मुंबई : राष्ट्रवादी काँग्रेसचे ज्येष्ठ नेते आणि आमदार छगन भुजबळ यांनी आज राजभवन येथे राज्याच्या कॅबिनेट मंत्रिपदाची आणि गोपनीयतेची शपथ घेतली. महायुती सरकार स्थापन झाल्यानंतर सुरुवातीच्या मंत्रिमंडळात त्यांना डावलण्यात आले होते. मात्र, सुमारे सहा महिन्यांच्या प्रतीक्षेनंतर भुजबळ यांचे मंत्रिमंडळात पुनरागमन झाले आहे.

धनंजय मुंडे यांच्या राजीनाम्यानंतर रिक्त झालेल्या मंत्रिपदासाठी भुजबळ यांची निवड करण्यात आली आहे. बीड जिल्ह्यातील मस्साजोग गावातील सरपंच संतोष देशमुख प्रकरणात आरोपींना अटक झाल्यानंतर, तत्कालीन मंत्री धनंजय मुंडे यांच्यावर संबंधित आरोपींशी जवळीक असल्याचे आरोप झाले होते. या पार्श्वभूमीवर त्यांनी मार्चमध्ये मंत्रिपदाचा राजीनामा दिला होता.

त्यानंतर राष्ट्रवादीच्या वाट्याच्या मंत्रिपदाची जागा रिक्त होती. दुसरीकडे, मंत्रिमंडळात सहभागी न झाल्याने छगन भुजबळ यांची नाराजी शिगेला पोहोचली होती. इतकी की, ते पक्ष सोडणार असल्याच्या चर्चा देखील सुरू झाल्या होत्या. अखेर, पक्षांतर्गत समेटानंतर भुजबळ यांना मंत्रिमंडळात पुन्हा स्थान देण्यात आले आहे.

भुजबळ यांच्याकडे अन्न व नागरी पुरवठा आणि ग्राहक संरक्षण खात्याची जबाबदारी सोपवण्यात येणार असल्याची शक्यता आहे. याआधीही त्यांनी हे खाते सांभाळले असून, त्यांच्या अनुभवाचा सरकारला फायदा होईल, अशी राजकीय वर्तुळात चर्चा आहे.

The post छगन भुजबळ यांचे मंत्रिमंडळात पुनरागमन, घेतली कॅबिनेट मंत्रिपदाची शपथ appeared first on थोडक्यात घडामोडी.

बीडच्या मस्साजोग गावचे सरपंच संतोष देशमुख हत्या प्रकरणी मंत्री धनंजय मुंडे यांचा निकटवर्तीय वाल्मिक कराड हाच सूत्रधार असल्याचे आरोपपत्र पोलिसांनी दाखल केले आहे. यामुळे धनंजय मुंडेंच्या अडचणीत वाढ होण्याची शक्यता वर्तवली जात होती. त्यातच आता राष्ट्रवादीचे नेते आणि मंत्री धनंजय मुंडेंचा उद्या राजीनामा होणार आहे, असा खळबळजनक दावा करुणा शर्मा यांनी केला आहे. त्यांनी एक फेसबुक पोस्ट केली आहे. ३ मार्च २०२५ रोजी राजीनामा होणार, असे करुणा शर्मा यांनी फेसबुक पोस्टमध्ये म्हटले आहे. या पोस्टमुळे खळबळ उडाली आहे. विशेष म्हणजे धनंजय मुंडेंचा राजीनामा दोन दिवसांपूर्वीच झालेला आहे, असा दावाही करुणा शर्मा यांनी केला आहे.

करुणा शर्मा यांनी नुकतंच न्युज चॅनलशी संवाद साधला. यावेळी त्यांनी धनंजय मुंडेंच्या राजीनाम्याबद्दल मोठा खुलासा केला आहे. “मला १०० टक्के याबद्दलची माहिती मिळालेली आहे की धनंजय मुंडे यांचा राजीनामा दोन दिवस आधीच घेतला गेला आहे. वाल्मिक कराड जर दोषी असेल तर मी स्वत: राजीनामा देईन,” असे त्यांनी सांगितले होते. त्यामुळे आता त्यांच्यासमोर काहीही राहिलेले नाही. त्यामुळे उद्या अधिवेशनाआधी त्यांचा राजीनामा होईल, असे करुणा शर्मा म्हणाल्या. धनंजय मुंडे यांचा राजीनामा अजित पवारांनी घेतला आहे. ते अजून जाहीर का झालेले नाही, याबद्दलची माहिती नाही. पण काल एसआयटी, सीआयडी चौकशीचा अहवाल समोर आला आहे. त्यामुळे १०० टक्के उद्या अधिवेशनाआधी त्यांचा राजीनामा होणार आहे, असा दावा करुणा शर्मा यांनी केला आहे.

पुढे त्या बोलल्या कि, मला १०० टक्के असं वाटतंय की अधिवेशनाआधी अजित पवार स्वत: राजीनाम्याबद्दलची घोषणा करतील. अजित पवार हे पत्रकार परिषद घेऊन याबद्दलची माहिती देतील. आता धनंजय मुंडेंकडे बोलण्यासारखे काहीही राहिलेले नाही. वाल्मिक कराड हा त्यांचा एकदम जवळचा व्यक्ती आहे. आपण त्याला त्यांची सावली असं म्हणू शकतो. त्यांच्याशिवाय धनंजय मुंडेंच्या पोटाचे पाणी हलत नाही. त्यामुळे ही १०० टक्के खरी गोष्ट आहे, असे करुणा शर्मा म्हणाल्या.

धनंजय मुंडे यांनी सांगितलं होतं की, “कोणीही दोषी असेल तर त्याला फाशीची शिक्षा झाली पाहिजे.” वाल्मिक कराड जेव्हा सरेंडर झाला, तेव्हा संतोष देशमुख हत्याप्रकरणी फाशीची शिक्षा व्हावी, असे म्हटले होते. संतोष देशमुख यांची निर्घृण हत्या झाली. या हत्येमुळे लोकांच्या मनात खूप मोठा प्रश्न निर्माण झाला आहे. बीडमध्ये वाल्मिक कराडकडून लोकांना गुंड प्रवृत्तीत परिवर्तन करायचं काम सुरु होतं. जे १० लोक आहेत, त्यात वाल्मिक कराड जे आका आहेत, त्यांचं वय हे जास्त आहे. बाकी सर्वजण २६, २७ अशा तरुण वयातील मुलं आहेत. यांची खूप मोठी टोळी आहे, असेही करुणा शर्मा यांनी सांगितले.

माझं धनंजय मुंडेंसोबत काहीही बोलणं झालं नाही. हे प्रकरण दाबण्याचा प्रयत्न सुरु आहे. गेल्या तीन महिन्यांपासून जनतेने जे आक्रमक रूप घेतलेलं आहे. पण तरीही राजीनामा व्हायला नको, यासाठी सातत्याने प्रयत्न सुरु आहेत. पण मला देवेंद्र भाऊंवर पूर्ण विश्वास आहे. याप्रकरणाची चौकशी इतक्या चांगल्या पद्धतीने सुरु आहे. एसआयटी, सीबीआय यांना चौकशीत चांगले यश मिळालेले आहे. वाल्मिक कराड हा जो खरा आका होता, पुण्यातील एका डॉनलाही अटक झाली. त्यामुळे देवेंद्र भाऊंचे खूप चांगले काम सुरु आहे. यासाठी मी त्यांची कौतुक करते, असेही करुणा शर्मा यांनी म्हटले.

The post अजित पवारांनी दोन दिवसांपूर्वीच धनंजय मुंडेंचा राजीनामा घेतला, पोस्टमुळे चर्चांना उधाण appeared first on थोडक्यात घडामोडी.

राज्यात गेल्या तीन-चार दिवसांपासून मंत्री धनंजय मुंडे आणि भाजप आमदार सुरेश धस यांच्या भेटीवर चर्चा रंगली आहे. संतोष देशमुख हत्या प्रकरणात आवाज उठवणारे आमदार सुरेश धस हे मंत्री धनंजय मुंडे यांच्या भेटीमुळे विरोधकांच्या लक्ष्यावर आले आहेत. या प्रकरणावर मुख्यमंत्री देवेंद्र फडणवीस यांनी जळगावातून प्रतिक्रिया देत विरोधकांना टोला लगावला.

मुख्यमंत्र्यांनी स्पष्ट केले की, “संतोष देशमुख यांच्या मारेकऱ्यांना शिक्षा व्हावी, यासाठीच आमदार सुरेश धस काम करत आहेत. या प्रकरणात ते पुढाकार घेत आहेत आणि यामुळे काही लोकांच्या पोटात दुखत आहे,” असे मुख्यमंत्र्यांनी विरोधकांना टोला लगावला.

राजकारणावर मुख्यमंत्री फडणवीस यांचे भाष्य
मुख्यमंत्री देवेंद्र फडणवीस म्हणाले, कोण कुणाला भेटले यावर राजकारण होत असेल, तर ते लोकशाहीत योग्य नाही. लोकशाहीत संवाद कायम राहावा लागतो. सुरेश धस यांनी या प्रकरणात गंभीर भूमिका घेतली आहे. त्याच्याद्वारे संवाद तोडण्याचा प्रयत्न करणे योग्य नाही. धनंजय मुंडे हे राज्याचे मंत्री आहेत, त्यामुळे एक आमदार आणि एक मंत्री यांची भेट होणे सामान्य आहे.

खासदार संजय राऊत यांच्यावर फडणवीस यांची टीका
खासदार संजय राऊत यांच्याबद्दल विचारलेल्या प्रश्नावर फडणवीस यांनी एक वाक्यात उत्तर दिले. ते म्हणाले, मुर्खांना मी उत्तर देत नाही. हे माहीत असूनही तुम्ही हा प्रश्न विचारत आहात?

अमृता फडणवीस यांचे गाणे आणि समाजातील प्रतिसाद
अमृता फडणवीस यांच्या गाण्याबद्दल बोलताना, फडणवीस म्हणाले, संत सेवालाल महाराज यांच्या जयंतीच्या पार्श्वभूमीवर हे गाणे रिलीज झाले आहे. हे गाणे फक्त बंजारांच नाही, तर सर्व समाजाला आवडले आहे. हे गाणे आपल्या गुरूंच्या प्रती, संतांच्या प्रती एक आराधना आहे.

शाळांमध्ये मराठी शिकवण्याबाबत फडणवीस यांचे मत
मुंबईत मराठी शाळांची टक्केवारी घसरल्याबद्दल देवेंद्र फडणवीस यांनी भूमिका मांडली. ते म्हणाले, कुठल्याही मराठी शाळा बंद होणार नाहीत, हे आम्ही स्पष्टपणे सांगितले आहे. शाळा इंग्रजी असो किंवा हिंदी, त्यांना मराठी शिकवावे लागेल. आम्ही त्याची सक्ती केली आहे आणि त्याचे पालन होईल, याकडे आमचे लक्ष आहे.

नाशिक आणि रायगड पालकमंत्री वादावर फडणवीस यांचे म्हणणे
नाशिक आणि रायगड पालकमंत्र्यांमधील वाद लवकरच मिटतील, असे फडणवीस यांनी म्हटले.

जळगाव येथील पोलीस कर्मचाऱ्याच्या अपहरण आणि हल्ल्याबाबत फडणवीस यांची प्रतिक्रिया
जळगाव येथील चोपडा येथील पोलीस कर्मचाऱ्याच्या अपहरण आणि हल्ल्याच्या घटनेवर फडणवीस म्हणाले, मध्यप्रदेश पोलिसांना आम्ही सांगितले आहे की, त्यांच्या राज्यात होणाऱ्या बेकायदेशीर कारवायांना रोखण्यासाठी पावले उचलावीत. दोन्ही राज्यांमधील पोलीस दलात समन्वय साधण्याचे प्रयत्न सुरू आहेत.

The post धनंजय मुंडे-धस भेटीबाबत मुख्यमंत्री देवेंद्र फडणवीस यांनी आमदार सुरेश धस यांच्या पाठिशी ठाम समर्थन, संजय राऊत यांच्यावर टीका: मुर्खांना मी उत्तर देत नाही appeared first on थोडक्यात घडामोडी.

नगर : मस्साजोगचे सरपंच संतोष देशमुख यांच्या हत्येतील एक आरोपी अजूनही फरार आहे. इतर आरोपींची चाैकशी सुरू आहे. धनंजय मुंडे यांचे निकटवर्तीय वाल्मिक कराड याच्यावर गुन्हा दाखल झाल्यानंतर हा काही दिवस फरार होता. त्यानंतर त्याने पुण्यातील सीआयडीच्या कार्यालयात आत्मसर्मपण केले. दरम्यान, आमदार सुरेश धस, संदीप क्षीरसागर आणि सामाजिक कार्यकर्त्या अंजली दमानिया यांच्याकडून धनंजय मुंडे यांच्या मंत्रिपदाच्या राजीनाम्याची मागणी केली जात आहे.

धनंजय मुंडे यांच्यावर मंत्रिपदाचा राजीनामा देण्याबद्दल सतत दबाब टाकला जात आहे. धनंजय मुंडे यांच्या राजीनाम्याबद्दल बोलताना देवेंद्र फडणवीस यांनी स्पष्ट भूमिका मांडली आहे. धनंजय मुंडे हे काल रात्री भगवान गडाचे महंत नामदेव शास्त्री महाराज यांची भेट घेण्यासाठी गेले होते, त्यानंतर त्यांनी भगवान गडावरच मुक्काम केला. यावेळी रात्री उशीरापर्यंत नामदेव शास्त्रींसोबत त्यांची चर्चा झाली.

भगवानगड धनंजय मुंडे यांच्या पाठीशी
आता नामदेव शास्त्री यांनी धनंजय मुंडे यांची पाठराखण केली आहे. नामदेव शास्त्री म्हणाले की, जाणीवपूर्वक धनंजय मुंडे यांना टार्गेट केले जात आहे. धनंजय मुंडेंची गुन्हेगारी पार्श्वभूमी नाही. मुद्दाम धनंजय मुंडेंना गुन्हेगार ठरवले जात आहे. धनंजय मुंडे यांच्या पाठिशी भगवानगड आहे. आम्ही भक्कमपणे त्यांच्या पाठीमागे असल्याचेही नामदेव शास्त्री यांनी सांगितले. नामदेव शास्त्री पुढे म्हणाले की, मुंडे खंडणी घेऊन जगणारा माणूस नाही. खंडणीवर जगणारे हे नेते नाहीत. तो त्यांच्या गावाचा मुद्दा आहे, यामुळे सामाजिक सलोखा बिघडत आहे. या प्रकरणाचा परिणाम वारकरी संप्रदायावर झाला आहे. ज्या लोकांना जातीयवाद माहिती नाही, त्यांना देखील आता कळाला. जे संत सामाजिक सलोखा निर्माण करतात, त्यांच्यामध्येही तेढ निर्माण झाल्याचे नामदेव शास्त्री यांनी म्हटले आहे. नामदेव शास्त्री यांनी या प्रकरणात धनंजय मुंडे यांची पाठराखण केली आहे.

The post मुद्दाम धनंजय मुंडेंना गुन्हेगार ठरवले जात आहे, भगवानगड त्यांच्या पाठीशी, नामदेव शास्त्रींकडून मुंडेंची पाठराखण appeared first on थोडक्यात घडामोडी.

मुंबई : राष्ट्रीय कृषी विकास योजना व राष्ट्रीय कृषी यांत्रिकीकरण अभियानातील अनुदान वितरण करण्याची प्रक्रिया सुरू असून, उर्वरित लाभार्थींचे अनुदानही लवकरच वितरित करण्यात येणार असल्याची माहिती कृषीमंत्री धनंजय मुंडे यांनी विधानसभेत दिली.

चंद्रपूर जिल्ह्यात राष्ट्रीय कृषी यांत्रिकीकरण अभियानांतर्गत पात्र लाभार्थींना कृषी साहित्यांचे अनुदान मिळणेबाबतचा प्रश्न सदस्य प्रतिभा धानोरकर यांनी उपस्थित केला होता.

मंत्री मुंडे म्हणाले की, सन 2023-24 या आर्थिक वर्षात मे 2023 पर्यंत कृषी यांत्रिकीकरण उपअभियानांतर्गत 383, राज्य पुरस्कृत कृषी यांत्रिकीकरण योजनेतील 181 व राकृवियो अंतर्गत कृषी यांत्रिकीकरण प्रकल्प अंतर्गत 99 लाभार्थी अनुदानासाठी प्रलंबित होते. या लाभार्थींपैकी कृषी यंत्रिकीकरण उपअभियानातील 121 लाभार्थींचे, राज्य पुरस्कृत कृषी यांत्रिकीकरण योजनेतील 64, तसेच राकृवियो अंतर्गत कृषी यंत्रिकीकरण प्रकल्पअंतर्गत 38 लाभार्थींच्या अनुदानाचे वितरण करण्यात आलेले आहे. निधी उपलब्धतेनुसार उर्वरित लाभार्थींना अनुदान देण्याची कार्यवाही करण्यात येत असल्याचे मंत्री मुंडे यांनी सांगितले. या अनुषंगाने झालेल्या चर्चेत सदस्य सुभाष देशमुख यांनी सहभाग घेतला.

The post राष्ट्रीय कृषी विकास योजनेसह राष्ट्रीय कृषी यांत्रिकीकरण अभियानातील लाभार्थींचे अनुदान लवकरच देणार – धनंजय मुंडे appeared first on थोडक्यात घडामोडी.

गाझियाबाद : गेल्या अनेक दिवसांपासून चर्चेत असलेल्या इंदू मिलमधील भारतरत्न डॉ. बाबासाहेब आंबेडकर यांच्या स्मारकाच्या कामाला पुन्हा एकदा गती येताना पाहायला मिळत आहे. ही गती देण्यासाठी मंत्रिमंडळ उपसमिती गठित करण्यात आली आहे. याच उपसमितीने गाझियाबादमध्ये तयार होत असलेल्या डॉक्टर बाबासाहेब आंबेडकर यांच्या भव्य दिव्य पुतळ्याची पाहणी केली आहे.

इंदूमिल येथील भारतरत्न डॉ. बाबासाहेब आंबेडकर यांच्या स्मारक स्थळी उभारण्यात येणाऱ्या भव्य पुतळ्याची प्रतिकृती प्रसिद्ध शिल्पकार पद्मभूषण राम सुतार व त्यांच्या टीमने तयार केली आहे. आज राज्य शासनाच्या समितीच्या वतीने या प्रतिकृतीची गाझियाबाद (उत्तर प्रदेश) येथे जाऊन पाहणी केली. या 25 फुटी प्रतिकृती मध्ये एम.एम.आर.डी.ए. ने व आम्ही सुचवलेले आवश्यक बदल पूर्ण करून प्रतिकृतीस अंतिम मान्यता घेण्याची प्रक्रिया पूर्ण करण्यासाठी आवश्यक सूचना यावेळी दिल्या. त्या वेळी समाजिक न्याय व विशेष सहाय्य मंत्री धनंजय मुंडे, शालेय शिक्षण मंत्री वर्षा गायकवाड, सामाजिक न्याय विभागाचे सचिव सुमंत भांगे, समाज कल्याण आयुक्त प्रशांत नारनवरे, सह सचिव दिनेश डिंगळे यांसह विभागाचे अधिकारी व मान्यवर या दौऱ्यात उपस्थित होते.

या 25 फुटी प्रतिकृती मध्ये एम.एम.आर.डी.ए. ने व आम्ही सुचवलेले आवश्यक बदल पूर्ण करून प्रतिकृतीस अंतिम मान्यता घेण्याची प्रक्रिया पूर्ण करण्यासाठी आवश्यक सूचना यावेळी दिल्या. शालेय शिक्षण मंत्री @VarshaEGaikwad ताई यांसह विभागाचे अधिकारी व मान्यवर या दौऱ्यात उपस्थित होते. pic.twitter.com/mdHgrjK4R0

— Dhananjay Munde (@dhananjay_munde) May 19, 2022

The post इंदूमिल येथील भारतरत्न डॉ. बाबासाहेब आंबेडकर यांच्या भव्य पुतळ्याची मंत्रिमंडळ उपसमितीकडून पहाणी appeared first on थोडक्यात घडामोडी.

परळी : बीड येथील शासकीय बैठका आटोपून परत परळीला येत असताना सामाजिक न्याय मंत्री धनंजय मुंडे यांनी आज रस्त्यात अपघातग्रस्त झालेल्या एका तरुणाचे प्राण वाचवण्यास मदत केली आहे. बीड वरून परळी कडे जात असताना सिरसाळा ते पांगरी दरम्यान एक तरुण दुचाकीस्वार अपघात ग्रस्त होऊन रस्त्यावर अक्षरश: रक्ताच्या थारोळ्यात पडलेला होता, हे दृश्य पाहताच धनंजय मुंडे यांनी आपला ताफा तात्काळ थांबवून अपघात ग्रस्त तरुणाच्या दिशेने धाव घेतली.

धनंजय मुंडे यांनी त्या तरुणाचा हात पकडून तो शुद्धीत असल्याची खात्री केली, आपले नाव महेश असल्याचे सांगत त्या तरुणाने तो पांगरी इथला असल्याचे सांगितले. त्या तरुणाच्या डोक्याला गंभीर जखम झालेली होती ते पाहून धनंजय मुंडे यांनी तात्काळ आपल्या स्वीय सहाय्यकांना, पोलीस व रुग्णवाहिका बोलावण्यासाठी फोन लावायला लावला, धनंजय मुंडे यांनी स्वतः बोलल्यानंतर अगदी दोनच मिनिटात रुग्णवाहिका घटनास्थळी हजर झाली; धनंजय मुंडे यांनी सदर तरुणाला अंबाजोगाई येथील स्वामी रामानंद तीर्थ वैद्यकीय महाविद्यालय रुग्णालयात दाखल करण्याचा सूचना दिल्या तसेच रुग्णालय प्रशासनाला देखील याबाबत दक्षता घेण्याबाबत धनंजय मुंडे यांनी सूचना दिल्या.

सदर तरुणास अंबाजोगाई कडे रवाना केल्यानंतर घटनेची माहिती अपघात ग्रस्त तरुणाच्या कुटुंबास मिळाली, त्यांनी घटनास्थळाकडे धाव घेतली असता, धनंजय मुंडे यांची रस्त्यात भेट झाली, तेव्हा ताई तुम्ही काळजी करू नका, सावकाश अंबाजोगाईला जा, तो बरा आहे, शुद्धीवर आहे, बोलतोय, रुग्णालयात देखील मी बोललो आहे, अशी माहिती देऊन त्यांना धीर दिला, तसेच त्यांनाही अंबाजोगाई ला जाण्यासाठी वाहनाची व्यवस्था करून दिली.

The post सामाजिक न्याय मंत्री धनंजय मुंडे यांनी वाचवले अपघातग्रस्त तरुणाचे प्राण.. appeared first on थोडक्यात घडामोडी.

मुंबई : महाराष्ट्राचे सामाजिक न्यायमंत्री मंत्री धनंजय मुंडे यांच्याकडून पैसे उकळण्याचा प्रयत्न केल्याप्रकरणी मुंबई पोलिसांच्या गुन्हे शाखा युनिट 2 ने एका महिलेला अटक केली आहे.

या महिलेने धनंजय मुंडे यांना धमकावत 5 कोटी रुपयांची खंडणी मागितली होती. जर पैसे दिले नाहीत तर बलात्काराची तक्रार दाखल करेन. तसेच 5 कोटी आणि महागडा मोबाइल दिला नाही तर सोशल मीडियात बदनामी करेन, अशी धमकी या महिलेने दिली होती. या घटनेनंतर मंत्री धनंजय मुंडे यांनी मुंबईतील मलबार हिल पोलीस ठाण्यात तक्रार दाखल केली असून पोलिसांनी संबंधित महिलेच्या विरोधात गुन्हा दाखल केला होता. पोलिसांनी या महिलेला ताब्यात घेतले आहे. पुढील तपास सुरु आहे.

5 कोटी द्या नाहीतर बलात्काराची तक्रार करेन, धनंजय मुंडे यांना महिलेकडून धमकी…

The post ब्रेकिंग! धनंजय मुंडे यांना धमकी देणाऱ्या ‘त्या’ महिलेला मुंबई पोलिसांनी केली अटक appeared first on थोडक्यात घडामोडी.

मुंबई : राज्याचे सामाजिक न्यायमंत्री धनंजय मुंडे यांनी आज पुन्हा मंत्रालयात कामकाजाला सुरुवात केली आहे. मंगळवारी (12 एप्रिल) दिवसभराचे कामकाज संपल्यानंतर सायंकाळी त्यांना अस्वस्थ वाटू लागल्यामुळे ब्रीच कँडी रुग्णालयात दाखल करण्यात आले होते. रुग्णालयात 4 दिवस उपचार घेतल्यानंतर शुक्रवारी त्यांना रुग्णालयातून सुट्टी देण्यात आली, दोन दिवस डॉक्टरांच्या सल्ल्यानुसार विश्रांती घेतल्यानंतर आज सोमवारपासून त्यांनी पुन्हा आपल्या कामकाजास सुरुवात केली.

मुंडे मंत्रालयात आले, त्यानंतर त्यांनी विभागाचे सचिव सुमंत भांगे, उपसचिव दिनेश डिंगळे, खाजगी सचिव डॉ. प्रशांत भामरे यांच्यासमवेत विभागाच्या विविध विषयांवर चर्चा केली. मंत्रालयातील टपाल, महत्त्वाच्या नस्ती यावर त्यांनी सह्या केल्या तसेच भेटावयास आलेल्या अभ्यागतांच्या भेटी घेतल्या.

डॉ. बाबासाहेब आंबेडकर जयंतीनिमित्त आयोजित शासकीय कार्यक्रम यशस्वीपणे पार पडावा यासाठी आजारी असताना रुग्णालयातून धनंजय मुंडे सातत्याने अधिकाऱ्यांना सूचना देत होते. कार्यक्रमात प्रत्यक्ष सहभागी व्हावे यासाठीही त्यांनी उपमुख्यमंत्री अजित पवार, जलसंपदा मंत्री जयंत पाटील यांच्या माध्यमातून डॉक्टरांना विनंती केली होती, मात्र संबंधित डॉक्टरांनी त्यांना परवानगी दिली नव्हती. दरम्यान आज मुंडे यांनी पुन्हा कामकाजास सुरुवात केल्याने विभागातील अधिकारी कर्मचाऱ्यांनी देखील समाधान व्यक्त केले आहे.

आजारपणातून बाहेर पडताच सामाजिक न्याय मंत्री @dhananjay_munde मंत्रालयात दाखल झाले असून त्यांनी पुन्हा कामकाजाला सुरुवात केली आहे. त्यांनी टपाल, महत्त्वाच्या नस्ती यावर सह्या केल्या तसेच अभ्यागतांच्या भेटी घेतल्या. pic.twitter.com/YZnk4NsLJr

— MAHARASHTRA DGIPR (@MahaDGIPR) April 18, 2022

The post धनंजय मुंडे आजारपणातून बाहेर पडताच मंत्रालयात दाखल, कामकाजाला सुरुवात appeared first on थोडक्यात घडामोडी.

मुंबई : सामाजिक न्याय विभागामार्फत चालविण्यात येणाऱ्या दिव्यांगांच्या विशेष शाळा व कर्म शाळा कोविड विषयक सर्व नियमांचे पालन करून येत्या 1 मार्च पासून सुरू करण्यात येत आहेत. महापालिका क्षेत्रात महापालिका आयुक्त व जिल्हा स्तरावर जिल्हा प्रशासनाच्या समन्वयातून शाळा सुरू केल्या जातील.

सामाजिक न्याय व विशेष सहाय्य मंत्री धनंजय मुंडे यांनी ट्विट करत याबद्दल माहिती दिली आहे. ते म्हणाले की कोविड विषयक सर्व नियमांचे पालन करून येत्या 1 मार्च पासून दिव्यांगांच्या विशेष शाळा व कर्म शाळा सुरु करण्यात येणार आहेत. ही कार्यवाही करताना शासनाने विहित केलेल्या सर्व नियमांचे काटेकोर पालन करणे आवश्यक आहे. तसेच यावेळी स्थानिक परिस्थिती लक्षात घेऊन उचित कार्यवाही करण्याच्या देखील सूचना देण्यात आल्या आहेत.

सामाजिक न्याय विभागामार्फत चालविण्यात येणाऱ्या दिव्यांगांच्या विशेष शाळा व कर्म शाळा कोविड विषयक सर्व नियमांचे पालन करून येत्या 1 मार्च पासून सुरू करण्यात येत आहेत. महापालिका क्षेत्रात महापालिका आयुक्त व जिल्हा स्तरावर जिल्हा प्रशासनाच्या समन्वयातून शाळा सुरू केल्या जातील. #SJSA pic.twitter.com/hU1i6npAB1

— Dhananjay Munde (@dhananjay_munde) February 17, 2022

The post राज्यातील दिव्यांगांच्या विशेष शाळा व कर्म शाळा येत्या 1 मार्च पासून होणार सुरू appeared first on थोडक्यात घडामोडी.