अल्पवयीन प्रेयसीचा गर्भपात करण्यासाठी प्रियकराने दिले चुकीचे औषध…

ठाणे : अल्पवयीन प्रेयसीचा गर्भपात करण्यासाठी प्रियकराने तिला चुकीचे औषध दिल्यामुळे प्रेयसीची प्रकृती बिघडली व ही बाब तिच्या कुटुंबीयांपुढे आली. त्यानंतर बालकांचे लैंगिक आजारापासून संरक्षण कायद्याच्या विविध कलमांतर्गत गुन्हे दाखल करून प्रियकराला पोलिसांनी अटक केली आहे.

पोलिस दिलेल्या माहिती नुसार, शुभम छोटू कटरे (वय २४, रा. मौदा) याची सतरावर्षीय मुलीशी ओळख झाली.  १ जानेवारी २०२० ते १ फेब्रुवारी २०२१ या दरम्यान त्याने तिच्यावर अनेकदा अत्याचार केल्याचा आरोप या अल्पवयीन मुलीने केला आहे.  यातून तिला गर्भधारणा झाली. ती तीन महिन्यांची गर्भवती असल्याचे शुभमला समजले. यामुळे आपले बिंग फुटणार, हे लक्षात येताच त्याने तिचा गर्भपात करण्याचे ठरविले. त्यासाठी त्याने तिला औषध आणून दिले. या औषधांमुळे या मुलीची प्रकृती अचानक ढासळली. अखेर हा प्रकार या मुलीच्या कुटुंबीयांपुढे आला.

बिघडलेली प्रकृती लक्षात घेता तिचा गर्भपात करणे अत्यावश्यक झाले होते. अखेर तिच्या संमतीने भंडारा येथील सामान्य रुग्णालयात तिचा गर्भपात करण्यात आला. या मुलीने दिलेल्या तक्रारीच्या आधारावर पोलिसांनी शुभमवर बालकांचे लैंगिक आजारापासून संरक्षण कायद्याच्या विविध कलमांतर्गत गुन्हे दाखल केले. त्यानंतर त्याला अटक करण्यात आली.