भरधाव कार पुलाखाली पडून भीषण अपघात, सुधीर मुनगंटीवार यांची बहीण आणि भावोजी यांचा जागीच मृत्यू

भाजपाचे ज्येष्ठ नेते आणि आमदार सुधीर मुनगंटीवार यांची चुलत बहीण आणि भावोजी यांचा अपघातात मृत्यू झाला. बुधवारी सायंकाळी त्यांची भरधाव वेगाने जाणारी कार पुलाखाली पडून भीषण अपघात झाला. मृत दाम्पत्य पुसद येथून पुण्याला मुलाला भेटण्यासाठी निघाले होते. तिंतरवणी येथे ही गाडी भरधाव असल्याने पुलाखाली पडून अपघात झाला. यामध्ये दोघे पती पत्नी जागीच ठार झाले. या घटनेची माहिती मिळाल्यानंतर पोलिसांनी घटनास्थळी धाव घेतली.

मिळालेल्या माहितीनुसार, बुधवारी गेवराई तालुक्यातील चकलांबा गावानजीक भरधाव कार पुलावरुन खाली पडून भीषण अपघात झाला. अपघातामध्ये ममता तगडपल्लेवार आणि विलास तगडपल्लेवार या दाम्पत्यांचा मृत्यू झाला आहे. मृत दाम्पत्य भाजपाचे विद्यमान आमदार सुधीर मुनगंटीवार यांची चुलत बहीण व भावोजी असल्याची माहिती मिळाली आहे.