मुंबई : आमिर खान आणि किरण राव यांनी लग्नाच्या 15 वर्षानंतर घटस्फोट घेत असल्याचे जाहीर केले आहे. शनिवारी जाहीर केलेल्या संयुक्त निवेदनात त्यांनी सांगितले की ते त्यांचा मुलगा आझादसाठी सह-पालक म्हणून कायम राहतील.

बॉलिवूड अभिनेता आमिर खानचे दुसरे लग्नही मोडले आहे. आमिर खान आणि किरण राव हे दोघे परस्पर संमतीने घटस्फोट घेत आहे. 28 डिसेंबर 2005 रोजी या दोघांचे लग्न झाले. या दोघांनीही पंधरा वर्षानंतर ते घटस्फोट घेत असल्याचे सांगून सर्वांना चकित केले आहे. आमिर आणि किरण यांनीही घटस्फोटाबाबत अधिकृत निवेदन प्रसिद्ध केले आहे.

दोघांनी लिहिले, ‘आम्ही एकत्र 15 वर्षे व्यतीत केली, आम्ही प्रत्येक क्षण आनंदाने जगत होतो आणि आमच्या नात्यात विश्वास, आदर आणि प्रेम वाढतच गेले. आता आपण आपल्या जीवनात एक नवीन अध्याय सुरू करू, यापुढे आम्ही पती-पत्नी म्हणून एकत्र राहणार नाही. परंतु आम्ही मुलगा आझादसाठी सह-पालक म्हणून राहू. आम्ही काही काळापूर्वी आमच्या विभाजनाची योजना आखली होती आणि आता आम्ही स्वतंत्र राहण्याची सोय करतो आहोत. आम्ही मुलगा आझादचे सह-पालक म्हणून राहू आणि एकत्र त्याची काळजी घेऊ. आम्ही चित्रपटांसाठी आणि आपल्या पानी फाऊंडेशनसाठी एकत्र काम करत राहू.

ते पुढे म्हणाले कि, “आमच्या नातेसंबंधाबद्दल नेहमी समजून घेतल्याबद्दल आमच्या कुटुंबाचे आणि मित्रांचे आभार. हा घटस्फोट शेवट नसून एका नवीन प्रवासाच्या प्रारंभाच्या रुपात दिसेल. धन्यवाद आणि प्रेम, किरण आणि आमिर.”

The post ब्रेकिंग : आमिर खान आणि किरण राव यांचा घटस्फोट appeared first on थोडक्यात घडामोडी.

अभिनेता आमिर खानला कोरोनाची लागण झाली आहे. आमिर सध्या स्वतःच्या घरात विलगीकरणात आहे. आमिरच्या प्रवक्त्याने याबाबत माहिती दिली आहे.

आमिरच्या प्रवक्त्याने सांगितले कि, “आमिर खानला कोरोनाची लागण झाली आहे. सर्व प्रोटोकॉलचे पालन करीत तो घरीच विलगीकरणात आहे आणि तो ठीक आहे. अलिकडच्या काळात त्याच्या संपर्कात आलेल्या सर्वांनी खबरदारीचा उपाय म्हणून स्वत: ची चाचणी घ्यावी. तुमच्या सर्व शुभेच्छा आणि काळजीबद्दल धन्यवाद.”

The post ब्रेकिंग : आमिर खानला कोरोनाची लागण appeared first on थोडक्यात घडामोडी.

बॉलिवूड अभिनेता आमिर खानने आपल्या आगामी ‘लाल सिंह चड्ढा’ चित्रपटाच्या पूर्वी एक मोठा निर्णय घेतला आहे. हा चित्रपट प्रदर्शित होईपर्यंत आमिर खानने मोबाईलचा वापर न करण्याचा निर्णय घेतला आहे.

आमिरने आपल्या पुढील चित्रपटासाठी ही वेगळीच पद्धत अवलंबली आहे. फोन सतत त्याच्या कामात अडथळे निर्माण करत आहे, असं आमीरचं म्हणणं आहे. ‘लाल सिंह चड्ढा’ चित्रपटामध्ये त्याचा फोन अडथळा ठरू नये, म्हणून अभिनेत्याने हे पाऊल उचलले आहे.

आमिर खानचा हा चित्रपट देखील ख्रिसमसच्या दिवशी प्रदर्शित होईल. ‘लालसिंग चड्ढा’ मध्ये आमिर आणि करीना कपूर खान पुन्हा एकदा एकत्र दिसणार आहेत. या चित्रपटात मोना सिंग देखील महत्त्वपूर्ण भूमिका साकारत आहे. मोनाने 3 इडियट्समध्ये आमिर-करीनाबरोबरही काम केले आहे. या चित्रपटामध्ये हे तिघे पुन्हा एकदा प्रेक्षकांना एकत्र पाहायला मिळतील.

आमिर खानचे ख्रिसमस रिलीज चित्रपट कायमच हिट ठरले आहेत. पीके, दंगल, धूम 3, तारे जमीन पर आणि गजनी. आमिर या सर्व चित्रपटांमध्ये त्याच्या 100% योगदानासाठी ओळखला जातो. आता आमिर खान ‘लालसिंग चड्ढा’ चित्रपटावर पूर्णपणे लक्ष केंद्रित करत आहे. अशा परिस्थितीत आवश्यक गोष्टींना महत्त्व देत आणि मोबाईल पासून दूर राहून आमिरने पुन्हा एकदा सिद्ध केले आहे की त्याला मिस्टर परफेक्शनिस्ट म्हणून का मानले जाते.

The post आमिर खानने घेतला मोठा निर्णय, आमिर आता नाही वापरणार मोबाईल appeared first on थोडक्यात घडामोडी.