भिवंडीत शेजारील घराचा भाग कोसळल्याने एका महिलेचा मृत्यू, 2 जण जखमी

ठाणे : ठाणे जिल्ह्यातील भिवंडी शहरात रविवारी सकाळी एका शेजारील घराचा भाग कोसळल्याने एका महिलेचा मृत्यू झाला आणि इतर दोन जण जखमी झालेआहेत, याबाबत नागरी अधिकाऱ्यांनी माहिती दिली. ही घटना आज सकाळी सहाच्या सुमारास घडली.

एका मशिदीच्या शेजारी असलेल्या घरावर एकमजली घराची बाल्कनी कोसळली, अशी माहिती ठाणे महापालिकेच्या प्रादेशिक आपत्ती व्यवस्थापन कक्षाचे (RDMC) प्रमुख अविनाश सावंत यांनी दिली. शेजारील घराची बाल्कनी ज्या घरावर कोसळली त्या घरातील रहिवासी गुलशन सगीर अन्सारी (४५) यांचा जागीच मृत्यू झाला. तर सगीर अन्सारी (४५) आणि मेहताब अन्सारी हे दोघे जखमी झाले.

घटनेची माहिती मिळाल्यानंतर, स्थानिक अग्निशमन दलाचे कर्मचारी आणि आरडीएमसीचे एक पथक घटनास्थळी दाखल झाले आणि त्यांनी मदत आणि बचाव कार्य केले. मृतदेह शवविच्छेदनासाठी शासकीय रुग्णालयात पाठवण्यात आला. जखमींना सुरुवातीला स्थानिक रुग्णालयात दाखल करण्यात आले आणि नंतर उपचारासाठी मुंबईतील वैद्यकीय सुविधेत हलवण्यात आले. स्थानिक पोलीस या घटनेचा तपास करत आहेत.