बेंगळुरूहून जयपूरला जाणाऱ्या इंडिगोच्या विमानात झाला बाळाचा जन्म

बेंगळुरूहून जयपूरला जाणाऱ्या इंडिगोच्या विमानात एका मुलीचा जन्म झाला. बोर्डवरील डॉक्टर आणि कर्मचाऱ्यांच्या मदतीने या महिलेची प्रसूती करण्यात आली. तसेच जयपूर विमानतळावर तात्काळ याबाबत सूचना देऊन तिथे डॉक्टर आणि रुग्णवाहिकेची व्यवस्था करण्यास सांगितले.

महिलेला त्रास सुरु झाल्यानंतर तात्काळ मदतीसाठी हालचाली करण्यात आल्या. लगेचच सर्व व्यवस्था करण्यात आली. दरम्यान, प्रसूती करण्यात डॉ. सुभाना नजीर यांनी मदत केली. तसेच विमानातील कर्मचार्‍यांनी हे सर्व योग्य प्रकारे हाताळलं आणि या महिलेची प्रसूती व्यवस्थित झाली. आई आणि बाळ दोघेही व्यवस्थित असल्याची माहिती मिळाली आहे.