पुणे : ऑटो रिक्षा चालवणाऱ्या एका अल्पवयीन मुलाचे वाहनावरील नियंत्रण सुटल्यामुळे रिक्षा रेलिंगवर आदळून अपघात झाला. या अपघातात रितेश शिवाजी गायकवाड (वय १९) याचा मृत्यू झाला. रितेश कात्रजमधील गोकुळ नगर येथील रहिवासी होता. १५ एप्रिल रोजी पहाटे कात्रज-कोंढवा रस्त्यावरील पुलावर हा अपघात झाला.

पोलिसांनी दिलेल्या माहितीनुसार, आरोपी अल्पवयीन मुलगा १५ एप्रिल रोजी पहाटे ऑटो रिक्षा चालवत होता. यावेळी त्याचे रिक्षावरील नियंत्रण सुटले आणि तो रस्त्यावरील पुलाच्या रेलिंगवर आदळला. रितेश गायकवाड हा ऑटो रिक्षात बसला होता, अपघातात तो जखमी झाला. घटनेची माहिती मिळताच पोलिसांचे पथक घटनास्थळी पोहोचले आणि रितेशला उपचारासाठी रुग्णालयात दाखल केले. मात्र, उपचारादरम्यान १६ एप्रिल रोजी त्याचा मृत्यू झाला.

या प्रकरणी गुरुवारी भारती विद्यापीठ पोलिस ठाण्यात एफआयआर दाखल करण्यात आला. पोलिसांनी आरोपी अल्पवयीन मुलावर आणि वाहनाचे मालक असलेल्या त्याच्या वडिलांवर भारतीय दंड संहितेच्या कलम १०६(१) आणि २८१ अंतर्गत निष्काळजीपणा आणि निष्काळजीपणामुळे झालेल्या मृत्यूच्या आरोपाखाली गुन्हा दाखल केला आहे. पोलिसांनी या घटनेची अधिक चौकशी सुरू केली.

The post पुणे : अल्पवयीन मुलाकडून रिक्षावरील नियंत्रण सुटून अपघात, १९ वर्षीय मुलाचा मृत्यू appeared first on थोडक्यात घडामोडी.

सांगली : सांगलीत हेडफोनच्या वापरामुळे एका तरुणाचा दुर्दैवी मृत्यू झाल्याची घटना घडली. फांदी तुटण्याचा आवाज न आल्याने तरुण फांदीच्या खालीच बसून राहिला आणि झाडाची फांदी अंगावर पडून त्याचा जागीच मृत्यू झाला. 23 वर्षीय मुलाच्या अकाली मृत्यूने त्याच्या आई-वडिलांना मोठा धक्का बसला आहे. यश उर्फ ​​हर्षवर्धन बाळासाहेब कदम असे या दुर्घटनेत मृत्यू झालेल्या तरुणाचे नाव आहे.

हर्षवर्धन कदम हा मिरज मेडिकल कॉलेजच्या मैदानावर दररोज पोलीस भरतीच्या सरावासाठी यायचा. व्यायामानंतर तो कॅम्पसच्या कंपाउंडच्या भिंतीवर बसला होता आणि त्याच्या कानात हेडफोन होते. हर्षवर्धन जिथे बसला होता, त्याच्यामागे एक मोठे वडाचे झाड होते. सोसाट्याच्या वाऱ्यामुळे झाड जोरात हलत होते. मात्र, हर्षवर्धनच्या कानात हेडफोन असल्यामुळे त्याला कोणताच आवाज आला नाही. जोरदार वाऱ्याने झाडाची फांदी तुटून हर्षवर्धनच्या अंगावर येऊन पडली. हर्षवर्धनचे डोके फांदीखाली आले. झाडाची फांदी खूप मोठी असल्याने जबर मार बसला आणि हर्षवर्धनचा जागीच मृत्यू झाला.

दरम्यान, याबाबत पोलीस व अग्निशमन दलाला माहिती देण्यात आली. अग्निशमन दलाने हर्षवर्धनचा मृतदेह बाहेर काढला. त्यानंतर मृतदेह शासकीय रुग्णालयात शवविच्छेदनासाठी पाठवण्यात आला. हर्षवर्धनचे वडील सलून व्यावसायिक आहेत. त्यांना आपला मुलगा पोलिसात भरती होईल, अशी आशा होती. मात्र, नियतीला ते मान्य नव्हते. या दुःखद घटनेमुळे सर्वत्र हळहळ व्यक्त करण्यात येत आहे.

The post झाडाची फांदी डोक्यावर पडल्याने तरुणाचा जागीच मृत्यू, हेडफोनच्या वापरामुळे घडला अनर्थ… appeared first on थोडक्यात घडामोडी.

इंदौर : इंदौरमध्ये एका व्यक्तीचा चार्जिंगला जोडलेल्या मोबाईल फोनवर बोलत असताना विजेचा धक्का लागून मृत्यू झाला. ही घटना चंदन नगर पोलीस ठाण्यातील विक्रम हाइट्स येथे घडली. सुजीत विश्वकर्मा (वय २५) असे मृत व्यक्तीचे नाव आहे. सुजीतचा विजेचा धक्का लागून मृत्यू झाल्याचे डॉक्टरांनी सांगितले.

मिळालेल्या माहितीनुसार, सुजीत विश्वकर्मा मुंबईतील नालासोपारा येथील रहिवासी असून तो सुताराचे काम करत होता. सुजीतचा भाऊ संजय याने पोलिसांना सांगितले की, दोघे आठवडाभरापूर्वी शोरूममध्ये फर्निचर बनवण्यासाठी इंदौरला आले होते. ते मंगळवारी मुंबईत परतणार होते. मात्र, सोमवारी रात्री सुजीत जेवण करून त्याच्या खोलीत गेला. त्याने आपला मोबाईल फोन चार्जिंग पॉईंटवर लावला आणि आपल्या पत्नीला कॉल केला. इतक्यात त्याच्या किंचाळण्याचा आवाज आला. त्याचा आवाज ऐकून संजय त्याच्या खोलीत धावला, तेव्हा त्याला तो जमिनीवर पडलेला दिसला. त्यानंतर त्याला तात्काळ एमवाय हॉस्पिटलमध्ये नेले, तिथे डॉक्टरांनी सुजीतला मृत घोषित केले.

पोलिसांनी दिलेल्या माहितीनुसार, सुजीतचे चार वर्षांपूर्वी लग्न झाले होते. हे कुटुंब मूळचे उत्तर प्रदेशचे आहे. संध्याकाळी फर्निचरचं काम पूर्ण झालं होतं आणि दुसऱ्या दिवशी सकाळी सुजीत मुंबईला जाणार होता. मात्र त्याअगोदरच ही दुर्दैवी घटना घडली. याप्रकरणी गुन्हा दाखल करण्यात आला असून तपास सुरू असल्याचे चंदननगर पोलिसांनी सांगितले.

मोबाईल चार्जिंगला लावून कुणाशी फोनवर बोलत असाल तर सावधान. असा अपघात टाळण्यासाठी आवश्यक ती काळजी घ्या.

The post मोबाईल चार्जिंगला लावून पत्नीशी बोलत असताना बसला विजेचा धक्का, तरुणाचा मृत्यू appeared first on थोडक्यात घडामोडी.

ऑस्ट्रेलिया : स्कायडायव्हिंग स्पर्धेदरम्यान पॅराशूट न उघडल्यामुळे एका ३० वर्षीय तरुणाचा मृत्यू झाला आहे. तथापि, हा तरुण खूपच अनुभवी स्कायडायव्हर होता. रविवारी दुपारी 1 वाजण्याच्या सुमारास पर्थच्या उत्तरेकडील ज्युरियन बे येथे व्हर्च्युअल नॅशनल स्कायडायव्हिंग स्पर्धेदरम्यान हा अपघात झाला.

वृत्तानुसार, ऑस्ट्रेलियातील ज्युरियन बे येथे स्कायडायव्हिंग स्पर्धेत एका तरुणाने सहभाग घेतला होता. सोलो विंगसूट परफॉर्म करताना त्याने विमानातून हवेत उडी मारली. पण त्याचा पॅराशूट उघडलाच नाही. त्यामुळे तो उंचावरून थेट जमिनीवर पडला. घटनेनंतर तात्काळ आपत्कालीन टीमने त्याला रुग्णालयात नेले, परंतु डॉक्टरांनी त्याला मृत घोषित केले.

अपघातात बळी पडलेला तरुण खूप अनुभवी स्कायडायव्हर होता. त्याने त्याच्या 6००० जंप पूर्ण केल्या होत्या. या दुर्घटनेची ऑस्ट्रेलियन पॅराशूट फेडरेशनमार्फत चौकशी केली जाणार आहे. तसेच पॅराशूटमध्ये झालेल्या बिघाडाचा आणि त्याच्या कारणाचा शोध घेण्यात येणार आहे.

The post भयंकर : स्कायडायव्हिंग स्पर्धेदरम्यान पॅराशूट न उघडल्यामुळे तरुणाचा दुर्दैवी मृत्यू appeared first on थोडक्यात घडामोडी.