जपानचे माजी पंतप्रधान शिंजो आबे यांचे निधन, उद्या भारतात राष्ट्रीय दुखवटा जाहीर

नवी दिल्ली : जपानचे माजी पंतप्रधान शिंजो आबे यांचे निधन झाले आहे. पंतप्रधान नरेंद्र मोदी यांनी 9 जुलै रोजी शिंजो आबे यांच्या अकाली निधनाबद्दल भारतात एक दिवसीय दुखवटा जाहीर केला. शिंजो आबे यांच्यावर जपानच्या नारा प्रदेशात प्रचारादरम्यान गोळीबार करण्यात आला, त्यानंतर त्यांच्यावर रुग्णालयात उपचार सुरु असताना त्यांचा मृत्यू झाला.

पंतप्रधान मोदींनी शिंजो आबे (वय 67) यांच्या निधनाबद्दल शोक व्यक्त केला आणि माजी जपानी पंतप्रधानांनी जगाला एक चांगले स्थान बनवण्यासाठी त्यांचे जीवन कसे समर्पित केले ते सांगितले. संरक्षण मंत्री राजनाथ सिंह देखील त्यांच्या दुःखात सहभागी झाले आणि म्हणाले, “भारताने आज एक जवळचा मित्र गमावला आहे”.