प्रयागराज : एका विक्षिप्त तरुणाने एकतर्फी प्रेमातून एका अल्पवयीन मुलीची हत्या केली, त्यानंतर क्रौर्याच्या सर्व सीमा ओलांडल्या आणि तिच्या मृत शरीरावर बलात्कार केला. उत्तर प्रदेशच्या प्रयागराज जिल्ह्यातील एका गावात ही संतापजनक घटना घडली आहे. आरोपीने पोलिसांसमोर गुन्हा कबूल केला असून त्याला पोलिसांनी अटक केली आहे.

मिळालेल्या माहितीनुसार, प्रयागराज जिल्ह्यातील खेरी पोलिस स्टेशन परिसरातील डाबर गावात ही मुलगी राहत होती. ती आपल्या वहिनीच्या भावाच्या लग्नात हजेरी लावण्यासाठी वहिनीच्या माहेरी भाईसोड या गावी गेली होती. मात्र, लग्नाच्या एक दिवस अगोदर 31 मे रोजी रात्री ही मुलगी अचानक बेपत्ता झाली. दुसर्‍या दिवशी लग्न पार पडले, परंतु, या मुलीचा शोध लागला नाही. त्यामुळे तिच्या वहिनीच्या कुटुंबीयांनी पोलिस ठाण्यात जाऊन मुलगी हरवल्याची तक्रार दिली.

थरकाप! झोपलेल्या तीन महिन्यांच्या बाळाचे कुत्र्याने तोडले लचके…

दुसर्‍या दिवशी म्हणजेच 2 जून रोजी पहाटे या मुलीचा मृतदेह गावातील तलावामध्ये तरंगताना आढळला. त्याबाबत कुटुंबीयांनी तात्काळ पोलिसांना माहिती दिली. पोलिस घटनास्थळी पोहोचले आणि त्यांनी मृतदेह ताब्यात घेऊन पोस्टमार्टमसाठी पाठविला. पोस्टमार्टम रिपोर्ट आल्यानंतर पोलिसांसह कुटुंबीयांनाही मोठा धक्का बसला. कारण या मुलीचे तोंड व नाक दाबून तिची हत्या करण्यात आली होती. प्राथमिक तपास आणि मोबाईल कॉल तपशीलांच्या आधारे पोलिसांनी मुलीच्या वहिनीचा भाऊ रोहिणी कुशवाह याला ताब्यात घेतले.

दरम्यान, मृत मुलीच्या भावांनीही पोलिसांना सांगितले होते की रोहिणी कुशवाह हा त्यांच्या बहिणीला एकतर्फी प्रेमातून त्रास देत होता. यामुळेच त्याचे लग्न देखील होत नव्हते. १ जून रोजी रोहिणीच्या धाकट्या भावाचे लग्न झाले होते. एसपी यमुनापार सौरभ दीक्षित यांनी सांगितले की, कॉल डिटेल्स आणि हत्येच्या ठिकाणी मिळालेले रोहिणी याचे लोकेशन या गोष्टी मिळाल्यानंतर त्यानेच ही हत्या केल्याचे निष्पन्न झाले.

‘त्या’ तरुणांना पळता भुई थोडी… रोजच्या छेडछाडीला कंटाळून मुलींनी दिला चोप

त्यानंतर पोलिसांनी रोहिणी याची कठोरपणे चौकशी केली असता त्याने गुन्हा कबूल केला. त्याने सांगितले की त्याचे अनेक वर्षांपासून या मुलीवर प्रेम होते. पण, ती लग्न करण्यास तयार नव्हती. घटनेच्या रात्रीसुद्धा त्याने तिला लग्न करणार की नाही याबद्दल विचारले, तेव्हा तिने नकार दिला. तिने सांगितले की ती कुटुंबातील सदस्यांच्या विरोधात जाऊन कधीही लग्न करणार नाही. त्यानंतर आरोपी रोहिणी कुशवाह याने तोंड व नाक दाबून तिला ठार मारले. त्यानंतर त्याने या मुलीच्या मृतदेहावर बलात्कार केला. मग मृतदेह नेऊन तलावामध्ये फेकून दिला.

The post क्रूरतेचा कळस! एकतर्फी प्रेमातून अल्पवयीन मुलीची हत्या, मग मृतदेहावर केला बलात्कार… appeared first on थोडक्यात घडामोडी.

यवतमाळ : पुसद तालुक्यातील धनसळ गावात रामपूरनगर येथे एकतर्फी प्रेमातून तरुणीची हत्या केल्याची खळबळजनक घटना घडली आहे. ही घटना शनिवारी सकाळी ९.30 वाजताच्या सुमारास घडली. सुवर्णा अर्जुन चव्हाण (२१) असे हत्या झालेल्या तरुणीचे नाव असून आकाश श्रीराम आडे (२५) असे आरोपीचे नाव आहे. हे दोघेही एकाच गावात राहत होते. या घटनेने गावात खळबळ उडाली आहे.

आरोपी आकाश सुवर्णावर अनेक दिवसापासून एकतर्फी प्रेम करीत होता. काल १५ मे रोजी सुवर्णा चव्हाण हिचे आई, वडील, भाऊ बाहेरगावी लग्नाला गेले. आरोपी आकाशला याची माहिती मिळाल्यानंतर तो तरुणीच्या घरात घुसला आणि आपल्या जवळील गुप्तीने तरुणीच्या पोटात सपासप वार केले. या हल्ल्यात तरुणीचा जागीच मृत्यू झाला. हत्या केल्यानंतर आरोपी तेथून पसार झाला.

गावात या घटनेची वार्ता पसरताच नागरिकांनी तेथे गर्दी केली. घटनेची माहिती मिळताच खंडाळा पोलिस घटनास्थळी दाखल झाले. त्यांनी पंचनामा करून मृतदेह शवविच्छेदन करण्यासाठी ग्रामीण रुग्णालय पुसद येथे पाठविला. या प्रकरणी खंडाळा पोलिसांनी आरोपीविरुद्ध गुन्हा दाखल केला. दरम्यान, पोलिसांनी आरोपीला धनसळ येथील जंगलातून ताब्यात घेतले. पुढील तपास उपविभागीय पोलीस अधिकारी अनुराग जैन यांच्या मार्गदर्शनाखाली ठाणेदार गोपाल चावडीकर करत आहे.

धक्कादायक : समुद्रकिनारी बॉयफ्रेंडसोबत फिरायला गेली आणि अनर्थ घडला..

The post यवतमाळ हादरले! एकतर्फी प्रेमातून तरुणीची निर्घृण हत्या appeared first on थोडक्यात घडामोडी.