उत्तर प्रदेश : कानपूरमधील कन्नोज येथे सोमवारी एक अतिशय हृदयद्रावक घटना घडली आहे. विजय कुमार यांच्या पाच वर्षांच्या मुलीचा कारमध्ये अडकल्यामुळे गुदमरून मृत्यू झाला. ही मुलगी कारमध्ये खेळायला गेली होती, परंतु, सेंटर लॉक सिस्टीममुळे तिला कारचा दरवाजा उघडता न आल्यामुळे ती आतमध्येच अडकून पडली. तिने रडून रडून आई-वडिलांना आवाज देण्याचा प्रयत्न केला, परंतु कोणालाही तिचा आवाज ऐकू आला नाही. त्यामुळे, गुदमरून या चिमुकलीचा मृत्यू झाला.

मिळालेल्या माहितीनुसार, तेराजाकेट परिसरातील सुलतानपूर गावात राहणारा विजय कुमार यांचा भाऊ मनोज सोमवारी दुपारी आपली कार घेऊन विजय कुमार यांच्या घरी आला. त्याचवेळी विजय यांची पाच वर्षांची मुलगी शुची गाडीच्या आत खेळायला गेली. त्यानंतर मनोज घराच्या आत निघून गेला. परंतु, सेंटर लॉक सिस्टीममुळे कारचे दरवाजे आपोआप बंद झाले. त्यानंतर शुची कोठेही आढळली नाही, त्यामुळे कुटुंबीय आणि गावकऱ्यांनी संपूर्ण गावात तिचा शोध घेतला, परंतु शुची सापडली नाही. त्यानंतर कुटुंबीयांनी पोलिसांना फोन करून मुलगी हरवल्याचे सांगितले. एसआय प्रदीप कुमार यांनी हरवलेल्या व्यक्तीची नोंद करून शोध सुरु केला.

अनैतिक संबंधांचा अर्थ महिला चांगली आई नाही, असा लावला जाऊ नये – उच्च न्यायालय

रात्री या गाडीवर कव्हर टाकून ती झाकून ठेवण्यात आली. परंतु, शुचीला कोणीही पाहिले नाही. मंगळवारी सकाळी विजय कुमार आणि मनोज यांनी कोतवालीला जाण्यासाठी गाडीचा दरवाजा उघडला. तेव्हा शुची समोरच्या सीटवर मृतावस्थेत आढळली. ते दृश्य पाहून शुचीचे वडिल जोरात किंचाळले आणि रडू लागले. वडिलांनी शुचीचे शवविच्छेदन करण्यास नकार दिला.

The post हृदयद्रावक : चिमुकलीचा कारमध्ये गुदमरून मृत्यू, वडिलांनी दुसऱ्या दिवशी गाडीचा दरवाजा उघडला आणि… appeared first on थोडक्यात घडामोडी.

कानपूरमधील कार्डिओलॉजी हॉस्पिटलच्या आयसीयूमध्ये रविवारी सकाळी भीषण आग लागली. रुग्णालयाच्या पहिल्या मजल्यावरील आयसीयूमध्ये आग लागल्यानंतर सर्व रुग्णांना बाहेर काढण्यात आले आहे. अग्निशमन दलाच्या सात गाड्या घटनास्थळी पोहोचल्या असून आगीवर नियंत्रण मिळविण्याचा प्रयत्न करीत आहेत. सध्या 50 जण रुग्णालयात अडकले असल्याची माहिती मिळत आहे.

कार्डिओलॉजी हॉस्पिटलच्या इमारतीत आग लागल्यामुळे बेडसह रुग्णांना बाहेर काढण्यात आले आहे. सध्या रूग्ण रस्त्याच्या कडेला उपचार घेत आहेत. कार्डियोलॉजीच्या तळ मजल्यामध्ये धूर भरल्यामुळे, पहिल्या मजल्याच्या स्थितीचा अंदाज लावण्यास अडचण येत आहे. आरोग्य कर्मचारी आणि अग्निशमन दलाचे जवान खिडकीच्या काचा फोडून आतमध्ये कोणी अडकले नसल्याची खातरजमा करीत आहेत.

तळ मजल्यावरील सर्व रुग्णांना सुखरुप बाहेर काढण्यात आले आहे. पहिल्या मजल्यावर 9 रुग्ण अडकल्याची शक्यता आहे. खिडक्यांच्या काचा फोडून व्हेंटिलेशन केले गेले आहे. धूर कमी झाल्यास तळमजला तपासला जाईल. अद्याप तळ मजल्यावर कोणीही अडकल्याची माहिती नाही. प्राथमिक तपासणीत तळ मजल्यावरील स्टोअरला शॉर्ट सर्किटमुळे आग लागल्याचे उघडकीस आले आहे.

The post ब्रेकिंग : कानपूरमधील कार्डिओलॉजी हॉस्पिटलच्या आयसीयूमध्ये भीषण आग appeared first on थोडक्यात घडामोडी.

उत्तर प्रदेश : कानपूर जिल्ह्यातील सनिगवां गावातून एक संतापजनक घटना समोर आली आहे. येथे राहणारी गुडिया नावाची दिव्यांग महिला भीक मागून उदरनिर्वाह करते. ती तिची १५ वर्षांची मुलगी बेपत्ता असल्याची तक्रार घेऊन गेली असता तेथील पोलीस ठाण्याच्या प्रभारीने (SI) तिच्याकडे लाच मागितली.

मिळालेल्या माहितीनुसार, गुडियाची 15 वर्षांची मुलगी महिनाभरापासून बेपत्ता आहे. पोलिसांनी गुडियाची तक्रार नोंदवून तर घेतली, पण जेव्हा जेव्हा ती पोलिस ठाण्यात जात असे तेव्हा तिला पळवून लावलं जायचं. एक दिवस SI राजपालसिंगने गुडियाला मुलगी शोधण्याच्या बदल्यात गाडीमध्ये डिझेल भरण्यास सांगितले. मुलीला शोधण्यासाठी गुडियाने ती ऑफर स्वीकारली. ती दिवसभर भीक मागायची आणि त्या पैशातून SI राजपालसिंगच्या गाडीमध्ये डिझेल भरायची. हा प्रकार महिनाभर सुरु होता.

परंतु, मुलीला शोधण्यासाठी काहीच केलं जात नाही हे पाहून तिने शेवटी डीआयजी डॉक्टर प्रितींदरसिंग यांच्याकडे विनवणी केली. गुडियाने सांगितलं कि, तिने भीक मागून 10 ते 12 हजार रुपयांचे डिझेल SI राजपालसिंगच्या गाडीमध्ये टाकलं. त्यानंतर डीआयजी डॉक्टर प्रितींदरसिंग यांनी SI राजपालसिंग याच्यावर निलंबनाची कारवाई केली. या प्रकरणी विभागीय चौकशी केली जात आहे. गुडियाच्या मुलीला शोधण्यासाठी चार पथकांची स्थापना करण्यात आली आहे.

The post संतापजनक : मुलीला शोधण्यासाठी दिव्यांग आईकडे मागितली लाच, भीक मागून पोलिसाच्या गाडीत भरलं 12 हजारांचं डिझेल appeared first on थोडक्यात घडामोडी.

उत्तर प्रदेशातील कानपूर मध्ये दारूच्या नशेत असलेल्या मुलाने आपल्या वडिलांची गोळ्या घालून हत्या केली. घरातील टीव्ही बंद करण्यावरून त्यांच्यात वाद झाला होता. त्यानंतर मुलाने वडिलांना गोळ्या घातल्या. आवाज ऐकून कुटुंबातील इतर जण बाहेर आले, तेव्हा वयोवृद्ध वडील जमिनीवर कोसळलेले होते. त्यांना तात्काळ रुग्णालयात नेण्यात आले. पण उपचार सुरू असताना त्यांचा मृत्यू झाला. पोलिसांनी हत्येचा गुन्हा दाखल करून आरोपीला अटक केली आहे.

सिकंदरा पोलीस ठाण्याच्या हद्दीतील नसीरपूरमध्ये ही घटना घडली. लालाराम कटिहार (वय ८०) हे लष्करातून निवृत्त झालेल्या अशोक कटिहार या आपल्या मुलासह राहत होते. बुधवारी संध्याकाळी लालाराम कटिहार त्यांचा नातू ऋषभ याच्यासोबत टीव्ही पाहत होते. त्याचवेळी नशेत धुंद असलेला अशोक घरी आला आणि टीव्ही बंद करण्यास सांगू लागला. थोड्या वेळाने टीव्ही बंद करतो असे लालाराम यांनी सांगितले तर त्याने त्यांच्याशी वाद घातला. ऋषभला मारहाण करण्यास सुरुवात केली. त्याचा वाचवण्यासाठी लालाराम पुढे आले. त्यावर राग अनावर झालेल्या अशोकने घरातील बंदूक आणली आणि वडिलांवर गोळ्या झाडल्या.

कानपूर देहातचे वरिष्ठ पोलीस अधीक्षक (ASP) अनुप कुमार यांनी सांगितले की, टीव्ही बंद करण्यावरून लालाराम आणि त्यांचा मुलगा यांच्यात वाद झाला. त्यानंतर अशोकने वडिलांना गोळ्या घालून ठार केले. घटनास्थळावरून बंदूक मिळाली आहे. आरोपीला अटक करून त्याच्याविरोधात पुढील कारवाई करण्यात येत आहे.

The post किरकोळ कारणावरून वाद; मुलाने वडिलांची केली गोळ्या घालून हत्या appeared first on थोडक्यात घडामोडी.

अल्पवयीन मुलाने विवाहित महिलेवर बलात्कार केल्याची धक्कादायक घटना घडली आहे. उत्तर प्रदेशमधील कानपूर मध्ये ही घटना घडली. आरोपीने या कृत्याचा व्हिडीओ बनवून सोशल मीडियावर अपलोड केला.

“विवाहित महिलेवर बलात्कार केल्यानंतर अल्पवयीन मुलाने त्या कृत्याचा व्हिडीओ बनवला व सोशल मीडियावर अपलोड केला” असे सादर पोलीस ठाण्याच्या अधिकाऱ्याने सांगितले. बलात्काराची ही घटना पाच महिन्यांपूर्वी घडली. पण महिला त्यावेळी याबद्दल काहीही बोलली नाही. पण आता हा व्हायरल व्हिडीओ पीडित महिलेच्या सासू-सासऱ्यांनी बघितला आणि त्यानंतर तिला घराबाहेर काढले. पीडित महिलेला घराबाहेर काढण्यात आल्यानंतर तिने पोलिसांची मदत मागितली.

पीडित महिला आता तिच्या आई-वडिलांसोबत राहते. सादर पोलीस ठाण्यात तक्रार नोंदवताना या महिलेने तिच्यासोबत काय घडलं, याबाबतची सर्व माहिती दिली आहे. आम्ही या प्रकरणी तपास करत आहोत. आरोपी फरार आहे. त्याला लवकरच अटक करु असे सादर पोलीस ठाण्याच्या अधिकाऱ्याने सांगितले.

The post महिलेवर बलात्कार करून त्या कृत्याचा व्हिडीओ केला व्हायरल, आरोपी फरार appeared first on थोडक्यात घडामोडी.