मुंबई : सांगली जिल्ह्यातील कवठेमहांकाळ तालुक्यातील रांजणी येथे ड्रायपोर्ट व्हावा अशी मागणी या भागातील लोकप्रतिनिधी, उद्योजक व शेतकरी नागरिकांची आहे. ही मागणी सकारात्मक असून मागणीचा केंद्रीय स्तरावर पाठपुरावा केला जाईल, असे मत्स्यव्यवसाय व बंदरे मंत्री नितेश राणे यांनी सांगितले.

सांगली जिल्ह्यातील कवठेमहांकाळ तालुक्यातील रांजणी येथे ड्रायपोर्ट व्हावा या मागणी संदर्भात मत्स्यव्यवसाय व बंदरे मंत्री नितेश राणे यांच्या अध्यक्षतेखाली बैठक झाली. यावेळी महाराष्ट्र सागरी मंडळाचे मुख्य कार्यकारी अधिकारी पी. प्रदीपकुमार, उपस्थित होते. आमदार गोपीचंद पडळकर व सांगलीचे जिल्हाधिकारी अशोक काकडे दूरदृश्य प्रणालीद्वारे सहभागी झाले होते.

मंत्री राणे म्हणाले, रांजणी येथे ड्रायपोर्ट झाल्यास या भागाचा औद्योगिक विकास गतीने होईल. या ठिकाणी ड्रॉयपोर्ट होण्यासाठी सर्वांनी सकारात्मक काम करावे. तसेच संबधित शासकीय विभागांनी त्यांची जबाबदारी यशस्वीपणे पार पडावी. या ड्रायपोर्टसाठी राज्य शासनामार्फत केंद्र सरकारकडेही पाठपुरावा केला जाईल. व याबाबतचा नियमित आढावा घेतला जाणार असल्याचेही त्यांनी सांगितले.

The post रांजणी येथील ड्रायपोर्टसाठी सकारात्मक काम करा – मत्स्यव्यवसाय व बंदरे मंत्री नितेश राणे appeared first on थोडक्यात घडामोडी.

सांगली : भाजपचे आमदार गोपीचंद पडळकर यांचे मोठे बंधू आणि सांगली जिल्हा परिषदेचे सदस्य ब्रम्हानंद पडळकर यांच्या गाडीला भीषण अपघात झाला आहे. या अपघातात ब्रम्हानंद पडळकरांसह तिघेजण गंभीर जखमी आहेत. तसेच छोटा हत्तीचा चालकही गंभीर जखमी आहे. जखमींना विटा येथील खाजगी रुग्णालयात उपचारासाठी दाखल करण्यात आले आहे.

मिळालेल्या माहितीनुसार, आमदार गोपीचंद पडळकर यांचे मोठे बंधू ब्रम्हानंद पडळकर यांच्या गाडीला सांगली जिल्ह्यातील विटा-कुंडल रोडवर अपघात झाला. कार्यकर्त्यांच्या मुलीच्या साखरपुड्यासाठी जात असताना मालवाहू टेम्पो आणि पडळकर यांच्या गाडीचा समोरासमोर धडक झाली.  हा अपघात इतका भीषण होता की, यात ब्रम्हानंद पडळकर यांच्या गाडीच्या समोरील भागाचा चक्काचूर झाला आहे. तर पिकअप गाडीच्या समोरील भाग चक्काचूर झाला आहे. या अपघातात ब्रम्हानंद पडळकर गंभीर जखमी झाले आहे.

या अपघातात ब्रह्मानंद पडळकर ड्रायव्हर सह तिघेजण गंभीर जखमी झाले आहे. ब्रम्हानंद पडळकर यांना तातडीने नजीकच्या रुग्णालयात दाखल करण्यात आले आहे. पिकअप गाडीतील चालकही जखमी झाला आहे. जखमींना रुग्णालयात दाखल करण्यात आले आहे. या अपघातामुळे जिल्ह्यातील विटा-कुंडल रोडवर वाहतूक विस्कळीत झाली होती. अपघाताचे वृ्त्त कळताच आमदार गोपीचंद पडळकर हे आपला सातारा दौरा सोडून विट्याकडे रवाना झाले आहेत. घटनास्थळी विटा स्टेशन पोलीस निरीक्षक संतोष डोके आणि पोलीस कर्मचारी दाखल झाले आहेत.

The post भाजप आमदार गोपीचंद पडळकर यांच्या भावाच्या गाडीला भीषण अपघात, गंभीर जखमी अवस्थेत रुग्णालयात दाखल appeared first on थोडक्यात घडामोडी.

जेजुरी : भाजप आमदार गोपीचंद पडळकर यांनी जेजुरी मंदिर देवस्थानच्या जमिनीसंदर्भात सर्वोच्च न्यायालयाने दिलेल्या निर्णयाचे आभार मानले आहेत, तसेच त्यांनी नाव न घेता पवार कुटुंबीयांवर जोरदार टीका देखील केली आहे.

सर्वाच्च न्यायालयाने एक मोठा निर्णय देत स्पष्ट केले आहे कि, मराठेकालीन आणि पेशवेकालीन राजे महाराज यांनी देवाच्या नावाने ज्या जमिनी मानकरी किंवा सेवेकरी यांना दिल्या होत्या, त्या जमिनी आता देवसंस्थानाच्या मालकीच्या असून वहिवाटदारांना त्यावर हक्क सांगता येणार नाही. याचा सर्वाधिक लाभ मार्तंड देवस्थानला झाला आहे. दरम्यान, यावरून आता भाजप आमदार गोपीचंद पडळकर यांनी अप्रत्यक्षपणे पवार कुटुंबीयांवर निशाना साधला आहे.

गोपीचंद पडळकर यांनी जेजुरी देवस्थान जमिनीसंदर्भात ट्विट करुन माहिती दिली आहे. त्यांनी म्हटलं आहे की आम्ही सर्वोच्च न्यायालयाचे आभारी आहोत, कारण श्री मल्हारी मार्तंड खंडोबाच्या भक्तांना पंरपरागत मिळालेल्या देवस्थानच्या जमिनी ‘काका-पुतण्याच्या’ टोळीने ‘मुळशी पॅटर्नद्वारे’ कब्जा मारलेली ११३ एकर जमिन मोकळी केली. आता लवकरच यांचे पितळ जगापुढे उघडे पडणार आहे. ।।यळकोट यळकोट जय मल्हार।।

आम्ही सर्वोच्च न्यायालयाचे आभारी आहोत,कारण श्री मल्हारी मार्तंड खंडोबाच्या भक्तांना पंरपरागत मिळालेल्या देवस्थानच्या जमिनी ‘काका-पुतण्याच्या’ टोळीने ‘#मुळशी_पॅटर्नद्वारे’ कब्जा मारलेली ११३ एकर जमिन मोकळी केली. आता लवकरच यांचे पितळ जगापुढे उघडे पडणार आहे.
।।यळकोट यळकोट जय मल्हार।। pic.twitter.com/ACt32JGySh

— Gopichand Padalkar (@GopichandP_MLC) September 15, 2021

The post सर्वोच्च न्यायालयाचे आभार मानत गोपीचंद पडळकर म्हणाले- ‘काका-पुतण्याच्या’ टोळीने कब्जा मारलेली जमिन… appeared first on थोडक्यात घडामोडी.

सोलापूर : आमदार गोपीचंद पडळकर यांच्या गाडीवर सोलापुरात बुधवारी सायंकाळी दगडफेक करण्यात आली आहे. ते बैठकीसाठी सोलापुरात आले होते. सकाळीच त्यांनी पत्रकार परिषदेत राष्ट्रवादीचे अध्यक्ष शरद पवार यांच्यावर घणाघाती टीका केली होती.

मिळालेल्या माहितीनुसार, आज संध्याकाळी आमदार पडळकर हे शहरातील मड्डी वस्ती परिसरातील एसबीआय कॉलनी येथे आपल्या गाडीतून घोंगडी बैठकीला आले होते. त्यावेळी अज्ञात व्यक्तीने त्यांच्या गाडीची काच फोडल्याचे सांगण्यात येत आहे. घटनेची माहिती मिळताच जोडभावी पेठे पोलीस चौकीचे पोलीस पथक घटनास्थळी दाखल झाले. आता पोलीस कोणी मुद्दाम दगडफेक केली की अन्य कारणामुळे गाडीची काच फुटली याचा तपास करत आहेत.

गोपीचंद पडळकर यांनी पत्रकार परिषदेत राष्ट्रवादी काँग्रेसचे अध्यक्ष शरद पवार यांच्यावर घणाघाती टीका केली होती. ते म्हणाले होते की शरद पवार हे साडेतीन जिल्ह्यांचे स्वामी आहेत. ते मोठे नेते आहेत हे मी मानत नाही, तुम्ही कोणी तसं मानत असाल तर तो तुमचा प्रश्न आहे.

The post गोपीचंद पडळकर यांच्या गाडीवर दगडफेक appeared first on थोडक्यात घडामोडी.

पुणे : MPSC ची नियोजित परीक्षा पुढे ढकलल्याची माहिती मिळाल्यावर पुण्यातील लालबहादूर शास्त्री रस्त्यावर विद्यार्थ्यांनी गुरुवारी आंदोलन केले. यावेळी आंदोलनात भाजप आमदार गोपीचंद पडळकर हे देखील सहभागी झाले होते. या आंदोलकांनी तब्बल आठ तास संपूर्ण लाल बहादूर शास्त्री रस्ता रोखून धरला होता. त्यानंतर रात्री दहा वाजण्याच्या सुमारास पोलिसांनी गोपीचंद पडळकर यांच्यासह काही कार्यकर्त्यांची धरपकड केली होती.

पोलिसांनी याप्रकरणी गोपीचंद पडळकर यांच्यासह 20 ते 25 आंदोलनकर्त्यांवर विश्रामबाग पोलिस ठाण्यात गुन्हा दाखल केला आहे. या प्रकरणी गोपीचंद पडळकर यांच्यासह नऊ जणांना पोलिसांनी अटकही केली.

दरम्यान, काही दिवसांसाठी एमपीएससीची 14 मार्चची परीक्षा पुढे ढकलत आहोत. आज परीक्षेची तारीख जाहीर होईल आणि ही तारीख आठवड्याभरातलीच असेल, अशी घोषणा राज्याचे मुख्यमंत्री उद्धव ठाकरे यांनी काल (11 मार्च) केली.

MPSC ची परीक्षा येत्या आठवड्याभरातच घेतली जाणार – मुख्यमंत्री उद्धव ठाकरे

The post MPSC आंदोलन प्रकरणात गोपीचंद पडळकर यांच्यासह नऊ जणांना अटक appeared first on थोडक्यात घडामोडी.

सांगली : आमदार गोपीचंद पडळकर यांचा सध्या महाराष्ट्रामध्ये टीआरपी जास्त आहे, असं म्हणत माजी राज्यमंत्री आणि आमदार सदाभाऊ खोत यांनी पडळकरांचं कौतुक केलं आहे. गोपीचंद पडळकर टीव्हीवर आले की आज हा माणूस कुणाला काय बोलणार हे बघण्यासाठी लोकं टीव्हीसमोर थांबतात. त्यामुळे पडळकर आता मंत्री पदासाठी तुमचाच नंबर आहे. तुम्ही शंभर टक्के मंत्री होणार.

हिंदकेसरी पै. मारुती माने यांच्या 83 व्या जयंतीनिमित्त पै.भीमराव माने युथ फाऊंडेशन व हिंदकेसरी व्हॉलीबॉल स्पोर्ट्स क्लब कवठेपिरान यांचे वतीने व्हॉलीबॉल स्पर्धा आयोजित करण्यात आल्या होत्या. आमदार सदाभाऊ खोत आणि आमदार गोपीचंद पडळकर यांच्या प्रमुख उपस्थितीत या स्पर्धा पार पडल्या. यावेळी ते बोलत होते.

सदाभाऊ खोत यावेळी म्हणाले की, “गोपीचंद बारका गडी आहे, पण अख्खा महाराष्ट्र त्यांना ओळखतो. लेनन गाडी कितीही मोठी असू द्या पण एवढ्या एवढ्या जॅकवर ती गाडी उचलली जाते, असे गोपीचंद पडळकराचे काम आहे. आम्ही चुकून आमदार झालो, असे म्हणत खोत यांनी मला आमदारकी कशी मिळालीय हे सगळ्यांना माहीत असल्याचे सांगितले. ‘इडा पीडा टाळू आणि सदाभाऊंना आमदारकी मिळू दे’ असे मी आमदार झालोय, असे खोत म्हणाले.

राज्यात महाविकास आघाडीचे सरकार आल्यापासून जिरवा-जिरवीच्या राजकारणाला ऊत आलाय. तसंच जे विरोधात जातायत त्याच्या विरोधात कट कारस्थान करून मोठी मोठी कुटुंब उद्ध्वस्त करण्याचे पाप महाविकास आघाडी कडून करण्यात येत आहेत, अशी टीका खोत यांनी केली. शरद पवार साहेब ज्येष्ठ नेते आहेत, त्यांना काहीही बोलण्याचा अधिकार आहे. एकदा माणूस राजकारणामध्ये वयाने ज्येष्ठ झाला की त्यांनी काहीही केले तर माफ असतं, असा टोला देखील त्यांनी यावेळी लगावला.

The post गोपीचंद पडळकर यांचा सध्या महाराष्ट्रामध्ये टीआरपी जास्त, सदाभाऊ खोत यांनी केलं कौतुक appeared first on थोडक्यात घडामोडी.