माता वैष्णो देवी भवनाजवळ भीषण आग, बचावकार्य सुरू

माता वैष्णो देवीच्या दरबारात भीषण आग लागली आहे. कालिका भवनाजवळ काउंटर क्रमांक दोन जवळ आग पसरली आहे. बचावकार्य सुरू असून आगीवर नियंत्रण मिळवण्यासाठी युद्धपातळीवर प्रयत्न सुरु आहेत. ज्या ठिकाणी आग लागली आहे, तेथून नैसर्गिक गुहेचे अंतर सुमारे शंभर मीटर आहे.

मिळालेल्या माहितीनुसार, व्हीआयपी गेटजवळ शॉर्ट सर्किटमुळे आग लागली. अचानक आगीने रौद्ररूप धारण केले. घटनेची माहिती मिळताच अग्निशमन दलाचे जवान घटनास्थळी दाखल झाले, आग आटोक्यात आणण्याचे प्रयत्न सुरु आहेत.