dcgi approves trial of covaxin on 2 to 18 years age in the country start soon
नवी दिल्ली : भारताने कोरोना संसर्गाविरुद्धच्या लढ्यात आणखी एक पाऊल पुढे टाकले आहे. २ ते 18 वयोगटातील मुलांवर होणाऱ्या कोरोना लसीच्या ट्रायलला आज मान्यता देण्यात आली आहे. ड्रग्स कंट्रोलर जनरल ऑफ इंडियाने (DCGI) देशातील 2 ते 18 वर्षे वयोगटातील मुलांवर कोव्हॅक्सिन लसीच्या चाचणीच्या दुसऱ्या आणि तिसऱ्या टप्प्यास मान्यता दिली आहे. भारत बायोटेक लवकरच आपल्या कोव्हॅक्सिन कोरोना लसीची ट्रायल 525 निरोगी स्वयंसेवकांवर करणार आहे. दरम्यान, पहिल्या आणि दुसर्‍या लसीचा डोस 28 दिवसांच्या अंतराने दिला जाईल.
२ ते 18 वर्षे वयोगटातील मुलांवर कोव्हॅक्सिनच्या सुरक्षा आणि प्रतिकारशक्तीचे मूल्यांकन करण्याची परवानगी हैदराबाद येथील भारत बायोटेकने मागितली होती. सेंट्रल ड्रग्स स्टँडर्ड कंट्रोल ऑर्गनायझेशन (CDSCO) च्या सब्जेक्ट एक्सपर्ट कमिटीने (SEC) भारत बायोटेकच्या अर्जावर व्यापक चर्चेनंतर चाचणीला मान्यता दिली. तथापि, SEC ने एक अट ठेवली आहे की तिसर्‍या टप्प्यातील ट्रायल सुरू करण्यापूर्वी भारत बायोटेक फेज II च्या क्लिनिकल ट्रायलच्या सुरक्षेचा अंतरिम डेटा CDSCO ला प्रदान करेल.
भारत बायोटेकने इंडियन काउंसिल ऑफ मेडिकल रिसर्च (ICMR) च्या सहकार्याने कोव्हॅक्सिन लस विकसित केली आहे. कंपनी त्याचे उत्पादन आणि विपणनही करीत आहे. भारतात, लसीकरण मोहिमांमध्ये सीरम इन्स्टिट्यूटच्या कोविशील्ड बरोबरच कोव्हॅक्सिनचा वापरही केला जात आहे.
सध्या भारतात कोरोनाची दुसरी लाट चालू आहे. या लाटेने देशातील आरोग्य यंत्रणा कोलमडली आहे. अनेकजणांचा मृत्यू होत आहे. अशा परिस्थितीत तज्ञांनी असा इशारा दिला आहे की भारतात कोरोनाची तिसरी लाटही येणार असून त्याचा सर्वाधिक परिणाम मुलांवर होईल. या इशाऱ्यानंतर सुप्रीम कोर्टाने केंद्र सरकारला तिसऱ्या लाटेच्या तयारीबाबत प्रश्न विचारला. अनेक राज्य सरकारांनी आधीच मुलांसाठी स्वतंत्र रुग्णालय बांधण्याचे काम सुरू केले आहे. तथापि, सर्व आशा लसीवरच अवलंबून आहेत.
पुणे : स्वातंत्र्यदिनाच्या निमित्ताने पुणे महानगरपालिकेच्या वतीने आयोजित विशेष सत्कार समारंभात व्यसनमुक्ती अभ्यासक व सामाजिक…
बारामती : पुणे जिल्ह्यातील बारामती शहरात तरुणीचा अकस्मात आणि संशयास्पद मृत्यू झाल्याप्रकरणी तिच्या आईने दिलेल्या…
नाशिक : शनिवारी (दि. ८) झालेल्या महासभेत स्मार्टसिटी कंपनी आणि ‘एमएनजीएल’मुळे शहरातील रस्त्यांची झालेली दुरवस्था…
पुणे : पारी टॉवर्स सहकारी गृहरचना संस्था मर्यादित, नऱ्हेच्या संचालक मंडळाच्या पंचवार्षिक निवडणुकीत ‘उघडलेले पुस्तक’…
हिंगोली : हिंगोली जिल्ह्यात घडलेल्या एका गंभीर घटनेने सार्वजनिक आरोग्य व्यवस्थेवरील विश्वास पुन्हा एकदा डळमळीत…
बुलढाणा : केंद्र सरकारच्या फुड स्ट्रीट योजने अंतर्गत विदर्भातील शेगांव आणि मराठवाडा विभागातील शिर्डी येथे…