नवी दिल्ली : देशभरातील सर्व स्मारके, संग्रहालये आणि पर्यटन स्थळांमध्ये प्रवेश विनामूल्य करण्यात आला आहे. तुम्ही कुठेतरी प्रवास करण्याचा विचार करत असाल तर तुमच्यासाठी ही एक उत्तम संधी आहे. स्वातंत्र्याचा अमृत महोत्सव साजरा करण्याच्या निमित्ताने केंद्र सरकारकडून हा प्रवेश विनामूल्य करण्यात आला आहे. बुधवारी केंद्र सरकारने यानिमित्ताने मोठी घोषणा केली आणि सांगितले की, 5 ऑगस्ट ते 15 ऑगस्टपर्यंत देशभरात ताजमहाल, कुतुबमिनार आणि लाल किल्ला यासारख्या सर्व स्मारके, संग्रहालयांमध्ये मोफत प्रवेश असेल.

केंद्रीय सांस्कृतिक मंत्री जी किशन रेड्डी यांनी ट्विट करून ही माहिती दिली आहे. देशातील जनतेला स्वातंत्र्याच्या सणाशी जोडण्यासाठी हा निर्णय घेण्यात आला आहे. जी किशन रेड्डी यांनी भारतीय पुरातत्व सर्वेक्षण (ASI) च्या आदेशाबाबत ट्विट केले आणि लिहिले, ‘स्वातंत्र्य आणि 75 व्या स्वातंत्र्यदिनाच्या अमृतमहोत्सवाच्या पार्श्वभूमीवर, 5 ते 15 ऑगस्ट २०२२ पर्यंत देशभरातील सर्व संरक्षित स्मारके / स्थळांवर पर्यटकांसाठी प्रवेश विनामूल्य करण्यात आला आहे. ASI च्या स्मारक-II चे संचालक डॉ एन के पाठक यांनी हा आदेश जारी केला आहे.

???? ????? ?? ??? ????????? (?????? ?-??):

As part of ‘Azadi ka #AmritMahotsav‘ and 75th I-Day celebrations, @ASIGoI has made Entry Free for the visitors/tourists to all its protected monuments/sites across the country,
from 5th -15th August, 2022 pic.twitter.com/NFuTDdCBVw

— G Kishan Reddy (@kishanreddybjp) August 3, 2022

देशाच्या स्वातंत्र्याला ७५ वर्षे पूर्ण झाल्याच्या निमित्ताने केंद्र सरकारने ‘हर घर तिरंगा’ मोहीमही सुरू केली आहे. या अंतर्गत 13 ते 15 ऑगस्ट दरम्यान घरोघरी राष्ट्रध्वज फडकवावा, असे आवाहन सर्वसामान्यांना करण्यात आले आहे.

The post ताजमहाल आणि कुतुबमिनारसह देशातील सर्व स्मारकांमध्ये 15 ऑगस्टपर्यंत मोफत प्रवेश, केंद्र सरकारचा मोठा निर्णय appeared first on थोडक्यात घडामोडी.

उत्तर प्रदेश : उत्तर प्रदेशातील आग्रा येथे मुघल सम्राट शाहजहानचा ३६७ वा तीन दिवसीय उर्स २७ फेब्रुवारीपासून साजरा होणार आहे. अधिकाऱ्यांनी ही माहिती दिली आहे. हा उर्स २७ फेब्रुवारी ते १ मार्चपर्यंत चालणार आहे. अधिकाऱ्यांच्या म्हणण्यानुसार, या तीन दिवसांत ताजमहालच्या मुख्य घुमटाखालील तळघरही उघडले जाणार आहे. मुमताज आणि शाहजहाँच्या कबरी असलेल्या या ठिकाणी पर्यटकांनाही भेट देता येणार आहे.

मुघल सम्राट शाहजहानचा ३७६ वा उर्स
अधिकाऱ्यांनी दिलेल्या माहितीनुसार, ताजमहालमध्ये मुघल सम्राट शाहजहाँच्या 376 व्या उर्स दरम्यान, ताजमहालमध्ये सर्व पर्यटकांना प्रवेश विनामूल्य असेल. म्हणजेच ताजमहालमध्ये येण्यासाठी तुम्हाला कोणत्याही प्रकारचे तिकीट खरेदी करावे लागणार नाही. उर्सचे आयोजन करणाऱ्या समितीचे अध्यक्ष सय्यद इब्राहिम हुसैन झैदी यांनी सांगितले की, शाहजहाँच्या ३६७ व्या उर्सची तयारी पूर्ण झाली आहे. कार्यक्रमादरम्यान कोरोना व्हायरसशी संबंधित प्रोटोकॉल अंतर्गत नियमांचे पूर्ण पालन केले जाईल.

ताजमहालमध्ये प्रवेश विनामूल्य असेल
27 आणि 28 फेब्रुवारी रोजी दुपारी 2 वाजल्यापासून ताजमहालमध्ये पर्यटकांना प्रवेश विनामूल्य असेल. ते म्हणाले की, १ मार्च रोजी संपूर्ण दिवस स्मारकात पर्यटकांना प्रवेश विनामूल्य असेल. यादरम्यान कोरोनाबाबत सर्व प्रोटोकॉल पाळले जातील. उर्सबाबत मार्गदर्शक सूचनाही जारी करण्यात आल्या आहेत.

The post ताजमहालमध्ये सर्व पर्यटकांना विनामूल्य प्रवेश, ‘हे’ तीन दिवस येथील तळघरही उघडले जाणार appeared first on थोडक्यात घडामोडी.

नवी दिल्ली : कोरोना संसर्गामुळे ताजमहालसह सर्व एएसआय संरक्षित केंद्रीय स्मारके आणि संग्रहालये बंद आहेत. आता ही एएसआय अंतर्गत सर्व संरक्षित स्मारके आणि संग्रहालये 16 जूनपासून उघडली जाणार आहेत. कोविडमुळे ही ठिकाणे 16 एप्रिलपासून बंद आहेत.

देशभरात कोरोना संक्रमणाच्या दुसर्‍या लाटेमुळे खळबळ उडाली होती. त्यानंतर केंद्रीय पर्यटन मंत्रालयाने सर्व केंद्रीय स्मारके बंद ठेवण्याचा निर्णय घेतला होता. एएसआयने यापूर्वी 16 एप्रिल ते 15 मे या काळात सर्व संरक्षित स्मारके बंद करण्याचा आदेश दिला होता. यानंतर एएसआयने पुन्हा एकदा 12 मे रोजी हा कालावधी 15 जून पर्यंत वाढवण्याचे आदेश दिले होते.

भारतीय पुरातत्व खात्यांतर्गत येणारे पर्यटक स्थळे 16 जून,2021 पासून पुन्हा सुरू होणार.
All Centrally protected monuments/sites and museums under Archaeological Survey of India, ASI will be opened from Wednesday,16th June 2021. pic.twitter.com/f8u6psZ9jd

— Prakash Belwade-Patil प्रकाश बेलवाडे-पाटील ?? (@PrakashBelwade) June 14, 2021

The post मोठी बातमी : ताजमहालसह सर्व एएसआय संरक्षित स्मारके आणि संग्रहालये 16 जूनपासून उघडणार, appeared first on थोडक्यात घडामोडी.

ताजमहालमध्ये बॉम्ब असल्याच्या अफवेनंतर सुरक्षा यंत्रणा सक्रिय झाल्या होत्या. पोलिसांनी संपूर्ण परिसराची झाडाझडती घेतली. शोध मोहिमेनंतर संपूर्ण परिसर सुरक्षित असल्याची खात्री झाल्याचं सुरक्षा यंत्रणेनं स्पष्ट केलं आहे. या प्रकरणात फिरोजाबादच्या एका तरुणाला पोलिसांनी ताब्यात घेतलं असून त्यानेच याबद्दल फेक कॉल केला होता.

एका अज्ञात फोन कॉलवरून ताजमहालमध्ये स्फोटकं ठेवण्यात आल्याची सूचना आज सकाळी सुरक्षा यंत्रणांना मिळाली होती. फिरोजाबाद पोलिसांनी या कॉलचा शोध घेतला असता कॉल करणारा तरुण फिरोजाबादमध्ये असल्याचं कळलं. पोलिसांनी या तरुणाला ताब्यात घेतलं. पोलीस चौकशीत आपण खोटी धमकी देणारा फोन केल्याचं तरुणानं कबूल केलं.

ब्रेकिंग : ताजमहालमध्ये बॉम्ब असल्याची माहिती, पर्यटकांना बाहेर काढून शोध मोहीम सुरु

संपूर्ण परिसरात शोध घेतल्यानंतर सुरक्षिततेची खात्री करण्यात आली आहे. कंट्रोल रुमला मिळालेली सूचना खोटी असल्याचं समोर आलं आहे. घाबरण्याचं काहीच कारण नाही. थोड्याच वेळात पर्यटकांसाठी ताजमहाल खुला केला जाईल, असंही सांगण्यात आलं आहे.

The post मोठी बातमी : ताजमहाल थोड्याच वेळात होणार पर्यटकांसाठी खुला, फेक कॉल करणाऱ्याला अटक appeared first on थोडक्यात घडामोडी.

ताजमहालमध्ये बॉम्ब असल्याची माहिती मिळाली आहे. बॉम्ब असल्याची बातमी कळताच पर्यटकांना बाहेर काढण्यात आले आहे आणि ताजमहालचे दोन्ही दरवाजे बंद करण्यात आले आहेत. एका अज्ञात व्यक्तीने फोनवर स्फोटके ठेवण्याची माहिती पोलिसांना दिली होती. सध्या पोलीस आलेल्या फोन कॉलचा तपस करत आहेत.

बॉम्बची माहिती मिळताच ताजमहाल परिसरात मोठ्या प्रमाणात सीआयएसएफ आणि स्थानिक पोलिस तैनात करण्यात आले आहेत. सूत्रांच्या माहितीनुसार, आता संपूर्ण ताजमहालमध्ये शोध मोहीम राबविली जात आहे. या घटनेनंतर परिसरात खळबळ उडाली आहे.

The post ब्रेकिंग : ताजमहालमध्ये बॉम्ब असल्याची माहिती, पर्यटकांना बाहेर काढून शोध मोहीम सुरु appeared first on थोडक्यात घडामोडी.