डेहराडून : उत्तराखंडमध्ये भीषण अपघाताची घटना समोर आली आहे. पौडी गढवाल जिल्ह्यातील सिमडी गावामध्ये 45 ते 50 लोकांना घेऊन जाणारी बस दरीत कोसळली आहे. या भीषण अपघातात २५ जणांचा मृत्यू झाला आहे. तर अनेक जण जखमी आहे. जखमींना तातडीने नजीकच्या रुग्णालयात दाखल केले आहे.

मिळालेल्या माहितीनुसार, पौडी गढवाल जिल्ह्यातील सिमडी गावाजवळ असलेल्या रिखनीखाल-बिरोखल महामार्गावर ही घटना घडली आहे. लग्नाचे वऱ्हाड घेऊन ही बस लालढांगहून काडा तल्ला इथं जात होती. बिरोखाल येथील सीमडी बँडजवळ बसवरील चालकाचे नियंत्रण सुटले आणि बस खोल दरीत कोसळली. या बसमध्ये 40 ते 50 वऱ्हाडी सामील होते. घटनेची माहिती मिळताच पोलीस प्रशासन आणि अग्निशमन दलाच्या गाड्या घटनास्थळी दाखल झाल्यात. रात्रभर बचावकार्य सुरू होतं.

या अपघाताची माहिती मिळताच मुख्यमंत्री पुष्कर सिंह धामी हे आपात्कालीन विभागाच्या केंद्रावर पोहोचले. घटनास्थळी SDRF ची पाठवण्यात आली. सर्व जखमी प्रवाशांना बाहेर काढले जात आहे. त्यांना तातडीने शासकीय रुग्णालयात दाखल करण्यात आले आहे, अशी माहिती पुष्कर सिंह धामी यांनी दिली.

The post लग्नाला चालेल्या वऱ्हाडाची बस दरीत कोसळली, २५ जणांचा मृत्यू, अनेक जण जखमी appeared first on थोडक्यात घडामोडी.

देहरादुन : उत्तराखंड आणि हिमाचलमधील जंगलात लागलेली आग अनियंत्रित झाली आहे. आग आता जंगलातून रहिवासी भागाकडे सरकू लागली आहे. उत्तराखंडमधील बागेश्वर जिल्ह्यातील 6 पर्वतरांगांची जंगले सतत जळत आहेत. गणखेत रांग, बैजनाथ रांग, धर्मघर रांग, पिंडारी या भागातील बहुतांश जंगले आगीच्या भक्ष्यस्थानी आहेत. याच गणखेत वन परिक्षेत्रातील आग वस्तीपर्यंत पोहोचली असून तेथे 12 गोठ्यांसह शेकडो गवताचे ढीग जळून राख झाले आहेत.

घटनास्थळी दाखल झालेले जिल्हा प्रशासन, अग्निशमन विभाग, पोलीस प्रशासन आणि वनविभाग आग विझवण्यासाठी सातत्याने प्रयत्न करत आहेत. आगीमुळे ग्रामस्थांचे मोठे आर्थिक नुकसान झाले आहे. दुसरीकडे हिमाचल प्रदेशातील सोलनमध्येही अशीच परिस्थिती पाहायला मिळत आहे. बरोगपाठोपाठ आता कांदाघाट, केठलीघाट, कानोहची जंगले आगीच्या भक्ष्यस्थानी पडत आहेत. आगीच्या ज्वाळा कित्येक किलोमीटरपर्यंत दिसत आहेत. आकाशात सर्वत्र धुराचे लोट पसरले आहेत. गेल्या तीन दिवसांत 200 हेक्टरहून अधिक जंगलाला आग लागली आहे. हिरवीगार जंगले जळून राख झाली आहेत. त्यामुळे कोट्यवधी रुपयांची वनसंपदा आणि वन्यजीवांचे मोठे नुकसान झाले आहे.

अलीकडेच, 28 मार्च रोजी राजस्थानमधील अलवर जिल्ह्यातील सरिस्का व्याघ्र प्रकल्पातील पृथ्वीपुरा-बलेटा गावातील जंगलाच्या डोंगरावर आग लागली. काही वेळातच ही आग अनेक किलोमीटर परिसरात पसरली. आगीची माहिती मिळताच सिव्हिल डिफेन्सच्या अग्निशमन दलाचे पथक घटनास्थळी पोहोचले व ग्रामस्थांच्या मदतीने आठ तासांच्या प्रयत्नानंतर आगीवर नियंत्रण मिळवण्यात यश आले.

The post बापरे! जंगलाला लागलेली आग अनियंत्रित, आग वस्तीपर्यंत पोहोचल्याने चिंतेत भर… appeared first on थोडक्यात घडामोडी.

नवी दिल्ली : गेल्या ५ राज्यांमधील विधानसभा निवडणुकांमध्ये पराभव झाल्यानंतर काँग्रेसने आत्मचिंतन करण्याचा निर्णय घेतला असून पहिले महत्वाचे पाऊल म्हणून काँग्रेसच्या हंगामी अध्यक्षा सोनिया गांधी यांनी या ५ राज्यांमधील प्रदेशाध्यक्षांचा राजीनामा मागितला आहे. पक्षाचे जनरल सेक्रेटरी रणदीप सुरजेवाला यांनी ही माहिती दिली आहे.

या पराभवानंतर काँग्रेसच्या कार्यसमितीची बैठक बोलावण्यात आली. या बैठकीत पराभवावर विचारमंथन करण्यात आले. त्यानंतर आज पराभव झालेल्या ५ राज्यांमधील काँग्रेसच्या प्रदेशाध्यक्षांचा राजीनामा घेत सोनिया गांधी यांनी आक्रमकपणे परिस्थिती सुधारण्याचा प्रयत्न सुरू केला आहे.  उत्तर प्रदेश, उत्तराखंड, पंजाब, गोवा आणि मणिपूरच्या पीसीसी अध्यक्षांना पीसीसीच्या पुनर्रचनेसाठी राजीनामे देण्यास सांगितले आहे.

Congress President, Smt. Sonia Gandhi has asked the PCC Presidents of Uttar Pradesh, Uttarakhand, Punjab, Goa & Manipur to put in their resignations in order to facilitate reorganisation of PCC’s.

— Randeep Singh Surjewala (@rssurjewala) March 15, 2022

The post ५ राज्यांतील पराभवानंतर सोनिया गांधी आक्रमक, पाचही राज्याच्या प्रदेशाध्यक्षांना हटवले appeared first on थोडक्यात घडामोडी.

उत्तराखंड : उत्तराखंडचे मुख्यमंत्री पुष्कर सिंह धामी यांनी पदाचा राजीनामा दिला आहे. शुक्रवारी मंत्रिमंडळाच्या बैठकीनंतर मुख्यमंत्री पुष्कर सिंह धामी यांनी राजीनामा दिला. त्यांनी आपला राजीनामा राज्यपाल गुरमीत सिंग यांच्याकडे सुपूर्द केला. मात्र, राज्यपालांनी त्यांना नवीन सरकार स्थापन होईपर्यंत काम करत राहण्यास सांगितले आहे.

राजीनामा दिल्यानंतर पुष्कर सिंह धामी म्हणाले की, नवीन जनादेश मिळाला आहे, या कालावधीतील काम पूर्ण झाले आहे. मी माझ्यासह संपूर्ण मंत्रिमंडळाचा राजीनामा माननीय राज्यपालांकडे सोपवला आहे. जोपर्यंत नवे सरकार स्थापन होत नाही, तोपर्यंत तुम्ही काम करा, असे राज्यपालांनी म्हटले आहे.

मंत्रिमंडळ बैठकीपूर्वी पुष्कर सिंह धामी म्हणाले की, केंद्राची आमची पद्धत आहे की निरीक्षक नेमले जातात, ते जेव्हा येतात, त्यानंतर पुढील प्रक्रिया सुरू होते. आज फक्त मंत्रिमंडळाची बैठक होणार आहे. ते म्हणाले की, मी माझ्या पक्षाचा आणि पंतप्रधान मोदींचा आभारी आहे की त्यांनी मला लोकांच्या सेवेसाठी निवडले. उत्तराखंडमध्ये पहिल्यांदाच हा समज मोडला असून भाजपने 2/3 बहुमताने सरकार स्थापन केले आहे. भविष्यातही आम्ही सर्व आश्वासने पूर्ण करू.

पुष्कर सिंग धामी खतिमा येथून पराभूत झाले
विशेष म्हणजे, पुष्कर सिंह धामी खटीमा विधानसभा मतदारसंघातून निवडणूक हरले आहेत. त्यांचा काँग्रेसच्या भुवनचंद्र कापरी यांनी ६५७९ मतांनी पराभव केला.

The post उत्तराखंडचे मुख्यमंत्री पुष्कर सिंह धामी यांचा राजीनामा appeared first on थोडक्यात घडामोडी.

उत्तराखंड : उत्तराखंडच्या नव्या मुख्यमंत्र्यांच्या नावाचा निर्णय घेण्यात आला आहे. उत्तराखंडचे नवे मुख्यमंत्री म्हणून पुष्करसिंग धामी यांच्या नावावर शिक्कामोर्तब करण्यात आले आहे. शुक्रवारी मुख्यमंत्रीपदाचा राजीनामा देणाऱ्या तीरथसिंग रावत यांनी भाजप विधिमंडळ पक्षाच्या बैठकीत धामी यांच्या नावाचा प्रस्ताव ठेवला होता. तो मंजूर झाला आहे.

पुष्करसिंग धामी हे उधमसिंह नगर जिल्ह्यातील खटीमा सीटवरून आमदार आहेत. तीरथसिंग रावत यांच्या राजीनाम्यानंतर भाजपने आज देहरादूनमध्ये पक्षाच्या विधिमंडळ पक्षाची बैठक बोलावली होती. केंद्राच्या वतीने कृषीमंत्री नरेंद्रसिंग तोमर यांना बैठकीसाठी निरीक्षक बनविण्यात आले. त्यांच्या उपस्थितीत धामी यांच्या नावाची घोषणा करण्यात आली आहे.

The post पुष्करसिंग धामी होणार उत्तराखंडचे नवे मुख्यमंत्री appeared first on थोडक्यात घडामोडी.

उत्तराखंड : ज्वालापूर विधानसभा मतदार संघाचे भाजप आमदार सुरेश राठौर यांच्या विरोधात बलात्काराचा गुन्हा दाखल करण्यात आला आहे. पक्षातील माजी सहकारी कार्यकर्त्या महिलेनेच राठौर यांच्याविरोधात ही तक्रार दाखल केली आहे. आमदार सुरेश राठौर यांनी हे आरोप पोलिसांनी याप्रकरणी तपास सुरु केला आहे.

पोलिसांनी सुरेश राठौर यांच्याविरोधात कलम 156(3), 376, 504, 506 अशा अनेक कलमान्वये गुन्हा दाखल करून घेतला आहे. हरिद्वारचे वरिष्ठ पोलिस आधिकारी अबुदई कृष्णराज यांनी या प्रकरणाचा तपास पोलिस करत असल्याची माहिती दिली आहे. दरम्यान, आमदार सुरेश राठौर यांनी आपल्यावरील सर्व फेटाळू लावले असून त्यांच्या जिवाला धोका असल्याचेही सांगितले आहे.

विशेष म्हणजे, काही दिवसांपूर्वी सुरेश राठौर यांनी याच महिला कार्यकर्त्याच्या पतीविरोधात 30 लाख रुपयांच्या खंडणीचा आरोप केला होता आणि याबाबत पोलिसांत तक्रार दाखल केली होती. महेश नेगी यांच्यानंतर राठोड हे उत्तराखंडमधील दुसरे आमदार आहेत, ज्यांच्यावर असे गंभीर आरोप लावण्यात आले आहेत. राठोड यांच्यावर फिर्यादीने बलात्कार आणि धमकावल्याचा आरोप केला आहे, अशी माहिती पोलिसांनी दिली.

The post भाजप आमदाराविरोधात बलात्काराचा गुन्हा दाखल appeared first on थोडक्यात घडामोडी.

उत्तराखंडच्या चमोली जिल्ह्यातील जोशीमठ सेक्टरच्या सुमना भागात पुन्हा हिमस्खलन झालं आहे. त्याच्या कचाट्यात सापडलेल्या 291 जणांना वाचवण्यात यश आलं आहे. भारतीय लष्कराच्या सेंट्रल कमांडने ही माहिती दिली आहे. दरम्यान याठिकाणी झालेल्या नुकसानासंदर्भात प्रशासनाकडे अद्याप कोणतीही माहिती नाही. मात्र एसडीआरएफ, एनडीआरएफ यांना घटनास्थळी रवाना करण्यात आले आहे.

भाबकुंडजवळ मलेरी महामार्गही बर्फामुळे बंद असल्याचे सांगण्यात आले. रस्ता बंद पडल्यामुळे बचाव दलही घटनास्थळी पोहोचू शकले नाही. रस्त्यावरून बर्फ हटवण्याचे काम सुरू आहे. भारत-चीन सीमेवर ही घटना घडली असून गृहमंत्री अमित शहा यांनी उत्तराखंडचे मुख्यमंत्री तीरथसिंग रावत यांना सर्वतोपरी मदत करण्याचे आश्वासन दिले आहे. गृहमंत्री अमित शहा यांनीही आयटीबीपीला सतर्क राहण्याचे निर्देश दिले आहेत. ही घटना घडल्यानंतर मुख्यमंत्री तीरथसिंग रावत यांनी सतर्कतेचा इशारा दिला आहे. जिल्हा प्रशासन आणि बीआरओ यांच्या संपर्कात राहून मुख्यमंत्री अपघातावर लक्ष ठेवून आहेत.

नीती घाटी के सुमना में ग्लेशियर टूटने की सूचना मिली है। इस संबंध में मैंने एलर्ट जारी कर दिया है। मैं निरंतर जिला प्रशासन और बीआरओ के सम्पर्क में हूँ।

— Tirath Singh Rawat (@TIRATHSRAWAT) April 23, 2021

The post Chamoli Glacier Burst : जोशीमठ येथे पुन्हा हिमस्खलन, 291 जणांना वाचवण्यात यश appeared first on थोडक्यात घडामोडी.

देहरादून : तीरथसिंग रावत आता उत्तराखंडचे मुख्यमंत्री असतील. त्यांच्या नावावर भाजप विधिमंडळातील सर्व आमदारांनी शिक्कामोर्तब केले. तीरथसिंग रावत मुख्यमंत्रीपदाची शपथ आज (बुधवार) संध्याकाळी घेतील अशी माहिती मिळत आहे. दरम्यान, या बैठकीत सर्व खासदारांना उपस्थित राहण्यास सांगण्यात आले होते. तत्पूर्वी मंगळवारी त्रिवेंद्रसिंग रावत यांनी मुख्यमंत्रीपदाचा राजीनामा दिला.

तीरथसिंग रावत उत्तराखंडच्या गढवाल लोकसभा मतदारसंघातील खासदार आहेत. ते उत्तराखंड भाजपचे अध्यक्षही राहिले आहेत, आता ते भाजपचे राष्ट्रीय सचिव आहेत.

कोण आहेत तीरथसिंग रावत ?

तीरथसिंग रावत 9 फेब्रुवारी 2013 ते 31 डिसेंबर 2015 पर्यंत उत्तराखंड भाजपचे प्रमुख राहिले आहेत. यापूर्वी ते २०१२ च्या विधानसभा निवडणुकीत चौबतखल येथून जिंकले होते. सध्या ते भाजपचे राष्ट्रीय सचिव आहेत. यापूर्वी ते उत्तर प्रदेश भारतीय जनता युवा मोर्चाचे उपाध्यक्षही होते. ते 1997 मध्ये उत्तर प्रदेशचे आमदार देखील होते. ते उत्तराखंडचे पहिले शिक्षणमंत्री राहिले आहेत. सध्या ते पौड़ी लोकसभेचे खासदार आहेत.

The post ब्रेकिंग : तीरथसिंग रावत होणार उत्तराखंडचे नवे मुख्यमंत्री appeared first on थोडक्यात घडामोडी.

नवी दिल्ली : उत्तराखंडच्या चमोली जिल्ह्यातील तपोवन भागात हिमनदी फुटल्यानं भीषण परिस्थिती निर्माण झाली आहे. या दुर्घटनेत १५ जणांचा मृत्यू झाला असून १५० पेक्षा जास्त जण अजूनही बेपत्ता असल्याची भीती व्यक्त होत आहे. दुर्घटनाग्रस्तांच्या मदतीसाठी भारतीय हवाईदलाकडून मदत पुरवण्यात येत आहे. जवळपास १३ गावांचा संपर्क अजूनही तुटलेला असल्याचं समोर आलं आहे. जिल्हा प्रशासनाकडून या भागात हेलिकॉप्टरच्या मदतीनं अन्न-धान्याची पाकिटं नागरिकांना पुरवण्याचा निर्णय घेण्यात आला आहे.

एनडीआरएफ आणि भारतीय हवाईदलाला संयुक्तपणे बचावकार्याची जबाबदारी देण्यात आली आहे. त्यानंतर भारतीय हवाईदलाकडून तीन हेलिकॉप्टर मदतीसाठी पाठवण्यात आले आहेत. यामध्ये दोन ‘एमआय १७’ आणि एका ‘एएलएच ध्रव’ या हेलिकॉप्टरचा समावेश आहे. रविवारी सकाळी रेस्क्यू ऑपरेशनसाठी भारतीय हवाईदलाकडून हे तिनही हेलिकॉप्टर ‘डिझास्टर रिलीफ टीम’सोबत देहरादूनहून जोशीमठासाठी रवाना झाले आहेत.

भारतीय हवाईदलाकडून गरज पडल्यास आणखी विमानांना मदतीसाठी तैनात करण्यात येईल. हवाईदलाच्या सी १३० आणि AN ३२ या एअरक्राफ्टच्या मदतीनं जॉली ग्रान्ट विमानतळाहून एनडीआरएफ कर्मचाऱ्यांना एअरलिफ्ट करण्यात आलं. भारतीय हवाईदलाकडून रविवारी सायंकाळी हिंडनहून सी १३० द्वारे ६० जवानांसहीत पाच टन भार एअरलिफ्ट करण्यात आला. तर जॉली ग्रँटवर तीन Mi -17 देखील तैनात करण्यात आले आहेत.

बचावकार्यासाठी भारतीय लष्कर, एसडीआरएफ, आयटीबीपी आणि भारतीय वायुसेनेसहीत इतरही सुरक्षा यंत्रणा तैनात करण्यात आलीय. रविवारी हिमनदी फुटल्याचं समजताच आयटीबीपी, एनडीआरएफ आणि एडीआरएफची टीम बचावकार्यात सक्रीय झाली होती. तर हवाईदलाला सतर्क राहण्याचे आदेश देण्यात आले होते.

आयएएफने दिलेल्या नुकसानीच्या अहवालानुसार, धौली गंगा आणि ऋषी गंगा यांच्या संगमावरील तपोवन हायड्रो इलेक्ट्रिक पॉवर धरण संपूर्णपणे नष्ट झाले आहे. मलेरी खोऱ्याच्या सुरूवातीला बांधलेले दोन पूलही नष्ट झाले आहेत. जोशीमठ आणि तपोवन यांना जोडणारा मुख्य रस्ता सुरक्षित आहे. तपोवनमधील बर्‍याच भागात प्रचंड नुकसान झालं आहे. पिपलकोटी, चमोली तसेच धौली गंगा आणि अलकनंदा हे भाग देखील प्रभावित झाले आहेत.

The post उत्तराखंड हिमनदी दुर्घटना : जवळपास १३ गावांचा संपर्क अजूनही तुटलेला, हेलिकॉप्टरमधून पुरवणार अन्न-धान्याची पाकिटं appeared first on थोडक्यात घडामोडी.

उत्तराखंडमधील तपोवन परिसरात हिमकडा कोसळल्याने प्रचंड विनाश झाला आहे. हिमकडा कोसळल्यानंतर रैनीसह अनेक गावांना याचा तडाखा बसला आहे. ऋषीगंगा प्रकल्प वाहून गेल्याची माहिती आहे. तपोवन ऊर्जा प्रकल्पाला देखील फटका बसला आहे.

केंद्र सरकारने उत्तराखंडमध्ये नेव्ही गोताखोरांनाही बचावासाठी पाठवले आहे. जेणेकरून ते नदीत चांगल्या प्रकारे मदतकार्य करू शकतील. तसेच आतापर्यंत एनडीआरएफच्या 5 टीम उत्तराखंड येथे पाठविण्यात आल्या आहेत.

राष्ट्रीय आपत्ती व्यवस्थापन समितीच्या बैठकीत केंद्रीय जल आयोगाने नदीची पाण्याची पातळी कमी होत असल्याची माहिती दिली आहे. केंद्रीय जल आयोगाने NCMC ला सांगितले की आजूबाजूच्या गावांना आता कोणताही धोका नाही. NCMC ने उत्तराखंडमध्ये केंद्र आणि राज्य सरकारच्या एजन्सींनी सतर्क राहण्याच्या सूचना दिल्या आहेत.

हवामान विभागाने राष्ट्रीय संकट व्यवस्थापन समितीला 2 दिवस पाऊस पडणार नाही, त्यामुळे बचावात कोणतीही अडचण येणार नाही, अशी माहिती दिली आहे. तसेच, पाण्याची पातळी सातत्याने कमी होत असल्यामुळे खालच्या गावांमध्ये देखील पूर येण्याचा धोका नाही.

DRDO चे हिमस्खलन तज्ञांचे पथकदेखील उत्तराखंडला गेले आहे. हिमस्खलन देखरेखीसाठी आणि आगाऊ चेतावणी देण्यासाठी डीआरडीओकडे एक विशेष पथक आहे. या डीआरडीओ पथकांना मदत, बचाव आणि नंतरच्या पुनर्वसन कार्यक्रमात मदतीसाठी पाठविण्यात आले आहे.

उत्तराखंडमधील चमोली जिल्ह्यात हिमनदी फुटल्यामुळे बर्‍याच प्रमाणात नाश झाला आहे. हिमनग फुटल्यामुळे धौलीगंगा नदीला पूर आला. पाणी वेगाने वाहत आहे. आजूबाजूच्या भागात पुराचे पाणी पसरण्याची शक्यता लक्षात घेऊन आजूबाजूच्या भागातून लोकांना बाहेर काढले जात आहे. ITBP, NDRF आणि SDRG ची अनेक पथके घटनास्थळी दाखल झाली आहेत. श्रीनगर, ऋषिकेश आणि हरिद्वार येथे अलर्ट जरी करण्यात आलेला आहे. उत्तराखंडचे मुख्यमंत्री त्रिवेंद्रसिंग रावत यांनी घटनास्थळी जाऊन परिस्थितीची माहिती घेतली आहे.

चमोलीतील तपोवन जवळ बोगद्यात अडकलेल्या सर्व 16 जणांना आयटीबीपीच्या जवानांनी वाचवले.

The post मोठी बातमी : आता उत्तराखंड दुर्घटनेत आसपासच्या गावांना धोका देत नाही, पाणीपातळी होतेय कमी appeared first on थोडक्यात घडामोडी.