ब्रेकिंग! ठाकरे गटाला मोठा धक्का, निवडणूक आयोग ठरवणार खरी शिवसेना कोणती…

नवी दिल्ली : खरी शिवसेना कोणती हे ठरवण्यापासून निवडणूक आयोगाला रोखण्यास सर्वोच्च न्यायालयाने नकार दिला आहे. एकनाथ शिंदे गटाची खरी शिवसेना असल्याचा दावा निकाली काढण्यापासून निवडणूक आयोगाला रोखण्यास सर्वोच्च न्यायालयाने मंगळवारी नकार दिला. दिवसभर चाललेल्या सुनावणीनंतर न्यायालयाच्या घटनापीठाने उद्धव ठाकरे गटाने दाखल केलेला स्थगिती अर्ज फेटाळून लावला.

“भारतीय निवडणूक आयोगासमोरील कार्यवाहीला स्थगिती दिली जाणार नाही, असे आम्ही निर्देश देतो. त्यानुसार, इंटरलोक्युटरी अर्ज फेटाळला जातो”, असा आदेश खंडपीठाने दिला. केंद्रीय निवडणूक आयोगासमोरील कार्यवाहीला स्थगिती नसेल, असं सुप्रीम कोर्टाचे न्यायमूर्ती धनंजय चंद्रचूड यांच्या नेतृत्वाखालील पाच न्यायमूर्तींच्या पूर्णपीठाने सुनावणीअंती दिलेल्या आदेशात स्पष्ट केलं आहे.