मुंबई : अभिनेत्री शिल्पा शेट्टीने मीडियाच्या विरोधात दावा दाखल केला होता. शिल्पा शेट्टीने मीडियाविरोधात दाखल केलेल्या बदनामीच्या दाव्यावर मुंबई उच्च न्यायालयात आज सुनावणी झाली. यावेळी न्यायालयाने म्हटले की शिल्पा शेट्टी यांनी केलेल्या दाव्याचा अर्थ वेगळा निघतो. हे आमच्याबद्दल चांगलं बोलणार नसाल तर काही बोलूच नका, असं मीडियाला सांगण्यासारखं आहे.

सध्या पॉर्न फिल्म प्रकरणी कोठडीत असलेला राज कुंद्राशी संबंधात अनेक बातम्या प्रसारमाध्यमांमध्ये येत आहेत. या प्रकरणात शिल्पाच्या सहभागाविषयी देखील काही माध्यमांनी संशय व्यक्त केला होता. त्यानंतर शिल्पा शेट्टीने मीडियाच्या विरोधात दावा दाखल केला होता. राज कुंद्रा प्रकरणातील चौकशीविषयी माझ्याविरोधात बदनामीकारक बातम्या दिल्या जात असून माझी प्रतिमा मलीन केली जात आहे. त्यामुळे प्रसारमाध्यमांना त्याविषयीच्या वार्तांकनाला मनाई करावी आणि संबंधित माध्यमांना भरपाई देण्याचा आदेश द्यावा, अशी विनंती शिल्पा शेट्टीने केली होती. त्यावर आज सुनावणी झाली.

‘प्रसारमाध्यमांमध्ये आलेल्या बातम्या या मुंबई पोलिसांच्या गुन्हे शाखेकडून मिळालेल्या माहितीवरून आहेत. त्याला आव्हान कसं दिलं जाऊ शकतं? तो बदनामीचा प्रकार कसा म्हटला जाऊ शकतो? हे म्हणजे शिल्पा शेट्टीविषयी काहीच बोलू नका, असं सांगण्यासारखं आहे. शिल्पा शेट्टी या सार्वजनिक जीवन जगत आहेत. त्यांच्याविषयीच्या बातम्यांमध्ये लोकांना स्वारस्य असते. प्रसारमाध्यमांनी राज कुंद्रा प्रकरणात झालेल्या चौकशीविषयी बातम्या प्रसिद्ध केल्या असतील तर त्याविषयी बदनामीचा दावा कसा होऊ शकतो?,’ असा प्रश्न न्यायालयाने उपस्थित केला. तसेच तुमच्या घरातील खासगी आयुष्याविषयी काही वार्तांकन झालं आणि ते बदनामीकारक असेल तर समजू शकतो. मात्र, तुम्ही सार्वजनिकरीत्या, तुमच्या घराबाहेर काही कृत्य केलं असेल तर त्याचं वार्तांकन प्रसारमाध्यमे करू शकत नाहीत, असं म्हणता येणार नाही. तुमच्या विनंतीवरून वार्तांकनावर बंदी घातल्यास प्रसारमाध्यमांच्या स्वातंत्र्यावर त्यांचा मोठा परिणाम होईल,’ असंही न्यायालयानं नमूद केलं आणि सुनावणी तहकूब केली.

The post हे म्हणजे शिल्पा शेट्टीविषयी काहीच बोलू नका सांगण्यासारखं – मुंबई उच्च न्यायालय appeared first on थोडक्यात घडामोडी.

मुंबई : अभिनेत्री शिल्पा शेट्टीचे पती राज कुंद्रा यांना अश्लील चित्रपट बनविण्याच्या प्रकरणात अटक करण्यात आली आहे. मुंबई पोलिसांनी सांगितले की, गुन्हे शाखेच्या प्रॉपर्टी सेलने आतापर्यंत अश्लील फिल्म बनविण्याच्या प्रकरणात राज कुंद्रा यांच्यासह एकूण 11 जणांना अटक केली आहे. व्यावसायिक राज कुंद्रा मंगळवारी मुंबई पोलिसांच्या गुन्हे शाखेत हजर झाल्यानंतर त्याला ‘अश्लील चित्रपट बनविणे आणि ते काही अ‍ॅप्सद्वारे प्रकाशित करणे’ या प्रकरणात अटक करण्यात आली.

मुंबई पोलिसांच्या गुन्हे शाखेने राज कुंद्राला मंगळवारी पहाटे जेजे रुग्णालयात वैद्यकीय तपासणीसाठी आणले होते. नंतर त्याला मुंबई पोलिस आयुक्तालयाच्या कार्यालयात नेण्यात आले. मुंबईचे पोलिस आयुक्त हेमंत नागराळे यांनी सांगितले कि, “या प्रकरणात राज कुंद्रा मुख्य सूत्रधार असल्याचे दिसते. आमच्याकडे याबाबत पुरेसे पुरावे आहेत.” नागराळे यांनी दिलेल्या निवेदनात म्हटले आहे की, “राज कुंद्रा हा मुख्य सूत्रधार असल्याचे दिसून येत असल्याने 19 जुलै 2021 रोजी आम्ही या प्रकरणात त्याला अटक केली आहे. आमच्याकडे या संदर्भात पुरेसे पुरावे आहेत. चौकशी सुरू आहे.”

फेब्रुवारी 2021 मध्ये मुंबईतील गुन्हे शाखेमध्ये अश्लील चित्रपट बनविण्याबद्दल आणि काही अ‍ॅप्सच्या माध्यमातून प्रकाशित केल्याबद्दल गुन्हा दाखल करण्यात आला होता. यापूर्वी मॉडेल आणि अभिनेत्री पूनम पांडे हिने राज कुंद्रा आणि त्याच्या साथीदारांवर आपल्या फोटोंचा गैरवापर केल्याचा आरोप केला होता. मात्र, राज कुंद्रा यांनी हे आरोप फेटाळून लावले होते. परंतु, यावेळी हे प्रकरण गंभीर असल्याचे दिसत आहे. पोलिसांचे म्हणणे आहे की राज कुंद्राविरोधात त्यांच्याकडे ठोस पुरावे आहेत. या प्रकरणात आतापर्यंत एकूण 11 जणांना अटक करण्यात आली आहे.

The post अश्लील चित्रपट बनविण्याच्या प्रकरणात राज कुंद्रा यांच्यासह 11 जणांना अटक, पोलिसांकडे ठोस पुरावे appeared first on थोडक्यात घडामोडी.

मुंबई : अभिनेत्री शिल्पा शेट्टीच्या कुटुंबियांना कोरोनाची लागण झाली आहे. तिने इन्स्टाग्रामवर आपल्या चाहत्यांना याची माहिती दिली. राज कुंद्रा, समिशा, वियान, तिची आई आणि सासू-सासरे यांना कोरोनाची लागण झाली आहे. शिल्पा म्हणाली की आता सर्वजण बरे होत आहेत.

शिल्पा शेट्टीने इंस्टाग्रामवर एक पोस्ट शेअर केली आहे ज्यात तिने ही माहिती दिली आहे. तिने सांगितले कि, “एक कुटुंब म्हणून आमच्यासाठी मागील 10 दिवस कठीण होते. माझ्या सासू-सासऱ्यांची कोविड -19 चाचणी पॉझिटिव्ह आली. त्यानंतर समिशा, वियान-राज, माझी आई आणि राज सर्वांची कोविड -19 चाचणी पॉझिटिव्ह आली. मार्गदर्शक सूचनांनुसार, ते सर्वजण त्यांच्या खोल्यांमध्ये विलगीकरणात आहेत आणि डॉक्टरांच्या सल्ल्याचे पालन करत आहेत. आमच्या घरातील कर्मचार्‍यांपैकी दोन सदस्यांनीही कोरोनाची लागण झाली आहे आणि त्यांच्यावर वैद्यकीय उपचार सुरू आहेत. देवाच्या कृपेने, सर्वजण बरे होण्याच्या मार्गावर आहेत. माझ्या चाचण्या नकारात्मक आल्या आहेत.”

 

View this post on Instagram

 

A post shared by Shilpa Shetty Kundra (@theshilpashetty)

The post अभिनेत्री शिल्पा शेट्टीच्या कुटुंबियांना कोरोनाची लागण appeared first on थोडक्यात घडामोडी.