राजकीय पोळी भाजण्याचा प्रयत्न केला
• राऊतांनी शिवसैनिकांना चिथावणी दिली
• सिल्व्हर ओक हल्ला प्रकरणातील कलमं लावण्याची मागणी

राणा दाम्पत्याला खार पोलिसांकडून अटक करण्यात आली आहे. कलम १५३ (अ, ब) अंतर्गत त्यांच्यावर कारवाई करण्यात आली आहे. राणा दाम्पत्याला उद्या न्यायालयात हजर करण्यात येईल. समाजात तेढ निर्माण होईल असं वर्तन केल्याचा आरोप त्यांच्यावर करण्यात आला आहे. खार पोलिस कायदेशीर प्रक्रिया पूर्ण करत आहेत.

The post राणा दाम्पत्याची मुख्यमंत्री उद्धव ठाकरे, संजय राऊत, अनिल परब आणि शेकडो शिवसैनिकांविरोधात तक्रार appeared first on थोडक्यात घडामोडी.

अमरावती : अमरावती लोकसभा मतदारसंघाच्या खासदार नवनीत राणा यांनी सादर केलेले जात प्रमाणपत्र अवैध आहे. या प्रकरणी खासदार नवनीत राणा यांना दोन लाख रुपयांचा दंडही ठोठावण्यात आला असून येत्या सहा आठवड्यात त्यांनी सर्व प्रमाणपत्रं जमा करावे, असा आदेश उच्च न्यायालयाने दिला आहे. माजी खासदार आनंदराव अडसूळ यांच्या याचिकेवर सुनावणी करताना न्यायालयाने हा निकाल दिला.

अमरावती लोकसभा मतदारसंघ अनुसूचीत जातींसाठी राखीव मतदार संघ होता. त्या मतदारसंघातून नवनीत राणा निवडून आल्या. त्यांच्या या निवडीवर आक्षेप घेत शिवसेनेचे माजी खासदार आनंदराव अडसूळ यांनी उच्च न्यायालयात याचिका दाखल केली होती. या याचिकेवर सुनावणी करताना उच्च न्यायालयाने खासदार नवनीत राणा यांचे जात प्रमाणपत्र अवैध असल्याचं सांगत त्यांना दोन लाख रुपये दंड आणि सहा आठवड्यात सर्व प्रमाणपत्र जमा करण्याचे आदेश दिले आहेत. दरम्यान, या प्रकरणामुळे नवनीत राणा यांची खासदारकी धोक्यात आल्याची चर्चा सुरु झाली आहे.

The post खासदार नवनीत राणा यांचं जात प्रमाणपत्र अवैध, उच्च न्यायालयाने दिले ‘हे’ आदेश appeared first on थोडक्यात घडामोडी.

परमबीर सिंह यांनी मुख्यमंत्री उद्धव ठाकरे यांना पत्र लिहून गृहमंत्री अनिल देशमुख यांच्यावर गंभीर आरोप केले आहेत. याचे लोकसभेत देखील तीव्र पडसाद पडले आहेत. याप्रकरणी अपक्ष खासदार नवनीत राणा यांनी मुख्यमंत्र्यांवर गंभीर आरोप केला आहे. खंडणी प्रकरणात मुख्यमंत्र्यांचाही हात असून त्यांच्या सांगण्यावरुनच हे सगळं सुरु आहे, असा आरोप नवनीत राणा यांनी लोकसभेत केला आहे.

“महाराष्ट्रात खंडणी वसुली करण्याचं काम सुरु आहे असं माझे सहकारी सांगत आहेत. त्यावरुन मी सांगू इच्छिते की, जो व्यक्ती सोळा वर्ष निलंबित होता. त्याला पुन्हा सेवेत का घेतलं? कुणी घेतलं?, याची चौकशी करण्यात यावी. तत्कालीन मुख्यमंत्री देवेंद्र फडणवीस यांनी सचिन वाझे यांना पोलीस दलात घ्यायला नकार दिला होता. शिवसेनेने वाझेंसाठी फडणवीसांवर दबाव आणला होता. ज्यादिवशी ठाकरे सरकार आलं तेव्हा परमबीर सिंह यांना फोन करुन सर्वात आधी सचिन वाझेंना सेवेत घेतलं. सचिन वाझेंमुळे परमबीर सिंह यांची बदली करण्यात आली,” असं नवनीत राणा यांनी सांगितलं.

नवनीत राणा पुढे म्हणाल्या कि, “जर हा प्रकार असाच सुरू राहिला तर संपूर्ण देशात खंडणी वसुलीचा पायंडा पडेल. ज्याप्रकारे इतरांवर लागले आहेत, मला सांगायचं आहे की महाराष्ट्रात मुख्यमंत्र्यांच्या सांगण्यावरुनच हे सगळं सुरु आहे. बदल्या करणं, खंडणी वसुल करणं यामध्ये इतर कोणीही सहभागी नाही. एकट्या मुंबईतून महिन्याला १०० कोटी वसुली होत असेल तर संपूर्ण महाराष्ट्रातून किती होत असेल?”

The post महाराष्ट्रात मुख्यमंत्र्यांच्या सांगण्यावरुनच हे सगळं सुरु, नवनीत राणा यांचा गंभीर आरोप appeared first on थोडक्यात घडामोडी.

अमरावतीच्या खासदार नवनीत राणा यांना त्यांच्यावर अ‍ॅसिड फेकण्याची धमकी दिली आहे. हे धमकीचे पत्र शिवसेनेच्या कथित लेटरहेडवर असल्यामुळे या प्रकाराची दखल घत नवनीत राणा यांनी शिवसेनेनं धमकी दिल्याचा आरोप करत दिल्लीतील नॉर्थ अव्हेन्यू पोलीस ठाण्यात तक्रार दिली आहे.

मागील काही दिवसांपासून अमरावतीच्या खासदार नवनीत राणा यांनी शेतकऱ्यांच्या समस्या, वाढीव वीजबिल अशा अनेक मुद्द्यांवरून ठाकरे सरकारवर टीका केली आहे, तसेच या सर्व मुद्द्यांवर न्याय देण्याची मागणी केली. या पार्श्वभूमीवर नवनीत राणा यांना एक धमकीचे एक पत्र आले आहे. या पत्रात त्यांच्यावर अ‌ॅसीड फेकण्याची धमकी देण्यात आली आहे. या प्रकारची दखल घेत त्यांनी दिल्लीतील नॉर्थ अव्हेन्यू पोलीस ठाण्यात तक्रार दाखल केली आहे.

नवनीत राणा यांना आलेले धमकीचे पत्र शिवसेनेच्या कथित लेटरहेडवर असल्यामुळे राणा यांनी शिवसेनेवर थेट आरोप केले आहेत. या पत्रात अर्वाच्य भाषेचा वापर करण्यात आला आहे. तसेच ही धमकी शिवसेना नेते संजय राऊत आणि शिवसेना नेते आनंदराव अडसूळ यांच्या इशाऱ्यावर पाठविण्यात आल्याचा दावा नवनीत राणा यांनी केला आहे. दरम्यान, हे पत्र शिवसेनेच्या खऱ्या लेटरहेडवर असल्याची कोणतीही पुष्टी अजून झालेली नाही.

The post ब्रेकिंग : खासदार नवनीत राणा यांना अ‍ॅसिड फेकण्याची धमकी, धमकीचे पत्र शिवसेनेच्या लेटरहेडवर? appeared first on थोडक्यात घडामोडी.