घरगुती गॅस सिलेंडरच्या दरात पुन्हा वाढ, सर्वसामान्यांना आर्थिक ताण

नवी दिल्ली : घरगुती गॅस सिलेंडरच्या दरात पुन्हा एकदा 25 रुपयांची वाढ करण्यात आली आहे. आता ग्राहकांना 14.2 किलो वजनाच्या विना अनुदानित सिलेंडरसाठी 794 रुपये मोजावे लागणार आहे.

फेब्रुवारी महिन्यात तिसऱ्यांदा गॅस सिलेंडरच्या दरात वाढ झाली आहे. या अगोदर 4 फेब्रुवारीला विनाअनुदानित सिलेंडरच्या किंमतीत 25 रूपयांनी वाढ झाली होती. त्या नंतर 15 फेब्रुवारी रोजी 50 रुपयांची वाढ झाली होती. आता पुन्हा एकदा सिलेंडरच्या किंमतीत 25 रुपयांची वाढ करण्यात आली आहे.

मुंबईत घरघुती सिलेंडर आता 769 रूपयांवरून 794 रुपयांवर पोहचला आहे. चेन्नईमध्ये 810 रुपये तर कोलकातामध्ये सर्वाधिक म्हणजे 820 रुपयांवर पोहचला आहे. त्यामुळे पेट्रोल-डिझेल आणि सिलेंडरच्या किंमती वाढल्यामुळे सर्वसामान्यांना आर्थिक अडचणींना सामोरं जावं लागत आहे.