Police raid bust of sex racket, arrest one along with three women
पुणे : साळुंके विहार परिसरात वेश्या व्यवसाय चालवणाऱ्या मसाज सेंटरवर गुन्हे शाखेच्या सामाजिक सुरक्षा कक्षाने छापा टाकला. या प्रकरणातील पाच आरोपींवर कारवाई करत चार तरुणींची वेश्याव्यवसायातून सुटका करण्यात आली आहे.
वानोरी पोलीस ठाण्याच्या हद्दीतील साळुंके विहारच्या वरच्या भागात ‘गोल्डन टच स्पा’ नावाचे मसाज सेंटर आहे. या मसाज सेंटरमध्ये स्पाच्या नावाखाली वेश्याव्यवसाय सुरू असल्याची माहिती पोलिसांना मिळाली. त्यानुसार सामाजिक सुरक्षा विभागाच्या पथकाने बनावट ग्राहक पाठवून माहिती गोळा केली. यावेळी पीडित तरुणी मसाजच्या नावाखाली ग्राहकांकडून जादा पैसे उकळून वेश्या व्यवसाय करत असल्याचे निष्पन्न झाले.
त्यानुसार पोलिसांनी स्पा सेंटरवर कारवाई करत स्पा मालक, स्पा सहकर्मचाऱ्यांसह डे मॅनेजरसह वानवरी पोलिसात PITA कायद्यान्वये कलम ३, ४, ५ आणि ७ प्रमाणे गुन्हा दाखल केला आहे. सुटका करण्यात आलेल्या मुलींमध्ये एक छत्तीसगड, एक पश्चिम बंगाल आणि दोन महाराष्ट्रातील आहेत. सदर गुन्ह्यात रोख रकमेसह एकूण १७ हजार रुपये किंमतीचा मुद्देमाल जप्त करण्यात आला आहे.
स्पा मॅनेजर झरना उर्फ पिंकी गौतम मंडल (वय 27, रा. कोंढवा, पुणे, मूळचा पश्चिम बंगाल) आणि मॅनेजर सुमित अनिल होनखंडे (वय 21, रा. कोंढवा, पुणे) अशी अटक करण्यात आलेल्यांची नावे आहेत. या प्रकरणी स्पा मालक रचना संताेष साळुंखे (रहिवासी येवलेवाडी, पुणे), सार्थक लोचन गिरमे (रहिवासी वानवडी, पुणे) आणि लोचन अनंता गिरमे (पुणे) यांच्याविरुद्ध गुन्हा दाखल करण्यात आला आहे. या तिघांचा पोलीस शोध घेत आहेत.
शिबलापूर : समाजहिताची जाणीव जपत आणि शिक्षणाला हातभार लावण्याच्या उद्देशाने, महाराष्ट्र शासनाकडून प्रदान करण्यात आलेल्या…
बीड : बीड जिल्ह्यात एक अत्यंत धक्कादायक आणि संतापजनक घटना समोर आली आहे. परळी तालुक्यातील…
मुंबई : देशातील हवामानात पुन्हा एकदा मोठे चढउतार पाहायला मिळत आहेत. हवामान विभागाने दिलेल्या ताज्या…
नाशिक : नाशिक जिल्ह्यातील निफाड परिसरात बेपत्ता झालेल्या एका परिचारिकेचा मृतदेह २४ दिवसांनी विहिरीत सापडल्याने…
नागपूर : ज्येष्ठ नेते व माजी मंत्री दत्ताभाऊ मेघे यांच्या निधनाचे वृत्त समजताच विदर्भात शोककळा…
पुणे : वाकड परिसरात २८ वर्षीय सॉफ्टवेअर इंजिनिअर महिलेची लग्नाच्या आमिषाने तब्बल ४२.६४ लाख रुपयांची…