डॉ. शीतल आमटे यांना नेमकं काय सांगायचं होतं? आत्महत्येपूर्वी त्यांनी केलेलं ट्विट चर्चेत

डॉ. शीतल आमटे यांनी विषाचे इंजेक्शन घेत आत्महत्या केली. कुष्ठरोग्यांच्या आयुष्यात आनंद पेरणाऱ्या आनंदवनमध्येच ही धक्कादायक घटना घडल्याने सामाजिक वर्तुळात खळबळ निर्माण झाली आहे. डॉ. शीतल आमटे या सध्या मानसिक ताण व नैराश्याचा सामना करीत होत्या, अशी देखील चर्चा आहे. परंतु, त्यांनी आत्महत्येच्या काही तास अगोदर ‘वॉर अँड पीस’ असं लिहीत कॅनव्हासवरील एक चित्र ट्विट केलं होतं. यातून त्यांना नेमकं काय सांगायचं होतं, याबद्दल चर्चा होत आहे.