Former Mumbai cop Param Bir Singh suspended
मुंबई : मुंबईचे माजी पोलीस आयुक्त परमबीर सिंग यांना महाराष्ट्र सरकारने गुरुवारी निलंबित केले. परमबीर आणि आणखी एका डीसीपी दर्जाच्या अधिकाऱ्यावर निलंबनाची कारवाई करण्याचे आदेश महाराष्ट्राच्या डीजीपींना पाठवण्यात आले आहेत. मुख्यमंत्री उद्धव ठाकरे यांनी सिंह यांच्या निलंबनाच्या फाईलवर स्वाक्षरी केली आहे.
अँटिलियाच्या बाहेर स्फोटके जप्त केल्यानंतर आणि ठाण्यातील व्यापारी मनसुख हिरेन यांच्या हत्येनंतर परमबीर सिंग यांच्यावर मुंबई आणि सॅटेलाइट टाउनमध्ये अनेक एफआयआर दाखल झाल्या आहेत. या प्रकरणी वरिष्ठ निरीक्षक प्रदीप शर्मा आणि सहाय्यक पोलिस निरीक्षक सचिन वाझे यांना अटक करण्यात आली होती आणि त्यानंतर गृहमंत्री अनिल देशमुख यांनी 100 कोटी रुपये वसूल करण्यास सांगितल्याचा आरोप परमबीर सिंग यांनी केला होता.
डीजीपी संजय पांडे यांनी परमबीर सिंग प्रकरणात दाखल केलेल्या एफआयआरमध्ये ज्यांची नावे आहेत, त्यांना निलंबित करण्याचा प्रस्ताव पाठवला होता. परंतु अतिरिक्त मुख्य सचिव (गृह) मनुकुमार श्रीवास्तव यांनी तो परत पाठवला होता, कारण त्यांना मुद्देसूद माहिती हवी होती. त्यानंतर सिंग आणि डीसीपी यांच्या निलंबनाचा प्रस्ताव मांडण्यात आला. बऱ्याच दिवसांपूर्वी गृहमंत्री दिलीप वळसे पाटील यांनी त्यास मंजुरी दिली होती, परंतु मुख्यमंत्र्यांच्या अंतिम मंजुरीची प्रतीक्षा होती. गुरुवारी सायंकाळपर्यंत अंतिम आदेश जारी केले जातील, अशी माहिती मिळाली आहे.
बीड : बीड जिल्ह्यात एक अत्यंत धक्कादायक आणि संतापजनक घटना समोर आली आहे. परळी तालुक्यातील…
मुंबई : देशातील हवामानात पुन्हा एकदा मोठे चढउतार पाहायला मिळत आहेत. हवामान विभागाने दिलेल्या ताज्या…
नाशिक : नाशिक जिल्ह्यातील निफाड परिसरात बेपत्ता झालेल्या एका परिचारिकेचा मृतदेह २४ दिवसांनी विहिरीत सापडल्याने…
नागपूर : ज्येष्ठ नेते व माजी मंत्री दत्ताभाऊ मेघे यांच्या निधनाचे वृत्त समजताच विदर्भात शोककळा…
पुणे : वाकड परिसरात २८ वर्षीय सॉफ्टवेअर इंजिनिअर महिलेची लग्नाच्या आमिषाने तब्बल ४२.६४ लाख रुपयांची…
मुंबई : २४ वर्षीय सागर गुप्ता या तरुणाचा मृत्यू झाला असून, त्याच्या हत्येप्रकरणी त्याच्या बहिणीचा…