मेरठ : भुवनेश्वर कुमार आणि त्याची पत्नी नुपूर नागर यांना कोरोनाची लक्षणे जाणवत असल्यामुळे खबरदारीचा उपाय म्हणून ते दोघेही विलगीकरणात राहत आहेत. मेरठ येथील त्यांच्या निवासस्थानी ते विलगीकरणात आहेत. काही दिवसांपूर्वी भुवनेश्वरच्या आईला कोरोनाची लागण झाल्यामुळे त्यांना रुग्णालयात दाखल करण्यात आलेलं आहे. त्यानंतर आता ही बातमी समोर आली आहे.

तथापि, 21 मे रोजी भुवनेश्वरच्या आईचा कोरोना अहवाल पॉझिटिव्ह आल्यानंतर त्यांच्या घरातील सर्वांनी कोरोना चाचणी करवून घेतली होती. पण कुटुंबातील इतर जणांच्या चाचण्या निगेटिव्ह आल्या होत्या. त्यानंतर आता भुवनेश्वर आणि त्याच्या पत्नीला कोरोनाची लक्षणे जाणवत आहेत.

गेल्याच महिन्यात भुवनेश्वरचे वडील किरण पाल सिंह यांचे निधन झाले होते.

ब्रेकिंग : क्रिकेटपटू भुवनेश्वर कुमारच्या वडिलांचे निधन

The post भुवनेश्वर कुमार आणि त्याची पत्नी विलगीकरणात, भुवनेश्वरच्या आईवर रुग्णालयात उपचार सुरु appeared first on थोडक्यात घडामोडी.

गुजरात : गुजरातच्या सूरत शहरात कोरोनाने अवघ्या 14 दिवसांच्या चिमुकलीचा बळी घेतल्याची दुःखद घटना घडली आहे. डॉक्टरांनी चिमुकलीला वाचवण्याचा प्रयत्न केला. तिच्यावर प्लाझ्मा थेरपीचा देखील वापर करण्यात आला. मात्र, चिमुकलीचा मृत्यू झाला. या बाळाला जन्मानंतर दोन दिवसात कोरोनाची लागण झाली होती.

चिमुकलीच्या आईला आधीपासूनच कोरोनाची लक्षणे जाणवत होती. मात्र, तिने याकडे दुर्लक्ष केले. तिच्या या चुकीमुळे जन्मानंतर दोन दिवसात बाळाला कोरोनाची लागण झाली. त्यानंतर सूरतच्या वराछा येथील डायमंड रुग्णालयात या बाळावर उपचार सुरु होते. पण उपचारादरम्यान तिचा मृत्यू झाला.

सूरतमध्ये गेल्या 30 दिवसात 10 वर्षांखालील 286 लहान मुलांना कोरोनाची लागण झाल्याची माहिती समोर आली आहे. आतापर्यंत तीन चिमुकल्यांचा कोरोनामुळे मृत्यू झाला. तसेच, लहान मुलांसाठी कोरोनाची दुसरी लाट जास्त धोकादायक असल्याचं मत तज्ज्ञ वारंवार मांडत आहेत. त्यामुळे आता नवीन चिंता सर्वांना भेडसावत आहे.

The post कोरोनाच्या लक्षणांकडे आईने केलं दुर्लक्ष, 14 दिवसांच्या चिमुकलीचा दुर्दैवी मृत्यू appeared first on थोडक्यात घडामोडी.