योगा दिनानिमित्त आज ताजमहाल आणि इतर स्मारकांमध्ये पर्यटकांसाठी मोफत प्रवेश

आंतरराष्ट्रीय योगा दिवस २०२२ : आजच्या 8 व्या आंतरराष्ट्रीय योगा दिनानिमित्त, आग्राच्या प्रसिद्ध वास्तू: आग्रा किल्ला आणि ताजमहाल येथे अभ्यागतांकडून प्रवेश शुल्क आकारले जाणार नाही. भारतीय पुरातत्व सर्वेक्षण (ASI) अधिकाऱ्यांनी सोमवारी ही घोषणा केली.

ASI (आग्रा सर्कल) चे अधीक्षक पुरातत्वशास्त्रज्ञ राजकुमार पटेल यांनी वृत्तसंस्थेला सांगितले की, “आंतरराष्ट्रीय योग दिनानिमित्त, आग्रा सर्कलमधील ताजमहाल, आग्रा किल्ला, फतेहपूर सिक्री आणि संपूर्ण भारतातील इतर ASI-संरक्षित स्मारकांमध्ये पर्यटकांसाठी मोफत प्रवेश तिकिटे असतील. सर्व पर्यटक, भारतीय आणि परदेशी यांच्यासाठी संपूर्ण दिवस प्रवेश विनामूल्य असेल.”

2015 पासून दरवर्षी 21 जून हा आंतरराष्ट्रीय योग दिवस म्हणून पाळला जातो. भारताला स्वातंत्र्याचे 75 वे वर्ष पूर्ण होत असल्याने, आंतरराष्ट्रीय योग दिनाचा उत्सव हा या वर्षीचा अधिक विशेष कार्यक्रम असेल. सध्या सुरू असलेल्या स्वातंत्र्याचा अमृत महोत्सव सोहळ्यांसह संपूर्ण जगभर भव्य पद्धतीने उत्सव साजरे केले जातील.