ब्रेकिंग! भारतात आढळली ओमिक्रॉनची दोन प्रकरणे, केंद्रीय आरोग्य मंत्रालयाने दिली माहिती

एक चिंता वाढवणारी बातमी समोर आली आहे. भारतात ओमिक्रॉनची दोन प्रकरणे समोर आली आहेत. केंद्रीय आरोग्य मंत्रालयाने गुरुवारी भारतातील कोविड-19 परिस्थितीबद्दल अपडेट देताना सांगितले की देशात आतापर्यंत ओमिक्रॉनची दोन प्रकरणे नोंदवली गेली आहेत आणि दोन्ही प्रकरणे कर्नाटकातील आहेत.

कोरोनाच्या ओमायक्रोन या नव्या विषाणूने भारतात शिरकाव केल्याची माहिती समोर आली आहे. कर्नाटकात दक्षिण आफ्रिकेतून आलेल्या दोन जणांना ओमायक्रोनची लागण झाल्याची माहिती वैद्यकीय तपासातून समोर आली आहे. केंद्रीय आरोग्य मंत्रालयाने आज घेतलेल्या पत्रकार परिषदेत याबाबत माहिती दिली आहे. कर्नाटकात 66 आणि 46 वर्षांच्या दोन व्यक्तींना ओमायक्रोन विषाणूची लागण झाली आहे.

केंद्रीय आरोग्य मंत्रालयाने सांगितले की केरळ आणि महाराष्ट्र ही दोन राज्ये आहेत जिथे 10,000 पेक्षा जास्त सक्रिय प्रकरणे आहेत – देशातील 55% प्रकरणे या दोन राज्यांमध्ये नोंदवली आहेत.