नवजात बाळ ट्रेमध्ये, बापाकडे ऑक्सिजन सिलेंडर… दुःखद

बिहारमध्ये राजपूरमधील सखुआना येथे एक मन सुन्न करणारी घटना घडली आहे. एक गर्भवती महिलेला प्रसुतीकळा सुरू होताच महिलेच्या पतीनं तीला रूग्णालयात दाखल केलं. मात्र महिलेची परिस्थिती खालावली असल्यानं डाॅक्टरांनी प्रसूती करण्यास साफ नकार दिला.

महिलेच्या पतीनं तीला दुसऱ्या रूग्णालयात दाखल केल्यानंतर तीची सुखरूप प्रसूती झाली. मात्र बाळाची प्रकृती फारच नाजूक झाली. या हाॅस्पिटलच्या डाॅक्टरांनी बाळाला ट्रेमध्ये ठेवत, पतीच्या हातात ऑक्सिजन सिलेंडर दिला. दुसऱ्या दवाखान्यात बाळाला घेऊन जा असा सल्ला डाॅक्टरांनी दिला. बाळाला तसंच ट्रेमध्ये घेऊन या दाम्पत्यानं धावाधाव केली, मात्र वेळेत उपचार न मिळाल्यानं या बाळाचा दुःखद मृत्यू झाला. या दाम्पत्याचा बाळाला ट्रेमधून घेऊन जातानाचा फोटो सध्या सोशल मीडियावर मोठ्या प्रमाणात व्हायरल होत आहे.