मुंबई : देशातला मोठा बिस्कीट ब्रँड पार्ले-जी कंपनीच्या कार्यालयांवर आयकर विभागाने छापेमारी केली आहे. मुंबई आणि गुजरात राज्यातील काही कार्यालयांवर सकाळपासूनच छापेमारी सुरु झाली आहे. करचोरी प्रकरणामध्ये ही कारवाई सुरु आहे. आयकर विभागाने आज पार्ले प्रॉडक्ट्स प्रायव्हेट लिमिटेड, ज्याचे मुख्यालय मुंबईतील विले पार्ले येथे आहे आणि गुजरातच्या कच्छ येथील कंपनीच्या काही कारखान्यांवर अचानक छापे टाकले गेले आहेत.

पार्ले-जी कंपनीच्या कारखान्यांवर ही कारवाई आयकर विभागाच्या विदेशी संपत्ती युनिट आणि तपास पथकाने केली. ही छापेमारी कंपनीच्या वित्तीय व्यवहारांवर आणि विदेशी संपत्त्यांवरील माहिती मिळवण्यासाठी केली जात आहे. आयकर विभागाने अद्याप याबद्दल कोणतीही अधिकृत प्रतिक्रिया दिली नाही, परंतु सूत्रांच्या माहितीनुसार, विभाग कंपनीच्या आंतरराष्ट्रीय व्यवहारांची आणि करसंबंधी बाबींची तपासणी करत आहे.

पार्ले प्रॉडक्ट्स ही 1929 मध्ये स्थापन झालेली एक मोठी कंपनी आहे आणि गेल्या काही वर्षांत कंपनीच्या वित्तीय प्रदर्शनात मोठा वृद्धी झालेली आहे. 2023-24 या आर्थिक वर्षात कंपनीचा नफा 743.66 कोटी रुपयांहून वाढून 1606.95 कोटी रुपयांवर पोहोचला आहे. त्याचप्रमाणे, ऑपरेटिंग इन्कममध्ये 2% वाढ होऊन ती 14,349.4 कोटी रुपयांवर पोहोचली आहे, तर एकूण महसूल 5.31% वाढून 15,085.76 कोटी रुपयांवर गेला आहे.

आयकर विभागाने कंपनीच्या आर्थिक कागदपत्रांची सखोल तपासणी करण्यास सुरुवात केली आहे. पार्ले प्रॉडक्ट्सने या छाप्यातील कोणतीही अधिकृत माहिती अजून दिलेली नाही. मात्र, कंपनीने अशी माहिती दिली आहे की ते आयकर विभागाच्या तपासात पूर्ण सहकार्य करतील. आयकर विभागाचे काम पुढील तपासावर आधारित असू शकते.

The post पार्ले-जी कंपनीच्या कार्यालयांवर आयकर विभागाची छापेमारी appeared first on थोडक्यात घडामोडी.

नवी दिल्ली : आयकर विभागाकडून सोनू सूदच्या घरी आणि कार्यालयांवर छापेमारी करण्यात आली. त्यानंतर आता आयकर विभागाला सोनू सूदच्या आर्थिक व्यवहारांमध्ये सुमारे 250 कोटी रुपयांची अनियमितता आढळून आली आहे.

सोनू सूदवर अडीचशे कोटी रुपयांची आर्थिक अनियमितता केल्याचा आरोप आहे. यामध्ये त्याला चॅरिटीमध्ये मिळालेले फंड आणि बोगस करारांचा देखील समावेश आहे. विशेष गोष्ट म्हणजे सोनू सूदने संपूर्ण भारतभर देणग्या दिल्या आहेत. कर विभागाने सोनू सूदशी संबंधित एकूण 28 ठिकाणी छापे मारून तपास केला आहे. यामध्ये मुंबई, दिल्ली, लखनौ, जयपूर, कानपूर आणि गुरुग्राम यांचा समावेश आहे. सोनू सूदविरोधात करण्यात आलेला हा आतापर्यंतचा सर्वात मोठा तपास आहे.

सोनू सूदने क्राउड फंडिंगद्वारे 20 कोटी रुपयांचा निधी जमा केल्याचा आयकर विभागाचा दावा आहे. याशिवाय, त्याने बनावट करारांद्वारे 65 कोटी रुपये उभे केले आहेत आणि 175 कोटी रुपयांचे परिपत्रक आणि संशयास्पद व्यवहार केले आहेत. सोनू सूदकडून रोख रक्कम देखील जप्त करण्यात आली आहे. तसेच अशी अनेक कागदपत्रे जप्त करण्यात आली आहेत, ज्यावरून करचोरी केल्याचे दिसत आहे. आयकर विभागाचा तपास अजूनही सुरूच आहे.

सोनू सूद एक चित्रपट अभिनेता आहे. त्याने अनेक चित्रपटांमध्ये काम केले असून त्याच्या भूमिका प्रेक्षकांना चांगल्याच आवडल्या आहेत. त्याने लॉकडाऊनमध्ये लोकांना मदत केल्याबद्दल बरीच प्रशंसा मिळवली आहे. सोनू सूदवर करण्यात आलेल्या कारवाईमुळे त्याचे चाहते खूप नाराज झाले आहेत आणि सोशल मीडियावर सतत कमेंट करून आपले मत व्यक्त करत आहेत.

The post सोनू सूद अडचणीत! आयकर विभागाला आढळली सुमारे 250 कोटी रुपयांची आर्थिक अनियमितता appeared first on थोडक्यात घडामोडी.

नवी दिल्ली : केंद्र सरकारनं आधार क्रमांक पॅन क्रमांकाला जोडण्यासाठी पुन्हा एकदा मुदत वाढवली आहे. केलीय. आयकर विभागाच्या अधिकृत सोशल मीडिया हॅन्डलवरून ही माहिती देण्यात आलीय. आता, पॅन क्रमांक आधार क्रमांकाला जोडण्यासाठी ३० जूनपर्यंत मुदत देण्यात आलीय. त्यामुळे नागरिकांना दिलासा मिळालाय.

‘इन्कम टॅक्स इंडिया’ या ट्विटर हॅन्डलवरून एका ट्विटच्या माध्यमातून ही माहिती देण्यात आलीय. कोविड १९ संक्रमणादरम्यान नागरिकांना येणाऱ्या अडचणी लक्षात घेता आधार क्रमांक पॅन क्रमांकाला जोडण्यासाठी मुदत वाढविली जात असल्याचं म्हटलं गेलंय. ३१ मार्च २०२१ ऐवजी आता ३० जून २०२१ पर्यंत नागरिकांना कोणत्याही शुल्काशिवाय किंवा दंडाशिवाय आधार क्रमांक पॅन क्रमांकाला जोडता येणार आहे.

Central Government extends the last date for linking of Aadhaar number with PAN from 31st March, 2021 to 30th June, 2021, in view of the difficulties arising out of the COVID-19 pandemic.(1/2)@nsitharamanoffc@Anurag_Office@FinMinIndia

— Income Tax India (@IncomeTaxIndia) March 31, 2021

उल्लेखनीय म्हणजे, कोणत्याही दंडाशिवाय आधार आणि पॅन क्रमांक एकमेकांना लिंक करण्याचा शेवटचा दिवस असल्यानं नागरिकांची सरकारी अधिकृत वेबसाईटवर एकच झुंबड उडाली होती. नागरिकांनी आज शेवटच्या दिवशी सायबर कॅफे, महा ई-सेवा केंद्र आणि इंटरनेट सुविधा असलेल्या ठिकाणी पॅनकार्ड आधार जोडणीसाठी गर्दी केलेली दिसली. एकाच वेळी अनेक युझर्सनं लॉग इन केल्यानं आयकर विभागाचा सर्व्हर डाऊन झाला होता. त्यामुळे वेबसाईटवर आलेल्या नागरिकांच्या पदरी निराशाच पडली. परंतु, उद्या याच कामासाठी १००० रुपयांचा भुर्दंड भरावा लागणार असं वाटत असताना आयकर विभागाकडून पुन्हा एकदा नागरिकांना दिलासा मिळालाय.

उल्लेखनीय म्हणजे, या अगोदरही केंद्राकडून आधार आणि पॅन क्रमांक लिंक करण्यासाठी अनेकदा मुदतवाढ दिली गेलीय. गेल्या मंगळवारी २३ मार्च २०२१ रोजी लोकसभेत वित्त विधेयक २०२१ संमत करण्यात आलं होतं. यामध्ये आयकर कायदा १९६१ मध्या नवं कलम २३४ एच नुसार याविषयीची तरतूद करण्यात आलीय. यानुसार, पॅन क्रमांक आधारला लिंक नसेल तर व्यक्तीला १००० रुपयांपर्यंतच दंड ठोठावला जाऊ शकतो. याशिवाय त्या व्यक्तीला पॅन क्रमांक अवैध घोषित झाल्यामुळे इतर अडचणींचा सामना करावा लागू शकतो..

The post दिलासा : पॅनकार्ड-आधार लिंक करण्याच्या मुदतीत वाढ, या तारखे पर्यंत लिंक करता येणार appeared first on थोडक्यात घडामोडी.

मुंबई : दिग्दर्शक अनुराग कश्यप, अभिनेत्री तापसी पन्नू , दिग्दर्शक विकास बहल आणि मधू मंटेना यांच्यावर आयकर विभागाने काल छापेमारी केली. रात्रभर ही छापेमारी सुरु होती. यादरम्यान तापसी पन्नू आणि अनुराग कश्यप यांची पुण्यात चौकशीही झाली. आयकरची छापेमारी कायदेशीररित्या झाली आहे असं केंद्र सरकारने सांगितलं तर सूडबुद्धीने ही कारवाई केल्याचा आरोप काँग्रेस, राष्ट्रवादीने केला.

टॅक्स चोरीच्या प्रकरणात आयकर विभागाने ही छापेमारी केली आहे. अनुराग कश्यप, तापसी पन्नू , दिग्दर्शक विकास बहल, मधू मंटेना आणि फँटम फिल्मशी संबंधित लोकांवर छापेमारी करण्यात आली आहे. आयकर विभागाला माहिती मिळाली होती की फँटम सिनेमाच्या कमाईत टॅक्सची चोरी झाली होती. फँटम सिनेमात जो पैसा कमावला गेला त्याची योग्य माहिती देण्यात आलेली नाही.

आयकर विभागाच्या सूत्रांच्या माहितीनुसार, या छापेमारीत अनेक इलेक्ट्रॉनिक्स डिवाईस आणि कागदपत्रांची तपासणी करण्यात आली. टॅक्स चोरीच्या रकमेचं वाटप कसं झालं? यातून काय काय खरेदी करण्यात आलं किंवा मनी लॉण्ड्रिंगसाठी ही रक्कम परदेशात तर पाठवली गेली का? याची माहिती आयकर विभाग घेत आहे.

ब्रेकिंग : अभिनेत्री तापसी पन्नू आणि दिग्दर्शक अनुराग कश्यप यांच्या घरी आयकर विभागाचा छापा

आयकर विभागाने मुंबई, पुणे येथे 22 ठिकाणी छापेमारी केली. अनुराग कश्यपच्या फ्लॅटवरही छापा टाकण्यात आला. आयकर विभागाचं पथक फँटम फिल्मच्या कार्यालयातही गेलं होतं. आज देखील ही कारवाई सुरु राहू शकते.

मधू मंटेना यांच्या मुंबईतील घरावरही आयकर विभागाच्या अधिकाऱ्यांनी छापेमारी केली. मधू मंटेना यांची कंपनी क्वान टॅलेंट मॅनेजमेंटच्या अंधेरी येथील कॉमर्स सेंटरवरही आयकरच्या अधिकाऱ्यांनी छापेमारी केली. यानंतर क्वान कंपनीचे चार अकाऊंट्स सीज करण्यात आले.

आयकरच्या या छापेमारीवरुन राजकारण देखील सुरु झालं आहे. अनुराग कश्यप सोशल मीडियावर अॅक्टिव्ह आहे. अनेकदा त्याने केंद्र सरकारच्या कारभार धोरणावर टीका केली. यामुळेच्या आयकरच्या या कारवाईवर विरोधकांकडून प्रश्न उपस्थित केले जाता आहे.

The post अनुराग-तापसीची आयकर विभागाकडून कसून चौकशी, रात्रभर 22 ठिकाणी छापेमारी appeared first on थोडक्यात घडामोडी.

बॉलिवूड दिग्दर्शक अनुराग कश्यप, अभिनेत्री तापसी पन्नू आणि मधु मन्तेना यांच्या घरी आयकर विभागाने छापा टाकला आहे. इन्कम टॅक्सचे अधिकारी मधु मन्तेनाची टँक मॅनेजमेंट कंपनी क्वानच्या कार्यालयातही पोहोचले आहेत. फॅन्टम चित्रपटाच्या कर चुकवण्याच्या संदर्भात हा छापा टाकण्यात आल्याचं सांगण्यात येत आहे.

मिळालेल्या माहितीनुसार, कर चुकवल्याप्रकरणी इन्कम टॅक्स विभागाने फॅंटम चित्रपटांशी संबंधित लोकांवर छापे टाकले आहेत. यात अनुराग कश्यप, तापसी पन्नू, विकास बहल आदींचा समावेश आहे. तर इतर बर्‍याच जणांचा शोध सुरु आहे.

The post ब्रेकिंग : अभिनेत्री तापसी पन्नू आणि दिग्दर्शक अनुराग कश्यप यांच्या घरी आयकर विभागाचा छापा appeared first on थोडक्यात घडामोडी.

मुंबई : महाराष्ट्राचे मुख्यमंत्री उद्धव ठाकरे यांनी निवडणूक प्रतिज्ञापत्रात आपल्या संपत्तीबाबतची माहिती लपवली. प्रतिज्ञापत्रातील माहिती आणि प्रत्यक्ष कागदपत्रांची पडताळणी केली असता ती पूर्णसत्य नाही, याबाबत चौकशी करावी, अशी तक्रार भाजपचे माजी खासदार किरीट सोमय्या यांनी आयकर विभागाकडे सोमवारी केली.

मुख्यमंत्री उद्धव ठाकरे यांनी निवडणूक प्रतिज्ञापत्रात माहिती लपवली आहे. त्यांनी दडवलेल्या संपत्तीबाबत निवडणूक आयोगाकडे तक्रार केली आहे. तसेच आयकर विभागाचे महासंचालक भानुमती यांची भेट घेऊन ठाकरे यांच्या संपत्तीबाबत तक्रार केली असल्याचे सोमय्या यांनी सांगितले. ठाकरे यांनी संपत्तीचे खरेदी मूल्य चार कोटी ३७ लाख दाखवले आहे. करारामध्ये बाजारमूल्य चार कोटी १४ लाख रुपये आहे. तर खरेदी मूल्य दोन कोटी दहा लाख रुपये दिसून येते. त्यांच्या पत्नी रश्मी ठाकरे यांच्या अलिबाग जवळील जमिनीवरील बंगल्यांच्या संपत्तीचे बाजारमूल्य पाच कोटी २९ लाख रुपये आहे. त्यामुळे याबाबत चौकशी करावी, अशी मागणी सोमय्या यांनी केली.

I had 40 minutes discussion with Smt M V Bhanumathi DG Investigation ( Income Tax) on Concealment of Land/Properties by Shri Uddhav Thackeray Family. I submitted complaint & evidences (17 annexures 100 pages) Requested Investigation & Action@BJP4India @ChDadaPatil @Dev_Fadnavis pic.twitter.com/uScOgNpkBb

— Kirit Somaiya (@KiritSomaiya) February 8, 2021

The post मुख्यमंत्री उद्धव ठाकरें यांच्याविरोधात तक्रार… चौकशीची मागणी appeared first on थोडक्यात घडामोडी.