मोठी बातमी : सबमरीन INS करंज नेव्हीमध्ये सामील, शत्रूच्या प्रदेशात असूनही लागणार नाही सुगावा

स्कॉर्पिअन क्लास मधील सबमरीन (पाणबुडी) INS करंज आज (१० मार्च) भारतीय नौदलाच्या ताफ्यात दाखल झाली. मुंबईतील नेव्हल डॉकयार्ड मध्ये एका कार्यक्रमादरम्यान INS करंजला सामील करण्यात आले. नौदल प्रमुख अ‍ॅडमिरल करमबीर सिंह आणि ऍडमिरल (निवृत्त) व्ही.एस. शेखावत हेदेखील यावेळी उपस्थित होते. मेक इन इंडिया मोहिमेचे हे एक अतिशय मोठे यश मानले जात आहे. या सबमरीनचे वैशिष्ट्य म्हणजे ही सबमरीन मिशन दरम्यान शत्रूच्या प्रदेशात असली तरीदेखील शत्रूला याचा सुगावा लागणार नाही.

INS करंजची वैशिष्ट्ये :

1. INS करंजची लांबी सुमारे 70 मी. आणि उंची 12 मी. आहे. तिचे वजन सुमारे 1600 टन आहे.
2. ही सबमरीन क्षेपणास्त्र आणि टॉर्पेडोने सुसज्ज आहे. या सबमरीनमध्ये समुद्राच्या आतच माईन्स पसरवून शत्रूला उध्वस्त करण्याची क्षमता आहे.
3. या सबमरीनचे खास वैशिष्ट्य हे आहे की ती आवाज न करता शत्रूचे नुकसान करू शकते. तसेच रडाराच्या देखील पकडीत येत नाही, त्यामुळे शत्रूला या सबमरीनचा सुगावा देखील लागत नाही.
4. ही सबमरीन दीर्घकाळ पाण्याखाली राहून भारतीय नौदलाला समुद्रात मजबूत स्थिती देईल.
5. INS करंज ही एक डिझेल इलेक्ट्रिक पाणबुडी आहे. या सबमरीनला समुद्राखाली शोधणे अवघड आहे.