गॅस सिलिंडरच्या किंमतीत पुन्हा वाढ, महिन्याच्या पहिल्याच दिवशी सर्वसामान्यांना महागाईचा झटका

मार्चच्या पहिल्याच दिवशी सर्वसामान्यांना महागाईचा मोठा धक्का बसला आहे. आज (सोमवार) पुन्हा एलपीजी सिलिंडरच्या किंमतीत 25 रुपयांची वाढ करण्यात आली. तीन दिवसांपूर्वीच या किंमतीत 25 रुपयांची वाढ करण्यात आली होती. एलपीजी सिलिंडरची किंमत आठवड्यात दोनदा वाढली आहे.

दिल्लीत एलपीजी सिलिंडरची किंमत 25 रुपयांनी वाढून 819 रुपये झाली आहे. गेल्या एका महिन्यात किंमतींमध्ये चार वेळा वाढ झाली आहे. तर 19 किलो कमर्शिअल गॅस सिलिंडरच्या किंमती 90.50 रुपयांनी वाढल्या आहेत.

दिल्लीत विनाअनुदानित १४.२ किलोच्या सिलिंडरची किंमत 819 रुपये झाली आहे. अगोदर ही किंमत 794 रुपये होती. गेल्या महिन्यात एलपीजीच्या किंमतीत तीन वेळा 100 रुपयांची वाढ झाली होती. गॅसची किंमत 4 फेब्रुवारीला 25 रुपये, त्यानंतर 14 फेब्रुवारीला 50 रुपयांनी आणि त्यानंतर 25 रुपयांनी वाढविण्यात आली आहे. डिसेंबरपासून एलपीजीच्या किंमतीत 225 रुपयांची वाढ झाली आहे.

दिल्लीत आता 14.2 किलो विना अनुदानित गॅस सिलिंडरची किंमत 794 वरून 819 रुपयांवर गेली आहे. आता दिल्लीत या सिलिंडरची किंमत 1614 रुपये झाली आहे. तर मुंबईत आता प्रति सिलिंडर 1563.50 रुपये इतका दर झाला आहे.

सरकारी तेल कंपनीच्या वेबसाइटवर जाऊन आपण गॅसची किंमत तपासू शकतो. कंपन्या दरमहा नवीन दर जारी करतात. https://iocl.com/Products/IndaneGas.aspx या लिंकवर जाऊन आपण आपल्या शहरातील गॅस सिलिंडर्सचे दर तपासू शकता.