जम्मू-काश्मीरमध्ये दहशतवादी हल्ल्यात २ जवान शहीद, ५-६ जखमी

जम्मू-काश्मीर : जम्मू-काश्मीरच्या कुलगाम येथे भारतीय सैन्य आणि दहशतवाद्यांमध्ये सध्या जोरदार चकमक सुरू आहे. या संघर्षात भारतीय सैन्याचे दोन जवान वीरमरणास पोहोचले आहेत, तर ५ ते ६ जवान जखमी झाल्याची माहिती मिळाली आहे. भारतीय सैन्याने प्रत्युत्तरात एका दहशतवाद्याचा खात्मा केल्याचे समोर आले आहे.

सध्या सुरक्षा दल दुर्गम जंगलातील परिसरात दहशतवाद्यांचा शोध घेत आहेत. यासाठी ड्रोन, हेलिकॉप्टरसह सर्व आवश्यक साधनांचा वापर करण्यात येत आहे. ही चकमक सुरूच असून सैन्यकडून परिस्थितीवर काटेकोर लक्ष ठेवण्यात आले आहे.

कुलगामच्या अलाख भागात दहशतवाद्यांशी हा संघर्ष आज नवव्या दिवशीही सुरू आहे. रात्रभर या भागातून गोळीबाराचे आवाज ऐकू येत होते. शहीद झालेले जवान हे वीर लेफ्टनंट कर्नल प्रीतपाल सिंग आणि सिपाही हरमिंदर सिंग आहेत.

आतापर्यंत झालेल्या चकमकीत एका दहशतवाद्याचा मृतदेहही मिळाला आहे. या दुर्गम जंगलात तीन ते चार दहशतवाद्यांनी नैसर्गिक गुहांचा आसरा घेतला होता. गेल्या ९ दिवसांपासून हे दहशतवादी भारतीय सैन्यावर हल्ले करत आहेत, ज्यावरून त्यांच्याकडे मोठ्या प्रमाणात दारुगोळा असल्याचे स्पष्ट झाले आहे.

सुरक्षाबळ या घटनेचा निषेध करत लवकरात लवकर दहशतवाद्यांविरुद्ध कडक कारवाई करत आहेत. या भागातील सुरक्षा परिस्थिती नियंत्रणात ठेवण्यासाठी मोठ्या प्रमाणात सैन्य तैनात करण्यात आले आहे.